水門雞飯 (百宜樓) (Closed)

其實我本來是想去又新街那間水門雞飯支持一下，見到這間可以堂食就來這裡，後來才知原來這是兩家不同的食店呢，但這家也頗受歡迎，幾乎滿座。裝修簡約，搭枱機會甚高，是快快解決一餐的地方，不是約會聚舊傾談之地。餐廳選擇頗豐，由雞飯、豬手飯、至鴨脾麵、船麵、各式小食都有。價格不算貴，適合作飯堂，只是沒有跟餐飲品優惠，飲品只能單點。上菜速度極快，下單後雞飯旋即出現，有湯。我點的是鴨脾金邊粉，賣相不錯，湯頭濃郁，豬皮唔夠脆，但主角鴨脾大隻多肉，煮得軟淋，50幾元來說仍是值得的。

好耐冇出街食過野啦真喺好耐都未出去行過街啦😩，最近好多鋪頭都選擇關門，真係想食嘢都難啊😕😕。經過尖沙咀，見到間食水門雞既餐廳，裡面好多人都食緊，應該都唔錯，所以就選擇入去試試佢。*餐廳啲牆都刻左應該係泰文嘅字眼，至於內容係啲咩就唔多清楚啦😂😂整體黎講環境都幾乾淨，坐落都舒服嘅。之後我同個朋友叫左雙拼水門雞飯、鮮蝦冬陰功炒金粉同秘汁泰式生蝦🦐🦐。*雙拼水門雞飯會送冬瓜湯😧😧，個湯會有少少辣，雞飯方面有炸同唔炸兩種口味，炸雞方面唔會好大舊，一啖就食到落口，原味嘅雞就相當滑，啲皮唔會太多同太厚，所以總結黎講係唔錯！*鮮蝦冬陰功炒金粉方面，唔算好大碟，但係黎到嘅時候好香，由於顏色方面有啲紅，所以都知有一定嘅辣度，本人黎講係接受到嘅，蝦都入到味同大隻😋😋*食完啲熟食之後，就叫埋個秘汁泰式生蝦，配埋自己整嘅醬汁，帶點酸同辣味，相當開胃，建議可以食左呢樣先再食其他👍🏻。*整體黎講，呢間水門雞餐廳價錢算平民價，質素都唔錯，可以下次再食多次。

因為去換護照嘅關係，好早就出左去🤦🏻‍♂，見換完護照餓餓地，會合番朋友之後就去搵嘢食。路過格離街就見到一間泰國水門雞嘅餐廳，就入左去試啦。睇完餐牌之後，覺得價錢都算合理。叫左個雙拼水門雞飯、芒果糯米飯同鮮蝦炒金邊粉。首先黎到嘅係芒果糯米飯，雖然芒果唔係當造嘅季節，但係食落都甜唔酸，飯方面黎到都仲熱熱地，食落彈牙。至於雙拼水門雞飯方面，有分兩種雞。炸雞外面脆皮，裡面嘅肉仲相當冧。原味雞方面，色澤唔錯，食落去幾滑，加埋提供嘅醬汁，有自己嘅風味。最後就係鮮蝦炒金邊粉，原來係有少少辣，蝦嘅份量算多，金邊粉方面，唔算太油，因為之前同過其他餐廳都好多油，越食越想嘔。總括黎講，呢間餐廳係香港黎講，係一間平民而又好食嘅泰國餐廳，我都會考慮再食多次👍🏻。

今日難得放假✌🏻，可以同朋友行街食飯，晏就係尖沙咀行街嘅時候，見到一間專門食泰國水門雞嘅餐廳，問左朋友意見之後，決定夜晚黎試下食。入到餐廳嘅時候，其實燈光絕對充足🌅，再細心留意四周圍，會發現到YOKKAO品牌嘅拳套掛左係牆到🥊🥊，相當有特色。我哋睇完餐牌之後，叫咗一碟水門雙拼雞飯、芒果糯米飯、冬蔭公鮮蝦炒金邊粉，同埋一杯奶茶。水門雙拼雞飯分別有兩種口味，炸雞方面，食落外脆內軟，唔會有好油嘅感覺👍🏻。原味水門雞方面，肉質實在太軟同太滑啦，相比起普通餐廳個啲雞，實在超哂班🤣🤣🤣，真係好好食，配搭埋佢提供嘅醬汁，好快唔經唔覺就食哂haha🙊。朋友就叫左芒果糯米飯，芒果方面唔會太酸，糯米飯熱熱地，總括黎講係好食。如果唔係太肚餓，適合叫呢個飯黎食。因為朋友仲有少少餓餓地，所以叫多左個冬蔭公鮮蝦炒金邊粉，食落會有少少辣。如果唔太食得辣嘅話，建議下次可以問下少辣得唔得，食落去會帶有少少蝦味，唔錯👍🏻。因為見到可以帶走嘅關係，同埋本身係一個奶茶愛好者，所以臨走之前叫咗杯泰式奶茶。泰式奶茶同香港奶茶嘅分別係...泰式奶茶比較偏甜同埋少奶，但係同香港奶茶一樣，都係有一種好重嘅茶味，我認為飲落去比香港奶茶更

今日晏就同嗰同事一齊見完個客，諗住一齊喺尖沙咀食個Lunch，見到咁啱網上有介紹過嘅水門雞飯餐廳，冇諗咁多就衝左入去食啦😂😂因爲真係太肚餓。入到去嘅時候，比我感覺係成間餐廳都好白好乾淨😂，望上去會見到一啲舊式風扇，再望到廚房入面掛出嚟嘅雞，隻隻都好肥美☺☺。坐咗一陣之後...我哋就叫咗一個秘汁泰式生蝦🦐、水門雙拼雞飯🐣，同埋海鮮冬陰公湯金粉，仲叫左杯泰式奶茶同一杯特飲，至於個名叫咩就忘記咗啦🙈。首先嚟到嘅係秘汁泰式生蝦，識食泰國嘅嘢就一定會叫呢樣菜式。呢間嘅生蝦好新鮮，食落好鮮甜，同埋隻隻都有一定嘅Size，加埋去秘製嘅醬汁絕對加分同抵食😋😋之後我叫嘅水門雙拼雞飯都到咗啦，可能太肚餓嘅關係，我覺得飯嘅份量有啲唔足夠🙈🙈，但係雞方面就冇問題，兩種唔同嘅口感，唔會食食下食到好厭嘅感覺，同埋啲雞真心滑🤪🤪至於我朋友就叫咗個冬陰公湯金粉，湯底方面可能用咗冬陰公，所以會偏辣少少🌶🌶，但係裡面嘅海鮮絕對夠份量，唔會偷工減料，同價錢成正比。順帶一提！呢度嘅飲品可以帶走㗎，唔需要驚飲唔晒😈😈😈，大家不妨去試下啦，真係唔錯的！

前幾日個friend話我知元朗開左間好正既泰國菜，身為一個元朗人我竟然唔知佢講緊邊間， 尋根究底先知原來係教育路既呢間水門雞飯， 嗰下真係呆咗一呆， 水門雞飯唔係應該食食雞飯嗎?點解叫佢做泰國菜!? 直至到我入去食嘢就知點解XD呢間雞飯真係咩泰國菜都有得食， 餐牌見佢除咗好多種雞飯仲有唔同既粉麵， 又有生蝦又有生菜包嗰D小食， 完全顛覆我對海南雞飯店既影印象~我地兩個人一人一個主食， 叫左冬陰功湯既金邊粉同埋炒金邊粉， 首先忍唔住要講下佢個炒金邊粉， 一上枱四隻勁大既蝦係面，食落係彈牙無雪味唔，同埋佢個冬陰功又係超級足料，勁多海鮮，食落都超級新鮮完全唔會梅， 飲落超級濃郁，唔係個D好稀既開水湯底!加埋個泰式炒通菜同泰式奶茶， 其實都幾高質兩樣都完全係泰國既味道，整體黎講呢間‘泰國菜‘真係食得過，價錢又唔貴， 最難得主打海南雞其他野食都會咁高質!

呢間水門雞飯聽講一開既時候都幾多人排隊， 今日撞岩放假入屯門行下，經過竟然冇乜人， 咁梗係試試佢睇下係咪真係咁值得排長龍!呢度裝修係簡約路線，全部都係鐵枱鐵櫈，都幾有泰國街頭小店既風味叫咗個海鮮冬陰功湯金邊粉， 冬陰功湯超級濃， 仲超級足料， 五十幾蚊碗粉又有青口又有蝦又有魷魚，真心抵食!另外叫多咗個泰式炒通菜， 分量都唔少，唔會太油，簡簡單單基本調味料，夠鑊氣，成碟仲保持青綠👍🏻係真泰國風味!野飲除咗汽水仲有成十幾款特飲， 今次揀咗芒果冰， 芒果味濃，唔會死甜， 唔似係加勁多糖水個d假味沙冰，廿零蚊完全合理整體嚟講對呢間新餐廳都幾滿意， 價錢公道又真係幾有泰國風味，值得食下

呢間係千色對面街既雞飯黎得梗係食招牌菜，所以叫咗個水門雙拼雞飯， 有炸雞同埋海南雞，海南雞好滑嫩，非常入味，唔點醬汁都好夠味， 亮點係佢係冇骨海南雞，啖啖肉都幾正，加十蚊可以轉雞髀肉應該再正好多，下次要試下。 第一次食炸嘅海南雞，炸雞一啲都唔乾， 亮點係佢個醬汁酸酸甜甜幾得意! 配埋個油飯真係一絕! 50蚊鬆啲仲有埋個湯， 自己就覺得幾抵食!另外叫多咗個泰式炒通菜同芒果糯米飯做甜品， 炒通菜中規中矩， 正常泰式炒菜咁， 但勝在份量好足; 芒果糯米飯以為佢細細份， 但都幾足料， 芒果超級甜，糯米飯唔會好硬， 椰汁味唔太甜我鍾意。最後值得推介佢啲嘢飲， 叫咗個最正路嘅泰式奶茶， 茶味好香，完全同泰國嘅味一樣， 重點係唔會太甜。呢間嘢選擇都幾多，多數見啲海南雞飯舖都淨係做死海南雞， 最多就做埋豬手飯， 呢度又有沙律又有菜又有魚又有粉麵，仲要有甜品， 絕對具備回頭店嘅特質， 下次要嚟試下佢啲其他嘢食睇下係咪同招牌菜一樣咁得!

今日行過教育路見到間幾吸精既新店， 係對面馬路望過去完全唔知係食咩既， 原來係食海南雞飯， 佢裝修都幾有泰國嗰啲小檔口既氣色，重點係佢乾淨一萬倍!招牌菜海南雞飯係幾高質既， 海南雞好滑嫩而且好入味， 加埋d醬撈油飯食超級好味!50蚊黎講算係非常唔錯!重點，重點係……..重點係佢有生蝦!!!係生蝦!!我覺得食泰國野既人唔會唔鍾意食生蝦!! 重點係真係冇諗過咁高質! 一間咁嘅小店擺盤竟然咁精緻，而且D蝦全部都大大隻，好爽口， 醬汁亦都非常啱口味唔會太搶!好滿足!佢另外仲有其他粉麵， 同埋勁多唔同口味既特飲揀， 我自己就幾欣賞個芒果冰， 感覺到係用左好多芒果打出黎既， 甜得黎有芒果既微微酸味，20幾蚊都好抵飲!

好有泰式小檔風味既餐廳， 店內既銀色枱面同埋裝修真係似足泰國既感覺，第一次係香港見到呢類型既小店， 感覺好舒服因為乾淨。店面唔算太大但正正方方都幾闊落，一入門口見到廚房一排排海南雞啩係度， 二話不說已經決定要食海南雞飯， 雞飯簡約唔花巧， 海南雞好滑， 油飯好夠味但唔油膩， 跟飯仲有胡椒冬瓜湯，配埋個好大份既泰式炒通菜，完全係去左泰國咁。除咗雞飯仲有好多款食物同飲品， 洛神花茶值得推介， 酸酸甜甜咁， 食完雞飯比較重味既野清清味蕾非常不錯。

開張時候因為太多人排隊所以食唔到，今日見晏左少少先食唔駛點排隊就食到，一坐低即刻叫個雞⋯飯食吓先，果然係味道正宗嘅水門雞飯，無骨滑雞配油飯果然係絕配，送左碗胡椒冬瓜雞湯堅得，雖然去唔到泰國都食得返呢個味度，價錢唔算高但性價比高，肯肯定會返食👍🏻

叫咗兩個茶餐，兩個正餐。食過今次唔會再食啦！原本諗住招牌雞一定好掂，但雞唔夠滑，令人失望.另外沙嗲好重味精，返家要不停飲水，乾炒牛河牛肉無味，河粉唔夠乾身，成碟得一個辣字。牛腩湯河既蘿白唔夠淋，而且唔入味，應該係煮的時間唔夠，所以較硬身。招牌三寶飯係雞肉、雞心同雞潤，呢個係正餐，6拾幾蚊一碟，但係餸量好少，幾片雞肉，一個雞潤，兩三粒雞心切開上，相對$48果個迷你水門雞飯仲抵。總結係價錢貴，唔值！下午茶餐$48起，份量少

聽朋友講話最近元朗開左間新既水門雞飯店，膽粗粗走去試下，一去到已經大排長龍，雖然唔鍾意等，不過又想試下正唔正宗，最後都有排隊食，等左大概廿零分鐘就到我。裝修無乜特別，不過都乾淨企理，最梗要都係睇食物質素。一坐低就叫左碟三餸飯，d料都比得足，唔會偷工減料。由於叫左油飯，咸咸地愈食愈開胃，雞都唔錯，夠滑。一個女仔去食都食得晒，食完個飯，飲埋佢送既碗湯就岩岩好。下次會再黎食，不過太多人就未必會排隊等了。

牛丸米加泰式奶茶，粒牛丸係幾好味ga, 但個幾塊牛肉就真係無咩味，睇佢張圖片個湯底好似幾濃咁，點知黎都跟本就唔濃，無咩牛肉味，失望呢d 基本嘢都可以整得咁難食，完全是騙人金錢，就是被網上的圖片騙了去試一試，點知一試就中伏，泰式奶茶唔好飲，跟住換杯菠蘿冰la, 心諗菠蘿冰應該無死，黎到點知是藥水咁ga 顏色，之前都已經問咗個侍應係咪用新鮮菠蘿整架la, 點知佢話係，咁咪比多次機會咁law, 點知攪成咁，唉，失望完成了一餐飯，無下次，名過於實，跟本就是用泰國的名氣來香港博大霧!好失望，諗住元朗有，唔洗出到尖沙咀咁遠，點知都係仲伏，浪費了70元

元朗出名多好野食，幾乎咩國家既菜式都有，最近行經教育路，都會見到有度排長龍，細心一睇先發現原來係新開既泰式餐廳 - 水門雞飯。相信有去過曼谷既人都會食過當地非常出名既水門雞飯，唔知元朗呢一間又係點呢?我order左最普通既「水門雞飯」，包一個湯，盛惠$52(外賣需要加$2)。顧名思義，水門雞飯有雞肉同油飯，加兩片青瓜，另外配汁，都幾辣。雞肉都算滑，份量還好啦，個飯就大份，不過雞有少少唔夠。配送既湯好重胡椒味，一路食飯一路飲可以話係辣上加辣總括而言，50幾蚊食呢個飯我個人認為唔係幾值，不過如果未試過都可以試既，可能其他野好食D?