柳氏家 (Closed)

高高瘦瘦嘅個位經理，嚟我地枱同我地交代開爐嘅事嘅時候，態度差得嚟又勁急，上菜個陣成盤野隊過嚟，嚇親同行朋友，仲有佢真係無乜禮貌，令到成個進餐體驗極差。野食唔錯，但係經理嘅表現真係極度令人失望。食過三次，都見到個位經理拎住熱野係餐廳快速咁左穿右插，可見呢間野嘅員工訓練不足、尤其係連經理都可以咁冇安全意識。

詳文！所以先寫結論，有興趣先睇入文！結論：1 如非必要，唔好試，食物已經唔太好，服務可以直接話差！ 2.如果必要試，揀炒雞配炸雞，唔好試炒雞配烤肉！星期日晚六點到，唔使等位直入，兩個人揀左90分鐘炒雞🐔+ 烤肉放題，另加$28任飲啤酒。炒雞有四隻味揀，我地揀左蜜糖味噌炒雞醒韓式拉麵。90分鐘任食任飲當然想快D開始食，但當我地拎好哂烤肉、醬料食埋雪榚，吹陣水時間過左20 分鐘有落單時間所以一定無錯，於是搵左位男職員,問下已經二十分鐘炒雞仲未到，完全無法開始，（因為烤肉要先食完炒雞等換鐵板先可以燒），佢答炒雞係即炒要等十五至二十分鐘！好我接受，但啤酒都未到? 但佢就甘走左去，原來叫返本身落單位姐姐黎，姐姐問我地雞同啤酒都未到? 姐姐自己親自即刻入去拎左啤酒出黎，一分鐘都唔使！終於等到炒雞到，自己炒埋大約三十分鐘先食到第一囗野食😫 盤雞味道係ok 嘅，剩返三十分鐘換板轉食烤肉！烤肉選擇唔多，強烈建議大家㨂炒雞配炸雞🍗轉烤肉爐10分鐘，爐火仲未夠熱整熟一片肥牛，咁啱又係之前位男職員埋黎話要埋單先，唯有問佢可唔可以教最大火，佢望都唔望個制就話塊鐡板厚已經開大火🤬我地照埋單先！之後見到跟開我地枱嘅

今日四點先食lunch, 就係沙田睇下有咩下午茶食！因為太肚餓啦，就睇中左柳氏雞既任食！同之前唔同既係，除左有《炒雞加炸雞》之外，仲有新出既《炒雞加爐邊燒》！咁就一於試下新野啦！😍😍而加仲做緊happy hour 第二位半價- 記得要七點半前走呀！我地嗌左柳氏家炒雞。至於爐邊燒既野食就去bar攞，選擇都算多架，仲會有時refill新野食。推薦梅頭豬肉，五花肉同埋牛仔骨！同之前廚房煮定既炒雞唔同，呢個係我地要自己炒熟，再撈飯或者麵。我更中意今次旁邊燒其他野食，中間就炒雞同飯。要讚一讚飯同麵上既辣醬份量夠，變相炒完好入味！教學法～炒麵食落好似韓國黃色包裝撈麵既味道！最後私心推介，飲品櫃隔離有冷盤，可以攞啲泡菜撈埋炒飯食！一凍一熱口感好豐富😍😍😍大家經過都可以試下新野！🤤🤤🤤🤤

今晚係柳氏家慶祝友人的生日，為左俾個小驚喜友人。於預約時間前已到達餐廳，希望餐廳職員可以幫忙把蛋糕收好。職員同事好好，知道後連忙叫同事幫手把蛋糕放係雪櫃。一入座，職員發現同事仲未準備好個table setting，連忙幫我地搵個爐，然後等我地可以炒雞同埋開始燒肉。不過，成餐飯既感覺都好忙碌。因為個火都好猛，要顧住炒雞、落菜、落飯同埋燒肉。如果太耐唔理，啲食物就會變焦。所以成餐飯大家都覺得好忙碌..不過，食物既質素以呢個價錢都不錯。燒物既種都有好多選擇：牛、豬、雞、海鮮、蔬菜同埋唔同菇類。友人仲話牛仔骨係咁多個肉類中最好味既一款，成晚係咁出去夾牛仔骨...haha差唔多食到尾聲，我偷偷地出去counter個到，整蛋糕諗住就咁拎入去算。不過，個到職員好好主動同我講幫我點埋蠟燭。等我拎入去，令我地好成功俾到個小驚喜友人。所以，整體來講食物雖然一般，但餐廳職員服務好好！

韓國除左炸雞，炒雞都好出名，不過香港炸雞鋪頭就大把，炒雞真係好少有，今日特登黎試下柳氏家既鐵版炒雞。呢間係任食有兩種，一種係炒雞+炸雞任食，另一種係炒雞+海鮮bbq任食。晚市90分鐘198加一~因為朋友想食炸雞，所以我揀左炒雞+炸雞，自助區既食物九成都係比bbq既所以冇得試，只得雪糕同飲品可以揀。炒雞口味只好試一款，之後再添加都冇得改味道，飯/面/芝士可揀一，我地揀左韓國拉麵，再加左$38升級芝士。上枱係樣，一半炒雞，一半拉麵。可以自己抄都幾玩幾，炒雞既雞肉幾嫩滑，追加既芝士可以撈拉麵食。食左第一round,已經飽左一大半，呢個時候終於等到炸雞上枱。我地叫哂3款， 柳氏家辣炸雞、黑椒蜜糖炸雞 、 芥末蒜香牛油炸雞。炸雞真係好失望，冇一款好食既，辣炸雞只係炸雞上面淋韓式辣醬，同韓式做法完全唔同，令啲炸雞全部唔脆，只係食到醬，可惜既係三款醬都唔好味。

話說咁啱去沙田行街，行到攰就去沙田搵下有咩好食，而我同女仔朋友都好鍾意食辣野，我朋友就提議黎呢度食辣炒雞。我地6:30左右去，唔洗等好耐，就俾我地入座，佢有勁多小食配菜任我地選，仲有現成炸雞俾你任食，我地都唔敢食太多，怕食唔落其他野！我地叫左個辣炒雞加海鮮，雞既肉質正正常常，味道中規中矩，不過最特別係招呼我地個位男侍應真係韓國人黎，哈哈！個侍應會係我地面前炒雞，教埋我地點樣食，仲教你點樣加芝士，我同朋友都食得超飽，我地最後都食唔晒😂😂。

鐵板雞同雞翼嚴重雪味!! 好腥!!向職員反應, 佢哋話您可以選擇而家埋單或者重新炒過一碟. 重點係我哋只食咗一隻雞翼同一件雞粒. 冇服務態度可言.經理出嚟後非但冇提出解決方法, 更指明公司用嘅係雪藏雞, 如果唔乎合客人嘅口味並唔係公司嘅錯, 表示公司有cost並唔會免收費以表歉意. 將食物質素問題完全推喺食客身上. 高級經理表示佢哋所提供嘅雞一定會係熟 (同腥味有關??? 黑人問號...) btw 我哋明明有加$28叫咗小八爪魚, 但上菜時一粒都唔見成間餐廳都係食鐵板雞, 根本冇其實菜式選擇, 最後一肚氣離開最劣韓式鐵板雞非您莫屬

炸雞炒雞我食得多, 咁嘅質素真係第一次!呢間嘢主打鐵板雞, 有四款口味, 我哋揀咗味噌蜜糖味。份嘢一到, 我都呆一呆, 塊鐵板大過pizza, 啲餸就係您見到嘅咁多😂😂 夾咗一嚿年糕試, 唔熱嘅, 都算; 竟然俾我食到雞嘅雪藏腥味, 心知不妙。果然, 不出所料, 嚿雞係極品中嘅極品, 腥到不行。咁我哋就搵餐廳員工處理啦, 第一個最不得了, 一嚟就問洗唔洗加多碟雞。請問有冇聽人講嘢? 然後第二句就係問咁係咪宜家埋單。很好的服務態度, 我控制住我嘅怒氣, 請佢搵經理過嚟。點知... 同樣犀利。佢一嚟就話炒過碟, 咁我哋就問佢, 如果炒過碟都仲係有味咁點處理。佢話: 咁如果炒過碟都唔啱您哋口味, 我哋都要照收費, 因為我哋有成本😂😂 佢同個客講成本, 而且呢個同口味無關, 係食物質素!!! 佢仲要慢慢解釋一定係用雪藏雞。喂, 我夠知啦, 所以雪藏雞一定要有雪味? 當人冇食過雞咁... 我真係開始躁, 叫佢叫個最大粒嘅嚟。等咗成10分鐘都未大有人到, 然後見到有個員工就問佢啦, 佢同我講佢就係最大粒嗰個, 我啞哂, 咁之前去咗邊?! 咁佢都係一大輪解釋, 總之都係炒過碟咁囉, 又表示全日得我哋

今日星期六諗住開開心心歎個下午茶，點知來左間咁差劣嘅餐廳，搞到冇哂心情！原本諗住去食下午茶，點知去到先知原來冇嘅，仲邊有餐廳咁寒酸連平民價少少嘅下午茶都冇架。好啦，咁叫個鐵板炒雞餐加Salad Bar任食再加多左一碟生牛肉。點知個餐一到果陣啲雞都熟哂，話廚房幫你炒好上俾你食。咁我一心入來食炒雞，你地個特色都係自己DIY啫，點知炒都冇得炒，都唔知你俾個剷我有咩用。仲要爐都冇得開，一路食一路凍，乜雞都變凍雞啦！跟住最離譜係加果碟牛肉來左碟烚牛肉，仲要乜醬都冇，我係咪入左火鍋店？火鍋店都有碟豉油啦！隔左一陣啲炒雞已經凍哂，咁叫佢拎埋啲牛肉入去一齊炒返熱啦。加完熱出來有半個麵癡哂底，咁仲食咩？係咪玩顧客？係食鑊撈定食麵？咁炒完應該熱啦，但係你個爐唔開，仲要安排我坐出面，隔左兩分鐘又變返一碟凍炒雞，係咪新菜色？最尾俾返張coupon我，5$午市、10$晚市，有咩吸引力令我來食你嘅凍炒雞？今餐晏就$20都俾多，但張單來到加埋牛肉一百蚊，拎去捐好過，一餐好差嘅韓國餐就咁完結。

去到個時如果叫happy hour 就得返1個鐘頭度就要交枱，所以我哋5個人最後叫左100分鐘個款任食，唔包烤肉所以冇得拎菇類個啲去燒。但前菜啲粟米，泡菜，酸瓜，沙律都唔錯。炒飯唔會太乾或者起曬飯蕉，側邊仲有菜同好食嘅年糕，尤其紫色個款特別好味，年糕夠晒黏韌，但又唔會好難咬斷。🤤 另外啲炸雞同雞翼都唔錯，幾款味道都可以。絕對可以食雞食到飽，炒飯亦都可以添加一次。餐廳環境乾淨，返到屋企啲衫都冇油煙味，可能因為店內有分開烤肉區而我哋又坐得離開個區。中間有漏單情況出現，但店員有幫手處理。

柳氏家真係不得了 平靚正！學生都可以負擔嘅價錢 食炸雞 仲有自助吧飲品雪糕🍗🍨💛可以疎配炸雞或烤肉入邊係芝士年糕黎架 仲有紫薯年糕添炸雞任叫 有唔同款色 芝士加$38今次炸雞期間限定嘅韓風香辣炸雞翼

同女朋友買左戲飛，得一個鐘食柳氏家。首先食炒雞，炒十分鐘食得，雞肉好香，加埋公仔麵落去撈埋食，鑊氣滿滿好味道～之後就開始燒肉，食將啲生肉舖滿哂成個鐵板，邊食邊燒，就完成左充滿熱氣嘅一餐燒肉，最後仲冇睇到戲～🤣🤣

沙田新城市一向人流極多，韓風柳氏家炒雞剛襲港時風頭更一時無倆。當時去過兩次都因為輪候的人太多而光顧別家餐廳。這次在中午時分來，不用等位，終於可一嚐炒辣雞。客人可按喜好，選擇任食炒雞配炸雞或任食炒雞配韓燒。另外更設有75分鐘或100分鐘的用餐時間，用餐時間少，收費會較便宜，但需衡量挑選用餐時間，個人建議選擇時間長一點，會吃得較舒服。最後我們選擇了100分鐘任吃「柳氏家辣炒雞」及炸雞。炒辣雞配有韓國拉麵及年糕，店員會把一鑊炒雞奉上桌上，客人可自行炒勻所有材料。炒辣雞辛辣度足，十分惹味。個人感覺拉麵烹調時間稍長，麵質偏軟，如麵質彈牙一點質感會更好。店內有任取的沙律菜及醬料。建議大家拿原片的唐生菜包著炒雞同吃，會有較清新的感覺。而任點任吃的炸雞，一共有四款味道可供選擇，顧客可選擇雞肉或雞翼兩款部位。個人則比較喜歡限定口味：麻辣炸雞翼。黃色的芥末蒜香牛油味偏咸。飲品也是自由斟。餐廳內有一部軟雪糕機，及各式各樣的topping,客人可自製軟雪糕。總括來說，食物味道都偏咸，需喝大量飲料解渴。午市任吃價格尚算合理，是可以一試的餐廳。

晚餐時段黎左沙田捻吾到食乜之下去左柳氏家，吾需要等位。-叫左個雞+燒肉任食100分鐘，雞揀左呢期特別既口味，四川辣味雞，呢個有埋冬粉但我要拉麵佢就無比到我😀無refill之下換左紙食燒肉，有海鮮同菜類任拎。仲有雪糕機同其他配料tim😋 唯獨想飲冷茶但只有熱茶同汽水等甜飲品。-埋單兩個480/2$

not bad, 已經食過3次 幾好食 有mini自助bar, d配菜可以任攞service都okay 雖然唔係正宗韓國餐 不過都可以過下口癮有時都好多人 最好預下時間去 之後都會繼續去