榮記潮洲粉麵

Open Now

Now Closed

寫食評可以跟人分享，也對自1有提醒及回憶，真的感謝openrice!今日跟朋友大吵大罵二個小時...最後也明白及體諒..相信已雨過天晴..每次不開心..都想吃魚云粥...今次也不例外...魚云輕輕爆過...好甜...才16元..真的好過和x及新x

四寶河$16, 普通貨色, 算可以.反而白粥$6 有少少驚喜, 看上去以為很稀, 吃落去都夠綿, 又有少少甜味, 攞番d分.

朋友買車, 本是開心事.但可能太多鎖鏈的事要兼顧，他情緒有很多起伏...有點難受...自己對自己好一點..已經十一時多..肚好飽...但都走到街頭買我最愛的魚卜魚雲粥..材料已爆過...好好味..只是粥較稀..女人...要懂得照顧自己

最鐘意食佢既魚餃河, 價錢又合理.

極力推介魚旦粉, 魚旦超彈牙又有魚味, 一定要試!!! 我本身係潮州人, 而係我心目中就只有榮記帶到比我真正既潮州風味, 值得一試!!!

以前住係西環時買親外賣媽咪都會買呢度....不過其實我覺得d野冇乜特別..但係冇乜特別得黎樣樣都幾好食..粥同麵都不俗的.......唉..真的好懷念西環啊..始終都係西環好.......

唉...唔夠訓, 又禁錯制, 真係好對唔住-__-"又係補完課, 係自修室做左陣功課, 少少肚餓, 附近又食得多, 加上心情受學校o既不利消息影響, 想行行路散散心, 於是行左幾個街口黎到呢度。300度散光o既我冇戴眼鏡亦冇戴con, 檯上冇餐牌, 即使我揀正大大塊掛牆餐牌前面坐, 都係睇唔清楚上面寫咩。冇辦法, 睇左幾眼就放棄, 一來冇心情, 二來想快趣d, 反正係呢度睇過食評, 就叫左個紫菜四寶米。呆左唔夠一分鐘就有得食, 真係出乎意料之外, 可能因為客人唔多(雖然係12:35pm) 心情唔好, 連相都冇心機影先食紫菜, 幾爽, 好有口感。撈辣椒油渣, 唔知係呢度o既唔辣定係太大碗, 撈左整整一羹渣同半羹油都唔太辣, 米粉都幾好, 好滑, 唔太腍。墨丸真係幾好食, 好有墨魚味好爽口彈牙。魚皮餃好似好過普通打邊爐果d, 唔太多油, 不過唔太鮮味。豬肉丸又係彈牙, 好有鮮豬肉味。最唔掂係舊魚蛋, 係一餅黐埋晒一齊o既魚蛋度切出黎果隻, 味道少少怪。湯底都幾清, 唔太鹹, 油份亦唔過多, 岩晒我呢d減肥人士。食完再飲左包蘋果綠茶, 個肚再冇投訴, 雖然心情冇好轉, 至少肉體感覺上好少少。

I like their cuttlefish balls noodles and 貢丸rice noodles. Nice soup!The place is clean and staff r friendly!

I particularly took a trip from Central to this shop last week, expecting the 墨魚丸to be impressive. Disappointing!.......totally agree with "quayteow" below. 墨魚鬚: a bit tasteless. Not enough air-con. Compared to the typhoon signal 3 outside, sitting outside maybe a better idea. Don't worth a long way of travel.

隔了數個寒暑，回來了。今日的榮記，已不再是白底紅字的榮記；今日的榮記，已換上了醒醒目目的新裝，食客也好像多了。要的，是當日的鎮店之寶- 紫菜四寶（墨魚丸、魚皮餃、魚蛋、豬肉丸）：墨魚丸明顯的退步了- 細粒、口感不爽（不關有沒有馬蹄的干孫）；魚蛋也是退步了- 也細粒、不彈牙；魚皮餃還可以，水準保持；反而豬肉丸有少驚喜- 較彈牙之餘，還有零星的豬肉筋粒，提提您它是「手打製造」的。當日的鎮店之寶還有即劏即炸的魚片...為什麼今天個個吃的，不是墨魚咀，便是魚腩粥？原來，鎮店之寶受到新產品沖擊的時候，也是有限期的。

昨晚身體不舒服..發冷發熱...選擇吃粥..魚卜粥..粥十分稀....魚卜好"醒"...相信因為天氣熱...處理得唔好!!!!最差是冷氣不夠.....我下次會想清楚先坐下吃東西

呢度D墨丸睇泥好多人讚..但係據我所知就唔係自己打既...係係一間西環潮洲丸鋪頭買架者...anyway 我覺得呢度D墨魚"須"最正...勁彈牙..不過有時D鹽會落得重手左D...但整體泥講係好味既!!價錢唔係貴!!D人服務態度幾好幾親切間鋪頭都幾乾淨

六四悼念晚會完結....心裡有點滴心酸...願天安門兒子的家人可以有自由...願六四可以平反...願中國人民可活在自由安全中!!!這麼快..十七年了...!!!晚上十時多...叫了魚腩粥..多菁...估不到...魚腩是魚扒..有四件..不算多骨...好滑吓..粥今次不杰...扣分...但好味道!!冷氣太小...扣分!

去專上學府幫朋友手講下野，一講又一點幾。講左個幾鐘，沒有什麼胃口，吃碗米粉就正好。行落荷蘭街，見這裡幾對辦，人客又幾多，就坐低叫碗紫菜墨魚丸墨魚鬚米粉試下。其實附近都有吃墨魚頭麵的地方，不過這裡的墨魚鬚，又真的是幾出色。口感爽脆，味道鮮美，絕對是新鮮貨色。除了幾條墨魚鬚，也有墨魚肉及墨魚頭，有不同的口感，但都好味，非常有水準；墨魚丸幾重身，有點料子。吃落幾彈牙，有墨魚鮮味，一點點的馬蹄去增加口感，絕對比什麼墨魚丸大王好；湯底都算清鮮，一點點的味精，無傷大雅，反而加了一點炸蒜片及芹菜，好有香味。吃完米粉，湯也飲得七七八八，很滿足。店員服務也不錯，埋單24蚊，唔貴，有水準，值得一試。下次再在附近的話，會試埋清湯腩。

周日作客西環朋友家,之前未食野,路過荷蘭街榮記,想起都有幾年無去過,記得佢地的墨魚鬚河,很不錯的.一碟炸魚皮,一碗墨魚鬚河,簡單不過,比平時吃得少.可能近胃口欠佳之故.否則絕對再容得下一碗墨丸.魚皮幾脆口,墨鬚河一樣過癮,呢十二個字已經係結案陳詞,想打多幾隻字已有心無力.PS:上到去見到契仔笑臉,只感到一臉茫然.