滬揚川上海料理

Open Now

Now Closed

經過好多年，但食上海野都唔會諗起呢間，通常都係去連鎖式餐廳🙈🙈🙈今日終於試下佢，入到去坐位都算闊落，唔會好逼！見到有鱔糊即刻叫，利申我係鱔糊愛好者😍，仲要60幾蚊咋，平時係出面食成過百，芽菜多過鱔。一食有驚喜，炒飯底又夠香！都有叫小龍包，皮就真係厚左d⋯⋯下次試下其他先

忽然好想食擔擔麵朋友就推介呢到除咗排骨擔擔麵，仲點咗上海炒年糕、咸肉炒炒飯、酸辣湯雲吞、小籠包小籠包不過不失。佢個接口係無突出嚟，係咪有特別用途呢🤔排骨擔擔麵好重花生醬味，唔夠辣😛上海年糕無論點整都好味咸肉炒菜飯真係無得輸肉唔會太鹹仲越食越想食酸辣湯雲吞太酸又係唔夠辣下次可以再食炒飯同試其他🤗

2018年12月31日過年前的晚餐，呢一間餐廳已經在樓銅鑼灣一段長時間， 感覺上幾傳統的上海菜，食物種類都有唔少選擇，出菜時間亦都唔算耐。兩個人食四樣嘢我係素有當然食素餃啦上海素蒸餃， 餡料都足夠如果皮在薄少少就更加好！呢碗豆腐粉絲湯顏色非常濃烈， 如果鍾意清淡啲嘅可能要揀其他啦， 味道濃郁像白蘭氏雞精哈哈！ 但係天氣寒冷時 又有粉絲又有熱湯都係一個好選擇。朋友一個人食六隻小籠包一隻不留存放進肚子裏。大大碟唔算好油～ 即叫即炒所以 都好夠熱。不過不失的上海粗炒平均消費200蚊 但係好飽

滬揚川位於銅鑼灣Jackwills 隔離，係以前中學返學必經之路，之前同同學去試，點知一試就鍾意左佢嘅嫩雞煨麵同炒年糕❤️我一開始并唔鍾意食嫩雞煨麵，覺得好淡好寡。但係滬揚川令我對嫩雞煨麵改觀，佢嘅嫩雞煨麵都係好淡但係佢嘅味道好鮮雞肉好滑好嫩，菜同面比例係一比一，食完唔會覺得頸渴，完全係健康之選。所以決定帶爸爸媽媽來試下😁而佢哋小籠包皮比較厚，但係湯汁較多，肉味夠濃，可以一試。楊州炒飯比較鹹，但係材料十分之多，有蝦火腿雞蛋等等，分量亦頗大。佢哋嘅賽螃蟹味道鹹香，蘑菇為佢增加左獨特嘅味道。而糖醋排骨係驚艷之選，夠曬鑊氣，酸酸甜甜好適合搵來送飯，口感似咕嚕肉😋😋

今晚和朋友在銅鑼灣時代廣場附近工作，我倆打算找間近近哋，快趣醫飽個肚便繼續工作，咪行入去食上海野囉⋯⋯打開菜牌點了，葱爆牛肉$70, 小籠包(6隻$45), 云呑擔擔麵$48, 白飯一碗$12首先講講碟葱爆牛肉，話明葱爆，只得幾條葱，大葱都冇，而且很咸，汁太杰，云呑擔擔麵，又係好杰身，只得咸味和花生醬味，而小籠包，包皮太厚，個人覺得超市買嘅水準更好，最後連白飯都生硬我們倆個人一共食咗HKD 175, 老實說，在銅鑼灣這個地段嚟講，唯一嘅好處係平之外⋯⋯其他真係無話可說了⋯⋯

雲吞擔擔麵，只係$48，係銅鑼灣黎講真係好抵食！有5/6粒菜肉雲吞，麵底都好大份，擔擔麵湯底唔算辣呀！豬扒擔擔麵係我另一選擇！而家太多又貴又唔好食嘅連鎖店了，我支持本地小店！

係causeway bay食lunch ，地点方便。每人约$100, 味道算唔错。蛋白蟹肉伴醋几好，小笼包就ok 坐位好迫，卫生普通，但胜在唔贵，所以无野投诉。唯好奇午晚餐价钱竟然係一样。

中午好熱，諗住搵間食酸辣野醒下個胃，甘岩見到呢間，一試無妨。叫左個酸辣湯同炒飯炒飯好食，蛋夠香，有鍋氣。上到酸辣湯，初時覺得幾好，因為就甘睇幾足料，　到飲左幾啖，竟然原隻曱甴出現係湯碗里面，差唔多手指尾甘長，當下老板有即時黎了解，有表示可以換，但我已經無哂食慾，食唔落其他菜式，沒幾，離開結帳，　老板有表示唔好意思，無收錢，但失望一定有。

放lunch時間呢度都幾多人食，坐得有啲迫。不過又真係幾抵食，唔使加一。性價比高菜肉雲吞麵 $42一碗有5粒雲吞，雲吞皮又薄又滑。雲吞味道冇突出之處普普通通。雖然湯嘅味比較淡，但系食落就俾人少d味精嘅感覺。大大碗實夠飽。嫩雞煨麵 $42份量好多，食吾哂如果你系想食得淡淡地呢碗嫩雞煨麵就啱哂啦重點系d雞非常非常嫩滑次次黎都係食呢個😂

一心想前往耀華街吃辣，竟遇上小店3天裝修。lunch hour 時間寶貴，茫茫然下走入這家屹立銅鑼灣10年不倒的上海店。好吧，來一碗排骨擔擔麵。排骨酥脆有油香、帶淡淡酒香，不過香酥程度還是沒辦法跟加寧街那家排骨一爭長短。擔擔麵麻醬濃郁，濃到杰！麵上有數粒酸菜。湯頭好杰，可是入口只是微酸，微辣，就是說到喉不到肺。最近很愛吃辣，所以不是我杯茶。以當下寸金尺土、吃甚麼也貴得要命的香港地而言，46大元一碗熱騰騰的擔擔麵，哎，將貨就價。可是⋯⋯對女生而言，寶貴的 quota 就這樣浪費喇。

這家是銅鑼灣區內少見的上海餐廳而價錢亦不太昂貴，餐廳位於時代廣場附近，非常方便！先來一客排骨擔擔麵～排骨跟麵分開送上，以免排骨被浸得淋了。湯底紅紅的好像很辣，但其實這只是錯覺。湯超級稠，混了不少花生醬麻醬，味道濃郁，若能加些花生碎和䓤花便更香口了。麵的口感不錯，軟硬適中，但排骨就可以炸得更脆，而且要趁熱吃，否則放涼了便很快變硬。小籠包一籠6隻，味道是不錯的，但外皮稍厚，可以多加點湯汁。菜肉雲吞 $40 有 10隻。雲吞不是很大粒，令我想起以前在上海吃到的小雲吞（但這裡的仍是比起那些小雲吞大）。餡以菜多，混入免治肉。雖說它們不太大粒，但10粒雲吞吃起來還是挺飽肚的。

在铜锣湾时代广场附近，找一间抵食，老店，唔容易㗎！熏魚煨麵，面掛滿湯汁，菜多，好味又健康。熏魚色香味俱全。生煎窩貼，皮跟餡料比例適中，非常香脆可口！菜肉云吞，云吞皮又薄又滑，真不愧正宗上海云吞。

對於上海菜，有一種情懷。醉雞 — 說真肉質不太嫰，酒味還挺濃，沒有很大驚喜。上海炒年糕 — 口感沒有平日吃的好，年糕的分量適中。酸辣麵 — 絕對是上海菜的重點，可惜湯太稀，但味道還能補救一下。小籠湯包 — 味道還好，比較juicy。

你看果碗麵，顏色好似鼓油咁，仲要無味道，撈極d花生醬都撈唔混真正欺骗食客！呢碗是擔擔麵，淨麵無肉碎兼花生醬only,仲要自己唔撈食唔到花生酱味，兩小塊炸菜，咁就騙人37蚊。職員話，我地呢度d麵係咁!

兩個女仔夜晚行完街去食飯 餐廳位置不大 要搭枱叫左一份醉雞同排骨擔擔麵醉雞好大碟 成座山咁！好抵食d雞好夠味 唔苦唔太鹹 好正排骨擔擔麵排骨新鮮炸起 炸漿夠薄 排骨夠林 不錯可惜擔擔麵湯底淡 無花生味 一般般