葫同日式燒肉 (聖佛蘭士街) (Closed)

朋友响灣仔返工，又咁啱想食烤肉，於是就揾到呢間餐廳 ...兩個人，又唔係好餓，所以點咗個2人餐。店細細，幾張枱，服務好有效率 😅行開去個洗手間，返嚟已經燒緊 食品質素唔錯，不過真係太有效率，就算我碟啲食物未食完，個店員都不停燒，好快就同我哋講 「你哋個餐已經上齊喇！」如果好趕時間，呢度係好正嘅選擇

星期二晚本來想食附近一間新開嘅餐廳，但由於新餐廳7:15已經爆滿，又唔接受book位預約，咁啱隔離就係葫同，又唔使等位，就諗住俾個機會佢試一次。入到去我哋坐低之後，成間餐廳得三圍枱，可能因為客人唔多，服務非常好，每一道菜也有員工幫我們燒，佢地又不停幫我們換碟換餐具，但食物質素差得不能再差，$298安格斯特級肉眼扒（肉眼扒得1cm厚度）被他們燒完後，又乾又柴，兩個人食完埋單$800大家千祈唔好中伏！

好耐無寫過 openrice食評今次一定要分享下😒 無試過咁中伏疫情解禁後諗住同老婆兩個夜晚出去食下野見到咁多正評心諗應該唔差掛果晚先Book枱 竟然仲有位 😮餐廳外面望落去係幾好既 似正正常常既一間日式燒肉店不過實情就係另一回事其實似中式串燒舖多啲去到餐廳被安排坐樓上果層既吧枱上面地方相當狹窄 通風差同勁大油煙食物質素亦好唔掂冬菇係酸既 冷麵勁乾店長介紹既牛肋條燒到燶哂 成舊黑炭咁 (哥哥仔仲要話係正常架喎) 🤮最終頂唔順埋左單去第二間餐廳再食飽個肚

味道方面冇咩好挑剔，服務亦都唔錯，唔洗自己燒肉，係金鐘呢頭算係咁。 唯一係講係上菜順序有啲混亂。以為一開始燒完菇類茄子就完，點知突然食食下肉又上啲菇同茄子來，感覺奇怪咗啲。

之前經過好多次，都撞啱落場/休息時間今日無意中記起，就打去即晚訂座入到店內，裝修設計好日本feel ,意想不到連服務都一樣精選海鮮非常美味無骨脆皮燒鱔肉質爽口，配上預設的檸檬汁，口感一流燒鮑魚新鮮彈牙驚喜發現雞泡魚乾係即燒的！燒得香脆惹味，佐酒小食推介二人餐的牛舌同牛胸脊也不錯，單骨雞翼都色香味俱全全程都有殷勤服務員幫忙燒製，相信技巧一定遠勝我地自己燒整體感覺很好！而且性價比遠高過好多中環/CWB”懶”高級燒肉店，一定會再幫襯

第一次嚟食，如果想食得飽，每人起碼要至少$700先至食得飽。我哋一行六個人，叫咗兩個二人燒肉套餐，再加兩款其他嘅牛肉部位。可以選擇叫店員幫你燒，或者自己燒，我就揀咗自己燒。味道係唔錯嘅，但係份量真係好少。值得推介嘅係蔥燒牛舌，不過要燒得幾有技巧，如果唔係啲沖就會跌晒啦。佢啲雞翼係單骨嘅，燒起上嚟容易熟啲，但係就冇咁見食。佢腌嘅肉類普遍都比較淡，佢只係用鹽去腌，所以都食得出肉味。如果鍾意龍尾啲嘅，可以去點佢個特製醬汁。我個人就覺得，佢個醬汁一般啦。佢嗰餐仲有個類似燒飯糰嘅嘢，仲有啲紫菜條，但係就冇乜特別啦。同埋唔知係咪趕收工，佢每次我地燒完一碟肉，都會極速收碟。同埋，如果真係要食，最好book左位先啦。

🐂抵食燒肉午市套餐-葫同燒肉完全是想私心收藏的餐廳🤭 午市經過發現午市嘢不過$100-$120左右, 除一系列燒肉套餐外, 還有日式定食如鰻魚飯等😋午餐B ($120)配有豬頸肉, 牛,雞,菇類等等, 配上麵豉湯跟白飯, 重點是有專人燒的, 一行6人 店員亦相當有耐心燒, 值得一讚😛食物質素亦不俗的, 唯獨每位店員燒的時間長短不同, 第一次去 燒得過穠, 第二次就好些! 知道這家燒肉店晚市價錢頗貴, 但午市以如此服務, 食物質素 實屬親民價價, 不錯不錯!

Grills are  my recent pig-out top favourite. I had heard about WooTung for some time and still haven't tried it, and here is the chance after working in Wan Chai today!Customers can choose to grill-it-yourself or served. I chose the latter, and was told to go upstairs.Very stylish drawings!Beef filet was served as the first dish, as it tasted the modest.Getting to the more savouring side of the spectrum, it is the chuck short ribs. It was super juicy, in between chewy and tender.The strongest of

係台灣旅行嘅時候，我去過葫同食燒肉，環境好，招呼好，價錢又非常合理。喺香港上網查左一下，見到佢哋有分店，就去試吓。首先，先講個地方非常唔方便，雖然係灣仔區，但係又完全唔近地鐵站，非常難搵。結果行左好耐，先發現係喺斜路既小巷裏面，淨係揾間舖都搵左好耐。呢間我除咗姥姥，好似拍勁長篇嘅地方之外，又細又窄。打開Menu ,個啲嘢都幾貴。叫左幾款平平哋嘅試吓，分量非常少，食咗好似無食噤。於是叫咗啲牛肉試下，老實講，幾好食，但係份量同價錢成正比嚟，基本上食唔飽。於是越叫越多，結果每人俾成千蚊咁滯，非常肉痛。香港好食嘅燒肉店都有好多，但係唔會貴成噤！店內貼左幾張好舊既明星相，唔知係咪諗住同明星影相，就坐地起價？sorry ,香港人係精明嘅消費者啊，邊啲嘢食值得一去再去，邊啲餐廳去過一次就可以永久不光顧，客人係清楚的，呢一間燒肉店，有錢都唔使再嚟啦。

非常難忘, 我從未試過有一種給人搵笨的感覺, 我點五花腩, 牛舌, 牛肉, 塊肉有咁薄得咁薄, 雞翼仲係單骨, 一放落爐就燒熟.5個人食左2千6蚊, 五個人都覺得質素一般.只有一個LIKE, 就係個蟹黃帶子剌身, 幾好味. 其他都係好一般. 沒有下一次.

原本唔係黎食呢間...見近近地就試下啦..點知就係咁中左伏.....今日係我人生第一次食咁難食既魚生飯..飯係熱既..魚生係微熱到有腥味..上菜慢....只能夠話我今日運氣太差..先會遇上...完

好耐未食過咁有特色既燒牛肉，用炭爐，雖然價錢偏貴，不過牛肉汁配飯一流，有3層樓，我地坐係3樓感覺好高檔，有尊人服侍而且講解好夠，如果有啲野唔識燒，侍應仲可以幫手燒埋，可以一試，不過唔可以成日食，因為太貴啦

一班同事話Lunch想食燒肉，咁就近近地去附近間燒肉一試😋😋由於一行8人，餐廳地下以細枱為主，於是被安排到樓上3樓坐大枱，每枱自成一角除鞋圍著燒爐，並坐在木櫈上，燒肉是由炭爐燒的，十分有風味👍👍裝潢日式風味，每枱都有私隱，一枱一格👍👍午市套餐亦都豐富，有燒肉、蔬菜及大大杯餐飲，如不吃燒肉，亦可選刺身飯或其他飯類👍👍😍😍選擇種類都不少燒肉好好味，油份與肉比例剛剛好，肉好嫩好味👍👍唯一是午市時間太忙，待應要由2樓到3樓不停上落，以致服務態度麻麻地，有少少負氣，如一待應負責一層會比較好些😬😬

好耐無同班姊妹飯聚，所以相約食飯～ 揀咗呢間葫同，因係大家返工嘅中轉站，放便大家食完係金鐘站走～先黎和風沙律前菜，新鮮爽口健康～極級蟹膏帶子刺身，新鮮香甜厚身，連蟹膏配搭合拍，好味！！鷄泡魚乾，乾脆，香口，好味推介！！鹽蔥牛舌，品嚐到入口融化之感。牛舌略煎一會已經足夠，包起蔥食一流～牛肋條，安格斯特級肉眼扒，味道跟口感一流，肉厚爽彈，好味突出，推介！！另外仲有，豬大腸，鷄腿肉，鷄翼，椒鹽鯖花魚等。今餐非常豐富好味，刺身上乘，鐵板燒吸引，服務又好，大家都好滿意～

每次去台灣都會食燒肉，一黎扺食過香港，二黎氣氛、服務又好，朋友話呢間同台灣葫同好似所以試下。今次一行九人黎「慶生」，由於近聖誕，所以早於一個月前已訂位，佢有三層，我地訂左三樓，所以係炭燒，但就會有最低消費額，如果meet到最低消費額，切餅同開瓶費都可以括免。我地點左鮑魚、扇貝、鱔、羊架、牛扒、牛舌、山藥、粟米、五花腩厚切、雞腿肉、豬腸（鹽燒及味噌）。基本上全部都好好味，鱔好厚肉又夠爽口，牛舌上面好多葱，切得好簿所以好快熟同爽口，山藥係來自日本，燒完外脆內軟好特別。反而牛扒較失色。大部分時間都有人幫我地燒，待應生好健談，服務非常好，略嚴太早關門（10:30）。