榮記茶餐室

Open Now

Now Closed

一早係慈雲山做完嘢11:00左右，去到朋友介紹嘅榮記，剛剛好可以食煲仔上既沙嗲牛肉公仔麵職員仲介紹埋另一個招牌必食嘅芝士撈公仔麵。煲仔大約10-15分鐘先上枱，因為真係用煲仔去煮，而唔係煮好先放入煲仔到熱一熱。所以個煲仲出泡滾埋啲狀態，可見鑊氣十足👍🏻沙嗲牛肉好入味，份量十分足，應該有成十幾塊牛肉放滿係公仔麵上面。芝士撈公仔麵都十級推介👍🏻好香，芝士汁又香又滑。鐘意香濃芝士味嘅朋友必定要試。

慈雲山人氣沙嗲牛肉煲仔麵 成日網上見到有人吹捧 呢日岩岩減肥行完獅子山 落山就去增肥試試 （餐牌睇圖）假日中午時間去到 竟然唔洗等位可能因為慈雲山比較遠 鑽石山站行過去都要近15分鐘.唔洗問 落單一定試沙嗲可以選擇 牛雞豬 公仔麵 米粉 粉絲⭐️真沙嗲牛肉粉絲煲$68上台 明顯見到 新鮮煲勁熱 都大煲 有啲蔥花👍🏻牛肉量多 keep住食到尾都仲有👍🏻牛肉口感幾軟滑 唔太feel到鬆肉粉沙嗲汁 質感濃郁 唔會太水 多花生粒‼️重點 每一塊牛 每一條粉絲都吸收到沙嗲汁 同花生粒相信亦都係大家吹捧嘅原因口味方面 恰到好處 粉絲吸收大量汁都唔會覺咸花生味比沙嗲味更突出 好香 有層次（但花生太多可能會食濟）.整體評價 高分 香港有層次嘅沙嗲汁唔多鍾意沙嗲有花生嘅朋友 評價更高個人喜好鐘意偏黑 小花生嘅港式沙嗲汁.#hkfunfoodrecord窮遊香港#hkfunfoodrecord_慈雲山.#榮記茶餐廳 (慈雲山)地址：慈雲山毓華里12號地下.⭐️評分：味道：4.5/5環境：2.5/5 枱小痴服務：4/5 店員好nice抵食：3.5/5 $68唔算平 但高質

第一時間叫佢招牌菜試下 - 流浮山金蠔拼蝦乾煲仔飯金蠔一共有3隻，每一隻都好大隻好飽滿，半乾身的狀態，鮮味釋放哂出黎，入口好鮮香又多汁蝦乾份量好充足，夠鮮甜又鹹香，送飯一流， 臘腸排骨煲仔飯一開煲蓋，臘腸鹹而重味，佢油香既滲入哂成煲飯，另外排骨醃得都算入味，肉質都夠軟滑 榮記煲仔飯既飯底，真係做得好出色，每粒飯都好夠乾身，粒粒分明，食到底，飯焦仲好香脆，唔會好痴牙，鐘意食飯焦既一定要試下 佢既煲仔飯都係即叫即煲，雖然要等耐小小，但熱辣辣即煲既煲仔飯係唔同啲

一場黎到慈雲山無理由唔試下佢地既名物榮記沙嗲牛肉麵煲嫁嘛🤭中午時間去到，由於K係毒食唔使等就入得😝店員姨姨都勁Nice🤣沙嗲牛肉麵 $68黎到一打開個煲蓋就冒哂泡泡咁，非常熱辣辣💃食既時候將公仔麵好好拌勻，確保麵條完全比沙嗲醬包裹住🤣自家沙嗲醬夠哂香濃，好杰身～而且花生味道好香，勁邪惡吖！牛肉份量幾多，而且肉質好軟腍，加埋豆卜、芽菜超索汁，不過食到尾都有少少膩滯感，果然岩同人Share食吖

《製》榮記茶餐室《號》沙爹牛肉煲仔麵《貝》$68《案》《品》【沙爹膽】🔸奉桌湯底翻騰，牛肉鋪於中心，綴以蔥花，賣相吸引。🔸湯底偏黃，色實不透底，而知花生之濃！🔸濃湯入口，令花生痴淚流滿面——🔸普遍沙爹湯底乃鹹辣味一枝獨秀，花生淪為配角；🔸今花生醬重手，兩者如並蒂蓮開，不相伯仲！🔸粒粒碎花生毫不手軟，更多沉底，宜拌勻食用；🔸湯底越喫越濃，越喫越稠，到底簡直如醬般稠厚——🔸又讓重口老饕愛不惜手！♦️除花生碎，湯底更混入大地魚粉、蝦米、椰漿——♦️眾星拱月，令沙爹層次更盛，而不喧賓奪主。♦️眾料調和出味，令湯微沙，口感醇厚起沙，味濃醇香！♦️加上熱煲保暖有功，湯熱至最後一口，味道持續揮發。▪️若沙爹添些辣，則是錦上添花。—————————————————————————【配料】♦️牛肉份量多，大小厚薄於平常茶餐廳相若，水準發揮；♦️唯偏向滑牛質地，且未盡入沙爹花生湯底之濃味，可惜。🔸芽菜豆卜反飽吸湯汁，入味非常，以不同口感呈現沙爹。▫️麵條頗為掛汁，但重口之徒一向以湯匙盛湯與麵，滿足！▫️唯熱煲易令麵條軟腍，宜盡快享用。—————————————————————————🗺️慈雲山毓華裡12號地下

極邪惡沙嗲牛肉🤤🤤 嚟到慈雲山梗係要試下呢一間好多朋友介紹嘅榮記茶餐廳 佢係一個平平無凡角落頭平時行過路過都唔係好覺眼嘅試咗呢個沙嗲牛肉麵 簡直好似食上癮咁樣🤤🤤整返杯凍檸茶 即刻中和返冇咁滯最近喺旺角開咗分店 下次去試吓先😚

慈雲山榮記茶餐室今日特登嚟食呢個嘅沙嗲牛肉麵因為人氣真係太高所以呢一定要黎試吓🤤等咗大概半個鐘就有位☺️😍沙嗲牛肉麵配凍檸茶走甜真係唔係講笑㗎枱枱都係點沙嗲牛肉麵🤩好期待佢嚟到我面前🤤🤩瓦煲沙嗲牛肉麵超香😍好多牛肉牛肉嫩滑沙嗲唔算好鹹份量好多我食吾哂牛肉真係好吸引食一次就知道點解咁多人排隊😌

以前早餐或下午茶餐若果有沙嗲牛麵是必叫的，但近年發覺有沙嗲牛的茶餐廳已經買少見少，好多變咗沙茶牛肉或者蕃茄牛肉，原來沙嗲牛也正步向歷史回憶。這間沙嗲牛肉煲仔麵聽聞是慈雲山名物，既然難得有機會到來，當然要試一試啦😋沙嗲牛麵一上枱就熱焫焫，還是滾的，未食已經好吸引，內裏牛肉頗多，而麵也沒有太淋，湯有花生碎增加香味同口感，湯底有少少辣，惹味，也算濃，但若果可以再濃一點就更好。另外再加一個廚司推介的星洲炒米，可惜個星米唔掂，唔夠惹味及辣，同埋有少少燶味，唔知係咪因為黐底，但尚算乾身，不油。P.s. 個評分只係for 個煲沙嗲牛肉煲仔麵的。

平時食煲仔飯就食得多～但上網睇有間竟然係煲仔麵！心諗：食唔食得落肚架去茶記食沙嗲牛肉麵就食得多～食煲仔麵就真係第一次聽！人地有”飯焦”，唔知有無”麵焦”呢!同女朋友嗌左個粉絲雜菜煲($79), 鹹魚排骨煲仔飯($80)同埋真。沙嗲牛肉煲仔麵($68)嗌完有兩碗湯送，冬瓜粒湯黎～夏天去岩晒消署！個粉絲雜菜煲本身話跟白飯 但因為我地嗌左煲仔飯 驚食唔晒 於是我地話唔洗跟了～中意清淡嘅朋友岩晒！因為都幾清～又唔係好鹹！正常啦呢煲野都～份量都幾多下個煲仔飯就好多排骨！亦都好有鹹魚嘅香味！！啲飯嘅份量亦都好多！重點係好多飯焦！中意食呢煲仔飯嘅精華就must try!戲浴黎啦！真。沙嗲牛肉公仔麵！好鬼多牛肉真係！！好唔客氣！而且都幾滑！公仔麵🍜反而覺得無乜彈性（唔夠熟），亦都無”麵焦”! 可能因為俾晒啲沙嗲湯吸晒啦～但呢兜野無話有驚喜～因為我覺得寧願去茶記食碗沙嗲牛肉麵 會好食過兜煲仔麵想試嘅朋友可以試吓～但我就唔認為需要encore個煲仔麵啦！如果身痕for fun可以試下嘅！So far, 二人埋單230幾都合理嘅！價錢唔係特別貴！想入黎試煲仔麵嘅朋友可以試下！不過地理位置就偏遠左少少啦～～

自從有沙嗲牛肉麵關注組之後，呢間小店就別具人氣！ 沙嗲牛肉煲仔麵 $68煲仔麵就真係第一次食～賣相係極吸引，滑牛好多又大塊又嫩滑，相當足料好有鑊氣，湯香濃又 掛 汁🤤唔會太咸。果然係沙嗲中嘅espresso👍🏼不過食到底，有好多花生，個湯會愈黎愈濃，如果你鍾意食濃味野既話就岩哂你配粉絲應該都好正，不過下次會share兩個人食，會冇咁飽🤣 值得一試！味道: 8.5/10性價比: 7/10另外，餐廳有供應即棄圍裙，如果驚整污糟件衫可以問staff拎～（員工態度亦都好好）📍榮記茶餐室慈雲山毓華里12號地下A-B舖

終於試到慈雲山煲仔麵喇🤣雖然真係有啲遠但都要朝聖下既😛星期六下午茶時間去到都接近滿座但好彩唔洗等位☺️⁣⁣沙爹煲仔麵 ($68)可以揀豬、牛或雞，我地揀左牛，份量好多而且係鮮牛肉👍🏻上枱熱辣辣🔥成煲既份量其實夠2個人食🤣沙爹醬都濃，食到陣花生🥜味☺️公仔麵掛湯正呀😆⁣⁣#MomoBoo#MomoBoo有咩食#MomoBoo假日好去處#榮記茶餐室#沙爹牛肉煲仔麵#igfood #hkfood #instagramfood #foodinhk #hkfoodie #foodblog #hongkong #香港#拍拖好去處#情侶日常#假日好去處#couplelife#foodie#相機食先#慈雲山美食#慈雲山

食呢個真。沙嗲煲仔麵都要撈起撈起呀，個日11點黎到都好多人呀，雖然無隊排但大家都好有秩序，等左大概半個鐘先入到去，一上枱就jilijalaaaa咁好正呀真係，怕熱既朋友仔就唔好即刻食， 因為個湯都幾熱同杰， 一不小心真係會辣親嘴仔架，而且仲係有花生醬嘅沙嗲真係好正呀，超濃郁煲仔熱辣辣好正KEEP到個香氣，果然係沙嗲中的ESPRESSO，今次當然要食沙嗲牛公仔麵尼個經典COMBO喇，麵係一上嘅時候有啲硬但係係我地喜歡嘅哈哈，而且沙嗲牛仲要係滑牛，我地仲叫左個西多士都好好吃好正～

我本身好鍾意做運動，間中會有啲碰撞受傷，每一次受傷我都會去慈雲山睇跌打，有一間叫做羅英祥好出名，發哥都有睇開,呢個係題外話咁啱起身隻腳有啲唔舒服，我去慈雲山睇醫生，拎咗籌等睇醫生，大約要等個半鐘頭到，趁有時間就出去兜個圈搵嘢食，點知撞到個朋友住慈雲山啱啱落的士佢都未食嘢，佢就帶我食邊間榮記，佢話去慈雲山一定要食入咗去就幫我拍板，叫咗個煲仔沙嗲牛肉麵個賣相好夠霸氣，佢係煲仔飯嘅瓦煲，裏面就係個沙爹牛肉麵我食之前朋友溫馨提示叫我小心熱不過真係第一啖食落去真係好熱，要不停吹幾下先至入到口，仲要邊食邊飲嘢佢個湯味道濃沃，牛肉非常入味，個面唔算太琳都係我想食嘅口感不過我反而鍾意一般茶餐廳嘅沙爹牛肉麵，雖然個湯味道濃沃，但係佢個湯好似夜晚叫小菜肥牛粉絲煲果個汁嘅口感，我鍾意湯麵嘅感覺多D不過如果鍾意食沙爹牛面，一定要試下同埋價錢都有啲貴

餐廳最出名的煲仔沙爹牛肉麵，煲仔麵可選牛肉、豬扒或雞扒、麵底可選出前一丁、米粉或粉絲。今次兩個人一人一煲，一個要沙爹煲仔牛肉公仔麵，另一個要沙爹煲仔豬扒粉絲。煲仔上餐時滾熱辣，香味濃，湯底非常濃郁，沙爹有花生香。沙爹牛肉公仔麵，牛肉非常多，食極都仲有。豬扒則普通茶餐廳質素，建議揀配牛肉。煲仔麵沙爹湯十分濃，食到後段湯底會較杰，會有點滯，女仔一個人會食唔晒一煲。如果兩個人去，建議可以叫一煲，然後加其他野食，兩個人食一煲份量會較合適。另外值得特別一讚，員工服務態度非常好，係我去過茶餐廳中遇到最好的👍。

上一次去咁啱撞正佢裝修無得食...今次去之前有打去問就冇撞板啦😂#滑蛋叉燒飯得罪講句：一睇就知係一個頹飯啦 (註: 頹≠唔好食)嗌嗰個真係激死我😂#沙嗲煲仔麵 (牛肉)我期待已久嘅沙嗲牛麵呀~有個煲加持真係唔同啲，沙嗲味好似特別香咁不過既然佢聲稱自己係沙嗲中嘅espresso我expect 佢個味會再濃啲🤷🏻‍♂️anyway，值得encore~#邪惡芝士煲仔飯 (雞肉)睇見佢有咁多芝士我就好興奮🤪佢用嘅芝士唔係話特別重味不過佢面頭有啲煙肉加返重個鹹味所有飯都可以俾芝士包裹住，食落好creamy，果然夠邪惡😈#臘味三寶焦脆煲仔飯初初估除咗臘腸潤腸之外到底邊一樣係第三寶原來係臘肉呀🤤店員拎到黎嘅時候幫我哋加咗豉油然後再冚返蓋焗一焗再打開嘅時候啲臘味味真係好香不得不提佢啲潤腸同我食開某大牌子嘅好唔同，多咗種香味佢嘅臘腸亦都唔會乾爭爭 (月巴😂)總括而言，佢啲煲仔真係好正如果響冬天嚟食簡直一流 (仲有好幾款想試)