王家沙 (Closed)

由於在又一城開店，所以試試。但真係唔知點解會有咁多人排隊，因為非常難食。兩個人點﹕(超咸之選)* 鮮肉小蘢包﹕肉汁超咸* 鮮蝦兩面黃﹕蝦料很少、紅蘿蔔切小粒、炸粗面極咸(唯一能吃的)* 馬蘭頭豆乾﹕涼菜應去水搾乾水份，但上牒時仍水濕濕的樣子，而且光有<10%豆乾* 燻魚﹕平凡，至少還能吃(甜點)棗泥糕﹕也是唯一能吃之選...總的來說是非常難吃。完全不明白為何有這麼多人等位... ...

同2個朋友..叫了青瓜 -冇麻油既香咪,出水,久唔久食到好咸小籠包-豬肉唔新鮮糖醋骨-wa!!!!!!!!! 可以冇汁ga..然後d排骨好似燒乾左金沙骨!!又鞋又乾!好似食柴咁!!!!!賽螃蟹-d 蛋白好老,d味好怪三絲拌粉皮-比較正常!不過e個都可以唔好食,真係執左佢啦!酸辣麵-not my favour! juz soso..坦坦麵 -完全沒有花生or麻醬的香味!總扣黎講非常差!!! 係第1次食e間野亦都係最後1次!!同樣價錢去食翡x小籠包 or 泰x豐會好好多!!!!!!

新年前到王家沙食團年飯, 以往到其他分店, 也不是這質素, 超失望。所有菜式份量極小!!! 尤其是糖醋松子魚, 大家一看見, 眼都突, 是迷你魚嗎? 最令人吃驚的是蟹粉小籠包, 一陣陣腥的豬肉味, 超恐怖!!! 那個高力豆沙, 唉...... 算了吧! 豆沙在哪? 以後不會再光顧!!!

雖然上週才吃過王家沙，但年初一，仍要開工的我們，不想在快餐店吃開年飯，又不想在八月花等位，唯有再去王家沙。本來，今天太公有份發板，叫多些點心，結果會好一點；可是，也發現了....王家沙的點心也退步得太過份了。1. 蟹殼黃：做是做得不壞，但上枱是只餘微溫！！一家中檔，並且以上海點心作招徠的飯店，點心上枱熱辣辣，是最最基本的要求了，連這都做不到，很差！2. 生煎包：與當年在紅磡店吃到的差很遠；又是不夠熱，生煎包太大個，底煎得太硬；肉只是多汁，不夠鮮，不好吃；連與西環街邊北方人開的小店出售的，也不如。3. 素菜包：包做得不好，太黏答答了；素菜也不夠香，而且太油。4. 糯米燒賣：唯一做得算像樣的一道，糯米以上海雲吞皮包裹後再蒸，蒸的火候掌握得不錯，上海雲吞皮沒有太硬或太淋；上海雲吞皮搓得夠，有咬口，唯內裏糯米飯不夠香。5. 牛肉餅：牛肉欠鮮味，外殼是炸出來的，太油，吃下去只覺滿口油味，不好吃。6. 蟹粉小籠包：蟹粉不香，沒甚麼味道，而豬肉味也欠奉，不好吃。小籠包皮雖是做得不錯。7. 水煮牛肉：這四川菜竟為我們帶來驚喜：牛肉鮮嫩，香香辣辣的，還算不錯；不過不太夠麻不夠辣，吃四川菜還是去四川菜館吃

記得王家沙初開時，還特地跑到紅磡一趟，雖然餸菜一般，但點心尚算出色。但自開了分店後，質素每況愈下，這又一城店也不例外。是日同事又飯聚，有熱愛上海菜的廣東藉同事建議去王家沙。太公因為遲到，沒有參與點菜，未能盡量「點心而棄小菜」；五個人，最後要了：1. 小籠包與蟹粉小籠包各一客：太公一直認為蟹粉與豬肉味不配，只吃了普通的。王家沙的小籠包皮是做得不錯，軟滑得來韌度也足，不會軟趴趴的一夾就爛那種，也夠軟滑；但內裏的肉餡做得不好，肉鮮味不夠；湯份量雖足，但不夠鮮，與初登陸香港時的水準相距甚遠。2. 生拆蟹粉魚翅撈飯 x 3：雖是監製極力推介，但實在吃不出有甚麼特別之處；蟹粉只有腥，欠鮮甜，魚翅也不夠爽口彈牙，兩者都是用了下貨，一個用上鮮蝦製作的福建炒飯會比它更好；唯一可取的是隨飯附送的醋，香味濃郁，酸中帶甜；我連點小籠包都用它。3. 松子黃魚：完全不行；首先用的魚不佳，魚味薄得可憐；而炸得也不夠透，做不出「一夾即散 + 皮脆肉嫩」的效果；好端端的甜酸醬汁竟加了雜豆，這裏好夕也是一家正式的菜館，加了這種不倫不類的雪藏材料是死罪；還有，魚是煎了好一陣才加汁的，上菜時魚皮太韌，也不夠熱；太公只吃了一塊

今日放左學同幾個同學一齊食飯9:30pm都好多人, 如果唔係book左, 我諗應該無位入到去, 無人理我地, 茶都無杯算la.. 今日叫左..1. 菜肉小籠包2. 素菜小籠包3. 豆沙鍋餅4. 擔擔麵5. "張"茶鴨6. 酸辣湯7. 宋嫂魚羹8. 回鍋肉炒年糕真係好失望...小籠包好似散，個皮又厚豆沙鍋餅唔脆lor"張"茶鴨無味....又細碟，其本上有半碟係骨黎...酸辣湯唔知點解有燶味...回鍋肉炒年糕無乜味...得辣味唔會再去ga la...

上個月星期五夜晚2個人, 7點3去到, 要等十幾張, 45分鐘之後行完街番黎剛剛好叫左餐牌上推介既：樟茶鴨：d肉好鞋, 個醬好咸, 俾你夾住一齊食個d包係凍的。好彩份量少又多骨, 每人食幾舊就finish。蟹粉生煎包：一般, 個皮唔脆, d汁唔鮮, 見到個餡有少少橙橙黃黃類似蟹粉既物體, 但係就完全食唔出個味, 好神奇。HKD48/ 3個, 好唔抵。蟹粉煨麵：效果同上, 見其樣食不出其味。而且個麵煮得比正常煨麵「火念」, 好似食糊仔咁。本來諗住叫下D高力豆沙/ 豆沙鍋餅試下, 不過試完佢D推介, 唔敢再試D佢冇推介既野。服務：一食完一味就趕住執, 但係佢D位好窄, 侍應哥哥隻手全餐飯就係我同隔籬檯之間左穿右插, 非常擾攘。仲有, 雖然見D侍應好忙, 但係佢地都KEEP到同事之間不停咁大聲傾計, 好勁！

王家沙的食物都是細細碟，所以價錢相對來説是比較貴，但食物水凖卻是中上的。他們每様菜的價錢大概$30 - $50，兩個人吃的話，叫2-3個前菜，2個湯麪再加1-2個點心就應該OK够飽。Suggested前菜：糖醋排骨醉雞 / 鷄絲粉皮奶油津白Suggested湯麪：擔擔麵開揚拌麵Suggested點心：蘿蔔絲酥餅 / 粢飯牛肉餅 / 葱油餅本人不建議在這裡小菜，因王家沙主打小吃，要吃正宗上海菜還是到老上海或小南國吧！

今次係我第一次光顧又一城依間王家沙食店, 我一向都對王家沙幾有好感架!! 經常都會去黃埔蔡澖坊個間, 聽到親友講話又一城了分店就去試一試啦!! 點知令我有咁的經歷, 唉令我好失望!! 首先我講左今日食過d咩食物先啦!! 因為怕講左依個經歷會令大家不敢光顧, 我叫了以下八樣食物 1) 凍食香醋豬手(2) 蟹粉泡飯(3) 小籠包(4) 生煎包(5) 擔擔麵(6) 蕃茄菠菜(7) 蔥油餅(8) 甜的薄 "餐" 以上食物的水準都 ok , 但份量就比較少多人就唔夠食啦!!我的不愉快經歷就係向結帳時發生啦!! 我地今次係用信用咭結帳, 俾了張咭服務員後就會拎返張信用電腦收據給客人簽回自己個簽名, 你們簽完名之後侍應就張你張信用咭退回給客人, 當時我地發現張信用咭並不是自己張咭呀!! 嘩令我好驚訝我張信用咭去左邊度呀!! 問返個侍應佢都唔知到咩事呀!! 咁佢就立即返去收銀度對單啦!! 等了一陣侍應回來俾返我張信用咭我睇問我依張咭係咪你架, 對完後就話去取消返你之前簽了的單, 我地就覺得好奇怪啦我之前簽張銀行電腦收據係我個名黎架點解要取消單呢?? 佢地做野方法真係好特別, 取消左客

個幾月前，9點放左學食呢間野。9點都未食飯，餓過鬼，咩都應該好食。十點幾先last order，我就哎左個大閘蟹餐，見佢價值都ok平就問d野食有幾大碟。個waitress答：都夠食。我先生身形係我的一倍，我都唔知佢係講我夠食定係我先生夠。於是我另加毛蟹炒年糕。成個餐有湯有麵有大閘蟹。第一樣係麵：杭式蔥油拌麵，呢個好味，不過黎到係僅僅暖的。portion係茶樓d 碗仔的3/4 咁多多。然後黎年糕，個味的汁夠鹹，無咩蟹粉。個湯係酸辣湯，以一個上海妹的角度去食，根本辣到食唔到。我先生酷愛泰國辣野都食唔到。小籠包，皮唔薄，黎到又係僅僅暖!!!! 個皮係凍的添! 個味一般。好啦，大閘蟹。無咩鮮味，有膏，但係成隻蟹d肉癡實晒d 殼，好難食。d 野黎得好慢，又長期無人添茶。以後都唔會再黎。

2/1/2009等左好耐先有得入叫左杭式蔥油拌麵,排骨菜飯,紅油炒手,牛肉飽1:牛肉飽味道一流,牛肉味香,麵外面乾,但咬落去好多汁係入面2蔥油拌麵:麵打得靚,蔥油味又香,食完一碗真係有衝動想再食多碗3.紅油炒手:醬汁味唔錯,皮可以再做薄d4.排骨菜飯:豬扒鬆化,菜飯唔油,食落岩岩熟,好煙韌呢間分店真係食過最好既一間

當然係有人請食啦~哈哈外賣了魚翅撈飯~我地都唔係好過份~~2個人食一份姐~哈哈魚翅因為係外賣~唔夠熱都無計~但面頭有蟹黃~而且加埋d飯~同埋間唔中食到一條翅~~咁樣的冬至lunch仲想點呀????而佢個肉包~~~一咬...我全手都係汁......但好味wo可惜隻乳豬唔係一齊嚟....搞到個lunch分開左2次(乳豬的食評可看本人另一食評--金翠餐廳)

本來既又一泰, 已經變左王家沙, 昨天抱住期望既心情去食個tea, 點知 ...................order左:1. 擔擔面 $35 : 面質有咬口, 不錔; 但湯底一般, 麻醬味唔夠, overall pass.2. 蒸素菜餃 $28 : 其實應該叫 "一口" 素菜餃, 一打開蓋, 嘩!!!!!!!!! 細粒到不得了, 得4粒, 好似發育不健全咁, 超唔抵!3. 紅油抄手 $30, 六粒: 份量ok, 但應頭細尾長, 但就相反, 肉餡多過頭.加埋一$120.員工服務: 個個都好似機械人咁, 唔可以叫冇禮貌, 但唔可以叫有禮貌, 只係應有既hi同bye.整體:食物質素唔合格, 價錢唔值!!!! 係黎倨經濟環境, 咁既食物質素絕對唔值咁既價錢.

之前的泰國餐廳無人食執咗,現在呢間王家沙新開張爆晒棚.叫咗個蟹粉小籠包,算大隻,都有蟹粉味,味道不及鼎泰豐咁濃,湯汁亦不是太多,只是一隻中規中矩的小籠包.另外叫了一個推介-蟹粉伴麵,這個個人認為很好吃,蟹粉不少,亦有些少蟹肉,撈埋一齊食,非常好吃,亦不會有湯分散味道,值得推薦.頭盤叫了醉嘉美雞,這個酒味非常濃,雞肉也很滑,由於需要$68,所以份量也不少.食物質素不錯,但可能坐位附近設有射燈,所以比較熱.

因為我是於11/11/2008夜晚去食，剛剛新開，侍應對餸菜仍未太熟悉小籠飽，不錯，但真係要快d食，凍就唔掂叫左蟹粉雙面王，麻麻地，麵好脆但無咩特別，亦唔係好夠食芝麻椰汁糕，又係要趁熱食