夏麵館 (始創中心)

Open Now

Now Closed

平日食開屯門分店嘅夏麵館覺得佢哋嘅Set Lunch 好抵食👍🏻今次試埋太子分店嘅晚餐☺️.鍾意食海鮮嘅我當然要叫蟹粉系列嘅菜式😛.🦀蟹粉豆腐煲 $98用鐵鍋上枱熱辣辣🔥濃淳香滑金黃色嘅蟹膏蟹肉同豆腐互相配合😍 送白飯一流🤤🤤 食到唔停口.🦀蟹粉小籠包（ $38兩隻）小籠包外皮雖然唔算好薄但係咬落依然係多汁到爆🤣😛記得要趁熱食🔥.🍗上海醬鴨 $60本身仲諗緊醬鴨會唔會係同甜醬有關🤣原來係一啲都唔甜㗎🤣呢碟菜式唔係熱食 室溫當前菜都不錯味道鹹甜適中 鴨肉鮮嫩😉.🐟糖醋魚塊 $72糖醋魚塊外皮炸得香脆可口🤤魚肉鮮嫩 酸酸甜甜嘅醬汁 愈食愈滋味🤤

星期三晚去咗呢度食飯，特別鍾意食佢個滷蛋、蟹粉豆腐煲、蟹粉小籠包、同埋高力豆沙。佢呢度都幾近旺角東地鐵站，由地鐵站行過去，都只係需要5分鐘。一坐低嘅時候，我哋第一時間叫咗個前菜，呢味滷蛋，係凍食，除咗有非常之香嘅滷水味之外，更加重要嘅係佢嘅蛋黃流露出非常香嘅醉雞汁，令到個蛋黃同時間都有醬汁嘅感覺。非常晶瑩剔透。之後我哋特別叫咗呢度嘅蟹粉豆腐煲，$98，豆腐煲用熱辣辣嘅砂鍋送上。熱辣辣嘅砂煲，煮住勁濃郁嘅蟹粉湯🦀🍲豆腐好滑嫩，我一啖蟹粉豆腐，一啖雞湯菜飯，非常鮮甜。蟹粉完全溶晒喺個湯度，食完之後口腔內仲保留住一份鮮味👍再之後就食呢度嘅蟹粉小籠包，小籠包嘅肉收藏住粒粒蟹黃，外面一層係包住，略嫌少少厚，但整體嘅味道都唔錯，小籠包亦都多汁。甜品嘅話，就揀咗高力豆沙，豆沙係用油炸過嘅，熱辣辣，裏面包住甜甜嘅紅豆沙餡。完結前，特別想提一提，呢度嘅服務非常之好，店員好親切，加水加茶亦都好頻密。

前排係網上以72折買左夏麵館$100現金卷, 今日放工就同家人去左夏麵館太子分店食返餐。主打上海菜, 正價都唔太貴, 宜家再有72折, 真係抵上加抵!! 【鮮肉小籠包】HK$38小籠包厚薄適中, 含豐富鮮甜湯汁, 饀料鮮味多汁。【紅油抄手】HK$38個汁好夠辣, 饀料有肉香, 但嫌皮過厚, 薄返D會好得多。【酸辣湯麵】HK$52湯底酸辣味平均, 夠杰, 拉麵索左個湯汁令麵質更林, 材料豐富, 整體很有層次.【上海擔擔麵】HK$46湯底夠辣, 有淡淡花生醬味, 食落唔膩, 同樣拉麵索湯令麵質林得黎又入味。【豆沙鍋餅】HK$36嫌煎得未夠香口, 外層很粉, 未夠脆口, 但豆沙饀料很足, 甜甜地。【貓山王榴槤高力】HK$25口感軟熟, 一咬開已經散發陣陣榴槤飄香, 榴槤味甘甘地~【擂沙湯丸】HK$32黃豆粉平均包住湯丸, 咬開芝麻蓉湧出, 甜甜的, 芝麻味香濃。

🌟上海醬鴨🌟排骨擔擔麵🌟津白肉絲炒年糕🌟蟹粉小龍包上海醬鴨上枱温度凍凍地 做前菜幾開胃 醬鴨肉質唔會亁 反而幾易咬開👍🏻排骨擔擔麵湯底濃稠 開頭會食到花生醬味 之後慢慢辣味就會出 湯底濃味令到上海麵都好掛湯 正😋排骨份量都幾多 肉質都厚 不過肉味就可以更重 津白肉絲炒年糕 每次食上海菜都會叫年糕 好中意食煙煙韌韌嘅野🥰年糕質感偏軟身 但炒得幾入味 平時食小龍包就食得多 加蟹粉都係第一次😗個小龍包皮薄薄地幾好 頂部有粒粒蟹粉 食落口有蟹膏香味 蟹粉配肉可以增加到個鮮味～

一直鍾情於上海食物～今晚同媽咪係太子買完嘢經過夏麵館，見座位舒適，就二話不說入去了其實之前都有食開荷李活分店覺得食物都不錯太子分店比荷李活的大，空間咁十足，更有卡位提供，私隱度一流！打開餐牌，見套餐d嘢唔太合胃口，就散叫了，由媽媽發辦！🌟花雕醉雞（$66）酒味十分香濃，份量給兩人食綽綽有餘！可能酒味太濃，所以杞子味就被掩蓋了但都不過不失！🌟鮮肉小籠包（$38）性價比十足略嫌皮有些厚，但肉汁爆滿！🌟夏味鱔糊麵（$70）十分抵食！平時炒鱔糊都較為貴加上一大碗清湯麵！性價比十足！鱔糊加上荀一齊炒十分惹味～值得叫！🌟津白肉絲湯年糕（$50）湯底十分鮮甜，清淡得黎又多菜～健康之選！🌟麻醬拌麵（$36）這道菜冇咩特別只係清淡的麻醬，但有d乾🌟高力豆沙（$36）好味！甜甜的豆沙好好味！🌟🌟🌟🌟🌟🌟🌟性價比不錯！同每位$8茶錢！加上最近做緊promotion，係togetda可以用72折買$100現金巷！🏮夏麵館(始創中心) (太子)地址：太子彌敦道750號始創中心1樓115C號舖

原來夏麵館推出咗二人套餐，$308有兩個湯；兩碟小菜；一個餸；一個飯/麵；仲有甜品，味道不俗，性價比高。.🍲酸辣湯味道不錯，但偏辣，唔太食得辣嘅朋友要注意啦.🍲三鮮豆腐羹豆腐羹裏面有豆腐；雞肉；蝦仁，足料，鮮甜清淡，個人覺得比酸辣湯好吃😋.🐥花雕醉雞 花雕酒味濃郁，雞肉爽口.🥢美味海蜇裡面除咗有海蜇之外，仲有青瓜配菜👍.🐂水煮牛肉以水煮牛肉黎講唔算太辣，牛肉分量多，配有芽菜寬粉，二人食非常足夠。.🍜上海擔擔麵 拉麵彈牙配上花生醬香及香蔥香菜肉碎，層次感十足。拉麵彈牙配上花生醬香及肉碎，層次感十足。.🥠高力豆沙彈牙，熱辣辣

太子地鐵站附近，始創店上海菜館屬於呢間位置好，座位舒服，食物都有質素。餐廳簡單上海菜同部分川菜混搭，適合又酸又甜又辣的口感。|鮮肉小籠包^不需要特登叫蟹粉，普通鮮肉小籠包，搭配薑絲醋。|黑醋話梅排骨^話梅味道不多，夾到口中無咩味道。反而黑醋濃味，成個菜都系上海特色，酸酸甜甜。可以系偏甜。適合送少量白飯。上海擔擔麵不過不失。擔擔麵一如既往大大份，湯醬料又足夠。鍾意撈埋一啖湯一啖麵咁食。其實太子附近餐廳好多種類，粥粉面飯，火鍋鷄煲等等，但坐得舒服，又食得安心就會選擇商場先。慢慢食。下次再叫火腿津白，必試之一。

食物: 鍋貼同小籠包都好好味，新鮮出爐/煎起。炒年糕都好食。炸雞排湯麵都ok、麵質煙韌，雞排酥脆，但湯略嫌唔夠熱。酸辣湯正常。高力豆沙就麻麻，唔夠熱，唔夠鬆，似豆沙包多d, 仲有d油膩，好在餡算足。衛生: 以咁樣環境清新，有設計既地方黎講衛生算麻麻。d餐具好油。尤其是杯既內籠，落手摔係鞋既，好似有澱粉質痴住咁。我地重覆洗左3次叫做好dd。上菜果d其實都有d油，不過已經冇辦法。起碼唔會放入口。服務: 西裝男經理算殷勤，帶位時提doo安心出行都有禮貌，上菜時會講聲慢慢食。但有個長髮紮馬尾阿姐真係好唔掂，撩交嗌咁款。坐底枱面係已經有張點心紙，唸住再喺枱面筆筒攞張睇下，見一樣就摺番放好，個阿姐埋黎嫌我疊唔齊咁整理番，仲可唔可以路整一路手指指，勁悔氣咁話'你睇個張得喇，你係tick呢張架喇' 。後來落單問句有個格tick淮山麵係咪唔駛加錢，佢好燥咁話要，我地話睇唔到有寫，即係加幾多，佢即時起哂扛咁指住杏底白字細格font size 6果度話，'有寫架，你睇清楚先啦，si-an(先生)'。。。直頭係趕客。。。雖然都係著黑tee 制服，但佢唔駛帶名牌，可能係阿姐層面高級少少，唔係就可以咁差吓嘛，想食

在香港，上海菜館開得成行成市，平價的有君滬，昂貴的王家沙等，形形式式，林林總總。但是你要從中吃到理想的上海菜實屬不易：太肥膩、內地土風味太重（正宗粵菜）、價錢因素，反正沒有一種指標能滿足所有品味上海菜的食客。今次為大家推介一間，價格親民，能夠在正宗上海菜與昂貴的租金之間取得中庸之道。火腿高湯娃娃菜用金華火腿等製作成濃湯茨汁鋪在娃娃菜上面，鹹度跟肉香比例配合得好，娃娃菜的田園菜香配合茨汁加功足夠令你明白外表難看的金華火腿多麼明豔誘人。高力豆沙每次來到都會點吃，空氣感十足，飽飽夠鬆軟。內頭的豆沙料不至於太甜，與傳統中式甜品別具一格。咬下去有大量蛋香填滿食味。頂頂幼砂糖特意在飽飽製作完成後粗粗曬上，除視覺效果更理想外，砂糖的提香作用能更均衡地涵蓋表面。蟹粉小籠包其實自己不喜歡蟹粉點心，唯這裡例外。下價蟹膏太容易有腥臭味，加上店家為了營造視覺效果往往用上更多，結果事倍功半，本末倒致。今次的小籠包有淡淡蟹膏香氣，咀嚼時蟹鮮味以點啜、提鮮般存在，沒有搶走餡料風頭。湯汁量適中，夾起包包沒有破開，軟韌度剛好。瑤柱蛋白炒飯吃過數次，水準平均，由其炒功值得點讚，每粒飯晶瑩剔透，平均沾上油份。吃過一整碟都未

外賣自取兩個人食一共叫咗四樣嘢1.酥炸排骨菜飯2.金牌菜肉炒飯3. 春卷4. 南瓜餅酥炸排骨菜飯冇乜特別嗰份排骨都算幾大份， 分開一個膠盒放， 反而飯就唔係好大盒。金牌菜肉炒飯鹹咗少少，以炒飯嚟講唔算好油。春卷裏面啲饀唔算好多，唔係好食到裏面有啲乜嘢。最好食係個南瓜餅， 成件冇饀，非常好食，夠煙韌，唔係好甜有南瓜味。要稱讚一下呢間店嘅店員服務一流， 原本係叫菜脯炒飯，但係打黎話冇咗， 然後叫佢是但炒一個價錢差唔多嘅飯，真係做得到，醒目

不再一樣的夏麵館，懷念二十年前在上海肇嘉邦路的夏麵館，香港的，只是一家快餐店。中午提供的飯麵套餐，價錢合宜，但是出品就非常不穩定，樓面經理的服務態度也非常一般般。

遲放工到夏麵館買外賣，同經理講要蔥爆牛肉。點知佢大聲話蔥爆牛肉係小菜唔係晚餐。我一時間沒明，佢好不耐煩甩俾我個“晚餐menu”。我睇上邊都有蔥爆牛肉，追問有咩分別？佢話佢好忙叫我等。整個過程好似佢係我老闆咁我真係大開眼界第一次見呢種待客之道，轉身離去，以後再不會光臨

星期六有親戚到訪，一行四人之後想食個下午茶，咁啱要去始創心中買啲嘢，經過見到夏麵館，餐牌都幾吸引，就撳張飛等位，大概15分鐘可以安排入座。入舖頭時都需要量體溫同用酒精搓手液。一坐低先知原來有下午茶餐，價錢比正價平少少同多杯飲品，選擇都算唔少，而且仲可以升級加啲小食。當日分別叫咗4個餐如下:-1.青菜煨麵 – 湯頭白雪雪，味道香濃，調味適中。青菜應該係小唐菜粒，食落爽口清甜，一啲油都冇，感覺清新健康。麵質都屬少少煙韌彈牙，浸耐咗湯都唔會太發脹同變糊。2.嫩雞煨麵 – 基本同以上個青菜煨麵係一模一樣，只不過多咗啲冇醃過味嘅雞丁肉粒，雞粒唔嚡口，不過又未算嫩。3.香辣牛肉麵 – 湯頭顏色清澈味唔濃，一啲都冇辣嘅感覺。牛肉味淡，肉質唔韌，食落都冇黐牙，不過牛味欠奉。反而牛筋入味軟滑。4.排骨擔擔麵 - 排骨(炸豬扒)同擔擔麵分開上，擔擔麵湯濃稠，花生味重，而且食落辣味就慢慢滲出嚟，都幾野味。排骨(炸豬扒)粉漿厚，豬扒肉薄，炸皮味道完全掩蓋豬嘅肉味。所有麵底都係同一款。升級小食追加咗:-5.豆沙鍋餅 (半份) - 皮厚硬而唔脆，豆沙餡少，而且冇豆沙應有嘅紅豆香，甜度都比較淡。6.小籠包 (4件)

我是面館長期食客，見到不平想講下， 經理不懂管理，只懂鬧員工，見到客人投訴反而同客鬥鬧， 員工無禮反而隻眼開隻眼閉, 雖然嘈交主角唔係我, 但見到佢咁嘅態度我都食唔落， 員工個個都怕佢， 佢一唔喺度個個反而禮貌又加講笑開心工作， 面館真係越嚟越差

見到始創中心有一間都幾多人排隊嘅上海菜，決定試吓。點知食物嘅質素可以，但係服務就奇差😡第一轉嘅食物上菜速度唔算太快，但起碼嚟齊，食完主菜後，我地想加單，但又唔想浪費紙張，於是就舉手叫職員A加一份雷沙湯丸，職員A就大叫另一個職員，xx枱加一份雷沙湯丸。點知等左一陣都未有食物送上，我地再叫另一個職員B落單，點知職員B仲搞笑，佢話佢地冇呢樣野食...咁我地就要喺餐牌上指比職員B，話佢知佢地有呢樣食物提供！再等左陣見仲未有得食，我地又示意職員C，佢竟然問我地係咪落單叫左豆沙鍋餅🤦🏻‍♂️真係吹到啤一聲... 到最後比錢埋單，已經比哂信用卡，再一次等左勁耐都冇人攞返張單嚟簽，但眼見後過我地埋單嘅人都已經走哂，真係火都嚟🔥🔥🔥我地最終出埋去收銀處，原來佢地已經埋好單，放左我張卡喺一角，而冇人處理。 🍴 水煮桂花魚 (全條) ($228) ⭐️⭐️⭐️⭐️ 味道好香，唔算太辣，肉質好嫩滑。雖則話係全條，但感覺唔係好多肉。 🍴 排骨擔擔麵 ($65) ⭐️⭐️⭐️ 排骨炸得有d乾，肉質有少少鞋，但好在擔擔麵份量適中，微辣而且好惹味。 🍴 蟹粉小籠包 (2隻) ($38) ⭐️⭐️⭐️💫 皮唔算好厚，d湯汁同蟹粉好濃味，唔錯