囍越 (將軍澳中心)

Open Now

Now Closed

越南春卷配生菜春卷皮薄薄的，裡面包住新鮮的蝦仁、豬肉同生菜，咬落去好清新，味道豐富😆🫶🏻冬陰公海鮮炒飯米飯粒粒分明，海鮮新鮮，加上冬陰功的酸辣味，真係好開胃！每一口都有層次，味道真係一流🩷😳紅咖喱鴨胸配印度薄餅鴨肉煮得剛剛好，紅咖喱汁香濃，唔會膩😁印度薄餅吸收咗咖喱汁，一齊食真係一絕，味道好好！🔥👏🏻 香芒糯米飯糯米飯係熱辣辣嘅🔥食落去好軟熟🥳亦都充滿椰香味 不過芒果就唔算好甜總括來講，呢間餐廳嘅食物色香味俱全，價錢合理，真係好值得推介！同埋全部員工都超級有禮貌😊態度好好 用餐體驗非常唔錯👍🏻

屋企附近嘅越南菜餐廳，定期都會去幫襯，每次必食我最愛嘅咖喱軟殼蟹！香芒軟殼蟹米紙卷薄薄的米紙包住軟殼蟹，炸得好香脆，加上芒果的酸甜，味道清新又開胃！沙嗲串分別有兩串雞肉和兩串豬肉，上枱已經香噴噴，充滿炭燒香味，雞肉和豬肉都非常嫩滑，配上沙嗲醬更加惹味！咖喱軟殼蟹賣相好靚，最推薦的一道菜就是炒軟殼蟹！軟殼蟹炸得外脆內嫩，啖啖蟹肉，咖哩味道微辣，又不會蓋過蟹的鮮味，吃起來非常香濃多汁，超級惹味，份量仲好多好抵食！WTP火車頭湯河粉火車頭河粉嘅湯底清甜，用牛骨、牛肉同多種香料熬成湯底，煮熟河粉後配牛丸同牛嘅唔同部位，有牛腩和牛柏葉等，臨食再加大量芽菜、金不換、青檸、辣椒提升味道層次。成碗湯河咁多牛，啱哂咁牛魔王！香芒糯米飯芒果新鮮又多汁，食落爽滑清甜，香味滿溢，與浸透滿椰汁的糯米飯一起食，軟糯甜美嚼勁十足，飯後值得一試。熱龍眼水入秋轉季時的滋補恩物，龍眼性味溫和，開胃益脾，大人細路都啱飲！冰糖雪梨生薑蜜冰糖雪梨夠晒滋潤，加埋生薑蜜可平衡梨的寒涼，還可以暖和身體，入冬必飲，所有生薑蜜系列晚市都做緊半價㗎！

係將軍澳中心行街，見到呢間越南餐廳好吸引，晚市堂食惠顧任何食品，指定飲品有半價好抵呀！越式慢煮南乳豬手四大件豬手，因為採用了慢煮的方法，所以真的很腍，而且相當入味，味道有點像中式酒樓的炆豬手，非常值得推介。椰青香茅蜆湯湯底勁清甜，加入香茅和椰青水煮蜆，是充滿越南風味的做法，既可吃到蜆肉鮮味，又帶點香茅椰子清香。順化鮮茄牛腩煲牛腩有明火保持著一定熱度的情況下味道不錯，食落口感軟稔而不黏牙，索了茄汁酸酸味味更加開胃，配菜仲有洋蔥和蕃茄好豐富！生熟牛肉河粉湯底清香，食完不會有口渴感覺，河粉口感夠滑，生熟牛肉牛味濃，肉質鮮嫩不韌！扎肉拼蒸粉包蒸粉包和扎肉各四件，越式蒸粉包係越南餐廳必備嘅餐前小食，餡料非常豐富又香口，外層有晶瑩剔透嘅粉皮包住，配搭彈牙嘅扎肉，味道清爽而不膩。桂圓生薑蜜（半價）生薑的濃郁香氣，口感少辣且香氣濃郁；同時添加蜜糖，有助於入喉更加滑順，並且可以平衡辣味與甜味，喝起來很滋潤，而家餐廳仲做緊半價好抵飲！三色冰三色冰層次感十足，底層有紅豆、中間係去皮綠豆和綠色粉條，最後面層淋上甜甜的椰汁，椰香味道十足，呢杯三色冰仲做緊半價都好抵飲！

假日來到了將軍澳中心食午餐，想食越南野所以來到了what the pho落單後很快便上菜，點了一份同朋友來到了生熟牛肉河和燒豬頸肉金邊粉生牛肉河湯底都有牛肉味，牛肉的份量都合適，配上滑滑的河粉食很不錯燒豬頸肉金邊粉一上檯見到個燒豬頸肉已經好吸引，燒得很靚。食入口仍有肉汁，配上自家製的甜酸醬很開胃。 而金邊粉都很不錯，吸埋湯汁食很好整體來說餐廳食物既質素都唔錯，但略嫌職員收執既速度有點過快。一放下筷子便1秒收執，速度驚人

今日本應約咗家人到囍越食午餐，餐廳只得五六枱客，我在門口等Receptionist帶位，在我前面還有一位客人等候入座，只見帶位妹妹在餐廳內閒著，明明見到有客都不帶入座，及至前面客人開聲問才帶入座，本以為她會之後出來帶我入去，但卻沒有，她是知道我在等候，而她卻只是閒企，我再等了一分鐘，之後大聲問是否自己入座，帶枱妹妹一点歉意都沒有，還大聲說自己很忙，今時今日有咁嘅服務態度真厲害，老闆想要生意，但員工卻在倒米，最終，既然員工咁唔想做生意，令我都害怕其食物質素，所以立即轉餐廳，其實還有很多選擇，不去也吧！

下午茶時段光顧，點了客香茅豬扒河，服務員說要等15分鐘，冇所謂，但35分鐘過去後再追問，見服務員去問了一下廚房，之後到門口處撳了一輪機先至埋嚟話漏了單，而家開始整，當時餐廳不到三成客，而且已經通知客人需要等，都竟然可以漏單，而該名服務員覺得好似無乜所謂咁，就連半個字道歉都無！

首先，凳坐得唔舒服嘅，檯之間排得好迫，好似搭檯咁，聽到哂隔離檯講野，我同朋友傾偈都傾得辛苦，感覺似快餐店。上菜速度係快嘅，味道都唔錯，但當出面開始多人等位，啲侍應就好想收我地未食完嘅野食，好似催我地食快啲咁，而我地當時係食左一個鐘都無。明明我地都係拎住筷子食緊，我面前碟野食仲有1/3，個侍應都想收，完全係趕客。之後有第二個侍應又係咁，我同朋友都一齊飲緊個湯，煲湯係仲有一半，個侍應都想收，我真係唔明佢地發生咩事。出面係好多人等位，但都唔代表要用咁嘅手法趕人走，想好好地食餐飯都唔得，要護食真係好大壓力，唔會再黎！

當日同屋企人一齊去將軍澳搵食😋 見到呢間越南餐廳，決定入去一試🤓整體而言係正正常常嘅味道，無話特別抵食，同埋菜式係越南+泰國都有啲，如果路過將軍澳想食下泰國/越南野，都可以去試下冬陰公海鮮炒飯飯炒得粒粒分明，炒飯入面加嘅海鮮亦無手軟，比得好足料！呢個炒金邊粉味道算偏甜，加埋隔離嘅青檸、辣椒碎，花生碎味道會好啲　安南燒乳豬乳豬係即叫即整，皮燒到好脆，但食到最後會有啲膩香芒糯米飯🥭芒果好甜！糯米都唔會太淋或者乾，口感軟糯，唔錯🤤

今日去左將軍澳行街，順便食埋個lunch 先返屋企裝修精緻空間感一流，lunch 時間都唔多人，坐得幾舒服叫waitress 點餐，個waitress 黑曬面咁過黎，就知點解無人幫襯香茅豬扒湯金邊粉$72香茅豬扒同平時食嘅唔一樣，有啲似吉列豬扒煎炸類炸粉有啲口同埋同想像中唔一樣，越式豬扒都係鍾意食煎豬扒多啲金啤粉超級大兜，個湯底都幾清甜嘅，食到一半已經好飽呢餐越南嘢都算有啲貴，加埋嘢飲再加埋嘢都成舊水，expect服務質素會高啲

去開將軍澳行街餓餓地就去咗位於將軍澳中心嘅What the Pho醫肚我地叫咗⬇️越式海南雞飯 雞油飯好香,海南雞雞皮唔算好厚👍🏻附上3款唔同醬汁,3款醬汁都同海南雞好夾👍🏻另外配上冬瓜湯,味道偏清淡香茅豬扒金邊粉香茅豬扒煎得幾香脆,不過金邊粉嘅湯底偏淡柚子蘆薈梳打柚子蘆薈都幾多,整體唔算太甜👍🏻凍青檸茶味道一般不算太突出#hkfoodie#whatthepho#openrice#將軍澳中心

早前起旅發局既夜饗樂活動拎佐呢間餐廳既$100餐飲卷，所以黎試下呢間越南野好唔好食。我地叫佐炸蝦餅，冬陰公湯底海鮮河粉同馬拉盞炒通菜。冬陰公海鮮河粉: 湯底係冬陰公湯底，唔算太辣，材料好豐富足料，有兩隻大蝦，幾隻漲卜卜既大蜆，幾條魷魚圈同幾粒帶子咁，比想像中既份量還多，河粉非常細滑，值得推介!炸蝦餅: 外面脆卜卜，蝦餅彈牙香口，整體感覺十分有口感!馬拉盞炒通菜: 鹹香惹味，但份量少佐啲，建議可以再多菜少醬料。整體黎講價錢都算合理， 服務態度都OK， 可以值得再試。

睇完戲 朋友話想食越南菜甘咪上網搵囉搵到一間係將軍澳中心角落位既What the pho (囍越)諗都冇諗就入咗去食價錢中等，聽員工講，飲品同甜品都係師傅自己整力讚因為我覺得自家制點都會好食啲 最起碼係用心製作，別有一番風味由於太肚餓肚餓所以冇乜點影相除此之外佢哋仲推出左付費會員員工們都很樂意講解入面既內容有啲咩優惠thx a lot點樣用比較好等等另外一樣野，希望可以增加一些新菜式啦最後芒果糯米飯，竟然有意想不到的驚喜

其實本身小弟都好中意食粉仔哩間越南野 真係好食雖然 有時候我見到佢哋忙得滯 都會快快手手 叫佢哋落單先推介大家冬陰功海鮮炒檬粉座位坐得舒服上菜速度快員工有禮貌同埋真心會體諒佢哋既辛苦

幫襯過幾次，服務態度一次比一次差，真係唔會再幫襯。本身呢間店食物都較貴，見食物種類多所以都會一星期一次，但次次去都要睇佢哋面色，講真成個場唔係得佢一間食肆，點解要受佢氣。有次無意中知道the point app會有折扣優惠，向服務員提出用優惠，態度勁差，唔想俾人用折扣咪同point 個邊講囉！呢間店嘅3個樓面waiter真心趕客。食物即使幾好食都無用，首要請炒左換過一批新嘅waiter先啦！唔！會！再！幫！襯！

本人係將軍澳街坊, 有光顧呢間食店好多年,平均1個月1次,一向食物真係好好, 服務亦算OK。但早前去食嘢時, 我同家人係先到達的(未有人龍), 後來再來了一對夫婦排了在我地旁邊, 之後有位戴眼鏡生面口嘅男職員走過來, 可能佢唔清楚情況攪錯了就叫果夫婦先入座(但其實係我地嚟先), 我同家人就同對方講返事實, 該男職員就話：“得一對手乍我”, 之後佢又行咗入去內堂唔見咗, 1分鐘後出返嚟門口又係安排果對夫婦入座先。由於感到佢無視我地, 我就上前同佢再重覆一次係我地先來, 和提醒該男職員純粹安排跟返次序就可以了，可是對方越講越激動而且唔聽人說話, 連珠爆發說話間沒有停頓位及搶住來講, 最震撼我同家人係佢講講下一手將份Menu牌"啪"一聲當場掉在檯上, 然後說:"係呀我係白卡嚟㗎!", 之後見到他往廚房方向走去。由於不知道他會做出咩行動, 我地立即害怕走人。🥶🥶(當日係有一位中年女性職員出來了解, 說是果日負責主管, 亦有目睹該男職員的拍打表現和言辭的)🥴 希望貴公司正視吓🙏🏻🙏🏻