羲和雅苑

Open Now

Now Closed

海港城既烤鴨店，又係時候要試吓啦～環境真係一流，一望出去就係維港景，可以一路嘆住海景一路食烤鴨超正🤩半套烤鴨：烤鴨直銷即切即食，師傅拎住隻鴨喺你面前切，見到隻鴨燒到脹卜卜，皮脆😉😉烤鴨分左三碟﹕鴨胸皮、鴨胸肉、鴨腿肉。另外仲有薄餅同白色嘅醬汁配菜，分別入去傳統嘅食法同新式嘅食法。新式食法係配藍莓醬爆炸糖同山楂，呢啲食材但係有酸味，當食得多之後可以中和咗烤鴨皮嘅油脂，解膩，可以食更多😌😌松鼠魚﹕用咗肉質嫩滑嘅桂花魚，炸醬博新，炸到啱啱好酥脆嘅感覺，魚肉唔會炸到乾晒，仍然保持嫩滑，配上酸甜汁，做到唔同嘅層次槕海膽豆腐：個汁一流，有海膽同埋蛋黃，濃稠程度剛剛過，仲有好多鮮蝦蝦仁，配飯一流👍🏻乾隆白菜：個樣好平好好食，但係絕對驚為天人。醬汁帶有生瘡，帶少少微酸，同時加上花生醬，超好味，朋友一試難忘，未食過嘅朋友絕對值得一試魚肚湯﹕份量係一人前，但成嚿魚肚超大件，湯底濃郁一個人演員會有少少飽，細食嘅又想試多啲菜式嘅都可以兩個人share😊

位於尖沙咀海港城黃金地段，有間食片皮鴨非常出名，餐廳對住維港及西九龍，景色絕對係一流👍🏻，店內裝修也有一種奢華嘅感覺。先來半隻片皮鴨，分別有1/鴨胸皮-超脆好香口，2/鴨胸肉-比較肉嫩，3/鴨腿肉-全隻鴨的精華所在🥳，之後配上這個八寶盒，你可選擇加青瓜條又得京蔥又得，再配甜麵醬，另外又可以配黃芥末，而我最鍾意係用爆炸糖+藍莓醬👍🏻👍🏻👍🏻超級好食，加上爆炸糖有爆裂口感🤣。再來有三色皮蛋，賣相已很突出，鴨為一個器皿👍🏻cute。金沙脆魚皮，非常邪惡的一道菜，除左脆口，有濃厚的鹹蛋黃，正🫡。再來有濃湯酸菜魚，器皿幾別緻，成個太鼓一樣，魚肉好鮮，而且有點像脆肉鯇的口感😋，湯不酸，又醒胃👍🏻。最後來個籠仔櫻花蝦海味蒸飯，這個大約是2-3人份量，望落去材料豐富，而且香噴噴，掂。全晚食得好開心😆。好正🙏🏻

今日去咗海港城買太陽眼鏡，順便喺埋海港城食，行到過嚟呢一邊近海，有兩間餐廳，我們選擇了食片皮鴨。我們兩個人叫咗半隻鴨，但是其實都很大份，吃不完。最喜歡這裏的特色是有三部曲，分別是鴨皮，鴨肉，和傳統片皮鴨。配上藍莓醬，爆炸糖，山楂，可以解去油膩感覺，亦都甜甜地，另一種食法，是這裏獨有的。叉燒王一定要叫，因為入口即溶，但又不會全部是肥膏，煙燻嘅味道令到叉燒旁邊少少脆口，配上蜜糖，仲有芥末醬，真的是上等叉燒。三色蒜泥白肉少少辣，但是因為有配合蔬菜絲，鮮咗成碟都非常之清新，以蔬菜為主，蒜蓉整得非常香。秋葵整得非常之入味，就算平時怕食秋葵的潺潺感覺，這間餐廳亦能夠去除，反而令秋葵更加脆口，更加朔盡醬汁。黃扒魚肚湯底非常入味，大大隻魚肚，飲完暖笠笠。小肉餅是手工菜，食落有啲似上海鍋貼，入面有肉，出面就輕輕煎過。仲有上海醋配合，不會覺得很油膩。紅棗桃膠非常之補身，糖水帶有香濃的薑汁味，熱辣辣上枱。

餐廳主打京川菜、fusion菜，好吃又好看。環境很好望出去就是一大片維多利亞港，座位距離較遠，不會有侷促感。午市價錢10分超值，$168 可以選擇一個前菜，一個主食，3小碟和一客甜品，。而半隻烤鴨只需要加$298 ！還有不同的吃，性價比超高！鴨肉鮮嫩多汁，不會太乾，能吃到鴨肉的鮮味，這裏的小抖很創新，包括有爆炸糖，自製芥末醬，山楂膏還有傳統的醬料、青瓜及京蔥，不同部位不同吃法亦要配上不同的醬料，口感每碟都不一樣！ 不會有吃得很膩的感覺。而這間店的很多食物都有用了恆溫加熱，可以慢慢享用，超貼心。

今次又去搵好嘢食🤭、去到尖沙咀海港城海運大厦、四處都有不同高級店舖、望見這間羲和雅苑係一間食京菜、整間店外店內環境古式古香又帶點中西合壁感覺🤔、同時都有不同坐位及窗邊位、望到海邊景觀夠哂清楚😍、地方環境寬敝坐著都好舒適😚！.馳名烤鴨 $268/半套呢一款烤鴨係店家招牌菜式之一、烤鴨夠哂吸引由廚師係你面前扁皮😲、整款烤鴨外皮光澤香脆色香味齊全🤔、外皮香脆肉質腍嫰美味😋、分別有鴨胸皮、鴨腿肉、鴨胸肉3款上枱3款食法、配埋薄餅及其它醬料青瓜條、京蔥絲、紫洋蔥、山渣條、藍莓醬、甜莓醬及其它配料不同層次口感味道、尤其是加配埋跳跳糖令到口感更加特別🤭真係又創意！.濃湯酸菜魚$288呢一款酸菜魚係店家用咗濃湯烹煮🤔、送到上枱整碟望見都睇得吓、金黃濃濃湯底散發酸菜香味😚、飲到入口酸麻口感味道特別、配埋白叼叼魚塊入口爽滑啖啖口感😋、沾滿湯汁味道都唔錯！.小籠包 $68呢款小籠包一盒4個以特式盒盛載上枱🤔、整嗰小籠包外皮口感煙糯、入口一咬即流滿滿湯汁😯、湯汁味道美味肉質嫰腍😋！.金銀饅頭 $98呢款金銀饅頭一款兩種味道😚、整款一次過食到兩款傳統饅頭🤭、金饅頭金黃外脆內軟、銀饅頭熱辣辣軟綿綿、加添煉奶更加好

近年內都好少係香港食中式野，次次都係返大陸先會食，今日屋企人帶我黎左呢間係尖沙咀既「羲和雅苑」食中菜，估唔到香港都仲有啲值得一去既中餐廳入面裝修都好中國風，中間啲屏風完完全全突顯到中國木製家具、建築啲特色黎到呢到片皮鴨一定唔少得啦聽講呢到啲片皮鴨好出皮，仲要講到識「跳舞」，有埋教學講每一個部位點食，師傅仲會出黎即場切比你，勁有誠意！片皮鴨三食可以話係呢到既特色，嫩滑既鴨肉，配上羲和雅苑秘製醬汁，真係好好食，我地全家都食得好滋味蓮藕餅啖啖肉，食落好爽口，醬汁杰身酸酸甜甜炒蛋淨係睇佢外相，已經知道佢一定好嫩滑，調味得好夠晒味，蛋味亦好出蝦球伊麵，上面仲要放咗大大塊黑松露，一上枱已經令到成台都成陣味蝦球食落勁爽口好鮮味，伊麵亦做得唔差，好索味唔會煮得太腍宮保雞丁，紅卜山色水好好，唔好以為見到咁多辣椒就好辣，其實食落唔係好重辣味其他小食亦各有特色，淨係講賣相都一流，簡直打卡able

呢間出名食片皮鴨既店成日都full booking，今晚終於book到，好期待！馳名烤鴨鴨胸皮是全隻鴨最香酥既位，建議蘸藍莓醬同埋爆炸糖食，估唔到口感都幾特別wor!鴨胸肉建議蘸芥末醬食，外皮好脆，但入邊啲肉非常之嫩！鴨髀肉，啖啖肉，包埋薄餅食一流～三色蒜泥白肉😎賣相一百分，好有心機，白肉包住左紅蘿蔔白蘿蔔，減輕白肉既油膩感，而上面既蒜泥夠哂重口味，帶微辣！芥末沙律蝦球次次黎都必食！🍤大大隻，好彈牙，炸得金黃色好脆！金沙鮮魷魚🫶🏻全晚最愛，鹹蛋黃既份量岩岩好，唔會令到成個菜太膩，魷魚夠新鮮，唔會韌，炸粉夠薄！京式小籠包充滿湯汁，皮唔會太厚～蟹肉海皇泡飯用左唔同海鮮熬成，個湯夠哂鮮味羲和小肉餅好特別，可以自己吱d喼汁，肉餅由多層肉加皮組成，口感豐富！燕窩紫薯蒸蛋白蛋白蒸得好滑，有紫薯粒，鋪滿燕窩

「羲和雅苑」坐落於尖沙咀的繁華地段,是一家頗有名氣的粵式餐廳。作為一個多年粵菜愛好者,我最近終於有機會親嚐這家餐廳的招牌菜餚,結果絕對超出我的期望。首先推介的是「馳名烤片皮鴨」,這是一道既經典又難以駕馭的粵菜名菜。烤鴨皮香脆爽滑,肉質鮮嫩多汁,入口即化。作為一個講究口感的吃貨,我實在太喜歡這道菜了。用小葱、醬汁等調配,可以充分發揮每一種食材的風味。另一道亮點菜式是「黃扒魚肚」。餐廳選用新鮮優質的魚肚,配湯，味道超級濃郁「黃燜湯花膠海參」同樣令我回味無窮。花膠Q彈滑嫩,海參滋補鮮美,與濃郁湯汁完美融合。這道菜可謂靈魂菜式,充分展現了粵菜的精華所在。接下來是「濃湯酸菜魚」,這道菜給我的感受可謂「酸爽入心」。酸菜鮮嫩爽口,魚肉Q彈,湯頭酸甜適中,回味無窮。這道菜對於愛好酸爽口味的饕客來說絕對是不容錯過的美味。最後一道菜式是「宮保大蝦球」。蝦肉肥美彈牙,辣椒、蒜泥等調料恰到好處,令這道菜既有爽脆的口感,又有麻辣鮮香的風味。作為一道下飯菜式,實在是讓人胃口大開。總的來說,「羲和雅苑」的菜餚可圈可點,不論是經典粵菜還是創新菜式,都讓人嘆為觀止。環境雅緻,服務周到,無疑是尖沙咀一家值得一試的優質粵菜

呢間餐廳可以望到維港美景，而且價錢都算抵食，半隻片皮鴨而家做緊$268，所以根本絕對值得留港消費，慳返啲交通費🤭🤭羲和烤鴨(半隻) -師傅喺你面前即席片皮，夠晒專業！鴨胸皮是全隻鴨最香酥的位置，建議不用包薄餅先蘸藍莓醬、再蘸爆炸糖，感覺口感好新穎！鴨胸肉皮脆肉嫩，建議不用包薄餅，蘸黃芥末即可，食開嘅黃芥辣，刺鼻而且容易蓋過食物的味道！而羲和秘制芥未醬與別不同，入口酸中帶甜，解膩。超鍾意呢個醬！鴨腿肉是全隻鴨的精華所在，建議包薄餅享用，我們建議兩種吃法：第一個傳統吃法：包薄餅•加入青瓜條、京蔥絲、甜麵醬：第二個新式食法：包薄餅，加入山楂條、紫洋蔥、藍莓醬山楂條口感好得意，簡直係大人細路都鍾意包山楂條食！片皮鴨皮脆肉嫩,香氣撲鼻,是不可錯過的呢間餐廳嘅招牌菜。張氏獅子頭(2份) - 上海特色名菜,唔算好多粉,食得出口感扎實,非常入味。仲有兩個迷你飯俾客人食獅子頭真係超級貼心！京蔥爆鴨肉(1例) - 京式口味,蔥香四溢,鴨肉嫩滑多汁,記住要返一番啲牛肉，因為下邊加熱器都幾高溫，如果唔係啲鴨肉就會燶咗！$88可以食到咁美麗嘅擺盤菜式！抵！青梅小排骨(1例) - 超級鬆脆,酸甜適中,肉質嫩滑,唔

突然間好想食烤鴨，諗起之前有人介紹過羲和雅苑嘅烤鴨好出名，即刻book位去食！我地叫左半隻羲和烤鴨，有師傅即刻係面前切，傳來陣陣烤鴨香味，仲會介紹唔同部份有唔同食法！鴨胸皮本身已經夠香脆，再配上藍莓醬，再加上爆炸糖，口感好fresh, 而且好特別！至於鴨胸肉皮脆內嫩，就咁配芥末醬已經好好食，入口酸中帶甜！鴨腿肉配上包薄餅，加入青瓜條，京蔥絲同埋甜麵醬已經好好食！另外仲有種食法係配上包薄餅，加入山楂條，紫洋蔥同埋藍莓醬，好fresh好醒胃。濃湯酸菜魚魚肉好滑，湯底夠酸帶微辣～老北京爆肚配有香菜，芝麻醬同埋辣椒油，口感爽彈，火喉岩岩好！京式小籠包皮薄餡靚，入面有湯汁嘅精華，好好味！三色蒜泥白玉蒜泥白玉包住蘿蔔條及萵筍條，口感豐富，而且唔會覺得油膩，反而好清爽。仲有太多野食想叫，但已經好飽，下次要叫埋幾個朋友一齊食，叫多啲唔同菜式！

來到尖沙咀海港城當然要食望到海的餐廳，今次中午和朋友選擇了吃中菜羲和雅苑，因為大家很久沒有吃片皮鴨了羲和雅苑最馳名的片皮鴨當然一定要吃 $268/半隻這裏的片皮鴨半隻的份量已足夠二人吃，鴨的皮處理後變得非常香口鬆脆，而且肥瘦適中，肉質非常柔軟，配上羲和雅苑獨有的爆炸糖吃別有一番風味。另外點了一份點心拼盤 $188這個點心拼盤非常特別，其中包括有黑松露煙燻鵝肝，冰鎮鮑魚，海蜇花等等其中本人覺得最特別的是海蜇花，口感是脆脆的之餘又帶點甜辣味，十分特別點心拼盤的份量也不算少這裏的風景真的非常好，可以望到尖沙咀的海，而且環境非常舒適，非常適合一班朋友來聚會。

香港的烤鴨店選擇非常多，我已吃過無數花款，但就只有今晚這間羲和雅苑能給到我驚喜😲境致一流，面對着全海景的落地玻璃，店內裝潢媲美星級中菜廳，典雅又富麗堂皇，服務也是貼心，感覺有用心招待，香港的服務業回來了👩‍⚖️🦆7週年羲和烤鴨(半隻)$268不能不點，分為鴨皮 - 油膩，沾上爆炸糖跟藍莓醬口感奇脆，滿口跳脫感鴨胸 - 比例最美型，圓潤的鴨皮跟胸肉各佔一半，建議沾上酸味的黃芥末，非常解膩，味道口感特色，是我最喜歡的組合鴨腿 - 其貌不揚，但不容錯過，包上薄餅，紫洋蔥🧅，山楂條，口味意外地毫不滯膩，略帶微酸，值得一試傳統的薄餅🍕青瓜 🥒 京蔥 吃法也有，照顧大眾口味🦁張氏獅子頭(位)$48少吃多滋味，細獅子頭跟細飯球肯定是無敵組合這裡的獅子頭入口即溶，簡單配上白飯已是絕品🐟黃扒魚肚(位)$168價格昂貴，但絕對值得，黏口的湯底非常濃郁，骨膠原滿滿，那塊厚實的花膠令人驚喜🍤芥末沙律蝦球(4件)$178還以為是小小的前菜，加上芥末醬跟米通，以及紫蘇葉辟味，口味相當獨特，而且非常飽！🥯羲和小肉餅(4件)$68随意加入頂上的小醋汁，逐層煎製的餅皮內加入肉醬，有點像春卷，但是肉味更濃郁🐖青梅小排骨(例

餐廳位於海港城，好多座位都睇到維港靚靚海景環境闊落，好多卡位，坐得好舒服😌空間感十足，啱晒一大班人慢慢坐低傾偈食嘢同長輩食飯都係一個好地方👍🏻🔸 芝士牛油大蝦 🦐牛油大蝦一客有四大隻蝦肉質爽滑彈牙，鮮甜可口配上濃郁嘅芝士牛油醬汁，散發出強烈芝香味🔸 黑松露蠔仔煎蛋 🍳🦪蛋餅煎得金香均勻，外脆內嫩滑蠔仔細細粒但肥美彈牙，鮮香爆汁，配上黑松露嘅香氣，好好美😀🔸 馳名烤鴨（半隻） 🦆片皮鴨烤得酥鴨酥脆肉嫩，甘香味不斷向外散發，見到已經流哂口水🤤 烤鴨片成鴨胸皮，鴨胸肉，鴨腿肉三味食法，伴上八寶盒多種配料除左有傳統香蔥、青瓜、甜酱外，仲有創新配料介未酱、藍莓醬、爆炸糖等多種不同配搭😍好滋味，果然係馳名烤鴨😋🔸 燕窩濃湯菜膽 🥬菜膽湯頭濃郁醇厚，配上嫩滑燕窩同脆爽新鮮菜膽食落口鮮味十足，非常養生😇🔸 椰香芋圓紫米露 呢個椰香芋圓紫米露好清甜作為甜品，真係幾好消化又唔會太膩😋

羲和雅苑出名對住海景食片皮鴨, 真係心情都靚d, 仲有OUTDOOR位置, 可以近距離欣賞海景。幾乎每枱必點既烤鴨+八寶盒, 可以自由配搭外亦附有建議食法。師傅即場片鴨, 一路片一路聞到香氣, 細心片成一份鴨胸皮, 鴨胸肉同埋鴨腿肉。我自己最中意傳統既食法之外, 哩度個藍莓醬+爆炸糖配鴨胸皮既食法驚艷到我, 口感同味道都好有層次, 爆炸糖原來可以MATCH到烤鴨, 西利!松鼠桂魚哩款手工菜而家都唔易食到, 做到魚身外層鬆脆, 魚肉細嫩, 醬汁酸甜可口, 加埋松子仁香味同脆脆口感。起骨乾淨利落啖啖肉非常高質!蠔仔泡飯附有脆米增加口感, 蠔仔鮮味飽滿,  除左蠔仔仲加蝦, 帶子等海鮮, 味道豐富。女士不能抗拒既黃扒魚肚, 湯頭鮮甜魚肚又大又厚,  係成碗既骨膠原呀!!最後食埋個薑汁紅棗小桃膠,  一解成餐既膩感。整體環保, 食物同服務都係高水準, 值得回頭!!

之前去過覺得好正. 今次再同媽咪去食午餐, 一鴨三食保持一貫高質, 點心多寶格夠晒精緻又好味, 尤其嗰個海蜇花, 一流😋!!! 要讚一讚個廚師團隊, 整得好好味. 餐廳好好, 比咗個海景位我地坐, 望住個靚境食飯, 兩個人食到好飽好滿足. 職員們服務態度優良, 不停幫我地加茶, 尤其服務員"華女", 好貼心好細心, 教我地點食嗰個壽桃甜品, 又同我地換蠟燭保持D茶夠熱, 又同我地傾下偈, 媽咪好開心. 好多謝佢😍. 今次埋單兩人食咗5百幾, 每人都係二百零蚊左右, 期待下次再去食~