湘蜀人家

Open Now

Now Closed

湘菜及川菜分別佔了中國八大菜系中的其中兩席位，相信一定有其淵源及吸引力，雖然兩種菜系都是以辣為主味，但亦有著不同程度的區別。川菜起源於四川地區，以味道多廣濃厚見稱，著重麻辣鮮香，以煎炒炸爆溜煸造出五味調和，靈活多變的菜式，從而贏得一菜一格，百菜百味的稱譽。而湘菜則以湖南菜為代表，有著濃郁的山鄉風味，以煨燉臘蒸炒等烹調方法製作出各種酸辣香濃的佳餚，著重辣味豐富，突出菜肴本味而馳名。兩者均是善於利用不同的香料，做出味道獨特的辣味菜式，讓人又愛又恨，深深沉醉其中。數數手指，筆者這個好辣之徒已有一排沒有嚐過川菜的美味，最近來到灣仔的大有廣場，見到一間主打湘蜀菜式的小店，二話不說便進來吃個晚飯，以慰解一下吃辣之慾。小店裝潢以中國風為主調，天花的中式吊燈，伴隨著一列長長的水墨畫，還有周圍的中式木屏風和掛畫裝飾，古色古香，滿有中式鄉土懷舊風格。而最正的是連餐具也印上了中式的傳統面譜，大大隻字的寫著中國味道，老土得來卻又別具風格，讓人留下深刻的印象。翻開餐牌，內裡圖文並茂，紅噹噹充滿著不同的辣椒菜式，由涼菜到小炒，水煮到主食，點心到甜品，都有著不少的選擇，讓人眼花繚亂，選擇困難症瞬間發作，筆者思考良久

最近天氣凍，想食多啲辣野，係openrice揾左一陣，就決定食呢間湘蜀人家！！去到既時候係11點50分 附近既office食晏大軍尚未殺到坐低見到裝修都幾有風味連隻碗都有面譜公仔做裝飾睇完menu之後揀左口水雞餐(88HKD)個餐跟飯 連埋一杯飲品侍應冇問我幾多辣喔！搞到我有啲期待 會唔會好辣辣味夠重 而又夠香係真係辣架~而啲雞件又滑又夠雞味廚師應該有將啲雞件起左好多骨省卻好多功夫去整走啲雞骨有啲驚喜~埋單連加一係97HKD食lunch黎講有啲少貴 但真係好食我會再黎食既！

餐廳位於大有廣場二樓，灣仔地鐵站出行大約5-10分鐘就到，地點幾方便。7:00pm黎到就有人開始等位，證明間餐廳食物水準應該ok餐牌除左單點既菜式之外，仲有二人/四人套餐，而且價錢都好合理餐具幾精緻，係四川面譜小食係微辣菜脯，幾爽口水煮魚片（$158）夠香而且唔太辣，我地點左少辣所以平日唔食辣既朋友都食到。各式各樣既辣椒令人食指大動魚片肥厚爽脆，而且唔會太油膩除左木薯粉，入面仲有少量芽菜同埋萵筍，貨真價實。清炒萵筍絲( $72 )唔想成餐飯都食重口味嘅嘢，於是點左一碟萵筍絲,清淡爽口，味道不錯。孜然羊肉（ ＄108)羊肉薄切，同大量嘅芫荽炒埋一齊好香口，加埋孜然粉，食落口好似串燒嘅味道咁，就算一向唔太喜歡羊肉味道嘅我都食不停口。埋單二人合共＄477

同閏蜜都好愛辣，誓要挑戰所有辣既餐廳，老實講好多都虛有其名，今次我地試完呢間真心推薦比志同道合——愛辣之人湘蜀人家—-裝修有型格中國風，坐位舒適，好多人等位一定要試當然係水煮魚—-好多辣椒🌶️最緊要真係辣得好過癮，魚仍然嫩滑新鮮，好味😋口水雞—辣味到位，雞肉嫩滑辣子雞——嘩！連呢個都辣得好爽雞肉炸得炸口，試左食條辣椒香炸辣呢個涼拌粉真係食到停唔到口曾經係台灣食過差唔多念念不忘，依家係香港搵到同樣好味涼粉爽滑，好辣配以花生芝麻可口😋😋最緊要價錢相宜，色香味俱全真心推介比愛辣既人

愛辣的我，早前睇完網評星期六決定一試，由於友人最怕等位，便預先訂定枱。扺達後，發覺店子其實很細，是一般的商場鋪開放式小店，如咖啡店般大小，但坐位尚算舒適，可能我只兩人坐4人卡位罷~鋪內陳設古雅整潔，碗筷一律有面譜圖案，好能突四川感覺。由於只得兩條友，肚皮有限，故只點了以下餸菜先講四川涼粉$46口感滑溜帶，雖有不少辣油，但清而不膩，內裡沒用上炸花生，反而是炸黃豆，且非常脆口，很特別，辣度亦剛剛好，個人覺得好食過黃埔果間聯記辣子雞$98雞肉是炸過的，味道很香脆及不油，初嚐時完全不覺辣，仲以為無料到，點知越食越辣，辣過水煮牛，份量不太多，算是足夠，但是雞粒較細，細過雞丁，大返一點會好些水煮牛$158麻,香,辣有齊，仲有少量薯粉底，篙筍，直菇底，牛肉量也算多，食落嫩口，只個人認為可再切簿一點會再好食d。食完其實都飽到死,但都好想食甜品，所以點左個高力豆沙$40有4粒，有高爾夫球咁大，裡只豆沙，無蕉果種，好啱我口味，但味道只叫合格唔太突出仲有，因如點飲品便不收茶介$15位錢，所以友人點左豆漿$15，而我就叫左支細樽青島$25,話貴唔貴啦，人家要比鋪租嘛，勝在夠凍，而豆漿聽講好有豆味，再加上食物很

近來川菜喺香港好似愈開愈多，於是近排我同嗜辣嘅另一半專搵川菜嚟試，今次試呢間係新開嘅，可以經OpenRice 訂位，非常方便。值得一提帶位同落單嘅侍應們好有禮貌我同另一半對兩樣川菜係情有獨鍾，一樣係水煮牛，一樣係辣子雞，有時會點口水雞，但今次想試試夫妻肺片。點菜時侍應冇問我要咩辣，後來睇到有食評話廚師堅持唔會為食客改變辣度。晚市時間餐廳坐滿，上菜速度都好快。首先係呢碟夫妻肺片，我唔係好食得辣，食左一舊太辣食唔到，另一半話最初幾舊覺得好食，後面因為啲肺片浸住油，只吃到油味。之前喺OpenRice睇到呢間辣子雞比其他店嘅雞件切得大塊，唔使係咁吐雞骨。呢碟睇度好多辣椒，但其實冇乜辣味，上菜時好香，但雞件並沒有像聞到的一樣香口，炸粉味略重，味道扁咸。至於水煮牛，對我都算幾辣，但係同辣子雞一樣唔香口，料方面牛肉好大塊，但切得略厚故有點韌，底部有薯粉同萵筍，由於個汁唔夠香，所以索咗汁都唔覺好送飯。後尾太辣我叫多個鹽爆牛栢葉。話明鹽爆梗係咸咸地，我覺得味道不錯，最好係我地都覺得就算佢切得啲牛栢菜厚身都完全唔靭總括嚟講，我地叫呢幾樣小菜未算好出色。

每隔一排 食辣野既癮一定會湧出黎 同我食辣野既朋友唔算多 所以約呢個朋友食飯 通常都會食辣野 咁岩呢間我地2個都未食過 而且係新開 朋友呢個星期都係灣仔番工 岩哂一坐低就有職員問我地飲咩茶 我地叫左普洱清一清油膩感夫妻肺片涼菜最快上 我同朋友都急不及待食左幾片 佢都好夠辣 比一般涼菜辣少少 但食落好香 佢係由牛既三個唔同部份整既 牛舌牛筋同牛肚 全部都切哂一片片 本人最鍾意牛筋片 食落好有咬口 同埋好特別 唔係成日可以食到鮮肉蒸餃蒸餃好夠熱 一咬開入面重有好多肉汁 好好味 唔咸 不過個皮略為厚左少少 但可以接受 個餡好味水煮魚片一上台面 D辣椒重係 “咋咋聲” 架 好香好香 魚片有好多塊 冇咩骨 食落好滑 吸哂D辣味既精華 魚片下面重有薯粉 萵筍 同埋芽菜 全部都好入味 好好食糖醋小排骨酸酸甜甜 可以中和一下辣味 我同朋友都覺得呢個小菜幾出色 個汁唔會太稀同太粘 排骨有微微炸過 雖然有汁包住哂排骨既表面 但都重可以食到排骨有少少脆 的確唔錯清炒萵筍絲最後緊係要叫個菜清一清腸胃 呢個清炒唔油膩 萵筍絲好爽 份量都有好多 鍾意食萵筍既一定會點呢個總括黎講 食物質素幾好 價錢唔貴 份量好足夠

呢間我覺得服務唔錯, 店員ok nice, 但係野食係偏辣, 食到辣先好叫辣野食, 如果唔係叫佢少d辣應該ok無謂食到胃痛啦.擔擔麵本身都係得花生醬為主, 呢到既擔擔麵其實都係偏辣, 但係辣得黎我就接受到唔會食唔到先啦, 麵身比較軟身, 麵都幾吸得d湯, 食落味道幾濃幾好食!水煮牛, 都係驚人地大碗, 仲要都ok辣, 同一般d水煮牛既材料我覺得分別不太大, 底部都係有d粉絲, 牛肉量都算多, 比其他水煮牛黎講我覺得比較辣, 基本上食完我要係咁飲茶, 我食辣程度係正常啦~ 又唔係話特別好食得辣,自己衡量啦. 成碗就好大碗基本都一定飽嫁啦如果食晒, 所以注意份量. 辣得黎呢間味道唔錯, 所以佢既辣又香又好味, 所以印象都幾深, 我覺得辣係咁飲茶但又好想食~

由於附近返工，lunchtime 過黎食過兩次，都好回味今次一行4人再黎幫襯，一早用apps book位仲有asia miles送。辣子雞-夠干身，似香香雞，d辣椒干如果中意都可以食埋 lol 不過好熱氣 XP水煮牛-上次食好辣，今次正常返，個底有薯粉有大豆牙有大菇仲有筍片，一舊水多d又有咁多野食，蓮藕片-唔算好辣，夠新鮮，炒得都幾有鑊氣。担担麵-正常野，甜酸魚片-魚好大舊，味道開胃酒讓丸子-餐送甜品，個人無特別喜好結論: 朋友都話正

雖然都係覺得太辣，可能自己真係受唔到，不過店員都好好，服務又細心，值得一讚。👍🏼👍🏼👍🏼👍🏼👍🏼👍🏼👍🏼👍🏼下次可能要再訓練一下先再去。之前睇完食評先叫菜，叫了一些大眾都會叫的，有些沒有想像中好吃。坐得舒服。👍🏼👍🏼👍🏼豆漿，一定要叫。從來唔覺得原來豆漿咁好飲，食辣嘢係應該飲呢個。賽旁蟹係一道為咗中和辣嘢而order的，有點奇怪。少咗蛋黃有點不正宗。另外叫咗炒飯，有點淡。

My families and I went to a Chinese restaurant called "Xiangshu Restaurant" (湘蜀人家) located in Shop 218, 2/F, Tai Yau Building, 181 Johnston Road, Wan Chai灣仔莊士敦道181號大有廣場2樓218號舖.The whole restaurant is decorated with red lanterns, traditional wooden lanterns, Chinese ink painting, "Qian Long" portrait, lovely bird and flower theme picture.Loveeeeee the tradition Chinese opera masks tableware.''Fish fillet with sweet and sour sauce'' (front)糖醋魚片 (前)HKD$82..Big portion..Crunchy crusts glazed with m

四川菜係中國四大菜系之一，因起源於四川地區，以麻、辣、鮮、香為特色。其中，麻辣是川菜最具特色的口味，食得辣的人，仲要喜歡佢既重口味，不同香料製作而成。就係依種咁獨特味道的菜式，令人深深愛上！ 今日放工去左公司附近新開既湘蜀人家食飯。 首先點了出名的口水雞，辣油有種獨特既香味，一大堆辣椒淹住啲細嫩既雞件之餘淡淡肉，仲浦上花生碎，令香味提升。 海蜇頭，曾經有人味我點解香港人咁鍾意食海蜇頭？！透明的海蜇頭一片片又硬又脆，酸得嚟有少少甘甜，加兩滴辣油， 感覺鋼強帶點温柔！ 酸菜魚係今晚既主角！味道剛剛好，少酸加少辣，辣係麻辣！魚片數量有很多，$98真係好抵！我加錢要了淨薯粉，自製酸菜魚湯粉，好過癮！ 朋友話要出去食甜品，我話不如響度食埋啦！叫了客高力豆沙，新鮮炸起脹卜卜，不過我就心諗洗唔洗咁多糖粉吖？！佢炸得好靚，豆沙粉量唔多，無咁甜，反而上面糖粉令個皮減少油膩感。 我覺得響香港食親好味/正宗的四川菜好多都唔乾淨或坐得唔舒服(十分貴嗰啲例外啦)，依間食店，除左坐得舒服，環境幾靚之餘， 仲要上碟都精緻，乾淨，下次朋友話食川菜，我會建議佢地食依間呢！

朋友知我近來有乜胃口,於是提議我食去食辣辣川菜, 相約我到她公司附近湘蜀人家食晚餐。 這店裝潢具中國風,十分舒適。  * ** 我同朋友不約而同選擇抵食【二人餐 $298】  * * * 前菜可選2款 選左口水雞和成都肴肉* * * 【口水雞】 口水雞入口皮滑肉嫩又爽口,配好夠辣香味醬,十分惹味。* *【成都肴肉】 晶瑩的肴肉, 爽著膠質啫喱及咸香肉,沾上醋更開胃呢!* * *【水煮牛肉】 一大碗水煮牛肉台, 牛肉嫩滑入味。 它精髓就是秘製醬料油富麻辣味厚, 食食下個口好麻感覺,都好開胃過癮呢!* * *【西洋菜餃】 這餃皮厚身得來彈牙,而餡有好多西洋菜,十分Juicy好食。* * *【鮮魚湯浸時菜】 用鮮魚湯配嫩口的小白菜,淡中帶鮮,十分好味。* * *【酒釀丸子】 這甜品帶有淡淡的酒香和桂花幽香,而丸子軟糯,又不會太甜膩。

聽到好友介紹灣仔湘蜀人家好正宗，即刻急不急待去試下，見門口都幾多大排隊而且裝修富地方氣彩，餐具精美，已經加左分。食得湘川菜，點可以少左水煮魚，而且係桂花魚，一上台見到紅噹噹一片辣椒海。由新鮮辣椒即炸加花椒，所以辣味十足。桂花魚冇骨之餘，簡直係嫩滑鮮甜無比，辣之外仲有少少麻既感覺，但又唔會搶左魚鮮，相輔相成，欲罷不能。配菜有菇，毛豆粒同薯粉等，吸盡辣味同魚鮮，正到飛天。賽螃蟹同樣出色，得魚肉同蛋白，竟然鮮到有如蟹肉般，魚肉同蛋白火候掌握岩好，所以好滑嘟嘟，加上少許醋吊味，更突出其鮮，依家好少鋪頭做到甘正宗既賽螃蟹。全人手製作既染糧窩窩頭點可以錯過，附上一小碗仔青椒肉碎，窩窩頭下面有個凹位，方便放肉粒，設計好貼心。窩窩頭好鬆化，又有彈性，而且健康。湘蜀炒飯，飯粒分明，竟然有蝦，帶子，肉，蛋同毛豆粒，好富貴既感覺。鑊氣足，所以好香，忍唔住食晒成碟。

一直都0係灣仔返工，最近有個朋友又轉左過黎灣仔返工，所以約食飯好方便呢，可以揀返灣仔區～朋友話想食辣，所以suggest 話食湘蜀人家，我當然冇問題啦！一開始先黎個口水雞，雞肉嫩滑，食到味覺有少少麻痺，不過愈食愈開胃！　宮爆雞丁，入口鮮辣，雞肉既鮮嫩配合腰果既香脆，冇得彈！家常豆腐，入面好多配料，有齋菇、豆腐、菜、木耳、紅蘿蔔絲等..豆腐非常嫩滑，而且份量好多，唔錯～之後我地仲叫左個蕃茄肉丸湯暖暖胃，蕃茄湯味道濃郁，肉丸爽口彈牙～最後當然會叫碟菜啦，新鮮又健康。點左咁多餸，所以我地SHARE 左一碗白飯.OVERALL 埋單, 價錢合理, 環境亦舒服. 有機會會再來!