榮記潮洲粉麵

Open Now

Now Closed

店名：榮記潮洲粉麵地址 : 西環卑路乍路15G地下好味指數：7.5／10價錢：$26滑雞粥粥底綿滑，與滑雞🐥一起煮出來的粥底份外鮮甜，比較濃味，仲加入了薑和大蔥去腥，不過食完會有少少口渴 。滑雞輕輕煎過後再滾粥，雞肉幾滑。店名：榮記潮洲粉麵地址 : 西環卑路乍路15G地下好味指數：7.3／10價錢：$36墨魚鬚雲吞河呢度最出名既墨魚鬚果然名不虛傳，墨魚鬚粗壯又新鮮夠份量，質感非常爽口彈牙且有嚼勁，味道夠鮮。雲吞入面粒蝦幾鮮甜，湯頭鮮甜，配埋河粉食一流。店名：榮記潮洲粉麵地址 : 西環卑路乍路15G地下好味指數：7.8／10價錢：$26淨紫菜魚蛋魚片紫菜唔算多，但勝在湯底夠鮮甜，🐟魚蛋魚片食落彈牙爽口，愈食愈開胃😜

第一次踏足西環見肚餓搵間野醫肚見openrice 甘多好評就入去試下價錢的確相宜生滾粥幾好食仲叫左淨牛腩同魚皮魚皮好脆牛腩都ok~仲叫左一碟爽魚皮~正！下次再encore~

來到西環的卑路乍路，地區食店林立，菜式多樣化，價錢亦大眾化，在十字路口看見這間潮式粉麵店，想也不想便進去了。除了看見不少西環街坊到這裡來碗雲吞麵外，也吸引了不少在附近的上班一族光顧。價錢平質素低是對這些小店的正常想法，不過今次卻叫我明白，平民美食也有物超所值的，甚至可以稱上色香味俱全。我所點的是牛腩河跟炸魚皮。 點菜後用不著五分鐘，熱騰騰的牛腩河跟炸魚皮已火速送到。先嚐牛腩河，湯底清而帶濃厚的香味，牛腩肥瘦適中，肉質很有軟腍口感。魚皮更不用多講，脆身惹味，放在湯裡浸一浸，半軟半脆最可口。最初還以為是純雞粉味精開湯，配頹廢魚旦雲吞牛腩肉碎跟粉麵的小店，原來是別有洞天，用心製作，不能看小的街坊食店，看見很多食客都點了淨白灼墨魚鬚，看來要再來試試了。

姑媽話呢度嘅水餃麵好正，但我從來都未去過。 今晚就同佢加表姐三人一齊食。 環境衛生：例牌嘅麵檔環境，不過入面睇落都算乾淨。 服務:阿姐d態度好好。本來搭枱迫迫地，一有張空枱佢就叫我地坐過去，因為會舒服d。 味道及價錢:我地各人均要了一碗水餃麵（$22）。 麵質地好，夠彈牙，配上紅醋一流。 水餃更加正！雖然得三粒，但粒粒都好新鮮彈牙！蝦好大粒，真係好好食。推介！之後，我地又貪食share咗碗雲吞麵。雲吞都好新鮮同大粒，但味道普通，爭d salt 咁。Final Verdict:極力推介佢地嘅水餃！

是日午餐特意過黎食個麵，中國人點都係鐘意搵d粉麵黎食。今次叫左個雲吞麵加碟魚皮，魚皮平平無奇，無咩特別，但個雲吞麵真係幾好味，雲吞都幾大粒，而且入面粒蝦鮮甜，點綴左成粒雲吞，唯一不好係肥肉過多，一陣肥肉味。個湯頭就幾鮮，好美味，當佢湯咁飲完之後都無口干既感覺，相信係無咩味精既，有良心既餐館

響西環住左大半年，食黎食去果三、四間粥粉麵飯，尋日第一次想行遠 D 搵食，就試下呢間潮州粉麵舖。幫襯後決定寫篇食評讚下佢（雖然我完全冇影相）。今次亦係我第一次寫食評，希望推介倒正野畀大家。本身我想睇下貴唔貴先決定係咪幫襯，但響店舖門口果幾個大型餐牌度都搵唔倒價錢。而且都係粥 ge 資料多，有咩麵就唔係好睇倒。我行完左、再行右、再行去左，最後唔好意思齋睇唔買，就入左去坐喇。坐低之後我都仲望緊有咩食、幾多錢等資料，有兩個遲過我入去 ge 客人都點左菜喇，於是到我想點野食 ge 時候，個嬸嬸店員就忙住話畀廚房知 D 柯打。反正我唔趕時間，就諗住等佢得閒先再落柯打，點知呢個時候另一個嬸嬸（可能係老闆娘？）就開口提佢：「個靚女叫左野食未？」佢就即刻由廚房行返出黎問：「靚女想食咩？」果刻我真係心中佩服：「嘩！真係好識做生意，係唔係都讚靚女！仲好有禮貌……」通常其他舖只會問句「阿姐要咩呀」ga 咋！叫左兩樣食物：牛肚河（少河粉）、芥蘭（湯上）等待 ge 期間，睇下周圍環境。呢間舖四分之一地方係廚房，仲有兩個廁所，其實都霸左唔少位。成個場得八張檯，有幾張係逼逼地，不過好在大家都快食快走。衛生情況我覺得

作為在西環屹立多年的潮州粉麵店，相信不少人都會吃過它們的紫菜及四寶。不過，卻未必人人會知道，它們晚市還會有生滾粥供應。是日收工7時多，忽爾想吃這裡的生滾粥，便提早下車來吃。可能時間較早，這裡還不算多人，五六張枱有一半都有位，隨便選了一張坐下。地方乾淨，就連桌上的筷子插都有蓋上，令人用得放心先來看看粥品的餐牌，這的選擇蠻多的，基本上一般生滾粥店有的料，他們這裡都有，其中好像豬腰魚卜等材料，有很多的店也因麻煩而都沒有賣了。令外，餐牌上還有一樣很特別的菜，叫作桂花鮮魚皮，這次沒有叫，但從前吃過，是一道用了煮過的鮮鮮皮，加了麻油，花生，薑葱等的凍盤，食用時鮮味無比，有機會真要試試。這次我點了魚卜蠔仔粥。喜歡這個配搭是因為自己喜歡魚卜那種獨特的口感，而且份量很多，一碗粥也至少有三四個，和這裡肥美的蠔仔一起煮出來後，那粥份外鮮甜。在滾粥的時候，師傳已加入了薑和大䓤去腥，所以煮出來以後也不會有很多的腥味。這裡的粥底也不錯，只是濃味了一點，吃罷容易會有口渴的感覺。看過想吃的粥以後，當然還未夠，就只好加一碗麵了。也先來看看餐牌，這裡的紫菜四寶，豬什等都是做得不錯的。其中一樣我每次都會點的，是墨魚鬚。這一

好多朋友都係由細食到大先至咁有感情但係我都係近一兩年先開始試點知食開有引 成日都好想食lol一直對呢d潮洲粉麵都好有興趣平得黎又唔會太難食當食個輕飯就岩岩好豬肉丸墨魚丸河豬肉丸-d質感唔會太假話佢彈牙又唔會 但起碼唔會好似食緊紙咁囉lol個味幾好墨魚丸-係大家既推介粒粒都夠哂大粒十分足料 彈牙好味!河粉-我最鐘意佢d河粉唔會痴埋哂一大pet咁又林又唔好似同d湯溝埋真係好食次次都係叫河粉,肥都唔理啦不得不提佢湯真係和味唔會太淡! 不錯!雖然唔係好似街邊咁十蚊一碗但咁既水準十零蚊一d都唔貴!!老闆老闆娘都好好人 好nice令人有番左屋企既感覺

這是我第二次光顧榮記，記得上次也是點了雲吞麵吃。雲吞麵有五隻雲吞，＄１６這個價錢算是「抵食」！雲吞裡的蝦很大隻，真的很正但可惜麵質頗硬，扣分！如果加上菜會更加好！

三月廿七‧陰天 上一個食評已經是近三年以前的事，也是時候來吃一吃，再寫個更新的食評吧。 午市來到，仍然擁擠，幸好我一人來店，較易找位。快快的要了碗墨魚鬚河加紫菜，記得食評說這裡的炸魚皮也不錯，又來一碟。 河粉來到，二話不說，先吃墨魚鬚。墨魚鬚是新鮮貨，吃起來肉質鮮美彈牙，帶軟骨的部份口感非常爽脆，非常好吃。不過吃此品都幾考胃力，因為墨魚是難消化之物，墨魚鬚更甚，隱約記載得好似以前是放多一點墨魚鬚的，不過人年紀大了，胃力不勝，少吃多滋味，也好；河粉爽滑，豬骨湯底當然不能希望是沒有味精的，但夠熱，配合起來很不錯，是有水準的潮州湯粉； 炸魚皮反而只是普通貨色，薄身的，沒有什麼味道。單吃幾硬，還算有點脆，但幾考牙力，浸了湯亦然。 埋單28蚊，湯粉有水準，墨魚鬚更是新鮮好吃，值得一試。

最愛宵夜時分去榮記整番碗外賣~ 仲記得第一次食佢時, 係抱零希望! 只係唸住求其搵D野食, 點知番到去一揭開個蓋... 嘩~D香味即刻撲面而黎!!!牛肉豬肉丸粥: D牛肉即刻生滾, 生熟程度啱啱好; 豬肉丸就夠實淨且爽口, 正! 而且碗粥有D薑絲同生菜絲, 唔會成口肉, GOOD!蠔仔粥: 嘩!真係佑佢唔到... D蠔仔雖則稱為"仔", 但係都唔箅好細粒, 而且粒粒都好有鮮味, 每碗既數量又唔少, 抵到爆!生滾滑雞粥: 由於D雞攞去滾前, 師傅會稍微煎一煎D雞, (哈哈...我見到~)所以D雞肉都好香口, 而且每舊都仍然保持滑溜! 可惜我就嫌佢較油...田雞粥: 呢個都唔錯, 可惜食粥要幔慢lun骨, 其實好麻煩!! 但係味道係唔錯架~淨雲吞水餃: 佢D雲吞水餃隻隻都好足料, 而且D饀好新鮮, 一碗幾下就食唒lu~ 好味!講真榮記D粥又綿又滑, D餸又多又新鮮, 價錢又夠合理... 唔該某連鎖難食海X粥店盡快關門大吉, 打倒垃圾粥同石頭油炸鬼!!

12月14日, 好耐冇食榮記, 行遠少少去咗食, 西環尾最好食既墨丸河榮記肯定首選, 未入去已經聞到好香既湯底味~::: 墨丸河 ::: $15墨丸同魚鬚丸都係鎮店之寶~ 好香濃既潮式芫茜湯~ 一定要食河粉因為咁先可以索到d湯, 非常夾~ 墨丸彈牙有質感, 並冇好粉既感覺~ 加2滴辣椒油, 刺激味蕾成碗連湯清晒~::: 炸魚皮 ::: $9又係不可不叫, 唔同出面其他既炸魚皮淨係得個脆字, 呢碟炸魚皮脆得黎真係食得出魚既味道~ 感覺新鮮唔似擺好耐~ $9一碟份量亦多~總是覺得佢既湯底特別香, 食物又有番咁上下水準, 唔怪之得咩時間都咁多人~

老公很不幸地患有腸胃炎,所以今次決定選吃一些較清的食物。環顧西環一帶,粥店數量不多,想光顧一間比較坐得舒適自在的,便很快想到榮記。老公別無選擇下,叫了鯇魚豬潤粥,而我本想叫四寶河,但老公的極力推介後,再環顧店內四周,在我的跟前掛有一幅印出來的餐牌及墨魚鬚的相片,此時心中有了決定,最後選擇了墨魚鬚河粉,只因相信榮記會弄得好吃。鯇魚豬潤粥:煎封過的鯇魚鮮香,豬潤亦感覺爽口。說到粥底,充滿著鯇魚味,稀杰濃度恰到好處墨魚鬚河粉:墨魚鬚粗壯夠份量,每啖的質感非常爽口彈牙;新鮮又有嚼勁,的確名不虛傳。說到河粉,份量也頗多最後,兩人埋單四十有找

In the past, 榮記 was good.... but now, it's very disappointing. The main reason is that they add too much 味精!!! Every time after dinning at 榮記, I, at least, drank 5 glasses of water. The quality of food didn't improve for a while, so I already stopped going to 榮記 now.... What a pity that 榮記 cannot keep up their quality...

jul 20, 08,3人來round 2 late lunch,叫咗 : 1) 淨紫菜寶-試咗友人嘅魚皮鮫+墨丸-ok,但無邊樣嘢特別出色 2) 魚扎水餃米-友人好奇怪點解我唔叫河粉,事實喺我已經好飽,但又唔識得叫淨餸,蠢咗-魚扎都只喺不過不失,友人話以前足料同新鮮d,起碼會有紅蘿蔔條同條芹菜青綠d,我都覺得唔夠芹菜香-之前喺友人屋企食過榮記嘅外賣生水餃打邊爐,覺得又爽又鮮,但今次變得普通 3) 汽水 x 2小枝 4) xxx河-友人遲嚟,所以唔記得佢叫咗個咩河,又唔記得影相-sorry - 友人話呢間越食越失水準,不過喺我要求嚟,佢哋就順我意啦~~~~