姚姚酸菜魚 (希慎廣場)

Open Now

Now Closed

提起酸菜魚💬「姚姚酸菜魚」都係唔錯嘅選擇😬.姚姚酸菜魚+ 避風塘大蝦+ 寬薯粉條🍲酸菜魚夠酸爽🤤魚肉鮮嫩入味🐟粉條掛滿湯汁🍜大蝦彈牙🦐但略嫌避風塘唔夠惹味🥺薯條亦偏硬脆🍟😢.紅糖糯米糍粑🥢糍粑香脆軟糯😋食到粒粒糯米🍚黃豆粉、紅糖同糍粑完美配搭👍🏻.醬蘿蔔⚠️🥕醬汁酸甜微辣🌶️好開胃😝.多多桃膠椰奶🥥有桃膠🤎西米、椰奶、紅豆🫘口感好豐富☺️.低糖紫米豆漿🥛紫米令豆漿格外香甜💜

今日同老公食個lunch ，佢知我鐘意食辣，book 咗位於銅鑼灣希慎廣場嘅姚姚酸菜魚，❤️環境一流，裝修簡約舒適，值得一讚嘅係職員服務態度友善和主動👍🏻我哋叫咗個麻辣香鍋，好窩心嘅係我叫咗麻辣鍋底可以選少麻/少油/少辣/免蔥！哈哈😄餸菜鍋物點咗好Q彈嘅魷魚鬚，滷得好入味嘅豬手，走過油好香口嘅午餐肉，好脆口嘅豬耳，千葉豆腐真係海棉寶寶咁綿綿軟滑不留口！酸菜魚辣度全面升級、姚姚蕃茄魚 蕃嚟喇，所以我哋叫咗個姚姚酸菜魚午餐一 姚姚酸菜魚，酸辣度也可指定，魚肉雪白無骨，無得頂！一 滋味小食係麻辣牛𦟌，香麻辣好好味一 爆打青瓜檸檬茶，好fresh ，估唔到嘅新鮮感👍🏻一 解辣三色冰，見到透明滑嘟嘟嘅冰粉感覺已經好治癒❤️姚脆奶，外脆奶香味濃，不會過甜低糖黑豆漿，健康之選 #姚姚酸菜魚 #yaoyaohongkong #酸菜魚 #sauerkrautfish #椒麻雞 #紅糖糍粑 #yummy #spicyfood #炸鮮奶

已經唔知第幾次嚟「姚姚酸菜魚」😬今次又去試新食物😍.北京烤鴨(半隻)🦆多皮少肉🥺勝在肉質頗嫩，用餅皮包住鴨肉🫓青瓜、西瓜🍉京蔥、京醬、砂糖，好滋味🤤但略嫌餅皮唔夠煙韌🥲另外有一份椒鹽鴨架🦴椒鹽味幾香口🧂但偏鹹咗少少😢.麻醬雞絲粉皮🍜粉皮幼滑😉加上濃香麻醬、雞絲🐔青瓜絲🥒好Fresh😛.姚姚雞翼(4隻)🐓炸到脆卜卜😗味道鹹香惹味😋.紅糖糯米糍粑🥢外酥脆內軟糯😆加上唔太甜嘅紅糖，Perfect👍🏻.上湯菜心🥬菜心軟硬適中😌估唔到有鹹蛋同皮蛋🥚.紅豆烏龍冰粉🥣有花生🥜紅豆🫘小丸子🍡提子乾🍇清甜冰粉食到陣陣烏龍茶茶香🍵.手打檸檬茶🍋果然有一股格外清新嘅檸檬味💦.低糖紫米豆漿🥛豆味重，帶淡淡香甜紫米味💜

一排無食酸菜魚，心血來潮，回到姚姚。銅鑼灣分店一如其他分店般熱鬧，所以7:30無位，只能食8:30。餐廳貫徹藍色主調，不過面積更大更闊落。坐低便先奉上熱茶，暖暖腸胃。麻辣香鍋是我每次都點的食物，因為辣得來又香口，得閒食下可以軀寒。今次選了四季豆，秀珍菇，鮮蝦、重慶酥肉和脆皮肥腸！滿滿的一大盤，炒得乾身又香口。蝦足足有7隻，好鮮味！酥肉香口，四季豆清甜，尤其肥腸，微焦帶脆，每樣配菜都吸盡了香鍋的精華，又香又辣又麻，大大一盤好似尋寶，每樣都好好食！酸菜魚拼水煮牛肉份量一如以往的足，雙拼的設計，啱晒多心的人如我。水煮魚片好滑，酸菜亦好食！湯頭有芝麻香但又不會過於肥膩。每塊魚都切厚薄適中，食到魚肉的香滑！牛肉好嫩滑，亦夠厚，食落有牛味!!紅色的辣油看似好辣，但其實不是，選的小辣剛好，辣中帶少麻，食完有令嘴唇微燙的快感。底下有好多芽菜，仲有煙韌的薯粉，所以份量其實好足，以$308的價錢來說可以食到道菜，其實不貴，加上足料，所以姚姚是令人回頭再回頭的地方。

我以往從來沒有寫食評的動力,經過今次經歷,我不得不寫下我人生中的第一篇食評.當晚我叫了一個HK$288的酸菜魚,已在選擇中選了少鹽,食物來了嘗了一口,點解會咁鹽! 跟本入唔到口,吃了真的會傷腎.我以前到其他地方食酸菜魚都不是這麼鹹,到底發生甚麼事? 成$288元一碟難道不吃嗎? 只能加了很多水在湯內, 這真是一個難忘的經歷. 以後都不會再來.

魚質地勁奇怪，個湯好淡，太油，完全唔ok加咗呢個豆腐，根本唔可以叫佢做豆腐，口感勁奇怪，似係魚片頭，冇豆味似係粉溝出嚟皮鴨係好食的土豆絲同埋鴨架都ok成個set係抵，但係為咗酸菜魚嚟就好失望

-近期發現香港滿街都是酸菜魚的餐廳，愛其酸辣開胃，又有嫩滑魚肉拌吃，簡直是白飯小偷！我卻唯獨偏愛這間！來自內地的知名過江龍姚姚酸菜魚，自登陸香港後人氣十足，目前已有4間分店。主打的招牌名物姚姚酸菜，嚴選刺少肉多的新鮮鱸魚入饌，魚片滑溜且肉嫩鮮甜，其秘製湯底更是花足最少5小時熬制，配以經過醃製90日的水東新酸菜，保證酸爽開胃！另外還有姚姚麻辣香鍋配料任由你選擇，也是人氣名物。另外設有姚姚蕃茄魚，酸溜溜的感覺，不妨一試。📍姚姚酸菜魚 (希慎廣場)地址: 銅鑼灣軒尼詩道500號希慎廣場13樓1301號舖YAOYAO (Hysan Place)Add.: Shop 1301, 13/F, Hysan Place, 500 Hennessy Road, Causeway Bay

一時口痕想食酸菜魚，行過銅鑼灣就諗起希慎廣場入面嘅姚姚酸菜魚。姚姚酸菜魚喺大陸開過嚟，同太二酸菜魚一樣咁出名，餐廳強調自己用嘅係產地來源鮮明嘅鱸魚。呢間分店空間感大，座位數量多，坐得幾舒服，但係侍應人數偏小，落單同上菜都要等。我哋嗌咗二人份量嘅酸菜魚，辣度揀咗小辣，份量正常唔算太多，如果兩個人黎講我覺得唔夠食。鱸魚片鮮嫩結實，每塊都幾厚身，唔係一夾就散晒嘅魚肉，走咗一層油既魚肉好滑，會令人食唔停口。湯底有大量花椒、辣椒乾、泡椒、酸菜、蒜頭、蘿蔔等等，配菜份量好足，令到個湯夠麻夠香。入面仲有少少寬粉，份量唔多，但都算煙韌入味。其中一個貼心位係隻碟下面會有蠟燭坐暖碟酸菜魚，食到尾d魚肉都仲係暖暖地，唔會凍咗隔住層油係面。整體黎講，價錢同份量唔成正比，CP值較低。📍銅鑼灣希慎廣場13樓1301號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊

內地很紅的姚姚酸菜魚來到香港人氣依舊，今次來到銅鑼灣分店晚餐，味道和內地分店一樣咁好食，菜單上更豐富，除咗佢最出名嘅酸菜魚、仲有提供北京填鴨和酸菜魚雙拼自選，男女老幼都啱食！姚姚酸菜魚(2人份）佢個湯頭好鮮甜，超級重蒜蓉味、濃濃的酸菜味和麻香味，好開胃好正！而魚肉特別選用多肉少骨的鱸魚製作，令到您食落去更爽滑彈牙，真係好好食！麻辣香鍋（嫩牛肉、脆皮肥腸、雞軟骨、豬腩肉、炸豆皮）店家加入好多芫荽，乾辣椒和花椒去炒，令到成個香鍋好麻香好辣好惹味，佢最少要揀5樣菜去撈，我推薦嫩牛肉，炸豆皮同雞軟骨，嫩牛肉好爽滑，好嫩口又唔肥膩，配上麻辣香味好爽好正！豆皮炸到好香脆，撈上麻香汁好入味！雞軟骨都係必點，炸到金黃香脆，外酥內脆，配啤酒最正🍻

心血來潮，捉了老公來再試呢個品牌，都已經晚上8點了，營業至10點半，又在13樓，古古怪怪路徑才能上到去，攪錯，咁仲係咁多人排隊😤，等了半小時，等了8張枱才到我！不過，有景始終是有質數的重要參考指標💪🏻。本來等等下都想走，但看到裡面冰爽感覺，又俾個烤鴨套餐吸引，有烤鸭，又有酸菜魚，二人優先試食價$338，好正，唔知呢个優惠至幾時，點知一等就半個鐘！大盤酸菜魚 + 1 份豪華的北京烤鴨，另叫了1條手臂大既「香港頭條」，份量十足，兩個人真係要好大胃口才食得完。先試北京烤鴨，醬料非常特色，不是外面單純太甜的海鮮醬或舊式過咸及重豉味既磨豉醬，這個混醬既味道非常調和，濃稠適中，有香甜的海鮮醬味，又隱約有豉味。烤鴨好嫩口，皮脆少油脂，肉嫩有汁；味道不搶口，保持鴨的原有味道。配料少有心里美，桃紅色條，好靚，其他都切得十分整潔，細緻，乾爽，比外面的片皮鴨好得多。仲要讚烤鴨2點：1⃣餅皮份量恰到好處，夠飽，但又不會太多。😏哈哈，讓我地可食幾件淨肉，不浪費餅皮。2⃣另一個亮點係你估佢唔到既「椒鹽鴨架」，侍應拿著上枱，可笑的是，成碟「骨慘慘」、「無配菜，烏卒卒，清一色」我一副嫌棄的態度，問了幾次「我地無叫喎，是

比人感覺好energetic好新穎嘅酸菜魚，水煮魚餐廳！除左酸菜魚都有麻辣野同川菜。姚姚酸菜魚拼番茄魚 $308佢有雙拼選擇，一次過可以試兩種口味，啱曬食辣同唔食辣嘅朋友。 出乎意料地個蕃茄魚竟然超級好味🤤👍🏼👍🏼👍🏼，個湯好濃好重蕃茄🍅（濃過譚仔三哥蕃茄湯底）。招牌湯底就唔算太辣，不過會愈食愈辣😽。魚嘅質地幾滑幾嫩，不過附菜唔算多，所以我哋另加料！加咗萵筍冇咩特別，啲薯粉索咗湯就更加好食，湯汁包住所有薯粉帶出蕃茄嘅鮮味。 不過酸菜有少少鹹，兩邊食就balance返。姚姚脆奶 $58呢個脆奶有四件個皮有啲厚，所以食落有啲濟。記得趁熱食凍左就唔好食。藤椒無骨鳳爪 $68唔算好辣，個份量都好大，有少少麻，酸酸地幾開胃！👍🏼🌟彩虹烏龍冰粉 $68呢個甜品好少見，啲冰粉好有口感，有紅豆提子乾又有啲酒糟，好有特色，感覺比其他甜品健康！唔太甜，有好多種味！推👍🏼👍🏼分量適合2-3個人食。鍾意食酸菜魚嘅就值得一試，如果食得辣就可以試埋佢個麻辣香鍋同水煮魚啦🤟🏻PS 員工們都係靚仔小鮮肉🫢哈哈

作爲一個無辣不歡嘅吃貨，我間唔中都會試下唔同餐廳嘅川菜係點。餐廳整潔寬敞，比人一種好舒服嘅感覺。神仙組合呢個雙人套餐真係冇改錯名，真係一個神仙組合黎。$338有酸菜魚有片皮鴨，真心抵到爛。姚姚酸菜魚（精裝版）雖然係精裝版，但係個分量一D都唔精裝，起碼有20塊魚。魚肉係帶住魚皮，保留魚肉的紋理到，厚實彈牙。湯底係酸酸辣辣咁，可以揀選返適合自己嘅辣度。片皮鴨（半隻）片皮鴨外皮酥脆鬆化而且肉質嫩滑，餅皮亦都厚薄適中，再加埋甜醬、青瓜條等等，一個字，正！真心推薦！！！片皮鴨半隻但個分量係超多！椒鹽鴨架應該係用片皮鴨嘅邊角料整成嘅另一碟菜式，但味道一d都唔馬虎，食落咸香焦脆，椒鹽味完美融入。麻辣香鍋呢度麻辣香鍋係叫一個鍋底再最少叫5個配料，强烈推薦牛百葉、嫩牛肉、蓮藕片同千葉豆腐！

回訪N次既姚姚酸菜魚🤤今日又同同事來食姚姚酸菜魚🤤Lumch set好抵食，$88起有三款Menu任你揀！今次我揀佢既商務午餐「姚姚酸菜魚」+白飯+小食+甜品+飲品$168⭐️酸菜魚湯底可選擇少油多麻少酸可自由配搭，魚片是用新鮮鱸魚，肉質鮮嫩甜美，麻辣和酸交錯在口中，酸爽又非常開胃🤤今日既小食係麻辣牛展，牛展充滿麻香味，肉質鮮嫩可口，辣味十足👍🏻⭐️麻辣香鍋（脆皮肥腸）配料有花菜，土豆，蓮藕片和鮮豆皮，份量大足，豬腸大大舊，外脆內嫩，蓮藕片爽脆可口，火喉十足，食落麻香鮮辣，非常惹味👍🏻⭐️半隻北京烤鴨 +孜然椒鹽鴨架（兩食）烤鴨脆皮酥香配上蔥絲，青瓜絲，蘿蔔絲再加甜面醬及砂糖，用面餅包著食，口感豐富🤤食完一片又一片。鴨架經調味再炸，撒上孜然椒鹽，鴨件外酥內嫩，非常香口。最後食埋冰粉解解辣，非常滿足！

本身呢間餐廳嘅主題係食酸菜魚，但係見到佢有麻辣香鍋，咪諗住試下咁囉，不過最後食到成肚氣。。。我地嘅香鍋嗌咗兩份田雞，但係佢地啲田雞切得好碎之餘，仲炸到好乾。但係根本食唔到，淨係得啲炸到好硬嘅骨肉相連，食落去啖啖都有啲吉嘴，加上佢嘅份量都有啲呃人，可能得一隻半隻咁，收成50蚊一份，直頭當人係水魚咁撳。啲田雞仲要冇調味‼️所以可以食到好重嘅雪味😂。。而且其他配菜，譬如薯仔都要成38蚊一份，數埋得一個薯仔嘅份量，其他配菜嘅情況都係差唔多。。。最大問題係佢地上菜真係好耐，我地七點半落單，等咗成半個鐘先上菜，最好笑係個白飯八點五十分先上‼️‼️ 。我地果時係個香鍋度揀骨頭都已經揀到尾聲😂。可能係佢舖頭要食完餸先可以俾飯食😂😂

今日晏就同同事食姚姚酸菜魚🐠🐟🎏鐘意酸菜魚嘅我久仰大名🤩🤩🤩被譽為同太二酸菜魚並名嘅酸菜魚到底係點呢 想當初聽聞佢喺尖沙咀開第一間嗰陣係要早成一個月book😳😳😯😯我哋4個人嗌咗北京填鴨半隻+酸菜魚2-3人份+椒鹽鴨架+土豆絲：土豆絲幾出色🥔酸菜魚就令人失望😞魚比較腥 同真係頗辣 但佢又冇得揀辣度🌶️🥵同埋冇咩配菜 特別係冇一般常見而我又心愛嘅薯粉😭😭北京填鴨🦆喺對比下就不錯 個皮幾脆 不過多皮少肉 可讚之處係佢餅皮幾多👍椒鹽鴨架🦆少有驚喜 啱啱煮完送上碟 入口暖笠笠 不過略嫌鹹咗少少🤏最後嗌埋個彩虹烏龍冰粉作結🌈完美作結呀 又唔會太甜因為係烏龍茶底嘅冰粉 幾清新 加上係椰奶唔係煉奶 唔會ruin咗個甜度 不過本身以為係小丸子點知係爽口嘅圓子