岳川串揚

Open Now

Now Closed

📍岳川串揚 銅鑼灣摩理臣山道8號地舖。。「串揚」其實係關西嘅一種流行小食，將食物一串串穿起再沾上炸漿油炸!有個朋友同我講話佢附近有間唔錯嘅關西風居酒屋，早幾日難得嚟到佢屋企附近就順便試下！店舖面積唔算大，不過我都好好彩坐到一個打卡位！牆上有好大個心齋橋代表之作「固力果」，仲有通天閣！Lunch Set價錢性價比高！🔹和風照燒雞扒湯烏冬連飲品 $78雞扒大大塊燒得得非常香脆可口！重點肉質夠嫩！夠入味👍🏻🔹原條蒲燒鰻魚飯 $98鰻魚都算幾大條，無碎骨👍🏻燒得非常香口！最鍾意鰻魚醬汁撈飯😋一場嚟到梗係要試吓串揚！之前都冇喺大阪食過所以我哋都追加左雞翼同茄子試吓！熱辣辣好好食🤤感覺有啲似食緊炸天婦羅😆下次有機會去關西試吓先！。

朋友介紹左呢間溫馨小店，等大家happy hour 可以輕輕鬆鬆傾下計，食下小食，小酌一杯。雖然店面不算得大，但餐牌選擇頗多，大部分串燒，炸物都是即叫即制，絕不馬虎。燒汁日本雞翼呢個送酒必點，雞翼醃得入味，燒得外皮香脆，內裡又多汁。燒牛肉金菇燒過的牛肉特外面帶點焦香，加上包得紮實的金菇，咬落超juicy。燒白鰻鰻魚肥美，魚油豐富，烤完香甜可口。炸日本小池魚一上枱已經聞到香氣，魚仔炸到脆卜卜，新鮮熱辣,超適合送酒。日式燒汁魷魚魷魚大大條，食落新鮮彈牙，加上燒汁 ，食落惹味。炸雞胸軟骨呢個比較少見，雞胸軟骨沾了麵包糠去炸，外皮脆，內裡的肉嫩，加上有咬口的軟骨,正。關東煮今日天氣好凍，呢個關東真係好暖胃。湯底清甜，白蘿蔔和腐皮福袋索了湯汁，食落軟腍多汁。櫻花蝦湯烏冬櫻花蝦為湯底增加了層次，烏冬彈牙。燒芝士年糕流心芝士配軟糯的年糕，好味道。完熟水蜜桃梳打好香甜的水蜜桃汁，配上有氣蘇打，配小食一流。店鋪依家星期一至六都有happy hour優惠，第二枝飲品有半價，當日見朋友們都飲得很盡興。

這間主打串揚的日式居酒屋，小店風格，猶如置身日本一樣午市有多款套餐供應，附上前菜、味噌湯及飲品，同時可以優惠價加配串揚和風照燒雞扒烏冬👍🏼👍🏼👍🏼👍🏼👍🏼大大塊雞扒即叫即燒，淋上店家秘製的照燒汁，配上口感彈牙的烏冬，好滿足啊！日式燒汁牛肉飯👍🏼👍🏼👍🏼👍🏼👍🏼米飯用上珍珠米，上面鋪滿一層美味牛肉及洋蔥絲，洋蔥煮得軟腍入味，秘製燒汁淋在熱米飯上又香又濃，香氣四溢，使人食慾大增！串揚雞翼雞翼以高温炸得至透香，一咬肉汁四濺，香口惹味😳😳😳串揚茄子👍🏼👍🏼👍🏼柔軟的茄子炸至爽脆，同時又完全不膩，配搭燒汁，比燒茄子更加美味！特別喜歡這種日式小店，Lunch又多一個好選擇了☺️☺️

又比我搵到間高質兼抵食嘅串揚餐廳仲要係銅鑼灣區啱晒行完街或者放工過去有埋HAPPY HOUR逢星期一至六 3～7PM任何飲品第二支有半價優惠添兩個人叫咗個輕食串揚拼盤SET  ＄428雞軟骨黑豚肉秘制超Juicy香脆雞翼紫蘇魷魚卷香菇洋蔥青椒(虎椒)茄子年糕全部X2串 ， 講真份量都算多佢嘅炸粉真係好薄，所以就算食晒成個SET都唔會膩每件都炸到色澤金黃， 幾乎每串咬落都有驚喜特別加咗＄40轉👼🏻北海道天使蝦師傅用咗刺身級蝦炸到3成熟， 味道鮮甜口感彈牙連D腳仔都炸得酥脆好食😋追加日式磯煮鮑魚伴蘿蔔 $ 80鮑魚質感軟滑有咬勁，口感豐富蘿蔔綿軟味道濃郁

喺銅鑼灣返工嘅我💁🏼‍♀️💁🏼‍♀️💁🏼‍♀️成日都要搵lunch食朋友介紹咗呢間岳川串揚🍢🍢🍢Lunch time嘅時候，就走過去試吓🧏🏼‍♀️舖頭細細間，裝修好日式feel⛩️Lunch set有好多選擇我揀咗個牛舌飯啲牛舌好大件，而且炆得好琳仲有蘿蔔墊底👍🏻👍🏻👍🏻👍🏻👍🏻有小食，有湯有嘢飲小食我就嗌咗雞翼隻雞翼好好味😋😋外邊蘇蘇地咬落去入邊仲好多汁朋友就揀咗牛肉烏冬都係例牌日式嘅洋蔥牛肉味正正常常朋友小食，都係嗌咗雞翼😋😋都係大讚個雞翼，好好食下次有機會再嚟就應該會全部嗌串燒😜人均$100嘅lunch set有咁多嘢食真係值得推介🔥

同朋友行街行到攰，所以想搵個地方坐低傾下計，咁就比我發現左間好岩食野傾計既黃店💛-呢間係手機落單，即叫即燒，上到枱係熱辣辣🔥野食黎到超級香，影左幾張相已經忍唔住要食😆超級好味呀！😋😋-必點：燒豚肉蘆筍卷（爽而不膩！）燒白鱔 （有鮮味，無骨）燒七味鴨舌（好少見有燒鴨舌，調味岩岩好👍🏻）-燒日本蠔呢個真係大推👍🏻👍🏻 性價比超高生蠔超級大隻，每一隻都大過我隻手😂重點係好厚肉，燒完唔會乾爭爭，勁juicy！

每天都經過這裏，留意了隻小店很久，今天終於有機會幫襯。幾 cozy ，大約只有20個位。口淡淡，叫咗個酒盗芝士，送啤酒。 食炸串的話，配有氣的飲品，是我個人比較喜歡的，但是沒有燒酒 soda ，選擇感覺上少。線上的炸魷魚比較油。隨後的，就沒有這個現象，難道是最初油溫未夠？？服務很貼心，俾個讚佢。結果我最後都是全程喝啤酒，冰凍 suntory premium ，價錢也算合理。另外門口經常有人在公園吸煙，煙味會直接入到店內，對我都有d 影響，希望店主留意。

happy Friday梗係要搵個地方成班friend一齊傾吓計，講吓老闆是非啦！😂我哋最鍾意一路食串燒一路吹水，感覺特別chill!年糕就係我最鍾意嘅串燒單品，呢度可以一次過食到秘製年糕同埋燒芝士年糕😍過過火嘅年糕口感特別QQ彈彈，然後中間仲包住芝士嘅話，就更加停唔到口！將肥美嘅豚肉包住清新嘅蔬菜，蔬菜仲可以吸收咗油分，肉肉食落冇咁肥膩，而蔬菜就多咗一份油香，呢個咁美妙嘅配搭就係豚肉蘆筍卷喇！黑豚肉五花、燒鱔同埋燒蠔都係即叫即燒，蠔身夠飽滿，肚仔部份夠晒肥美，配上蔥花格外惹味！飽肚之選，一定係揀櫻花蝦湯烏冬啦！清澈嘅高湯略帶蝦子味，可以好純粹咁享受烏冬嘅味道！在居酒屋🏮唔一定飲啤酒嘅，嘆番支完熟水蜜桃梳打一樣咁享受😎香甜嘅蜜桃氣息一樣令人好relax 㗎！

-餐廳：岳川串掦-日式牛肉烏冬 $88牛肉同個烏冬係會分開上，仲會有啲前菜開胃下。啲牛肉好入味個啲汁勁好味而且會有啲金菇一齊😋😋個湯底都好濃好夠味勁好食🥰🥰-鰻魚飯 條鰻魚算大條，而且佢嘅鰻魚汁撈埋落啲飯到真係一流🥰🥰而且食嘅時候都唔會話有太多碎骨🤭🤭 鰻魚食落都好香，好多魚油香😋😋另外我哋亦都加咗一串茄子同埋一隻雞翼，茄子🍆外脆內軟好好食🥰🥰🥰同埋本人本身都好鍾意食茄子。雞翼方面亦都炸得好趣，裏面啲肉好滑🐥🐥-

《岳川串揚 - 銅鑼灣》星期日放假，當然都要出動搵好野食啦😆今次又去到銅鑼灣呢邊行下，想搵啲特色coffee shop 坐下hea下😅不過星期日既銅鑼灣真係巨多人😅連飲杯咖啡都要迫住迫住好冇癮🥲離開左coffee shop 轉個灣比我見到間食日式串揚既餐廳，Happy Hour時段指定酒精飲品第二杯半價😏既然喺coffee shop 搵唔到滿足感😂不如喺居酒屋搵搵佢😆當日我地兩人行叫左兩個lunch set 再每人加左串串揚，連加一埋單二百蚊左右炸😱💁🏻‍♀️和風照燒雞扒烏冬定食 前菜方面，店舖安排咗芝麻醬車厘茄同埋中華沙律比我地，而個照燒雞扒本身已經醃咗，食落好夠味☺️個外皮燒得幾香脆，個肉都唔會太乾身👍🏻烏冬係我鍾意食既粗身烏冬，感覺較容易嗦湯，而湯底應該係昆布醬油湯，就係傳統日本居酒屋食到嘅湯底，簡簡單單味道都唔錯😉💁🏻‍♀️串揚雞翼 朋友超鍾意食呢個雞翼，對佢讚不絕口👍🏻雞翼出面有層薄薄嘅炸粉，咬落好脆口但係入邊充滿肉汁，同埋外皮個醬汁甜甜地，食落零舍開胃💁🏻‍♀️日式燒汁牛肉烏冬而朋友呢個牛肉烏冬除咗份燒汁牛肉之外，其他嘢同我嘅定食配搭都係一樣，牛肉應該係用咗肥牛去製作，燒汁又係甜甜

沿西街前行經過鵝頸橋，嚟到摩理臣山道岔路附近，小小一個轉角，走過一小排樹後就見到個黑金招牌寫住「岳川串揚」。平日揸車或行路經過都好易會被忽略嘅一角，就藏身咗一間串揚居酒屋🏮。大阪名物唔止章魚燒同大阪燒，串揚(串揚げ)同樣都係大阪嘅地道名菜，由平民美食發展到矜貴食材入饌都有，即時諗起嘅係日本出名嘅串揚連鎖店新世界元祖串揚。「即係好似港式煎釀三寶咁？」呢個係我對串揚嘅first impression，任何文化其實都係殊途同歸。傳統大阪串揚最常見有番茄、洋葱、雞肉丸、海鮮同豬牛等；HKstyle？魚肉釀入茄子、紅腸、青椒、紅椒同豆腐blablabla，大家都係落油鑊一穫熟。分別主要就體現在於「文化差異」。日本人對食嘅匠人精神(利申唔係話香港人冇啊吓)，除咗油温同火候控制外，前期工作包括每款串揚炸物嘅大小形狀切割、炸漿配方、濃稠度、炸油篩選等都好講究。所以先可以做到串揚有咬落酥脆又鬆化嘅口感。單純文字討論完畢，岳川串揚舖頭細細，明顯就係定位平民居酒屋。店員親切嘅態度upgrade咗成個用餐氛圍，人情味當然大加分👍🏻。佈置方面有好多大阪小物，最搶眼嘅一面牆用咗大阪通天閣街景做背景，lunch s

🇯🇵大阪風料理小店！串揚都真係我係大阪好鍾意嘅美食，係香港都可以搵到高質串揚真係唔容易！就算唔鍾意串揚炸物的話岳川嘅串燒都做得好好 👍🏼餐廳小食串燒選擇多，另有主食及多款特式手工啤，除了串燒吧枱，還設有四至五張枱，很像日式居酒屋，很適合與朋友相聚的好地方。梅水晶新一代受日本年青人歡迎的佐酒物。人氣下酒菜。老闆用日本雞胸軟骨取代鯊魚骨。日本小池魚估唔到細細條魚，味道好濃郁！炸得啱啱好不會太乾 加少少檸檬汁配啤酒，冇得頂日式辣酒煮東風螺辣酒汁濃香惹味，東風螺又一向鮮味濃郁，啲汁煮過螺後更鮮，食螺一定要啜埋啲汁日式磯煮鮑魚伴蘿蔔鮑魚磯煮得非常入味，提出鮑魚嘅谷氨酸鮮味，不會太硬，下邊塊蘿蔔更加係重點，非常入味香甜燒越南大蝦大蝦好新鮮好大隻 鹽燒咗一陣就入晒味。飲啖啤酒，再食一啖蝦，再飲啖啤酒。真係停唔到口！雞皮餃子外皮超脆香口，咬落有脆卜卜的，完全不油膩燒菠蘿起咗肉的菠蘿燒到啱啱好，燒完好清甜 清左口可以繼續食其他嘢巨峰乳酸梳打 & 蘋果汁今日不適合飲酒因為要揸車，咁我先知佢哋啲啡酒精飲品都好出色。特別係巨峰乳酸梳打 全部即叫即製作，賣相精緻、用心製作。間唔中有不同啤酒優惠。可以約成班朋友過

好想去日本🇯🇵唉😮‍💨無假期，點去呢？好彩揾到呢間岳川串揚居酒屋，好味之餘，仲食得出大廚對食物嗰份執着同堅持✊🏻每道食物都整得好出色🤩🐮招牌大阪土手燒牛舌（小）🔸白蘿蔔被濃濃嘅湯汁浸住，煮得入哂味，而且又夠腍。牛舌咬落又唔韌，牛味極濃，令人越食越想食，連湯都想飲埋😋好牛人士必吃之選🉐🉐🉐🉐🉐🉐🐔雞皮餃子(4pcs)🔸初頭以為係炸得好香脆嘅口感，但咬落，咦🤔唔係脆身、軟軟哋帶點煙韌，都幾特別嘅口感！唯獨是饀料就同普通嘅日式餃子一樣，無乜特別，但可以一試🧀燒芝士年糕🔸的的骰骰小年糕，燒到外脆內軟，食完超有幸福感🥹🐥秘製超Juicy香脆雞翼（揚）🔸呢個名果然無改錯，一咬落去真係爆哂汁，勁juicy。雞翼炸得好脆，而且食完又唔覺得油膩！正‼️正‼️正‼️💯💯💯🎌大阪狐狸烏冬麵🔸原來係腐皮烏冬，清清哋幾夠味🐮牛肉湯烏冬(熱)🔹望落去以為湯底味道好清，點知飲落味道夠哂濃!牛肉煮得唔會煮過熟，不過不失！🍢香菇(揚)🔹香菇邊邊炸得好脆，而且咬落中間好多菇汁咇出嚟😋燒白鰻🔸簡單調味就可以帶出鰻魚嘅鮮味🤏🏻😻其實我仲食咗好多款，但不能盡錄，以上係我重點推介🙌🏻

朋友推介，今日去位於銅鑼灣摩利臣山道8號地下的岳川串揚吃午餐。串揚(串炸)是地道日本名菜，流行關西嘅一種小食，沾上炸漿油炸的串揚發源地是大阪。叫了一份輕盈串揚set，一共有四串。健康紫蘇雞胸肉鮮嫩有風味，雞肉柔軟保持肉汁，好食。海蝦最有驚喜，鮮甜彈牙，食材優質。炸香菇香脆，炸洋葱清甜不辣。炸漿薄不會吸滿油，入口不覺油腻，有水準。飯團和前菜不錯。吃串揚，飲番杯熱茶，好夾。另外叫了一份特價午市套餐，揀了日式燒汁牛肉烏冬，湯底夠味又夠熱，烏冬香滑口感好，照燒汁牛肉份量不少，牛肉肉質不錯，合我口味。跟餐的串揚雞翼大隻，香脆肉嫩，好味道。玄米茶順喉。兩個餐加埋一$200左右，性價比高。店服務不錯。店細細間有日本居酒屋feel，串揚好食有特色。Happy hours (星期一至六 3-7pm) 買任何飲品，第二枝有半價優惠。下次约埋一班朋友來食串揚飲下野，吹水減壓聯誼下。

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️岳川串揚#銅鑼灣燒芝士年糕HK$25外脆內軟，一咬就有流心芝士，芝士味濃郁，整體十分煙韌。招牌大阪士手燒牛舌(大）HK$ 78湯汁濃郁，蘿蔔鮮甜入味，牛舌煮得十分軟腍，入口即化，整體份量較多，屬佐酒好菜。炸日本菜肉餃子(5pcs）（揚）HK$ 48餃子皮薄，炸過後更顯爽脆，內裏肉汁鎖得好，吃起來十分可口。和風冷蕎麥麵（冷）HK$58低卡路里健康之選，份量適中，吃起來有種透心涼的感覺，味道清淡，配上炸餃子，相當解膩飽肚。牛肉湯烏冬（熱）HK$ 78烏冬非常Q彈，湯底清淡令牛的肉味更凸顯，飽肚之選！完熟水蜜桃梳打HK$ 76清爽果汁，配上炸物熱食相當解膩！Encore?Yes，如果Happy hour時間到訪，購買第二支飲品有半價優惠！約三五知己來點串燒串揚送酒，happy hour一定夠曬輕鬆！