木船 (Closed)

最近經過翠怡花園，見倒新開不久既wooden boat一間泰國餐廳。想食泰國菜，大埔又好少泰國菜，就入左去試試。裝修唔錯，係幾特別，座位舒適👍🏼先黎一個鮮蝦炒金邊粉，賣相吸引，但份量有點少味道普通。再加多個泰式生菜包，生菜包是有些少辣，份量都夠2人食。叫多杯凍奶茶，落單前服務員提點奶茶是用煉奶，會比較甜一些。貼心👍🏼飲落去奶茶味道就似泰式奶茶咁，接受倒的甜度，不過不失！裝修很好感覺舒適，食物還可沒有大驚喜，價錢在這地點略貴。

今日約左個中學同學去大埔食晚餐，行到翠怡花園附近就見到間新開既泰國菜，而禁岩我地又想飲下椰青食下泰國菜餐廳牌上有頁係教你講泰文嫁裝修係以木為主，色彩繽紛係時候講下食物啦~泰式鳳爪沙律，鳳爪係無骨嫁，可以成隻食落口而個沙律汁都夠酸夠辣，好開胃串燒係要嗌四串起，我地就叫左兩串牛肉，雞肉同豬肉各一串全部串燒都好惹味好好味招牌菠蘿炒飯配虎蝦，份量超大份！足夠三至四個人食兩隻虎蝦都大大隻，蝦頭仲要好多膏而最吸引我地既係巨型燒菠蘿串，菠蘿好甜好juicy意式白汁忌廉青口配蒜蓉包，青口好新鮮而且好大隻，忌廉汁味濃夠濃，配上蒜蓉包食一流椰青好清甜又解渴脆爆芒果園，鐘意芒果人士必嗌嫁！芒果園係有芒果布丁，芒果沙冰，芒果粒，芒果麻糬，仲有爆谷係上面可以一次過試足多芒味，超正今餐泰國菜真係好豐富，環境靚，食物又大份，兩個人埋單都係五百幾，好抵

星期六二大一細出街食晚飯，6點幾行過wooden boat ，見裝修幾靚，入面差不多坐滿，上OpenRice 見食評又ok，所以決定一試！叫了小食拼盤，玫瑰雞飯(即泰式海南雞飯),和冬蔭功蝦湯金邊粉。三樣食品埋單加一，共hkd270。小食拼盤賣相靚靚，有五款小食，全部炸嘢，但除了雞翼同春卷是自家製外，其它三款小食如魚餅，墨魚丸等，好似是街市現貨交來的，味道一般！hkd108 食街市出品，有點不化算！海南雞是滑的，但重黃薑粉味，比較多人造色素！油飯味道ok, 但有生米，只食了一半！冬蔭功蝦湯金邊粉好大碗，好多金邊粉同香茅，但蝦得個3隻！冬蔭功湯底好重椰味，比較甜，個人不喜歡！不夠酸辣！本來打算叫飲品，但一杯特飲士多啤梨沙冰收hkd45，是高級餐廳的價錢，但這裡是太和小店，收費好似好貴，吾抵飲！所以冇叫！總括來說，食物質素普通，有d唔合格!感覺俾錢食裝修，多過食食物！

下午茶時間係附近搵好嘢食，見到呢間新新哋嘅餐廳位置唔起眼，係翠怡花園A座地下，門口位對住翠樂街而唔係太和路，所以唔算多人食侍應係俾tea menu我哋睇嘅，但係我八掛睇埋普通menu，發現佢第一個內頁有教你講泰文，幾好笑XDtea menu都有4頁嘢食揀，當中有澱粉質類飽肚嘅粉麵，亦有輕食類嘅包我同朋友叫咗兩個set，分別係海南雞飯同慢煮牛肉包海南雞飯好大份，基本上同午市晚市嘅飯size差唔多雞方面用嘅係原隻雞上脾，好滑又重雞味，中間仲會有啲透明嘅啫喱，撈埋飯一齊食好香同一般出面食嘅海南雞飯唔同，佢呢間唔係有三種醬，但係佢用個好似蛋殼嘅器皿裝住嘅薑蓉好鬼好食個飯撈過雞油同薑後竟然都仲係乾身嘅，粒粒分明，加上雞一齊食好滿足舖頭嘅設計用咗木，等人覺得好似坐係木船入面食飯咁，幾特別兩個餐飲都轉咗柚子蜜，沖調得幾濃之餘亦食到啖啖柚子肉呢個慢煮牛肉包同我哋想像嘅唔同，因為menu寫話係用曼谷包，但係上到嚟好似法包咁，唔知曼谷包係咪真係咁新鮮蕃茄片上面放咗兩三塊牛肉，上面嘅酸菜其實就係平時食海南雞飯嘅時候嘅醃青瓜同紅蘿蔔，最上面鋪咗少少肉鬆好香口拎塊包之後自己加toppings上去食，感覺幾開胃同

今日星期日，放假的心情特別好💓起身裝身一下，出去睇下有咩好東西食😋去食個靚靚早餐😚見到有間頗新的餐廳，泰式餐廳，為左迎合香港人的口味，早餐和午餐都是以港式為主早餐都有很多不同款式：-有泰式粉麵類-有港式早餐-有西式類早餐-有麥片早餐給不同要求的客人選擇我們選擇了1）極黑豚梅肉配金邊粉，湯底很有泰式風味，豚肉很嫩很林，金邊粉煮得適中2）香辣蕃茄湯豬頸肉，蕃茄湯底濃厚，但無咩辣，豬頸肉很做很美味肉質彈牙餐跟配小食：有春卷、雞卷各炸魚餅各一件每樣小食很香脆可口，味道香濃，口感不錯👍👍👍-凍奶茶一般港式茶餐廳奶茶，茶底香濃-凍咖啡是即磨咖啡來的，有少許焦糖味，甜味剛好，味道很好整體來說，會再次光顧的餐廳，服務很好，食物質素很好👍

身為大埔友點會唔知太和係美食天堂今次又意外俾我地搵到新餐廳叫木船依間感覺主打年輕人路線，泰菜fusion入去高底都幾高，加埋暖黃燈飾坐落好comfy一黎問老板有咩開胃推介，佢就介紹左我地依個泰或柚子沙律（$82）咪道好fresh酸得黎撈埋啲泰國配料同新鮮生菜好好食，而且份量夠三個人食跟住叫左杯野飲，冇記錯係叫泰公主（$45）飲落去係好freshy嘅士多啤梨味，有埋冰沙mix,重點係唔會因為有冰就好淡，相反飲落好似食緊生果咁，同埋都幾大杯下，店員仲幾有心思幫我地拎個燈光座放杯野飲，幾有情調～ig po相是常識吧到主菜啦，我就叫左招牌菠蘿炒飯（$158）一上黎真係嘩！好大個佢唔係人地出邊拎個波蘿裝飯就叫菠蘿炒飯，相反，炒飯上仲有一串長長吧新鮮菠蘿，好好味！入面嘅飯炒我好有水準，軟硬剛剛好，而且有淡淡椰奶香，加埋啲肉鬆等等配料食得好開心～不過溫馨提示個炒飯真係好大份，三個人食都夠食

大埔新開左好幾間泰國餐廳 平日見呢間未到7:00就好多人 於是就去左試一下 都有幾個等位 好快就入左去 見到餐牌好多野食 有fusion菜 仲有生蝦 點左個咸肉炒椰菜苗($78) 椰菜太硬身 好難咬爛 有點失望咸肉比較多脂肪 但可以接受 虎蝦冬蔭公湯($88) 有冬蔭公應有的酸辣味道 有2隻蝦 蝦的味道不錯 偏重椰奶味 可惜鹼度重手 味精好多 較難入口 豬頸肉($98) 3-4人share 份量十足 有生菜附上 肉質不錯 唯獨都是有點偏咸 賣相整體不錯 但整餐感覺味精好多 比較重口味 要飲好多水先得🤔

一向都十分喜歡泰國菜，平時都會約三五知己到九龍城搵食，但近來俾我發現屋企附近開左新泰國餐廳，當就立刻約朋友去開餐啦！放工後約朋友晚飯，一入到去就發覺餐廳裝修是花過心思的，讚好多木的裝飾，燈光有種好warm的感覺！menu的設計都有下到功夫！讚青木瓜沙律～因友人唔食得辣就叫左少辣！份量好足，特別之處加左提子，甜甜地中和左辣的感覺！青咖哩雞配烤薄餅～好有咖哩香，辣道剛剛好，仲有茄子起入面！配上薄餅伴食，真是停唔到口！泰北沙嗲串燒～叫左雞肉同豬肉，醃得非常入味，肉質嫩滑，唔會鞋！冬蔭功鮮蝦炒螺絲粉～這個有d fusion feel,酸酸辣辣好開胃！迷紅小象～名字十分特別，其實用左士多啤梨，菠蘿同香蕉，友人覺得十分清新，適合夏天飲一流！脆爆芒果園～king size 飲品，有多重口感，有芒果沙冰、popcorn、芒果布甸同麻糬！唔會過甜，酸酸甜甜亦是好好入口！想不到近太和火車站的地方竟然有咁出色的泰菜！真是要

最近同朋友去左一間環境好靚既泰式fusion餐廳店內色彩繽紛 配上大量唔同色調既木板,家具 再配上柔和既黃燈 無半點刺眼既感覺 相反令人感覺好舒服頭盤點左泰式鳳爪沙津唔算好辣 無骨鳳爪啖啖肉 開胃爽口流心芝士蝦波波 質地同味道類似平日食開既泰式蝦餅 但多左小妹最愛既芝士外面炸到熱辣辣 脆卜卜 切開見到滿滿既流心芝士 無得輸青咖哩帶子意粉 第一次食青咖哩同意粉呢個配搭 感覺新鮮亦出奇地夾青咖哩都幾辣下 鐘意食辣既朋友仔值得一試飲品點左open rice勁多人推介既脆爆芒果園 嘩 真身黎到嘩左出黎 果然係King size上面除左新鮮芒果肉 仲有爆谷同芒果雪米糍 好浮誇呢朋友叫左另一杯士多啤梨沙冰 會不停轉色架 好靚另外店長仲推介左呢個清邁咖哩麵由於即叫即造 所以壓軸先登場球型炸麵下係一塊炸雞扒 炸得幾香同滑整體黎講 食物味道同環境都ok 可以一試

中午來到這裡午餐，又再一次發現好好味。我點了個辣椒膏豬頸肉炒飯，配上泰式維他奶，炒飯個針醒胃，辣得來好易入口，不會令到口內刺激，連一向唔吃辣既太太試了一口，也覺美味！環境靚，職員勤力，味道唔駛講💪😊👍

餐廳裝修好靚，一入到去就好似去左色彩繽紛既船上面，木桶造型既椅子好靚。泰式海鮮粉絲沙律暑天必備既泰式沙律，有爽口又吸收哂醬汁既炒絲、新鮮的蝦同青口同大量蔬菜。成個沙律偏向酸辣，非常開胃，但又有清香既西芹解辣，同好食既海鮮，整體不錯。溶岩椰青海鮮焗飯一上台個造型已經100分，個碟好似一艘船咁載住椰青同一杯椰青水。椰青水好清甜，非常解渴。見到「溶岩」依兩個字仲以為係好似溶崎芝士咁係咸咸地，但原來溶岩係指好似岩漿咁爆出黎既椰漿，椰漿非常香甜，甜味自然，每到成個飯充滿左香甜椰子味，底部既炒飯亦都唔油，同椰香好配個，好正。仲有帶子、蝦同青口等海鮮。多d乳酪多d多d莓見到個名好得意就決定試試，其實同個名一樣，充滿左唔同莓既味道，其中藍莓味最特出。仲有健康既乳酪係入面，甜甜酸酸十分好飲。

聽朋友介紹有間泰國菜好好食, 尋晚同個好朋友去試下, 真係有驚喜! 附近好多停車位可以泊, 由餐廳到太和地鐵站都係幾分鐘之間既路程, 入到去裝修好有特色，以木船做主題。我同朋友點左一個飯, 一個意粉, 一份沙律同生菜包, 兩杯野飲, 期間服務員服務絕對抵讚,主動加水同收野,問佢地有咩推介都會好細心咁答你,耐心十足👍🏻先講下個沙律,我地叫左個泰式鳳爪沙律,好大兜!! 鳳爪多汁夠味,配合蕃茄洋蔥同蔬菜, 好開胃之後上左個青咖喱鮮蝦蜆意粉, 每隻蜆都有肉,唔會得個空殼, 食落無沙, 青咖喱香味唔會濃郁, 加上有九層塔，食落甜甜地唔會覺得好辣, 好惹味，正!跟住到個泰式辣椒膏海蝦炒飯, 辣味適中, 唔會好油膩, D蝦食落鮮甜無雪藏味接著上生菜包, 餡料惹味多汁, 有少少辣, 包住生菜食口感十足最後不得不說兩杯野飲,夠大杯,而且好好味脆爆芒果園- 餐廳招牌飲品,多芒果肉,配上焦糖爆谷同芒果汁, 仲有粒芒果雪米滋，有得食仲有得飲👍🏻👍🏻👍🏻另一杯新鮮柚子沙冰, 柚子肉多汁鮮甜,解渴生津, 正👍🏻👍🏻👍🏻

比旺區的泰國菜館更加泰國！真正感到好好味！大埔第一泰菜館！真杽捧。上星期跟太太到這間 Wooden Boat, 點了份墨魚餅，泰國冬蔭公泰式炒麵，太太點了豬頸肉飯。正到無得頂，下次會推介給朋友試。

最近天氣悶熱，好想食d開胃既泰國菜。餐廳都幾近太和火車站，行5分鐘就到啦。泰式柚子沙律$82我個人就好喜歡食泰式柚子沙律！酸酸辣辣，十分開胃！呢個沙律仲加左腰果和花生，柚子好juicy之餘還添加了咬口，酸酸辣辣好正，如果加埋大蝦就好啦！意式白汁忌廉青口配蒜蓉包$108呢道菜十分有驚喜！本身以為d白汁會好漏，但佢加多左奶，所以一d都吾漏，青口好大，份量都多，而且好新鮮！絕對吾系急凍貨。蒜蓉包烤得好香口好脆，上面有好多蒜蓉醬，點埋個白汁一齊食，雖然好熱氣，但都忍吾住食左2塊！招牌菠蘿炒飯配虎蝦$158一上台，我地真系哇左出黎，好大陣仗甘。個菠蘿串既菠蘿上碟仲系暖加，一咬落去好多汁，酸酸地好開胃。個虎蝦都好彈咬，好多肉。個炒飯份量系多但吾系好多配料，只有些提子乾，雞肉，粟米粒，炒飯一般。粟米墨魚餅$78上碟一粒粒黑色幾有趣，墨魚餅是炸過，不過味道偏咸，咸味蓋過了墨魚的鮮味。脆爆芒果園$58呢個甜品超正！最低系乳酸，中間系cream加埋爆谷，芒果醬，仲有一個芒果味雪米糍，賣相吸引，個配合好有趣，好好飲!泰公主$45 公主其實系士多碑梨沙冰 ，似乎系新鮮既士多碑梨打汁，呢個特飲不過不失！整體黎講

今日食左間好靚既泰國菜。餐廳以木船為主題。好靚既裝飾，食得好舒服。叫左個鹹肉炒野菜苗。好耐冇食野菜苗，鍾意野菜苗個爽脆既口感，加埋蒜同鹹肉既味道滲曬入菜度，食一啖陣香味好足，好爽。之後再叫個泰皇單骨雞翼。雞翼一黎已經好香香茅味。食一啖仲熱辣辣，啱啱炸出黎，好正。加埋泰式酸辣醬一齊食，個感覺好似去左曼谷，好惹味的小食。跟住叫埋個野飲。脆爆芒果園。飲品同餐牌一樣，好靚呀，睇到都已經好開胃。勁多芒果，仲有粒芒果雪米糍係入邊。飲左一啖，芒果味濃，好好飲。原來爆谷同芒果可以咁夾，爆谷香脆既味道同焦糖提升左芒果飲品既味道，正呀！估唔到呢間野環境舒服，味道又好食。會在幫襯！