羲和雅苑

Open Now

Now Closed

來自北京既人氣烤鴨店，餐廳裝潢精緻，採用中式既老木雕，結合富現代感既傢俱，感覺中西合壁。羲和烤鴨：烤鴨皮脆肉嫩，油脂適中，鴨肉香氣四溢，配上羲和獨創既八寶盒，包括跳跳糖、藍莓醬、秘製芥末醬、甜麵醬、洋蔥條、青瓜條、京蔥絲、山渣條，層次相當豐富。松鼠桂魚：擺盤精美，魚去骨後，炸到昂首翹尾既形態，再淋上糖醋汁、松子、黃椒，酸酸甜甜，更能帶出魚既鮮味。京式小籠包：小籠包湯汁豐富，肉餡嫩滑，一點都不膩口。鮮黑松露蝦球伊麵：蝦球肉質彈牙，散發著鮮甜味道，伊麵很掛汁，沾滿黑松露醬既獨特香氣。蒜蓉粉絲蒸娃娃菜：娃娃菜灼熱後，加左蒜蓉和粉絲一齊蒸，相當惹味。金銀饅頭：一半炸一半蒸，沾上煉奶，簡單又美味既飯後甜品。總結，餐館地理位置方便，食物即叫即做，店員服務態度有禮，愉快既用餐體驗。

今日一家人慶祝母親節，預早在Openrice訂左北京人氣烤鴨店，可以一邊欣賞維多利亞海景，一邊享受精致既中國菜，實在係人生樂事。羲和馳名烤鴨：烤鴨由師傅即席切片，分為鴨胸皮、鴨胸肉和鴨腿肉三個部位，店員詳細介紹三種嶄新食法，分別蘸上藍莓醬、爆炸糖、特製芥末醬、甜麵醬、洋蔥條、黃瓜條、蔥絲、山渣條，令我哋品嘗到烤鴨既不同風味。羲和小肉餅：肉餅肉質軟腍，沾上醋汁一齊食，更是美味。蒜蓉粉絲蒸娃娃菜：蒜蓉配娃娃菜，超級惹味。黑松露蠔仔煎蛋：蛋香又滑溜，帶出蠔仔既鮮味，仲有黑松露醬點綴，更顯高貴。櫻花蝦蟹籽海皇炒飯：材料有櫻花蝦、蝦肉、蛋絲、菜粒和蔥花，飯炒得十分香口，飯面再蓋上一堆蟹籽，飯香撲鼻。宮廷紅豆糕：成個雀籠上枱，紅豆糕甜味適中。整體而言，食材水準高，環境優美，係晚飯聚餐既好選擇。

羲和雅苑地址: 尖沙咀廣東道3-27號海港城海運大廈2樓OTE203號舖電話: =====================10個客，有10個都是為了這裡的烤鴨而來，我是烤鴨愛好者，來到食鴨呀，好興奮開心。兩個人叫了半隻片皮鴨，慘得工整，分了片或片連肉，合不同人要求。除了蔥同青瓜蜜瓜等小料，傳統都是甜海鮮醬，這裡當然是創意，有爆炸糖，在口中代開-達達達。$228 叉燒皇，肉質好軟腍，蜜汁豐富有煙燻香，是片皮鴨以外推薦的必食菜，點個honey mustard 也好好吃。$118 酥皮酸辣湯，個酥皮千層，是道中西合璧，辣中帶酸喝得開胃，湯中有豆腐絲，筍絲、木耳絲得，用吃的湯羮。$68 小籠包一個四粒，皮薄透出淡香，中間肉湯鹹香鮮甜，要襯熱吃喲。$98 上湯菜心，少油健康沒負擔，為自己健康負責任$68 小肉餅肉包很有趣，是卷起來形成一層層，外層脆脆地，中心肉泥狀，有點薑味另外叫了小菜，水準很高。裝修靚，對住海境

黎緊母親節，諗住食返餐好少少，今日黎到尖沙咀海港城既羲和雅苑，知道呢度既片皮鴨都幾出名，就點左１份試試。店員響上鴨時，特別為客人介紹佢地片皮鴨既３種糅合左傳統同新派既食法，分別是鴨胸皮蘸藍莓醬同爆炸糖，微酸中帶甜有咬口，第２種食法是鴨胸肉蘸藍黃芥末醬，我覺得個醬搶左鴨本身個味，第３個食法是食鴨腿肉，建議包薄餅，夾住京蔥絲，青瓜絲，甜醬或薄餅，夾住山楂條，紫洋蔥，藍梅醬，我比較鍾意係爆炸糖同夾山楂條，食到配菜味道同時，亦食到鴨本身既原味，肉質鮮嫩多汁，好味。總括而言，羲和雅苑係一間位置好，店內外風景優美嘅餐廳。佢哋服務都好專業。

話說外國嘅朋友返嚟香港，所以決定帶佢哋去食啲外國難食到啲嘅嘢，片皮鴨～之前都有諗住去樓下嘅六公館 ，但係見到佢有半隻片皮鴨優惠二百幾蚊有交易都幾抵食✅✅羲和烤鴨（半隻）：有酥脆的鴨皮和嫩滑的鴨肉，店員同我哋講話係分咗三個部份鴨胸皮鴨胸同埋鴨腿，每一款都可以配唔同嘅配料， 其中鴨胸皮嘅爆炸糖配搭都幾有趣✅✅ 薄餅同埋甜醬都唔錯，而且甜醬應該係自己調唔會太甜！口感豐富🍚🍚🍚孜然羊架：羊架經過孜然調味並烤至金黃酥脆，帶有獨特的香料風味。羊肉質嫩滑多汁，搭配孜然的香辣味道，配搭佢跟埋嘅芥末Mayo 相當唔錯！宮保大蝦球：大蝦球經過炸至金黃酥脆，再配上宮保醬汁，口感香脆多汁，帶有微辣和微甜的風味。蝦球嘅大細非常令人滿意。我諗佢一隻已經等於出邊食三四隻😮😮😮黑松露蠔仔煎蛋：蠔仔煎蛋是用鮮嫩的蠔仔和雞蛋製作而成，再加入黑松露提味。煎得非常香口，但係裏便亦都保持多汁嘅狀態，火候控制得非常好！💪濃湯水餃：湯濃，而且餃子係重韭菜非常之香！張氏獅子頭：張氏獅子頭是一道美味的肉類菜品！獅子頭鮮嫩，而且配咗一口白飯，果然食呢啲嘢真係唔配飯唔得🍚🍚🍚除咗室內嘅用餐位置之外，室外亦都有望到維港嘅用餐位置，相信遲啲天

位於尖沙咀的京菜餐廳。不看價錢的話，海港城一帶能眺望海景的的餐廳一向甚得我歡心；無他，只因膚淺的港女單純地喜歡海景送飯，賞心又悅目。餐廳位於海運大廈，環境優雅又華麗，古代中國宮廷風的設計更顥精緻有心機。運氣不俗的我順利地被安排入座於窗邊位，維港景色一覽無遺；嫌未夠喉，也可要求坐到室外露台位，與海景更親近。⋆_____ᴛᴏᴛᴀʟ ᴏʀᴅᴇʀ______⋆ ▫ 羲和馳名烤鴨（半隻）$268 ▫ 松鼠桂魚 $428▫ 意大利黑醋蓮藕餅 $168▫ 潮洲蠔仔泡飯 $108 ___⋆ ⋆ ___  ✿ 羲和馳名烤鴨 (配送八寶盒)點了烤鴨後，店員便會隨即送上八寶盒，上面除了有餅皮及一般醬料外，最特別的更有一包爆炸糖及藍莓醬。烤鴨分為三個部分上菜，分別為鴨胸皮、鴨胸肉及鴨腿肉，店員推介三款烤鴨三種食法，更有風味。▫ 鴨胸皮: 全鴨最香酥的置，蘸上藍莓醬及爆炸糖後，便能感受到爆炸糖在口中跳動，很新穎的口感。▫ 鴨胸肉: 鴨胸肉相對較皮脆肉嫩，因此不用包餅皮；餐廳建議蘸上自家制的黃芥末醬，不嗆且酸甜，解膩 一流。▫ 鴨腿肉: 最後的鴨腿肉便是我們最常的吃用方法，把烤鴨加上京蔥絲、青瓜條及甜酸醬包著一併

餐廳環境優雅 如果坐近窗邊仲可以望到維港景色羲和馳名烤鴨（半套）黎到就梗係要食佢哋最出名嘅烤鴨啦 師傅仲會即場片鴨添佢哋仲介紹咗有三種唔同嘅食法 真係各有特色首先就係鴨皮配藍莓醬或者爆炸糖 口感豐富而鴨胸就係配餐廳秘制嘅黃芥末醬 味道唔算好辣 容易入口 有助解膩最後鴨腿肉可以傳統地用片皮鴨醬、京蔥、青瓜包住薄餅嚟食 而新式啲嘅食法就係將薄餅包住鴨腿肉 再配上藍莓醬、紫洋蔥、山楂條宫保大蝦球酸酸甜甜嘅大蝦球 唔單止爽口彈牙 仲好開胃!

今日母親大人生日，知道佢中意食中菜，緊係唔可以失禮帶左佢黎尖沙咀羲和雅苑，可以望住維港食中菜本身想試下佢呢個叉燒皇，好似好出名咁，可惜今日已經賣晒了睇黎真係好受歡迎，睇圖都覺得好靚望下環境真係唔差，成個feel好high class呢到片皮鴨同樣出色，仲分左三個食法配三款醬料，最特別係鴨皮建議配藍莓醬同爆炸糖，無聽錯係爆炸糖，一齊食估唔到又好新奇口感味道唔錯，好開胃生日點少得叫個靚飽魚比母親食，好細心咁切開左細份，軟身夠入味食落甜甜地獅子頭，原來仲會配一細碗飯，真係唔會浪費左啲醬汁醬汁少杰身食落酸酸甜甜好好食芝士焗蝦睇色水都覺得好靚，芝士味香濃得黎唔會蓋過左蝦既鮮味黑松露煎蛋，一上枱已經聞到松露香，蛋餅煎到好香口避風塘炒軟殼蟹，唔會太咸好香口，唯一可惜係軟殼蟹份量有啲少

來自北京嘅「羲和雅苑」設於海港城海運大樓新翼OTE 二樓，其以北京烤鴨馳名，獨創嘅烤鴨三食絕對能為食客帶來驚喜。作為海運大廈新翼嘅頭一批Anchor Tenant，其裝修都係非常講究，雅緻中國風加入新式元素，善用其180度嘅維港海景，整體十分華麗。羲和馳名烤鴨 （$388/半隻）：呢個八寶盒係羲和雅苑嘅Signature，由傳統中式醬料，至偏向西式嘅藍莓醬、甜芥末，以及爆炸糖都有。烤鴨分成三碟，分別於鴨腿肉、鴨胸肉、鴨皮：首先，烤鴨皮脆肉嫩，鴨皮酥脆多汁，但油而不膩，建議搭配爆炸糖享用，雖是嶄新食法，但兩者非常搭配，口感獨特；鴨腿肉較滑嫩，肉汁亦較豐富，我選擇直接搭配不同醬汁享用；而鴨胸肉較厚肉，肉質唔乾，搭配煙韌嘅烤餅及醬料享用較適合。黑松露煙燻鵝肝（$308）：松露味道香濃突出，加上金箔更顯大氣，鵝肝飽滿嫩滑，肉汁豐富，非常鮮味，配上脆包及紫蘇葉能降低油膩感。金湯海膽蟹肉滑豆腐（$168）：呢個拌白飯簡直一流，儘管係熱食，熟左都仲食得出海膽味，加上一絲絲蟹肉，連豆腐都顯得特別鮮味，大癲！酥皮酸辣湯（$118）：酥皮香酥脆口，且夠乾身，牛油香頗重；而酸辣湯比較濃郁稠密，味道偏重，帶微

XIHEYAYUAN甲辰年三月初九維港嘅夜景，真係好靚。尤其係由尖沙咀望向中環。有山有水有天有地。對好多未見過大城市，未見過海嘅遊客真係好驚艷。況且而家多咗好多中国文嘅 Billboard 份外暖心。呢間 XIHEYAYUAN 就喺海運中心嘅盡頭，食盡維港靚景，好高檔，真係唔適合行過去，要行好遠，行到軟都脚埋。咁高檔嘅食府梗係揸車啦，停車場去到盡頭泊低架車行幾下就到。順帶一提，佢樓上有個大平台有個兒童放電嘅地方，好適合一家大細扶老攜幼。- 手本名菜梗係片皮鴨。配料好豐富，連爆炸糖都有。餅皮真係抵讚，薄如蟬翼，煙靭、麥味豐富。- 松鼠桂魚。手工嘢，酸甜剛剛好。- 張氏獅子頭。好精緻好似個壁球咁大，再襯埋同一個size嘅白飯。- 芥末沙律蝦球。佢哋嘅芥末應該同我哋理解嘅 Dijon 好唔同。唔緊要風味嚟嘅啫。佢仲喺好多地區同埋「國家」攞咗法國乜乜美食大獎。厲害佢出邊個 balcony 真係值回票價。

今日想食北京填鴨，見呢間有特別食法一於試吓咩情況😆環境夠闊落，仲有室外坐，有埋海景不過我好怕熱，都係留返係冷氣地方😆嚟到就係為咗要試呢個！✨羲和馳名烤鴨（半套） $388首先上咗個八寶盒先然後會有人專門出嚟幫我哋片鴨肉每次片緊嗰陣現場都會即刻香噴噴然後職員會好仔細同我哋介紹點食法最左邊嘅鴨皮就係點爆炸糖同藍莓醬！本身就咁食應該會有小小漏但呢個食法幾得意，第一次試幾新奇中間嗰個皮連鴨肉肉質比較厚實係點芥末醬，又係未食過嘅食法出奇地又幾好食！最右就係大片皮連肉，帶住啲脂肪就係傳統食法，用餅皮包住食呢到可以試用藍莓醬，山楂同蔥去包或者傳統嘅蔥，青瓜，烤鴨醬✨芥末沙律蝦球 $178蝦球好彈牙，同芥末沙律醬好夾如果怕漏人士可以整走少少醬都一樣咁好味！✨青梅小排骨 $148酸酸甜甜幾開胃，份量足夠！聞落以為會好酸，但食落完全唔覺有淡淡的青梅香味，同排骨好夾✨羲和小肉餅 $68好精緻嘅小肉餅，個皮好脆仲可以自己唧啲醬落去，好新奇✨蒜蓉粉絲蒸娃娃菜 $138呢度連個菜都特別精緻過人成朵花咁✨椰香芋圓紫米露 $68✨燕窩紫薯蒸蛋白 $138最後食埋兩個精緻甜品，甜度剛剛好又圓滿咗一餐！

馳名烤鴨🦆烤鴨係師傅堂切，細緻咁分成三個部份品嚐，先食脆卜卜嘅鴨皮，油香喺口度迸發，再食肉質嫩滑嘅鴨胸肉，而鴨皮同樣香脆，最後鴨腿肉嘅肉味最為香濃，新派嘅食法係配莓醬、芥末醬、爆炸糖，傳統啲嘅片皮鴨醬、京蔥、青瓜都有，總會揀到自己喜歡嘅配搭😋叉燒皇🔥餐牌介紹係磚爐吊烤嘅煙燻叉燒，上枱嗰陣就已經聞到好香嘅煙燻味，食落口煙燻味依然冇減退，肉質非常軟腍，所挑選嘅部位係有講究嘅，蜜汁就比較甜，整體嘅感覺同平時食嘅叉燒有啲唔同，但係都同樣出色👍第一次試小肉餅，本身以為係一口size，但其實不太小，可以自己唧啲黑醋汁落去～蓮藕餅整得好脆口！餐廳對出就係維港，雖然今次坐唔到窗邊位，但同樣望到依片咁靚嘅維港景～

店名: 羲和雅苑地址: 尖沙咀廣東道3-27號海港城海運大廈2樓OTE203號舖尖東站L5出口，行7分鐘環境: 5/5價錢: 4/5味道: 4/5餐廳擁有尖沙咀海景景觀，而最為出名就係佢地既片皮鴨😍當日星期日餐廳都大排長龍，足見餐廳既知名度同質素既保證😚羲和馳名烤鴨(半隻) ❤️❤️❤️❤️❤️$388餐廳既烤鴨會分為三個部位，三碟上菜，分別為鴨皮，鴨胸，最後係鴨腿😗員工會介紹不同食法，分別為鴨皮配藍莓醬/爆炸糖，鴨胸都可以配黃芥末醬🥳兩種食法既酸甜都成功中和油膩感，最後既鴨腿可以配傳統既青瓜條，京蔥絲，同甜麵醬，或者配山渣條，紫洋蔥同藍莓醬😌鴨腿兩種食法都建議配薄餅，口感鬆脆，開胃，推介一試🥰濃湯酸菜魚 ❤️❤️❤️❤️$388哩款酸菜魚魚肉爽彈無骨😝湯底濃而不膩，配上酸菜，萵苣等配料，非常開胃，而且不知不覺愈食愈多😋荷香鮑魚雞粒燜飯 ❤️❤️❤️❤️❤️$188哩款鮑魚雞粒燜飯以荷葉包裹，再配上鮑魚雞粒😋粒粒分明既飯粒，每粒都充滿荷葉既香味，加上鮑魚雞粒既粒粒口感，非常滿足😆小籠包 ❤️❤️❤️❤️$68小籠包每粒咬落去，湯汁都會係口中灑開，湯汁既香味會留係口腔一陣先散盡😍而且size方面，一口一粒，方便大家😚羲和小

好似好耐都冇食片皮鴨，咁啱同朋友傾開佢就提意，尖沙咀既羲和雅苑好唔錯，仲可以有海景睇，係夜晚食飯一大享受，所以今晚就決定黎食下。呢度環境真係好唔錯，環境靚，服務又好，今晚仲睇埋幻彩詠香江，好開心。預先我地就叫左半隻片皮鴨先，其他野都可以慢慢睇。佢既鴨竟然仲有食法教學。 師傅分左3個部分切，有只係脆皮，可以就咁食，有少少連肉既，可以用薄皮包住配芥未醬，之後係肉多既部分就可以再加多啲配料，仲有爆炸糖㖭，真係好新奇。而且佢既鴨都好皮脆肉嫩，同以前食既又真係幾唔同，好食。跟住又叫左幾個特色菜，酥皮酸辣湯，芥未沙律蝦球，北京丸子，都真係幾新奇幾意外，好值得試。仲有擺盤好靚既蒜茸粉絲蒸娃娃菜，同傳統既小籠包。而最後亮點係彩虹湯圓配薑茶同椰香芋圓紫米露。 看似普通，但又真係好特別。 2款甜品都好香，份量又剛剛好，食完成餐都圓滿晒。

作為片皮鴨嘅瘋狂愛好者真係食極都唔會厭架呢晚帶屋企人去食 個個都話好滿意廚師會喺你面前即場切片皮鴨 見到都流晒口水顏色好靚 色香味俱全油脂分布均勻 食落口香氣撲鼻片皮鴨肉質嫩滑八寶盒分新式或傳統食法傳統嘅有青瓜條、京蔥醬、甜麵醬新式有山楂條、洋蔥、藍莓醬2款食法都非常好食 燒羊架火候剛剛好 大大件 外脆內嫩 肥瘦參半入面鎖住咗肉汁 食落去完全唔會乾或鞋肉食獸食完好有滿足感芥末沙律蝦球擺盤好有心機好靚 蝦球下面墊咗蝦片 中間有一層芥末沙律醬蝦球炸得好香脆 顏色金黃 醬汁好juicy好好食小籠包 上枱仲係熱辣辣皮薄餡靚 入面湯汁會湧出嚟甜品要咗2款燕窩紫薯蒸蛋白 好新穎好特別嘅combination燕窩夠滋補 紫薯同蛋白好滑椰香芋圓紫米露椰汁好香 加埋芋圓煙煙韌韌甜度適中 perfect ending!非常enjoyable嘅一餐❤️