一家

Open Now

Now Closed

經過想飲杯嘢，發現原來呢度有間台式飲品，啲名改得幾得意，咪試吓囉，但係超級無敵伏呀，好難飲，真係無辦法要用難飲嚟形容，抹茶無抹茶味，應該話杯嘢本身無咩味，再溝埋個芒果奶蓋仲要酸酸地，唔係芒果嗰隻酸，係成杯嘢都微微酸，好怪，紅豆又少，個人覺得咁大個杯俾多少少紅豆會好啲…睇相都見到少嘅程度，紅豆細粒好無咬口，又細粒又少，真係難以形容嗰種飲食到但又無嘢咬嘅感覺🥲收緊40蚊一杯唔係平，已經唔好飲仲要咁寒酸，真係好伏！

某日星期六遲左食lunch，同屋企人去左食呢間上海菜。聽講係米芝連，一於試下啦！醉雞大大碟，唔會好勁酒精個種「攻鼻」，係清香既花雕味，個汁甜甜地，亦唔咸，可以一試～煎餃子有冰花底😍呢個好好食，一啲都唔會油，入面仲有汁水，外皮厚薄適中，食落冇負擔🤓擔擔麵味道好特別，鍾意食花生🥜既朋友唔好錯過，口味濃郁，但又唔會到糊口一pat pat既狀態。食到底你都仲可以「不」到湯飲既狀態🤤小籠包正常發揮，未到皮好薄好薄/爆汁勁juicy，但起碼唔係食一大舊粉團入口🤓所以收貨！

短時間內再訪一家，冷氣太弱既問題改善不大，可能係商場中央空調控制唔到。今次試下飄香飄到入商場既臭豆腐，80蚊4件略貴，不過十幾年無食炸豆腐，貴啲都試下，而且相信唔會用千年油。這個臭豆腐聞落臭但食落反而唔太臭，外皮夠脆，加上豆板醬食落好惹味。其他食物水準不俗，但黑醋排骨過肥，大家都不喜歡，前菜淮山則爽口有驚喜。

呢間上海菜館由環境裝修至碗碟筷子到食物質素都非常精緻，真係又好睇又好食。先來小食︰臭豆腐真係臭但又唔係好臭，味道啱啱好，豆腐本身做到外脆內軟，點甜醬同辣椒醬就係必須啦。麻辣香炸鳳尾魚做得好好，本來想走辣，不過老闆話少少辣好食D所以要咗少辣，佢個鳳尾魚好脆，外面有一層薄薄嘅蜜糖再加少少芝麻令到個鳳尾魚再香D，佢呢隻鳳尾魚比起傳統上海舖食到嘅細條D。跟手叫點心︰小籠包有板有眼，皮薄餡靚，入面嘅湯量適中，而且個溫度亦控制得好好，因為真係唔係一味熱就好，要就翻人客進食嘅狀況先至係上選。鮮肉鍋貼好難得係傳統煎到好似有張紙咁樣嘅，而且個鍋貼皮唔會好厚，又唔會煎到好燶，其實好似呢間咁少少燶令佢有香味就非常好，好多地方煎得太燶反面會有苦味。主菜︰呢個外婆魷魚紅燒肉整得好好食，特別係D魷魚，老闆話紅燒肉要有魷魚吊一吊味先至好食，又真woo，真係香D。魷魚同紅燒肉都好入味，紅燒肉D脂肪部份有彈性唔會林pat pat，仲有佢個滷水流心蛋都好食。獅子頭嘅肉混得幾好，不過焦點在於下面墊底嘅菜苗，吸晒獅子頭D味，同埋佢個筍都靚，如果多多幾片會更好。主食︰反觀兩個主食只屬一般，可能前面嗰D太精彩啦。上海粗炒唔算炒得

一入到呢間充滿香港街坊味嘅食堂，先係嗅到嗰股撲鼻而嚟嘅炒菜香🍳。嗰份宜家難得一見嘅傳統煎蚝餅，疑味？實曬！蚝餅外皮香脆得滯，煎到金黃又唔油膩，裏面啲蚝肉肥美滑溜，一口咬落去鮮味就喺舌尖爆炸。食落咸香而且得個「正」字！跟住，啲石鍋牛肉就真係又平又好食，牛肉片炒得彈牙得嚟，微微焦香，仲帶少少辣味，簡直係香辣過癮🌶️。同碟啲青椒洋蔥爽口得滯，吸滿咗誘人既肉汁，層次分明到我食得停唔到口！最後，我又試咗碗冬瓜盅，湯底清甜得嚟啱晒夏天飲，飲完之後個人清爽曬😌，冬瓜吸足咗湯汁，口感既清新又爽滑。呢啲就係我今次嘅感受，好似回到細個吃家常菜咁，無花巧但係溫暖個心。下次，我一定會再嚟，帶埋屋企人一齊享受呢啲平民美食。

知道呢間餐廳得到米芝蓮必比登推介，專登過嚟試吓。餐廳位於筲箕灣一棟頗新嘅樓盤底下的商場內。可能期望過高，整體上覺得質素OK，但不至於成為米芝蓮推介餐廳。同朋友叫咗個二人餐，有以下菜式：米其林香露醉雞拼香辣炸茄子- 醉雞非常一般，香辣炸茄子幾有特色。酸辣湯- 覺得唔錯砂鍋上海梅干菜百頁結紅燒肉- 梅乾菜百夏結幾香口，但紅燒肉味並不出眾及略鹹。干煸四季豆- 唔錯小籠包- 做得幾出眾豆沙鍋餅- 熱辣辣，又不太甜，好味道。

特登山長水遠走入黎食，點知食咗間伏野去到餐廳見冇咩人諗住叫少少野試吓先再叫主食好彩只係叫左三樣野加杯野飲第一樣野黎到係糖醋小排骨其實我有冇怪錯佢，佢係冷盤嚟㗎嘛D排骨又柴又唔入味，真係肉還肉，汁還汁個汁勁甜同勁酸，肉又凍唯一優點係擺盤幾靚第二樣係櫻花蝦麻醬秋葵冇特別，起碼食得第三樣係小籠包普通，好普通，叫做有汁但佢頂個皮好厚，底就好薄，所以好易穿第四樣係野飲嬌滴滴姪女其實就係香片芒果芝士奶蓋全晚最差係呢個我完全唔明點解芒果芝士奶蓋都可以錯成咁面好似冇奶蓋，中間好似有好多果肉但有啲睇落係就快壞咁，成杯野勁難飲，飲左兩啖已經頂唔順成餐飯感覺極差佢既質素對唔住個價錢，呢度少少野已經$290真係食其他冇咁嬲

在筲箕灣街坊商場，有‘’一家‘’米芝蓮菜館 一家。一家有雙重意思，既是量詞，亦是這家上海菜館的名稱。今晚試了醉雞，上湯勝瓜聖子及砂鍋咸肉炒飯。醉雞的雞肉鮮嫩，酒香撲鼻香濃。勝瓜聖子的聖子超大粒，咬入口充滿海鮮的鮮味。咸肉炒飯偏油，啱哂重口味人士。這餐味道很好，唯一不滿是現場冷氣很弱，就算餐廳放了吹風機亦幫唔到太多!

上一次來光顧嘅時候剛剛開業晚餐時間幸運地有枱，嗰次睇餐牌已經覺得好多特別菜式，食完覺得可以返試過咗幾年之後終於再返嚟大閘蟹季節有幾道主題菜式，我哋揀咗焗蟹蓋，$288有4件，用蛋白同埋蟹肉釀入蟹蓋再澆上蟹黃醬，同埋加魚子醬，冇撈麵粉，所以口感啖啖肉👍🏼之後再嗌咗蔥油淮山同埋薺菜豆腐羹師傅好細心，用咗唔少刀工，將豆腐切到非常細粒已淮山前菜就係食蔬菜完未，用蔥油帶出鮮味另外值得一提，唔好以為d侍應紋身粗粗魯魯，其實服務態度非常友善

一家•係上海中華菜館.裝飾同菜式名都幾有心思.除左有煎到好酥脆既乾煎麵.重有臭豆腐😲同時Menu仲有好多素食選擇🥦🥬🥒🫑滕椒豆乾絲炒苦瓜.蔥油涼拌山藥.薺菜豆腐羹.醬炒花菜茶樹菇.我地試左個上湯聖子都清甜啱老人家食.➿臭豆腐米芝蓮推介餐牌之中有兩款係素食.$80食臭豆腐都諗左諗.但見到幾乎每枱都嗌.每件即叫即炸.上枱時都多香🤭比想像中大.同係街邊食一樣都有甜醬同辣醬一齊食.➿糖醋小排骨糖醋小排骨味道唔錯不過肉質就未多淋身~有少少柴.另一款無試到既一家蔥油白切雞其實都係招牌菜之一不過要留返下次試~.➿非常外父比較少見餐廳提供既飲品都好似台式飲品咁多款重要改名改到好有心思.試左芒果芝雲伯爵茶.夠哂清新同解渴.如果只想買飲品嘅話.餐廳隔離都設有茶鋪可以買飲品🧋.➿高力芒果奶黃高力豆沙係屋企人至愛.估唔到有芒果蓉既高力豆沙😈唔會太甜又一空氣感.真係好邪惡以米芝蓮餐廳.裝修環境同價錢.質素都可以接受--➿高力芒果奶黃 ʜᴋᴅ 60➿臭豆腐 ʜᴋᴅ 80➿糖醋小排骨 ʜᴋᴅ 82➿三鮮雙麵黃 ʜᴋᴅ 98➿非常外父 ʜᴋᴅ 40..👩‍🍳  整體味道: 7.5/10💸  性價比: 7.5/10📸 

這是我第二次到訪這家店了，餐單上有太多想要嘗試的菜式，所以再來嘗嘗！✧ 香辣炒茄子這個是我們都覺得有驚喜的小吃，光看樣子，根本想不到它是茄子呢！它的味道甜甜辣辣的，味道有點像平時吃的焦糖爆谷，口感脆脆，十分香口，味道一點兒也不像茄子，所以連平時不吃茄子的朋友也吃過不停。✧ 雜果糖醋魚這個雜果糖醋魚永遠不會讓人失望，酸中帶甜，外焦裡嫩，汁水豐盈，滑嫩無比，從一亮相，便會停留在你的眼球和味蕾，開胃又下飯。✧ 樟茶鴨飄香樟茶鴨是銷量位列前茅的另一招牌菜，經過濃煙燻製的鴨肉，充分渗進了植物獨有的清香，聞起来已垂涎欲滴！色澤金紅，肉質鲜香，唯獨吃的時候樟木的味道不是太明顯。肉味醇和，嚼勁十足，配合旁邊的饅頭一起吃就不會過鹹。✧ 醬油煙鴨胸炒飯炒飯味道鮮美，米飯油潤，超大分量足夠四五人分食。✧ 蟹粉鍋貼上一次點的是鮮肉餡餅，這次是蟹粉，底部焦脆噴香，裡面蟹粉味道咬一口還有燙嘴的肉汁跑出來。✧ 臭豆腐兩次來都必點的菜式，雖然真的很臭，但吃起來很香，中間挖個個洞，塞滿甜醬和豆瓣醬一起食用，甜甜辣辣的，很好吃。✧ 上海糯米燒賣皮很薄，餡料足，糯米很有嚼頭，黏度、韌度恰到好處，還有著自然的甜味，吃後嘴裡完

今晚放假按摩後，去咗(一家)試食，感覺非常好，食物味道可好，上菜時間恰當，店長及店員服務態度親切。在我不知點去選擇時，主動推介嘅食物，而且各樣菜式亦都非常有質素及美味。而家唔容易搵到間有心機煮得好食嘅餐廳。😃😃😃都好多客人未夠七點已滿座了。😊希望繼續保持良好食物質素，及親切的服務態度。－定再幫襯,加油💪🏻💪🏻💪🏻重點推介鳳尾魚，蟹粉小籠包，醉鴨肝，25年花雕！😋😋😋菜式豐富，今次未必能試哂 ，下次繼續試味！🤭🤭🤭

好日唔去筲箕灣，但係因為要泊車緣故，去唔到啲地道街頭餐廳食飯 (附近冇咩停車場可以泊，見抄牌抄得好嚴重🥲)，只好搵咗形薈呢個商場嘅餐廳食，見到呢間係米芝蓮店所以就試吓。本身上網睇食評都係好壞參差，有啲驚試伏，去到門口仲要見到唔食客。。但係反而唔帶期望入去食好似有啲驚喜🤪兩個人叫做四款嘢食，加一杯嘢飲，有啲眼闊肚窄。。。最後食唔晒要打包臭豆腐 $80 好少可喺商場入邊嘅餐廳會有賣臭豆腐，仲要經過店面已經聞到，如果唔鍾意食嘅客人都幾慘🤣因為係職責緣故，所以食落去熱辣辣脆卜卜，亦有個種臭味，配埋豆瓣醬同甜醬，我哋覺得好好食！小籠包(4件) $58都係即叫即蒸，但係皮未夠薄，汁亦未夠多。作為每間上海店嘅招牌菜，顯得有啲失色。一家蔥油白切雞 $138半隻雞再加驚死你唔夠嘅蔥油😂呢度真係好大碟，隻雞有肉夠嫩，拎埋啲蔥油拌飯(我地拌麵)真係一流。最後亦都食唔晒，加左錢要多個外賣盒打包走，又可以送多餐飯。🙈🙈肥到媽都唔認得黃魚石鍋淮山麵 $118黃魚即煎炸，成條魚都金黃色脆卜卜，除咗本身條魚比較多骨，冇乜嘢可以挑剔，唔腥肉質唔鞋。淮山麵係用石鍋上，務求令碗麵一直夠熱夠滾。但係成碗麵都冇乜味，同埋一路滾

之前嚟到筲箕灣形薈商場，見到一間上海菜獲取米芝蓮推介🥇 除咗出名佢啲食物品質好之外，價錢都非常合理，同佢個名一樣好適合一家人一齊食 🥰 佢令一樣特別嘅就係佢係有自製嘅四寶茶 ☕️ 顧名思義係用四款材料整嘅，飲落非常之清香，茶味好香😌上海脆皮素鵝 🫔素鵝不嬲都係我鍾意食嘅上海小食，外皮脆脆地，腐皮一層層好有層次感👍小籠包 🫓食上海嘢一定要叫小籠包，外皮整得好薄，餡料都好豐富，而肉汁當然就整得好出色啦，一定要試 💯 鮮肉鍋貼 🌮呢個都會推介，鍋貼新鮮煎嘅，熱辣辣好好食🤤大排湯麵 🍜呢個排骨湯麵份量真係好大，排骨一大塊，自己可以自己切嚟食🤣

前排睇👀東張西望介紹過呢間餐廳入左米芝蓮推介餐廳！甘岩約朋友食飯就去試試！餐廳裝修擺設睇得出花過心思，有古式風格又有新式霓虹燈，環境整潔舒適好坐! 我地7點幾去到，入坐已8成滿！叫左d 餸，好快就一次過黎齊曬！小籠包 $50 /4粒我小心翼翼怕熱♨️咬第一啖, 我擔心多餘了🤣 因為吾算太熱，可以熱番小小會正d! 皮都算薄！夾起吾易穿! 👍入面仲有小小湯汁! 都ok!一家蔥油白切雞🐔 $128白切雞面頭舖上大量蔥花，佢係用左新鮮上海紅頭蔥，食落又吾覺好油, 白切雞肉質嫩滑，份量都幾多！底部既雞浸到D汁, 個汁係有酒味, 應該用左花雕酒.有d 醉雞Feel！我覺得個雞, 不過不失!滕椒豆干絲炒苦瓜🥒$85苦瓜用左豆豉抄, 幾香口,食落有帶有小小麻辣味 ,底部仲d好似麵既豆干! 沒甘單調！臭豆腐$78臭豆腐夠臭🤭, 拎緊埋來已經聞到飄過來！我地好快就習慣左！表面炸得脆，豆腐夠實淨,唔會一夾就散🥢, 配埋甜醬同辣醬！外婆紅燒肉流心蛋 $ 138五花肉半肥瘦👍, 醬汁好入味帶點甜，望落去雖然肥，但係食落口唔油膩煮得好淋👍，另外有d墨魚夠咬口 ＜可以比多小小就好！而流心蛋幾香甜!👍👍總結：食物ok的