榮記茶餐室

Open Now

Now Closed

【慈雲山🔥煲仔沙嗲牛公仔麵】📍 煲仔沙嗲牛公仔麵沙嗲牛麵食得多，煲仔上枱既真係第一次見😳上到枱嘅時候仲滾住，熱辣辣🔥🔥🔥個湯底似平時出去食打邊爐嘅沙嗲濃湯底，比較濃同埋杰身，牛肉有咬口，不太冧👌🏻煲仔keep住個溫度一段時間，係幾得意嘅。不過食到後期啲麵已經冧哂，所以建議鍾意食爽麵既朋友，拎個碗仔夾起d麵先喇😎不過鋪仔坐得比較迫，茶餐廳格局咁丫。同埋佢既位置比較偏僻😛唔係住附近過去都幾辛苦呀

榮記既煲仔沙嗲牛肉麵紅左咁耐係有佢理由既！上年冬天食過佢地既煲仔飯，對佢哋出品有信心夏天熱辣辣都要試埋煲仔麵2個人冇理由叫2款一樣，所以叫左一個沙嗲牛肉麵，一個沙嗲雞扒粉絲~賣相~姐姐一開蓋，d煙就攻出嚟！真係熱辣辣！d湯係滾住既！加埋大量牛肉，睇見就流晒口水雞扒就⋯⋯比較一般一睇就知煎左好耐，同比較乾⋯⋯不過煲仔粉絲一樣吸引~味道~個沙嗲湯真係！好！好！好！濃！啖啖花生香，配好輕微既辣每一啖都有沙嗲味！而且好濃好厚身好似沾麵既湯，麵可以掛滿沙嗲湯粉絲就每一條都吸滿沙嗲精華麵同粉絲都唔會過軟，食到尾都有趙口佢哋既麵係用出煎一丁，唔係其他牌子！我覺得口感真係彈d牛肉雖然係普通部位，但好腍又唔老配沙嗲湯好正加埋d葱，勁香！但最正都唔係牛肉係！豆！卜！真係索晒湯，好好食但一煲得一粒好想食多幾粒仲有芽菜都好好食！可以剩食豆卜芽菜都得～份量～真係好大煲！我估麵有1.5個左右我同朋友係食唔晒個麵粉絲都有好多，一定夠飽～飲品～去茶記必定要試奶茶☕️色香味都合格茶奶比例都ok配埋沙嗲牛肉麵真係好prefect 既港式早餐～去到叫咩好～個人推薦沙嗲牛肉粉絲比麵更加食到沙嗲味同湯！而且冇麵咁膩~如果唔食葱同

久仰大名👀 想試呢間煲仔沙嗲牛好耐，可惜所在位置實在有點隔涉，上排裝修又停業了一段時間。趁平日lunch time有時間，專程去拜訪一下搭地鐵前往的話要再轉多一程小巴才到，搭巴士最近的站是德愛中學，下車後步行幾分鐘就到餐廳。平日的lunch time 都是幾乎滿座的，但不用等位，相信假日去應該要排隊。可能是平日的關係，上菜追度也算快。另外店員很細心，會問客人用餐時需不需要即棄圍裙，在茶餐廳有這個服務實在值得加分除了牛肉，還可以轉雞扒豬扒，不過是另上的。出前一丁也可以轉米粉或粉絲。不過覺得沙嗲配牛肉加出前一丁才是最正宗的吃法，所以沒有特別轉。一上桌，煲仔麵的湯底仍然是滾的。牛肉份量慷慨，而且肉質唔錯。沙嗲湯底濃郁，鹹鹹辣辣而且有花生味除了出前一丁，還有索湯一流的豆卜和芽菜墊底。麵餅一開始是偏生的，一邊吃麵條會慢慢吸收沙嗲汁，而且愈來愈掛汁，吃到尾會變沙嗲醬拌麵，好滋味另外配凍飲+$7 ，凍奶茶不過不失咁啦。

-平時就食開煲仔飯，今次就食好足料 沙嗲牛肉煲仔麵🤤網上見到相都流曬口水👍🏻-沙嗲牛肉煲仔麵🍜（$68)可選牛肉🐮｜豬扒🐷｜雞扒🐣今次嚟食，點可以唔點招牌美食呢～見到好多人都推薦依個沙嗲牛肉煲仔麵╰(*´︶`*)╯♡個麵一上枱真係嘩出聲ヽ(´▽｀)/賣相真係好吸引😍聞落好惹味👻見到都覺得好足料，有好多片牛肉🥰再加少許蔥花，每條公仔麵都沾滿了濃濃花生醬汁🥜仲有好多芽菜，豆卜吸收曬沙嗲精華💛而湯底濃稠👍🏻👍🏻同平時茶餐廳食嘅好唔同❤️仲食到有少量花生碎(о´∀`о)而每片牛肉有一定厚度☺️肉質嫩滑，真係好味😘2個人Share一個就夠曬～下次會再去食👻-PS 要留意茶餐廳營業時間～星期一至六：6:30am - 9:30pm 星期日及公眾假期：6:30am - 5pm-Name🏠:：榮記茶餐室 Wing Kee RestaurantLocation📌: 慈雲山毓華里12號地下A-B舖價錢💰: 沙嗲牛肉煲仔麵（$68)

前排不停見到好多報導介紹呢一間嘅沙嗲牛肉煲仔麵5月中去過一次，點知撞啱內部裝修今日經過見到開返，就試吓佢啦😬一上枱仲有少少滾住嘅不過個湯比我預期中稀少少聞落去亦唔係太香沙嗲味，食落亦如此係好食嘅，不過無乜驚喜，一試無妨啦連埋一杯凍飲🥤多謝$75

週末周到吃，又到食lunch時間，記起朋友講過有一間沙嗲牛肉麵好似好好好好味咁！就去一試！我同老公叫咗兩個煲🫕🫕沙嗲牛肉煲仔麵，沙嗲雞扒煲仔米-兩個比較，的確係沙嗲牛肉麵好味啲，因為雞扒無論賣相同埋味道都一般！不過實在太眼大肚窄了，對於食量唔大的我們，兩個人食一個煲，已經好足夠！最多加返個多士！沙嗲湯底的確係好香，有濃濃花生味，用煲仔上枱熱燙燙的，冬天食簡直一流！🍜🍜🍜鍾意沙嗲牛肉麵嘅，記住來試試朝聖啊！👣👣

當日入到去 都系得我地尼臺客，所以都唔洗點等就有得食尼度一碗麵送飲品都系 $43-$48價錢都算系甘。我地就叫左豆漿，佢地既豆漿都系獨立包裝好，上面印有過期日，甘就好放心啦魚蛋麵既魚蛋好爽口，都尙算有魚味。魚片我就嫌佢有d 太薄了，口感就差d 啦麵質彈牙，岩岩好雲吞米雲吞好鮮味，因為入面都好足料，有兩隻細蝦加埋有豬肉。好好味，蝦肉好彈牙新鮮，無臭味不過就見到有蝦腸，如果有挑埋就更好啦整體都抵食既，$43就一餐

🍴沙嗲牛肉煲仔麵雖然我唔係沙嗲牛肉麵關注組成員但想試呢間好耐啦～終於食到😍😍餐牌話係沙嗲中嘅espresso,真係好濃沙嗲味上枱嗰陣湯底仲bulubulu,超吸引！！但牛肉就一般啦/////🍴芝士雞肉煲仔飯+窩蛋所有野加芝士都係冇得輸,煲仔飯都唔例外!傳統嘅煲仔飯通常飯要乾身,但呢個好係creamy嘅飯一路食一路feel到種邪惡感😂😂/////🍴白鱔煲仔飯白鱔足料(7-8舊)但唔算好肥美,豉油加豆豉,味道啱啱好,個底仲有脆卜卜嘅飯焦架~~/////其實價錢都唔平,不過間唔中食吓係OK嘅

🍽 Satay Beef Noodles💰 HK$68 (lunch)This is called "SATAY EXPRESSO" served in a tradiational Chinese clay pot!! That thick satay sauce was full of flavor with nuttiness of the peanut butter that was definitely worth going even it is not near MTR station. Their beef was also very tasty, one of the best I have had recently🐮 @twswingkee

香濃煲仔沙嗲牛肉公仔麵 ($68)同煲仔飯同一個概念！暖粒粒咁又香又濃嘅沙嗲味！其實仲有好多其他煲仔揀不過好似呢個最出名所以試左呢個。面係超爽口，牛肉一d 都唔吝嗇，有好多片，雖然地點有D僻，都係搭巴士先去到，有dd 難搵啦，但係都好多人排隊~食完有D滯，差DD 食唔晒，不過真係食得好開心 我地坐門口室外，抗疫期間有d人真係等位企得好近我地有dd唔自然，所以都係快快手食完就走！上菜上得都快，唔洗等太耐。

呢排因為今年網上成立左個香港沙嗲牛肉麵關注組，短短幾個月已經有幾萬人入谷，令到大家有想食沙嗲牛肉麵既熱潮，而呢間茶餐廳因為呢個關注組而變成人氣小店，佢係因為關注組捧紅既兩間小店其中一間。雖然呢間茶餐廳係慈雲山有D山旯旮，反而吸引左好多人黎排隊，原因係因為佢係上年推出左一個沙嗲煲仔麵，賣相吸引，吸引左好多人黎打卡同埋食。呢間榮記茶餐室係一間食煲仔飯好出名既茶餐廳，係1994年開業，已經有26年歷史，呢家店主係榮記第二代負責人，以前係一般茶記，去到2016年店主返黎接手屋企人生意，加左唔同新潮口味好似煲仔飯，多人認識左，煲仔飯就成為左佢地招牌，其中玫瑰肥牛煲仔飯上面會加左玫瑰露同冧酒，上枱時點火就會成個煲仔飯上面都係火，聞落非常之香，燒完之後加返店鋪秘製豉油。因為呢幾年好流行食牛頸脊，D人好鍾意將牛頸脊擺落打邊爐，所以店主將佢加入煲仔飯，係一間有力求創新既茶餐廳。呢度仲有一款食材一般茶記係無，就係金蠔。呢度既招牌陳蠔，姐係陳皮蜜錢金蠔，係因為店主媽媽係流浮山人，所以有門路入到正宗流浮山出產既金蠔，所以店主都將金蠔擺入煲仔飯，變成招牌既金蠔蝦乾煲仔飯，飯底吸收左金蠔同蝦乾既鮮味，就算未落豉油

◽️作為肥佬黎最愛的平民食店之一，就看看有什麼水準。雖然有不少傳聞扮黃實藍，說tvb賣廣告，但又有文宣，，基於黃圈要擴闊門欖道理，加上蘋果日報光環加持 ，只當中立，或綠店。▫️🟠真.沙嗲煲仔麵 ，可選牛肉，豬扒，雞扒(HKD 68)🟠🔹環境坐大約20多人，基本上排隊等15分鐘為必然。總結上 : 牛肉質素 : 3.5/5沙嗲汁質素 : 4/5沙嗲入味度 : 4.5/5整體度 : 3.5/5 高峰期日賣80煲的沙嗲牛肉煲仔麵，極度適合下一次冬天吃。這煲的牛肉汁可算是眾多代表最濃厚之一，每煲都是獨立煲煮，用上瓦煲呈上。先以大量花生碎、蝦米碎、大地魚粉炮製，味道香甜帶辣，花生香超濃，再炒香沙嗲膽，加入芽菜、清水及椰漿，再放進新鮮牛冧肉，最後加入出前一丁，撒上葱花上枱。牛肉比較薄，但朱味仍然重，口感軟腍柔軟。整體上這煲都很令人滿意，只是非常飽肚，起來也有動不了的感覺。另外忠告一提，拍照時間只能三分鐘內，如果凝固了，會變成一片漿糊。🟢據說芝士煲仔飯都非常吸引，或下期會再度光顧。🟢

《沙嗲牛關注組🐮》———————————————-#榮記茶餐室 🐄-榮記茶餐室最近人氣大熱，早排專登潮聖呢一間位於慈雲山的老店茶餐廳，佢原本係以煲仔飯馳名嘅，店主好有諗頭，改良為啱哂香港人口味嘅沙嗲牛肉煲仔麵，非常邪惡吸引😈-每煲都即叫即煮，熱辣辣！用咗大量花生同蝦米碎熬製個湯底，沙嗲膽炒得好香，味道濃郁帶辣，加入埋芽菜、豆卜同椰漿香，十分出色～牛肉超淋新鮮，口感嫩滑🍜識食嘅我哋好欣賞佢喺最後一刻先加埋出前一丁、撒上葱花，保持到個麵質煙韌。沙嗲汁超濃，不斷咁滾到最後仲有啲撈麵，吸哂啲精華，夠哂重口👍🏻-餐廳仲有好多邪惡麻甩嘢，今次我哋仲食埋梅菜扣肉飯，肉香而不膩，鹹香得嚟帶點微甜，燜煮咗嘅之後完全軟爛，有種入口即溶嘅感覺，簡直係米飯殺手🍚-⭐ 參考價錢︰沙嗲牛煲仔麵： $68梅菜扣肉飯午市套餐： $45🍌 抵deal 指數：9/10

已經留意香港沙嗲肥牛關注組一段時間呢一間就係榜上有名嘅榮記茶餐室 聽講係煲仔沙嗲牛肉麵嘅始創者佢嘅沙嗲牛肉麵係即叫即做由一個瓦煲滾住上 開蓋嘅時候仲會有煙架沙嗲嘅香氣 超級吸引 佢嘅沙嗲膽又花生碎蝦米碎同大地魚粉 香甜帶微辣 而且超級超級濃郁 未食都流晒口水🤤🤤🤤配料方面可以選擇牛肉豬扒或者雞扒面類亦可以選擇出前一丁粉絲同米粉我當然揀咗最出名嘅沙嗲牛肉啦牛肉嫩口 公仔麵都煮得好彈牙爽口不過始終用瓦煲一直哄住食到尾嘅時候啲面會漲晒 係佢其中一個缺點而佢每條面都能夠滲透到沙嗲醬嘅精華 非常之美味不過食多兩啖難免會覺得有啲膩 建議兩人分享一煲就最Perfect總括嚟講 沙嗲牛肉公仔麵 味道出色 作為招牌菜係實至名歸！絕對值得一試！

榮記既沙嗲牛肉麵同煲仔飯聽左好多年, 作為慈雲山街坊既我咁耐都未試過, 今日放假就同屋企人去試下啦!!!次次行過榮記都係咁多人,今次都唔例外, 等左十分鐘位左右就入到去啦~呢到既環境其實真係好一般....又逼又細, 不過唔緊要, 試一試佢個招牌茶沙嗲牛肉煲仔麵先!!!嘩, 黎到個樣真好吸引既!!炸炸聲，夠哂新鮮熱辣！味道方面，佢個公仔麵本身無飛水，直接放入去。咁樣會令好多泡沫出現、而且公仔麵面頭既鈉會食哂落肚。。。其實簡單飛一飛水個效果同埋口感會好好多，成本亦唔高。個沙嗲湯底好濃，比較重花生醬味，食到一半已經好膩。牛肉就係一般正常野，無咩特別。所以結論最出色係個presentation,用左煲仔上,個marketing亦做得好, 味道同環境就真係好一般