木船 (Closed)

聽朋友說大埔有間特色泰菜餐廳開了，見星期四屋企冇煮飯就去試試門口同室內裝修到好似木船咁泰皇單骨雞翼，單骨雞翼炸得很香很脆配埋泰式燒烤辣醬泰式柚子沙律，材料有柚子、洋蔥、花生配搭泰式辣汁，食落好有泰國風味不得不提這個招牌菠蘿炒飯配虎蝦（必食），買相大方得睇，新鮮菠蘿串，加兩隻大虎蝦配上甘香的黃薑飯加豬肉鬆，清新醒胃特飲：帕差拉吉帝雅帕（泰公主），清新士多啤梨、蘋果、青檸沙冰，買相好靚，飲落都很清新，不會太甜另一特飲：脆爆芒果園，最啱喜歡芒果嘅朋友，底層放了芒果布甸再注滿芒果乳酪沙冰，上面有脆脆popcorn 同忌廉，再加個芒果麻糬😊仲要特大杯，兩個人飲1杯都夠咸肉炒椰菜苗，椰菜苗清新幼嫩

難得放假，夜晚相約媽媽到太和吃期待已久的泰國餐廳「木船」！才晚上六時左右，店外已見人龍，建議選擇晩飯時段來吃的朋友們早點來比較好。餐廳店內設計別具心思，跟店名互相呼應，於木船內進餐，氣氛一流！翻開餐牌，看到的不是招牌食物或飲料，反而是「泰文」教室，絕對是長知識時間！今晚由媽媽發辦，不消一會兒，餸菜逐一呈上。先來一個開胃醒神的泰式沙律！沙律內有白鳳爪、芹菜、蕃茄仔、洋蔥和紅蘿白絲。味道甜甜酸酸且微辣，喜歡！再來兩杯特飲，泰公主及脆爆芒果園。泰公主是新鮮士多啤梨汁，非常清新；後者則芒味爆登，味道比前者稍甜，但卻有多重口感！尤其喜歡爆谷和雪米糍！之後是招牌菠蘿炒飯配虎蝦！虎蝦肉質結實，充滿蝦香！侍應還為我們呈上調味粉，正當在疑惑是否放於飯上時，才發現原來調味粉為菠蘿調味！真的從來未試過這樣的配搭！非常新穎的食法！吃過充滿驚喜的菠蘿炒飯後，還有最後的流心芝士蝦餅波波和泰式炒通菜！雖然已經很飽，但還是給芝士蝦波吸引，蝦波外層脆卜卜，蝦肉彈牙，中間心還有芝士拉絲，滋味非常！而炒通菜則充滿蒜香帶微辣，不消一回兒亦跟媽媽全清掉呢！

本人係泰國菜既fans，得知大埔太和美食林立既居地方開左間泰菜叫木船。今次有機黎到呢區，梗係第一時要報個到打個卡啦。中午時份人頭湧湧，有OL，有學生有一家大細，等左成15分鐘先入到去。一入到去見到餐廳既木版裝潢，好似入左隻木船食飯。 由於新開張，侍應好熱心咁介紹我試下佢地既招牌菜：豬脾飯。另外，我再叫左泰國維他奶，泰式炒通菜同埋春卷。首先黎既係春卷，有3件，d網紙炸得好脆好香口，內面又足料，整體感覺唔錯又好味，而且仲伴有泰式甜酸醬，係個非常開胃既前菜。 跟住黎既就係泰式炒通茶，分量好大，微辣，唔咸唔油膩，夠哂惹味，正再黎既係主菜豬脾飯，有半肥瘦既豬脾，滑得黎又啖啖肉，有種入口即溶既感覺，仲配有蕃茄，雞蛋，芥蘭同酸菜，健康得黎又不失泰式菜既風味。我最鍾意既都係佢秘制豬脾醬汁，非常好味，有別於其他既豬脾醬。至於泰式既維他奶，我係第一次飲，係偏甜既，不過愛好甜品既我就覺得啱啱好。鍾意泰國菜既朋友仔黎開大埔太和，記得去登呢隻木船醫肚嗱!

今日陪男朋友去大埔買遊戲機碟😂買完之後就諗住食埋晚餐，近排上網見到一間餐廳係食泰國野，睇落好似幾吸引，價錢又平民，我地就決定去試下啦一去到餐廳，成間餐廳顏色都好彩色，裝飾都好有特式，員工服務都好好，不停幫我地加水！睇返個餐牌先😋泰式粉絲海鮮沙律🥗雖然我唔係好食得辣，但係泰國果隻我超中意，個沙律果隻辣岩岩好，粉絲好入味，仲有蝦、魷魚同青口，搞到我越食越上引😂流心芝士蝦波波我覺得呢味菜有驚喜，蝦波波咬落d芝士流曬出黎，好香，最重要係好種蝦肉味，好香口咸肉炒椰菜苗椰菜苗好新鮮，好嫩，炒得好入味招牌菠蘿炒飯配虎蝦賣相好靚，打卡一流，菠蘿好甜，虎蝦好大隻，最特別嘅係，佢有好多調味粉選擇！味道都有好多選擇！脆爆芒果園係我最期待的，好得意配料係雪米池、爆谷、cream，仲有好多好多芒果，好香好甜，仲要超大杯！椰青又香又清甜整體來說，餐廳環境都舒服，食物賣相又唔錯，我下次都會推介比其他朋友試下先得！

聽住大埔嘅朋友仔講呢到有間泰國嘢日日排哂長龍好似幾受歡迎咁 一於約埋試一試餐牌上高寫住一堆泰文教大家用廣東話讀 十分好笑兼夾有創意🤣個菠蘿炒飯望落份量十足 由個造型黎睇都知道好澎湃 仲擔心兩個人都會食唔哂但原來都剛好 味道唔會太甜 唔錯杯飲品 藍色叫驅魔師 粉紅色叫泰國公主(有個泰文名太長唔記得咗lol) 個人覺得粉紅色個好飲啲 係strawberry+pear 應該無記錯 正常juice嘅味道 最啱食完個辣蛽中和返個味蕾 而且杯墊係識發光嘅適合需要影相呃like嘅朋友餐廳裡面嘅員工可能比較忙 或者新手喇 換碟個時不小心地整跌啲有sauce嘅嘢係友人身上餐廳位置間隔唔係好大 建議對裝潢同空間有要求嘅朋友就唔使去喇 因為真係會係咁俾啲waiter撞到 呢樣亦都係唯一一個令我地覺得唔會再去嘅原因

上次在大埔見到木船這間餐廳有好多人排隊，今次就到我等位呀，哈哈。內裡的裝潢就好似置身於船內般更有可愛的壁畫Menu 相片相當吸引，與實物相似度十足。脆爆芒果園 $58嘩~~好壯觀，我覺得咁大杯似甜品。上面佈滿芒果肉、脆脆爆谷、香滑忌廉一大粒芒果雪糕糯米滋內裡是芒果乳酪沙冰，酸酸地好解渴。公車諗霸 $78生蝦賣相特別，蝦肉爽口度一般。黃咖哩牛腩 $80牛腩好腍，至咖哩少辣，好適合重口味人士。菠蘿炒飯配虎蝦 $158Wow 原個菠蘿上檯吸晴度爆燈更有不同的調味粉點一串菠蘿肉，鮮菠蘿肉好甜。炒飯好多配料，份量十足。

以前食泰國菜，到九龍城是常識吧！今時今日，泰菜變化好大，今日趁十一假期去太和搵到間泰式餐廳仲食左個特色下午茶餐，點解咁講？皆因間餐廳裝修好似一隻船咁真係好鬼靚！食物質素幾好，環境正，服務又nice，下次同男朋友黎食晚飯先！叫咗個下午茶餐，泰式濕炒海鮮河，炒河的河粉同湯河唔係一樣㗎，河粉上面個獻汁好濃味，海鮮的份量超多，有幾青隻蝦和魷魚，芥蘭還有一堆蘑菇，呢個河粉唔錯，好入味。另外好鍾意泰國個d辣椒調味，加辣椒粉落去個河粉上更加惹味，個set 加錢可以叫多碟小食，我超級鐘意食泰式生蝦🦐，佢嘅口感正，呢個肉質爽口有彈性，好鮮甜，加埋甜辣醬，美味！再加錢食多個炸魚餅，size 算大嘅魚餅，睇落扁左d，不過都炸得香脆彈牙，仲好爽口鮮美，附上惹味的泰式甜辣醬，飲埋個餐飲凍咖啡，一流，今日冇黎錯

最近大埔最有人氣就係木船， 好多網友都推介， 仲話一定要book位， walkin有排等呀～於是同朋友嚟潮聖下book左台都大概等左15分鐘先有位入裝修以木為主， 望落簡潔舒服， 但台與台之間空間比較窄， 會有小小迫， 但可以接受食物類別都幾多， 店員都幾nice, order左先嚟特飲兩大杯朱古力似乎有啲膩芒果沙冰好fresh好creamy, 配埋糯米糍， 爆谷同鮮芒果， 望到都流晒口水串燒牛有啲un又無咩味， 串燒豬就好香好軟林林冬陰功湯， 呢個好推介， 因為好好飲， 酸酸辣辣仲勁有香矛味， 又足料(兩隻大蝦， 紫洋蔥， 蘑菇。。。等)不得了原隻菠蘿炒飯， 勁多肉鬆， 仲有燒菠蘿， 粒粒飯都炒得夠乾身海鮮沙律， 份量夠， 但海鮮就無咩味， 都係靠啲汁同配菜搭夠總括食得過， 價錢又公道。。。仲有好多其他野想試

木船 木船見到個名咁特別就捻住試下間野裝修得幾岩主題 身處於船中原本捻住試下個冬陰功湯金邊粉點知入到去問先知原来得下午茶有唯有試吓其他午餐原本諗住試吓野味啲嘅炒飯所以叫咗泰式蝦醬炒飯等左10至15分鐘 終於等到喇點知個飯攞嚟嗰時 一啲香味都冇蝦醬冇蝦醬味 完全冇鑊氣味 得個咸字分量仲要好少添 淨係啱細胃口嘅女仔食如果係男人食 可能真係未必夠身為女仔嘅我都覺得唔係好夠食囉雖然都係＄50 算係平 但係一啲都唔值囉 杯奶茶算係OK啦唯一值得讚嘅就係啲侍應嘅態度真係幾好 好有禮貌

星期日打算路過食個tea 排左一陣隊 終於可以入去食睇緊menu時 聽到個高級職員開始不停向低級職員發脾氣 餐廳唔係大 搞到全場靜晒 係到聽佢訓話 佢咁低EQ 點incharge個場 影響晒顧客d食慾啦！ 就算幾好食 不停聽佢話俾其他員工辣著晒 咁既氣氛下 我想快快手食完走囉 相都冇影過 淨係覺得今日返工果d職員好慘 個長髮女人好似更年期食左火藥咁 但佢對其他客又冇乜野既 咁樣雙面人咁 大家都辛苦 一係員工培訓果到做得好d！！！！！！！

係屋企附近開咗新餐廳，仲要係我哋至愛嘅泰國嘢，點可以唔試呢！每次放工經過都見到長長人龍，今日早放工可以去排下先。等咗半個鐘頭到，終於入到去啦！泰式柚子沙律柚子份量超多，而且配埋泰式香料醬汁，超惹味。餐前食個沙律，寧舍開胃，而且柚子夠哂清新，食到停唔到口。泰式炒通菜通菜係每次去泰國餐廳必點嘅餸之一，雖然只係普通通菜，但泰式炒特別好味！少少辣吊下味，正！泰式生菜包今晚食D野特別健康，總會夾D菜或者生果，無咁油膩熱氣。生菜夠fresh，肉碎炒得好惹味。用生菜包住食，再包埋D柚子沙律，真係好清新，口感唔錯。菠蘿炒飯配虎蝦一上台嚇親人呀，大個到呢！原個菠蘿上，上面有兩隻大虎蝦，再配串大菠蘿，好睇又好食。一串菠蘿有六舊，可以配搭不同味粉食。今次揀左紫菜，兩者味道夾埋又幾特別喎！而且炒飯份量勁多，兩個人一定食唔哂，建議叫多幾個朋友仔share，試多D唔同野食。脆爆芒果園一場黎到點可以唔叫招牌飲品呀。其實佢係芒果乳酪沙冰，仲有芒果肉，芒果布甸，芒果麻糬，今次真係夠哂芒。上面仲加左D爆谷，增加口感。而且味道好清新，解膩一流！

今日下午大約12點零1點鐘去到見到門口放左一本主食餐牌&有餐牌寫住幾款湯粉 價錢$38另可以加$8要一款小食 咁就等左大約15mins 就有位但叫野食既時候 侍應話出面個餐牌係tea set 而家得lunch （因為我原本係想食"招牌船河" 但呢款湯粉侍應話只係tea set 先有 我想散叫都冇）咁我諗住係自己無留意出面餐牌上寫既時間 所以繼續留低叫lunch set 咁諗住叫佢既特式沙冰 點知原來都係6點後供應 而家只有咖啡奶茶一般既野飲 真心 野食味道係正常既 價錢亦唔算好貴 我兩人叫左一碗湯粉 一個咖哩飯 一個3件春卷 一杯柚子梳打（原本set 有得加錢要青檸梳打 但連青檸梳打都冇！所以我叫侍應比杯水我算！）總共$108 真心價錢唔貴最後走既時候 我特登係門口再睇餐牌 餐牌上完全冇寫供應時間 咁其實擺門口既餐牌既野食冇得叫 點解要放門口？同埋佢既沙冰都係特色之一 如果係6點後先有 係咪應該係餐牌度寫明？如果你lunch time係只有一個餐牌 你應該係lunch time既時候放一本屬於呢段時間既餐牌係門口 而唔係擺本冇得叫上面野食既餐牌係門口 唔係淨係我 我隔離枱比我遲入座 仲

放假去左太和租單車踩出沙田再回來，出發前先醫飽個肚，火車站向太和路個邊方向行，有好多食肆，見到其中一間排隊本來不打算入去，但偷望左個meal 同環境，lunch set 幾平(唔怪得咁多人）而且裝修如餐廳名子一樣：木船設計已經吸引了我，決定排隊，一會就安排好位置給我們。入去見到五顏六色的木條牆身，彩色塗烏牆，門口還有1/4船造型area與大玻璃窗結合，整個裝潢設計特色之外，透進來的陽光令餐廳內部頗為光猛，感覺舒適。 泰式雞絲扎肉湯河($43)芽菜下竟然雞絲滿滿及多片扎肉，雞絲肉質夠腍滑，數片扎肉，特色扎肉彈牙鮮甜，湯底味道亦香濃，湯差不多給我喝光，河粉幼滑份量算多 泰式炒通菜（$38)通菜微辣唔油膩，新鮮幼嫩，而且入味好味道泰式鳯爪跟餐加（$10）必叫前食：醃酸辣泰式去骨鳳爪食落酸辣又開胃涷檸茶跟餐加$2整體來說，食物的份量多，食物的質素高，價錢合理，店員服務態度良好有禮貌，值得再來❤️

和友人前來用餐餐牌有點容爛，令一開始感觀有點扣分還好 店內裝飾得有點意思，加分~菠蘿飯配海蝦（似乎是必叫的）$158幾靚，菠蘿幾多，蝦就唔多架啦，有個調味粉架玩，算不錯~ 蒜炒蜆肉意粉 $68蜆的份量可以，意粉反而不多，一個人也許也不夠，但味道不錯青咖喱牛腩 配蒜蓉包味道不俗，肉量算充足配餅 或 蒜容包 也好吃飲品 $4x @ 都算大杯椰汁紅豆冰： 椰子汁不太甜 加枝（阿波羅）的紅豆冰荔枝飲品：上黎好大舊冰，飲落不太甜，幾好芒果爆谷飲品：真係幾大杯，裡面有個芒果米糍，幾驚喜整個感動都不錯！七人埋單八百幾，少貴~

大埔好少泰國菜餐廳有當然要試試第一次晚上去 等位都等左半個鐘首先叫個菜食下先鹹魚炒通菜 好香口好鐘意食鹹魚 都食到啦 雖然唔夠多 但都夠味再來個湯虎蝦冬陰公湯個湯好好飲 係我鐘意既味道 係大埔都飲到 好開心但略嫌隻虎蝦細隻左啲 得一隻 定價略高抵少少 我一定經常黎飲串燒 有豬雞牛肉第一次就每樣一人一串 試哂 唔洗煩雞肉好好食啊！好嫩既雞肉 好juicy 好味！個沙嗲醬都ok 個燒汁就麻麻 太甜豬同牛就無雞咁驚喜 可以一試 但雞肉串燒我一定會再食最後叫左個青咖哩雞配蒜容包因為想試青咖哩又想食蒜容包 但黎到呢度已經好飽 兩個人真係想試多啲都唔得但個蒜容包好好味架 好脆青咖哩就辣辣地 捧住個肚走第二次返黎啦今次係食午餐 紅日 但唔洗等yeah見到好多人食海南雞飯 咁就海南雞飯啦$58雞好滑 無骨 一定要加個醬食 好味個黃飯就無咩特別味道 另外叫左青咖哩吉列豬扒飯$50豬扒有3塊 好脆好夠熱但份量多左小小 如果可以平小小 份量減返少少就perfect la另外再$10加左小食 係春卷 有3件 都係熱辣辣好脆 整體呢間餐廳 我同友人食過兩次都好滿意