山系。本舍

Open Now

Now Closed

🔻 山系。本舍 (太子)太子界限街23號地下A1號舖///🧃魷魚軟骨沙律$48新鮮沙律，配上日本菜常見嘅沙律醬，加上脆脆嘅魷魚軟骨，味道清新得來又惹味，做開胃菜啱晒/🧃燒香蔥玉子$48同平時街上面見到嘅玉子燒唔同，呢度嘅玉子燒係先切開，然後再燒香表面，好處係會更加香口/🧃關東煮牛肋條$98用關東煮嘅方式炆牛肋條，牛肋條吸晒關東煮醬汁嘅味道，而且好淋，有種入口即溶嘅感覺，未食過嘅一定要試吓/🧃山系燒雞皮$18嚟到居酒屋，又點可以唔叫燒雞皮呢？呢度嘅雞皮燒得好脆，入口好似薯片咁，如果冇咁乾身會更加好/🧃燒日式腩肉串$28估唔到會原條腩肉上，超級大件，而且好Juicy，成層脂肪入口即溶，再加上腩肉一啲都唔韌，又係必食推介/////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

深水埗太子一帶嘅文青店愈開愈多📚，我同朋友呢日就去咗座落於界限街嘅「山系。本舍」食晏。小店新開㗎，我上個月經過佢都仲未開。門外睇都知餐廳好細間，但點知真係只得六個座位😳，所以我哋去到都等咗陣先有位。老闆娘見天氣咁熱，拎咗把風扇比我哋吹住等，好好人。店舖面積雖小，不過裝修就好有味道。吧枱位對正廚房，但並唔會燻到個身成浸味。再者，呢度亦擺放咗魚缸同掛上粉筆畫作點綴，營造山系主題🏞。佢係一間有賣飯同麵嘅文青店，所以我哋可以喺度正正經經食餐晏🥢。午餐選擇有十幾款，價錢中等，介乎$68至$148不等，另收加一服務費。吾卵「系」叉燒飯($78)，你以為佢係黯然叉燒飯？非也非也，我認為應該叫佢做滑蛋豬腩飯先至啱。🐷豬腩肉有兩大件，每件都長長的，經微微炙燒後將啲油香迫咗出嚟，即使係肥膏位，但都無油膩嘅感覺，而且肉質細嫩，唔嚡唔韌。🍳蛋係第二主角，炒蛋好滑好多汁，可媲美蛋包飯。🍚飯用上珍珠米，粒粒分明，軟硬適中，但由於有好多餸，顯得啲飯好少。紅色一粒粒嗰啲唔知係醃薑定醃蘿蔔，但爽爽的，好啱伴飯。肉燥溏心蛋拌手打烏冬($78)，🍜烏冬未食都已經有加分位，皆因佢熱辣辣出晒煙咁送上。肉燥唔一定要配飯，原來配烏

今晚到左太子的#山系、本舍居酒屋，店舖裝修得精緻，餐牌睇落都吸引，望入坐位不多，有點似廚師發辨feel, 於是進入消閒一番先。手工櫻花蝦醬拌凍豆腐，櫻花蝦很香，秘制的醬汁鹹香味十足，豆腐很滑， 作為前菜很開胃。魷魚軟骨沙律，呢個軟骨比起雞軟骨更爽同有咬口，菜新鮮沙律醬清新， 配合得很好。燒日式腩肉，呢個腩肉燒得很香口，邊位小脆，肥肉油香又軟淋，肉汁豐富。黑松露醬配炸薯條，上面洒有海苔粉，薯條炸到金黃色外脆內軟, 黑松露蛋黃醬好味又唔會膩，配搭啤酒🍻一流。燒鰈魚，魚燒得好香惹味，魚冇骨啖啖肉，肉質又很嫩滑，好啱喜歡食魚嘅我。清酒煮加拿大藍青口，清酒煮得清甜，藍青口含有硒同礦物質，同樣是低脂食物，啱晒要keep 下fit 的我。食下飲下輕輕鬆鬆又一晚，最啱同老友飲下酒吹吹水，環境舒適，老闆煮野又好食😋。

太子又開咗新餐廳當然要試試，最初經過望到個Logo以為喺買山系用品/整手作嘅地方🤣，門口裝修偏向日系簡約風格有點點文青氣息🍃⤑店內面積偏細只有八個座位，格局其實有啲似日式拉麵店🍜因為用上開放式廚房所以通風比較侷促一啲，但細心位喺每張枱上都有把風扇仔所以其實都OK，重點係成間店舖只有一人廚師主理，所以交流更加方便食得出喺有誠意嘅料理，晚市主打燒物/串燒/炸物/佐酒小食🍢，午市就有貝果沙律等等🥯同晚市唔同餐單㗎，如果諗唔到食咩可以問問廚師意見💕⇛ ▫️魷魚軟骨沙律 $48魷魚軟骨有沙律醬調味過而且好有咬口😛，沙律菜面頭再加咗蛋黃醬，份量都幾大碟呢個價錢都幾抵食！⇛ ▫️手工櫻花蝦醬拌凍豆腐 $48手工制嘅櫻花蝦醬食落鹹香惹味，配埋淡味嘅凍豆腐，味道就啱啱好唔會太過鹹！⇛ ▫️清酒煮加拿大藍青口 $78青口洗得好乾淨食落唔會有沙夠鮮甜，每隻都開晒口有肉👅，用上清酒煮更帶出鮮味🍶～⇛ ▫️燒日式腩肉串 $28腩肉用上五花腩脂肪同肉層次分明🐷，搽上日式燒汁腩肉邊燒得微微焦香，食完有少少罪惡感🙈～⇛ ▫️燒鰈魚 $88魚肉燒得有少少脆皮肉質就偏實啲，醃得都好夠味🐟！

夜晚十點先放學，同接放學的老公行左幾條街，大部份店都打洋！突然好想食「串燒」，於是即刻打電話book位，同老公由沙田飛車到太子～～老闆深霄陶毒, 一來送上墨魚沙律，完全沒想過墨魚整的沙律可以甘好食！！！重頭介紹「燒腩肉」，入口即融～～最重要要連層皮食埋，感受到骨膠原的咀嚼力！ 不得了！！ 還有我喜歡的燒大菇，燒雞腎。。。。。燒原條黃花魚，以為自己可以獨食，點知平時不食魚的老公，食下食下，食左我一半！！！ 唔配醬油，原本魚的咸香已經好好味，霄一份超大份量魷魚鬚，配上少少酒，我竟然忘記拍照！！！

試試太子新開嘅居酒屋🏮～餐廳得六個位，想食記得訂位。🥢手工櫻花蝦醬拌凍豆腐$48櫻花蝦醬有濃郁嘅鹹香，配埋清淡嘅豆腐啱啱好。🥢關東煮牛肋條$98牛肋條軟腍易咬，而且吸收晒湯汁嘅甜味。白蘿蔔清甜無渣。🥢和風高湯煮日本沙白蜆$68沙白蜆份量好多而且鮮甜無沙。🥢山系燒雞皮$18香脆又帶點鹹香。🥢燒日式腩肉串$28腩肉頗厚身，燒得有少少焦香。油脂部份入口即化，食落又冇想像中咁油膩。🥢蟹肉忌廉餅$78正常來貨水平。但沙律菜切細後加埋蛋黃醬又幾好味。

小店以山系小品為題，主廚只有一人，7個上席全滿座，好有師傅發版feel！和風高湯煮日本沙白蜆$68清甜的日本高湯加進沙白蜆同煮，配上新鮮彈牙的蜆肉，非常平衡！櫻花蝦醬拌凍豆腐$48超惹味的櫻花蝦爽脆濃香，配上相反的日本凍豆腐一脆一嫩，配合度非常高山系燒雞皮$18燒得乾身不柴，口感脆如薯片，很有日系感燒日式豚肉串$28超 肥美，入口即溶完全邪惡，就是這排肥比瘦多的腩肉，好久沒吃這種滑進喉嚨的豚腩肉了！蟹肉忌廉餅$78熱辣爽脆的忌廉餅，入口甜而不膩～

平時睇日劇深宵食堂，成日都會係到諗點解香港無一d類似既小店，的的色色甘好有人情味，上網search下原來太子新開左間類似既小店，二話不說走左去試⁡——————⁡🐽 手工櫻花蝦醬拌凍豆腐一個好有特色既前菜，手工蝦醬非常之甘香，連埋豆腐食小小已經滿口蝦醬香⁡🐽 魷魚軟骨沙律魷魚軟骨好有咬口，廚師用左小小wasabi去處理，上主菜前刺激一下味蕾🤣⁡🐽 燒香蔥玉子玉子燒雖然望落技術成份唔高，但要處理得好都唔易，而黎到既玉子燒就好高水準，味道處理得好合適⁡🐽 清酒煮加拿大藍青口清酒既甜甜好中和到平時煮青既海水味道，亦帶出到青口本身既海鮮鮮味⁡🐽 關東煮牛肋條牛肋條處理到好林，白蘿蔔吸曬牛肉既肉香同湯既清甜，一流🥰⁡🐽 蟹肉忌廉餅炸到好香脆，一咬入面既忌廉必曬出黎，用黎送酒一流🤭

今日黎到一間好溫馨嘅日式小店，呢度啲午餐款式都幾多，賣相好靚，我哋叫咗: 胡麻豆腐煙燻三文魚燒玉子沙律$78 估唔到啲豆腐超級嫩滑，三文魚嘅份量都好多，沙律菜好新鮮，配胡麻醬食絕配呀❤️最鍾意就係佢嘅玉子燒，口感豐厚，味道甜滋滋😚另外兩款前菜都係我鍾意嘅，分別有麻醬秋葵，潤滑爽口，仲有醃蘿蔔，酸酸甜甜好開胃蝦我吾「系」雞扒飯$78 佢個碗好靚，勁想買一個🤣啲米係日本米，第一啖食落去就覺得好味道☺️雞扒煎得好香，肉汁四溢，勁Juicy，同埋佢個蝦醬先至係精華，撈飯食勁夾！新張期間，惠顧午餐，會送$28山系自家製特飲一支今日嘅特飲係低糖綠茶，消暑解渴，唔會好甜，健康之選呢度啲店員都係好Nice嘅，播住最輕快嘅日本歌曲，喺度用膳，夠晒悠閑。

呢一間新開嘅日本餐廳，成個環境好有日本小店嘅感覺，一間餐廳得八個座位，但係咁細嘅空間最好嘅就係可以同朋友坐得親密啲，亦都可以同廚師傾吓計。我同佢哋兩個人嗌嘅嘢唔多，但勝在所有嘅食物質素非常之高！日式燒腩肉脂肪比例非常好，夠晒肥美。燒得好淋好入味，而且配埋上面嘅燒汁同芝麻，完全一入口即溶嘅感覺。望個樣都覺得燒得好靚。海膽流心忌廉餅朋友覺得呢一個超級好食，首先個忌廉餅炸得啱啱好，唔會燶左或者唔夠熱，而且入面嘅忌廉味都幾重，亦都有海膽嘅味道。和風高湯煮日本沙白蜆呢一度菜真係好出色，首先嗰個和風個湯好好飲，亦都飲到少少白酒嘅味道，日本沙白蜆粒粒都好大好新鮮，一定唔係雪藏嗰種，而且亦都清洗得好乾淨，完全食唔到有沙。魷魚軟骨沙律呢一個沙律真係超好食，首先魷魚軟骨平時好難喺出面食到，而且今日都用咗調味料去醃製，配埋成個沙律食唔會覺得好dry.

Happy Friday ！又係我捐窿捐罅搵野食既時候，今次相約朋友去「山系。本舍」，入到黎覺得日本裝潢設計味濃，好似去咗日本咁，感覺放鬆😌魷魚軟骨沙律$48沙律醬沾滿魷魚，配上新鮮沙律菜，有少少辣味，非常好味，魷魚爽口夠咬口，正😋和風高湯煮日本沙白蜆$68喝了一口湯，有點咸，白蜆很厚肉及新鮮，高湯味很入味，唔錯🤤山系燒雞皮$18很脆，好似食緊薯片咁，一啲都唔覺得肥啊☺️黑松露醬配炸薯條 $68熱辣辣上枱，份量又多，薯條炸得粉脆，配上黑松露醬好夾呀😋一夜干鯖魚$128原來係好大條，大約係兩隻手掌✋🏻咁既尺寸，我先試吓唔沾醬食，味道係食到調味料及咸味，ok既！如果沾醬食味道豐富好多，甜甜酸酸更有食慾，建議沾醬食☺️後記：我對魷魚軟骨沙律印象深刻，第一次食，很好食很特別。燒雞皮係驚喜，估唔到咁好食😋

步行在太子，不難發現一間間充滿文青氣息的小店，好想入去探究一下。今次我就找到了「山系。本舍」，山形的LOGO簡單形象化了餐廳，木系的傢俱簡約而帶有日本感覺。店員端上這個手打櫻花蝦🦐醬拌手打烏冬，那個香味迎面而來，烏冬是自己手打的，Q彈軟滑，拌勻手打櫻花蝦醬十分之惹味。看到這個吾卵「系」叉燒飯，不禁笑了，用了日本新鮮雞蛋🥚，可拌勻米飯一起食，蛋味濃香，叉燒充滿厚度，肥瘦均勻，入口甘香。蜂蜜綠茶🍵和香滑奶茶，清爽的綠茶添加了蜂蜜，奶茶亦是香滑澴香，為這頓午餐來得輕宜，瞬間去了一趟日本呀🇯🇵！

正當我地睇緊menu時，入面個食客離開時大讚好味😋咁一定要入去試吓啦！先送上2款山系自家製特飲，分別係奶茶、蜂蜜綠茶🍵清涼，不會過甜，很解渴！吾卵系叉燒飯十分搞笑的名字。叉燒肥瘦相間，似豬腩肉，啲肉，入口皮脆肉嫩。配上半生熟炒滑蛋，夠曬滑溜。手工櫻花蝦醬伴手工烏冬很有特色。櫻花蝦醬係自家製作，texture有啲似XO醬。鮮甜香醇的海洋風味，每口櫻花蝦醬都吃得到整尾櫻花蝦，落足不少料。與手工烏冬攪拌在一起，真適合！小店得7個位，有機會要耐心等下位啦~不過，真的值得等的🤭😜

🚦界限街山系小店⛰喺界限街想搵精美晚餐有家日式山系本舍十分有特色有不同佐酒小食串燒烤物炸物同埋時令海鮮🦞先來手工櫻花蝦醬拌凍豆腐作為一個小菜冷盤非常開胃 風味十足(⁎⁍̴̛ᴗ⁍̴̛⁎)仲有燒日式腩肉時令海鮮記得要預早預訂～今次吃了清酒煮花蜆 仲有燒鰈魚最後再以香炸薯條配黑松露醬作結每道菜式都十分精緻師傅亦作細心介紹令人賓至如歸📍山系。本舍太子界限街23號地下A1號舖#太子美食 #界限街 #太子 #太子餐廳 #princeedward #山系本舍 #山系 #本舍 #日本菜

太子。日間cafe+晚間日式串燒料理小店剛開業兩星期，店面非常IG able !(圖6)🤩午市提供三文治、bagel、沙律、all day breakfast。晚間提供日式串燒和料理。老闆說疫情期間經常行山，因而起名： 「山系」，希望在一個狹小的空間能夠提供多元化的食物呢。………. …….. ………. …….. ………. ……..🔸燒日式腩肉串 $28（推介）如果你喜歡吃肥叉燒的話，這個腩肉一定非常合心意，店主先把腩肉炆了四小時再把表面一燒，好入味，油脂非常豐富。🔸手工櫻花蝦醬拌凍豆腐$48櫻花蝦醬非常驚喜， 由小店老闆親自自家製炒成的，十分惹味！另外還試了高湯煮日本沙白蜆和其他串燒，食物ok😜。後記：小店座位不多，大約只有八個位置，大家可以碰碰運氣。下午的食物和晚上截然不同，有機會再來試試。