海港薈 (康怡廣場北座)

Open Now

Now Closed

康怡海港薈晚飯不快經歷叫咗個長腳蟹套餐, 點知上枱嘅係一隻死蟹, 蒸完啲肉溶曬淨係得個殼, 同夥記投訴, 雖然最後都比過第二隻我地, 但一開始擺明搵笨係, 已經食到一肚氣。對於堅持留港消費嘅我真係一個大打擊。(相中係等咗45分鐘嘅第二隻蟹)

剛於四月一日重開的海港薈，經過全新裝修後，給人耳目一新的感覺。寬敞舒適的座位設計，適合任何嘅聚會，讓人感到輕鬆自在，讓用餐體驗更添幾分愜意。點心選擇不算多，但菜單上有不少經典款式，例如川芎白芷蒸魚雲、灌湯餃、蜆芥鯪魚球和蛋散等，勾起了不少懷舊情懷。我們點了幾款點心，首先上桌的是川芎白芷蒸魚雲。這道菜以中藥材川芎和白芷入饌，蒸魚雲散發出淡淡的藥香，魚雲本身口感嫩滑，入口即化，搭配湯汁食用，味道清而不膩，令人回味無窮。另一款灌湯餃同樣令人印象深刻，餃子皮薄而韌，咬下去時湯汁四溢，鮮美的肉餡與湯汁完美融合，展現了酒樓對傳統點心製作的用心。此外，我們還試了蛋散，這是一款經典的港式甜點。蛋散外層酥脆，內裡軟糯，撒上白芝麻並淋上蜜糖，甜而不膩，口感層次豐富，讓人忍不住一口接一口。雖然點心款式不算多，但每一款都能感受到酒樓對傳統味道的堅持。整體而言，食物質素屬於中上水平。點心製作用心。

有朋友英國回香港出差，又有另外一個朋友年尾嚟講，大家順道聚聚。適逢依排係食長腳蟹嘅旺季，趁人多就去食依排最hit口嘅$208一斤長腳蟹！ 好似十月尾都仲係$188一斤，十一月就調升咗價格。不過$208一斤已經平過自己去街市買好多好多，街市一般都成三百蚊一斤；依家幫你蒸埋（唔計叫其他，當作只食蟹加茶芥及加一；都好抵食）入座後立即去蟹缸揀番隻重少少嘅，一般都係4-5斤，好彩搵到隻五斤十二両，八個人食好足夠！蒸蟹大約需時半個鐘，等蟹期間再點其他小菜，咁就時間啱啱好！先來兩個餐前小食，水昌肴肉不錯涼拌爽脆魚皮$78 有驚喜，雖然辣度大過BB辣，但個辣汁調得好好唔會太鹹又夠味，魚皮份量唔少，的確又爽又脆，仲有紫洋蔥、花生、青胡椒等等混在一起，花生也好脆口，大家對這個小食好滿意！因蟹蓋承著蟹羔上檯，大家都唔想打番所以無將蟹蓋反轉影相😂 睇相完全唔覺大隻但實物好大㗎！粗而長嘅蟹腳極吸引🤩不用加錢蒸蛋的已經好好味好新鮮這個新鮮菠蘿咕嚕肉$148，質素絕對對得起個價錢，炸脆嘅肉排均勻地掛上咕嚕汁，仍脆身肉不會過熟也不鞋口仍有肉汁咕嚕不是死酸死甜，還吃到山楂的酸味，酸甜度調教得恰到好處！半隻雞係晚飯孖寶

和家人慶祝生日，預訂了一台，沒想到是趕鴨式的糟糕體驗。晚上6:30到達，被告知需要八時交枱，有點錯愕。（訂枱是沒有通知此安排。）想說生意難做，餐廳需要返枱，所以也配合。沒想到，體諒是沒用，服務一般，上菜速度很慢。我們訂了五斤半的阿拉斯加長腳蟹（套餐是包四斤半，另外加錢約$280 ），7:25才上蟹。此時服務員已提醒要八時前交枱。我們告訴他們還有四道菜未上，但店員並沒有給予體諒。然後7:30一次上了三樣菜（包括鮑魚扣花菇、脆皮醬烤雞、櫻花花蝦海皇炒飯），7:45再上壽包。半小時內，拼命式吃完以上四樣菜實在不可能，想說付錢買難受，體驗真的很糟糕。是家人生日，也不想破壞氣氛。最後我們自己帶過去的蛋糕也原封不動帶回家切。埋單4500多元.或許市道很差，酒樓想多做生意，但如此的體驗，多少明白為什麼愈來愈多人不想留港消費。海港海鮮酒家，老實說食物質素不差（當然價格也不便宜），但這種的體驗不會再光顧了

和家人到此晚饍,叫了燒雞,龍躉兩味和柚子蝦球等,蝦完全沒蝦味,雞是雪藏雞般肉質實實,所為龍躉兩味,蒸的那味油有一寸厚,魚就只幾件,炒的稍為好一點,但全碟也只有幾片薄薄的,孤寒得可以.最最令人不快的,是用餐時間兩小時,但一個半小時後已經在催埋單,那長髮女員工態度惡劣,像我們欠錢一樣,將夾有單的黑色file一下“隊”過來說“埋單”,我都只是check 了兩秒再將信用卡給她,她就像嫌我慢般一手搶過去！而且整間酒樓噪音爆錶,和家人談話都要超大聲才聽得到,整體給人很緊張很噪很煩的感覺！和家人已有共識,不會再幫襯！

食物味道正常，但好唔抵食，咕嚕肉同農村炒黑豚肉大部分都係配料，肉比較少，有啲寒酸，味道就正正常常。偏貴而服務差就好大罪。叫咗半隻乳豬同燒鵝隻碟大到以為自己食緊法國嘢，都無所謂，問題你就算只係食剩三幾件都唔會有侍應幫手轉細碟，結果張枱就俾兩隻超大碟佔住，到第三碟嚟嗰陣因為落唔到菜，個侍應會企埋一邊等個客騰空個位俾佢落。好喇都算喇，咁下個要落菜嘅侍應又繼續發現無位，佢點處理呢？將啲大碟換細碟？唔係呀，佢將個客隻飯碗移到枱嘅邊緣，想塞碟嘢落嚟然而都係唔夠位，明明有另一個稍空嘅位佢唔落，但佢好似行多步都唔想咁。除咗上菜嘅問題，佢地唔叫都唔會換骨碟，一係就錯手收埋個客隻碗。全程無沖茶，俾咗個水壺你就要take care yourself!寫菜唔知個code要等個西裝侍應慢慢搵，都係電腦落單真係唔記得個code寫低個客食咩之後再慢慢搵啦。我知有時啲酒樓都唔會帶位，但問個知客訂咗張枱喺邊佢望都唔望答我又真係第一次見。睇得出間嘢唔憂做就Hea客。啲服務茶記都好過佢。咁嘅價錢，咁嘅資素真係有待改進。

呢間店龍蝦做特價，叫了龍蝦餐：一份斤半龍蝦上湯伊麵、一尾瓜子班、四隻Garlic蟶子皇、紫菜湯小水餃。伊麵品質唔錯，不會一Pat Pat，西澳龍蝦不是很甜，但啖啖肉很是滿足。瓜子班肉帶微甜，蒸得剛好，夠嫩滑。大蟶子用Garlic和粉絲清蒸，很是惹味。埋單 $959。

想叫咩冇咩打電話訂位預留長腳蟹唔係最緊要係要留冬瓜盅已經係食早個輪都話冇哂叫乳鴿都冇乳鴿長腳蟹唔會冇嫁貴好多呀一心諗住黎食長腳蟹已經揀隻大隻少少但係真係唔新鮮d肉梅到爆所有餸都好普通海港個價都唔係低炒豚肉得5小塊成碟炒青椒真係唔係用大陸黎比較但係基本水準要有囉咕嚕肉每塊肉都手指尾咁幼仲要人落訂真係唔明有咩咁巴閉心諗你有冇咁爆場就真係唔抵食嫁啦

例牌都係排大隊，不過無論等幾耐，我都覺得值得。呢次仲等到卡位，坐得闊落舒服😌個人必點→XO醬蘿蔔糕：軟滑，蘿蔔味重,最主要唔會太多粉，臘肉、臘腸、蝦米、配料充足，加X 0炒香辣惹味👍焦糖燉蛋：極推，媲美出邊所謂大品牌🤭極滑，蛋味極濃，奶香十足，回味無窮⋯⋯ （食淨少少先記得影相，真係停唔到口）翡翠蝦餃王：皮薄，晶瑩剔透，蝦肉彈牙水晶鮮蝦腸：蝦肉彈牙，粉皮薄，夠滑仲有點蜜汁叉燒包、醬汁蒸鳳餃、蟹籽燒賣王都係百吃不厭🤗全部野食，好食得來，仲有賣相，一D都唔馬虎👍👍反而小籠包普通D，似超市果D急凍貨

今日和老公去飲下午茶。小、中、大點一律$25，可是大、中點選擇不多。比較名貴的點心都係精點以上。點了：咸肉糉： 體積不大，但味道唔錯，有一隻靚靓的咸蛋王，綠豆和糯米比例可以。牛肉腸粉： 粉皮過厚但口感不算差，牛肉餡料一般。潮洲粉果： 內饀係沙葛花生，粉皮合格。炸鯪魚球： 鯪魚肉好味彈牙，正。蝦餃： 蝦餃皮一夾就散，不大合格，好彩饀料蝦算新鮮味道唔錯。

餐廳有四人卡位選擇，星期一坐滿客人。Booth seating for 4 is available in the restaurant. The restaurant is full house on Monday. 🥢上湯龍蝦伊麵 Baked Lobster with E-Fu Noodles and Superior Broth.新鮮，份量夠It’s fresh with big portion. 🥢清蒸東星班 Steamed Coral Trout 蒸得剛剛好，夠滑身。It’s just cooked well-done. The meat is tender and smooth. 🥢3頭鮑魚 Steamed 3-Head Abalone蒸得剛剛好，是大連鮑，新鮮。It’s just cooked well-done. It’s fresh. 🥢金銀蛋蒜子浸菠菜Braised Spinach with Golden Garlic and Duo Eggs不錯的 Nice✏️ 四人套餐價錢包括茶芥及加一後 $1267。The price of the set-dinner fo

阿嘩！話時話今日去咗「海港薈」，真係一個令人驚喜嘅早茶體驗！🍽😍 呢度嘅點心，足足咁滿足我呢個鐘意飲茶嘅老饕。首先，有個釀茄子嚟講，吱哩啪啦🍆，外皮炸到脆卜卜，一啖咬落去，茄子嘅鮮甜同埋啲釀料嘅鹹香夾硬嚟，真係好match。腸粉呢，就真係嘩啦，滑嘟嘟嘅餸皮，包住內裡鮮嫩嘅蝦仁或者燒賣真係啱晒口👌。再嚟呢，粉果就賣相普通，不過一剖開嘅時候，啲肉餡同冬菇味道就瀚出嚟，正宗得滯。至於牛肉球💃，哦，唔錯喎，軟綿綿之中又帶點彈牙，配埋啲甜醬汁，重口味嘅朋友應該會鍾意。食嘢時，周圍滿滿嘅人聲雜噪，添咗幾份熱鬧喜氣，都算係一個正！總結嚟講，「海港薈」嘅點心，就算你唔係啲嘢嘴刁，都會覺得滿足。性價比高到無朋友，呢度變我飲茶嘅熱門選擇啦！下次又要齊齊嚟，分享美食喇！🥢🥟😋

每星期六日都非常多人排隊，因為他們的點心真是很精緻，特別欣賞小籠包及鮑魚燒賣，即使普通的粉果蝦餃之類，亦做得很好吃，皮薄餡靚 ，晚餐方便小菜及例湯都很好， 上菜速度亦快，是一個晚膳的好地方。

(海港薈態度差服務差送餐速度慢到嘔)話說喺社交平台度見到啲人喺海港會飲茶好似好好味咁樣，於是就約埋我屋企全家人（八12個人）就晨早流流（ 10點去攞飛）因為好多人，諗住食晏晝圍餐。呢一次飲茶係我人生中飲茶最差嘅一次經驗！價錢又唔平（12個人嘅要2688 ，好貴）價錢都唔係問題，好味唔緊要啦！坐到去嘅時候講咗三次要向，職員係30分鐘內都未送到啲茶俾我哋，時間都唔係問題，職員嘅態度仲要非常之惡劣，好似唔想做咁樣！態度都唔係最緊要嘅問題！最緊要嘅問題係啲嘢食想像速度非常慢！我分4部份嚟講講呢間茶樓有幾差：第一部份：態度惡劣呢間茶樓嘅員工幾乎所有員工態度都非常惡劣，雖然有一至兩位員工嘅態度都OK，不過大部份幾乎九成嘅員工嘅態度都係唔想做咁樣，非常惡劣，我同一個員工講我要香片，講咗第一次，坐喺度等咗超過三個字，啲茶都未到達，於是我再吹多一次我哋啲茶去咗邊度，個員工居然話，等等啦！好，等咗超過30分鐘之後，啲茶仲未到達，於是我哋又又又再叫職員多一次：我啲片等咗半個鐘都未到，麻煩幫我睇睇啊！結果最後超過40分鐘啲茶先送到，簡直就係浪費我時間！第二部份：價錢唔平，但等位等咗成個鐘呢間茶樓價錢絕對唔平，

尋日去咗食晚飯 大致上都幾好嘅 啲餸菜都幾好食 但係可惜黑色衫嘅部長 所謂嘅經理級 非常之惡劣差 不停咁催促我哋 送菜嚟得超快 一放低就放來第二碟 完全唔理會我哋食咗未 放到張枱都唔夠位放 畀我嘅感覺好似趕旅行團咁 我六點半去食飯佢八點鐘要我交枱 我訂咗一圍酒席 個半鐘根本唔會食得曬 如果服務能夠改善我相信康怡係一個唔錯嘅晚飯選擇