裕記大飯店

Open Now

Now Closed

【假日遠足 - 荃灣行去深井食燒鵝🐣】🐷🐷💭豬仔我平時最鍾意就係食🤤同訓😴!!但我屋企兩老竟然話宜家涼涼地咁好天氣, 不如去行山! (🐷🐷WHAT!!!😫😫)結果懶訓豬嘅我地就下晝被迫跟住佢地出發。🐷🐷💭由#荃灣港安醫院 ➡️#下花山 ➡️#石龍拱 ➡️#清快塘 ➡️#深井 !! 行左足足3-4個鐘!! 打卡位包括有#蓮花山廢校 同埋#石龍拱山頂 （可眺望汀九橋+青馬大橋 !!）但為食豬嘅我地當然將重點放左喺....終點嘅深井燒鵝!!!😍🐷🐷💬1️⃣例牌燒鵝下庄 $185雖然深井燒鵝冇黃店, 但除左能記燒鵝, 起碼其他唔係藍嘅先(或者唔算好藍)!! 食得!! 燒鵝叫左例牌下庄! (下庄係比較肥嘅燒鵝髀咁解!!)佢好大隻! 佢用炭火燒完皮好脆好多汁, 肉質稍硬, 但可接受嘅!! 加$18整碗瀨粉, 咁就一流啦!! 只係唯一最大嘅敗筆係佢唔夠熱⋯⋯拎出黎已經灘涼左, 又唔會主動興番熱! 破壞左本身咁好食嘅燒鵝!!🐷🐷💬2️⃣花菇鵝掌煲🍲$1xx重點推介係個鵝掌煲, 百零蚊但有十幾廿隻鵝掌翼+鵝掌(可能賣得多燒鵝吧), 而且汶得好夠淋, 好容易食到!!仲有花菇同菜, 用黎送飯其實都好岩!

六點半時侯早來的晚餐時間到來這裡，冇訂位， 即入坐， 服務員們態度友善..看吓餐牌後， 便叫了它們上枱，焼鵝例牌，大舊切， 下莊部分是斬料部的選擇，鵝皮十分香脆， 而肉嫩附肉汁， 附上酸甜醬， 奌吓不油滯。蟲草花翅頭雞腳湯，例牌一煲約四碗， 湯料另上， 湯甜潤喉。蒸元貝，鲜蒸蒜蓉粉絲， 不需加豉油更顯鲜味。尖椒鹅腸，很嘢味帶微辣， 鵝腸外衣爽脆。隨著配搭白粥和白飯， 很開胃和飽暖。計算茶位各八蚊， 前菜花生八蚊， 及有車場收車費三十。。

豉油王鵝腸又爽又香，豉椒抄鵝什也野味，酒嘈鵝肝鬆化有酒味及咕嚕蝦球超好食，好大碟，現在易了book枱，service好！蟹肉草菇ok, 燒鵝也好吃 ，一定再光臨！泊車也方便

諗起深井之後一定系配燒鵝兩隻字 😂😂今日我地就真系入到嚟深井食裕記燒鵝聽就聽得多都系第一次入嚟食 預早就留定一隻仲留定蝦 不過留左都系得返8隻左右唔夠分呀😭😭叫左海哲 鵝腎做前菜先主角嚟到系嘩左一聲 好大隻呀 二隻燒鵝髀系大隻到平時好似做好多運動咁🤣🤣超香口仲出緊煙 脆卜卜咖D皮 佢碟豉油王鵝腸真係夠晒肥美呀！每一嚿都系有膏咖！好好食😍😍😍出邊真係好難食到咁肥美ge鵝腸叫左幾個小菜 鹹魚肉餅(比較實 同有魚鱗🧐)咕嚕肉 小朋友送飯一流豉油王蝦爆香左ge蝦真系好好食 好滋味第一次食 真系久仰大名🤙🏻🤙🏻🤙🏻碟鵝腸真系比108分呀😝😝😝

今晚同屋企人慶祝生日飯～ 早幾日已經book好枱！今次我哋叫咗一個四人套餐$820有燒鵝半隻、韭黃瑤柱羹、西蘭花帶子、花菇鵝掌翼煲、清蒸海上鮮連橙汁一支店員都好好服務，會幫你將瑤柱羹分好燒鵝真係好大隻，大大隻鵝脾留返比生日壽星我地另外叫咗瀨粉配返燒鵝食燒鵝方面皮脆肉嫩～至於今次條魚都好好食好新鮮！我地都將條魚食得好乾淨上蛋糕方面食完佢地會直接問你個蛋糕係咪係到食，之後會直接上枱整體來說套餐都抵食，如有慶祝飯局都會再幫襯

好耐未食過，爸媽心癮發作，坐的士去食，真心好食。本土情懷，用心經營。新鮮，熱，皮脆，肉香本身唔太鍾意，阿哥話必食，我試咗小小，堅香酒味，個汁好正，肝唔會好鯹，可惜我不喜歡肝本身texture我唔鍾意食鵝䁑。不過都試一下，洗得好干淨，冇腸臭味，唔肥，更加冇漂水味！豉油汁係堅正，可惜我對鵝腸還是不太有好感聖子勁大只，鮮，甜，唔過火！必食！鯪魚球，基本上好食，可惜還是不及中環中心對面果間雲吞麵店好食咕嚕肉精彩！真係肉，不是炸粉/肥膏！真材實料！西蘭花帶子，帶子大粒之餘，冇煮過火，雖然一定係雪，但大大粒都冇雪味！叻！真心，呢D菜館有自己堅持，水準不會因為市場變化而下降，真係買少見少！好好珍惜！

係香港想食燒鵝當然係入深井食啦我自己個人就比較鍾意食裕記大飯店到達後見到一堆人在門口等位都係買個下庄返屋企慢慢嘆好過之前買是$165現已加價 $185佢哋係真係燒得好香色澤均勻💕而且味道禁多年亦都保持水準👍🏻遠啲都值得你食既😁

深井燒鵝成日聽🤤🤤雖然之前都試過係朋友屋企試新鮮外賣番嚟嘅深井燒鵝，個陣都覺得好好食，但今次係第一次去現場食，味道同外賣真係差好遠🤣🤣因爲一家四口去食，就嗌左半份燒鵝而且好足夠👍🏻首先個賣相已經好吸引，成隻燒鵝好有油光🤤🤤🤤而隻燒鵝皮薄肉嫩，咬落去個皮都幾脆下🤓，但有少少肥膏，所以食食下會覺得好油膩，不過點個酸梅醬，甜甜酸酸咁中和番就啱啱好👍🏻另外記得嗌埋個瀨粉變做燒鵝瀨咁食😆

難得有朋友從外地來港於是特意帶佢食遠近馳名既深井燒鵝裕記之前都食過幾次味道都不錯而且比較出名所以今次都選擇呢一間我哋被帶到一間房仔入邊有幾張枱人雖然唔係好多但係真係好嘈環境雖然唔好不過食嘢最緊要都係味道我哋四個人叫咗五餸一湯首先嚟嘅係餐前小食酒釀鵝肝味道不過不失有鵝肝味，不過略嫌酒味太重3.5分(5分滿)再來係西洋菜陳腎湯冇味精又夠味啲陳晨都唔會太老4.5分跟住再嚟喺尖椒炒鵝什同味菜炒鵝什由於兩個好似樣我就冇分兩張影尖椒炒果碟唔係好入味味菜炒嗰碟就得一個甜字仲記得以前係鹹鹹酸酸咁好好食估唔到而家變成咁2.5分終於到主菜燒鵝啱啱燒好皮仲脆肉質鮮嫩呢個係冇令我地失望強烈建議配返碗瀨粉真係比起配飯好味好多4.5分最後送咗碗綠豆沙糖水唔太甜都幾好食最後埋單$1000其實$10004個人食真係唔算貴但係依家嘅質素真係唔值呢個價下次再嚟深井食燒鵝都應該唔會再選擇呢一間

今晚一家人到深井裕記食晚飯，閒日去食嘅最大優勢就係唔洗等位，車位亦都唔需要煩惱，揸車去真係好方便，如果係搭巴士小巴就要兜好耐。6個人叫咗一隻燒鵝，燒鵝皮脆肉嫩，最鍾意係啲皮一咬落去，鵝油就慢慢滲透出嚟，嗰種香味真係令人垂涎三尺！鵝髀位置就啖啖肉而且肉質嫩滑，淨係食隻鵝已經回晒本。小菜方面，嗌咗芒果牛柳粒，芒果唔會好甜，牛柳粒肉質咬口適中，一啲都唔韌，係略嫌芒果味唔夠出。咕嚕肉，賣相其實都幾差，不過食落又幾正！夠脆夠多肉已經贏晒，如果可以再多少少汁會更好。豉汁帶子蒸豆腐就比較差，因為豆豉唔靚，而且豆腐唔滑，如果用百福豆腐會好食好多。上湯津菜，個湯有少少鹹，食到底啲菜就比較鹹。

一大早就出左荃灣開會， 個人都定係一舊雲都未識醒， 唐小姐就發板話今日想食燒鵝， 荃灣邊樹有燒鵝姐？中 有揸車我地識去搵燒鵝， 反正都係入返屯門順路一定係去深井。廣告就由細睇到大， 其實我第一次食咋！我地7個人叫午市套餐半隻燒鵝再加6個餸， 先至＄850大元，在我黎講覺得好抵食。咁岩燒鵝出爐時間皮是脆的， 鵝味其實我就覺得偏淡， 要食到肥膏先覺得香口，其他餸都好食， 差兩樣就成九大簋喇！ 食飽飽唔想玩手機四圍眼望望， 望向其他檯都係單拖叫半隻燒鵝加一個菜， 咁樣食好似好開心禾， 揾日我地又要試下😂！後記： 人頭圍返＄121左右一個人， 呢個價錢同普通飲餐茶比較都係貴少少， 重要碟碟小菜跟個湯， 服務好，上菜快靚正， 我第一次食都覺得滿意呀。 已經想下次同屋企人黎食喇😀

四個人嚟開餐，如果叫一隻燒鵝肯定食唔曬，所以只係叫咗半隻，另外仲有蜆介鯪魚球、 五福拼盤、上湯浸娃娃菜。講真，香港任何一間即燒嘅燒鵝都好好食，咁點解要特登揸車嚟深井咁遠食？ 首先，呢度啲皮真係好脆，第二，皮同肉之間白色嗰層肥膏佢哋會好窩心咁幫你搣咗，第三，呢度個梅子醬啲味同出面有啲唔同，第四，呢度除咗燒鵝好食，佢啲小菜其實唔差！ 平時嚟會叫醉鵝肝、醉鴨舌、老火湯，今次就試咗蜆蚧鯪魚球！ 喺外面食嘅鯪魚球，完全唔係一個球體，但呢一度佢個外型做得好好， 其次，其他食點用嘅係超級市場嗰啲蜆蚧汁， 呢度個蜆蚧汁加咗啲蔥、椒絲之類，份外惹味！不過香港人咁市儈，講到尾最緊要係錢，香港人食飯鍾意帶紅白酒，呢度只係收30蚊開瓶費， 泊車亦都係30蚊，淨係呢兩樣都慳咗兩舊水， 小菜嘅價錢係普通酒樓㗎，雖然環境都叫差， 但為咗食佢燒鵝，點都係要過嚟！

深井裕記燒鵝細細個就聽過，到底點解咁出名，抱住依個心態今日黎試一下。深井唔同既燒鵝分別食過2間，裕記依間燒鵝中既名牌有咩咁特別，其他咁多間都唔洗排隊，就得佢一間排晒長龍，食之前借左個廁所一用，先發現原來佢仲有6個廳，比其他仲要大，証明客人認真多，不過我地都係等左15分鐘，可能真係地方大，人多枱多，回枱回得多快。一黎唔多講，當然叫燒鵝，識食一定食下莊，下莊特別肥美，亦因為咁通當都比較油膩，好難食到好多舊，點知一食，完全癲複左我對下莊既認識。雖然望落真係好肥，但碟上面完全唔見油，食落亦唔膩，味道或者冇我食過既其他2間咁濃，但絕對比另外2間食得過引，因為食極都唔會漏到食唔到。另一樣一去到就吸引到我既，就係依個酒釀鵝肝，食落雖然有少少渣，但都相當滑，酒味好濃，可惜味道有啲單一，欠層次。海鮮係我既最愛，見到推介有依個粉絲蟹煲，忍唔住就點左，本身都冇抱好大期望，始終係燒鵝出名既飯店，點知盡對既驚喜。蟹好大隻，又新鮮，走油火喉好夠，薑蔥味唔太搶，恰到好處，完全超出預期。最後點左一個琵琶豆腐，表面炸好脆，入面好嫩滑，火喉控制極佳，可見多年功力。本身只係想試燒鵝，點知小菜既功架令人喜出望外，傳統懷舊飯店

今晚一家人到深井裕記食晚飯，閒日去食嘅最大優勢就係唔洗等位，車位亦都唔需要煩惱，揸車去真係好方便，如果係搭巴士小巴就要兜好耐。6個人叫咗一隻燒鵝，燒鵝皮脆肉嫩，最鍾意係啲皮一咬落去，鵝油就慢慢滲透出嚟，嗰種香味真係令人垂涎三尺！鵝髀位置就啖啖肉而且肉質嫩滑，淨係食隻鵝已經回晒本。小菜方面，嗌咗芒果牛柳粒，芒果唔會好甜，牛柳粒肉質咬口適中，一啲都唔韌，係略嫌芒果味唔夠出。咕嚕肉，賣相其實都幾差，不過食落又幾正！夠脆夠多肉已經贏晒，如果可以再多少少汁會更好。豉汁帶子蒸豆腐就比較差，因為豆豉唔靚，而且豆腐唔滑，如果用百福豆腐會好食好多。上湯津菜，個湯有少少鹹，食到底啲菜就比較鹹。

Charcoal roasted goose at a restaurant that ONLY roasts geese - no other bbq meats going on here. That’s how you know this place serves it the best. Absolutely must order with the rice noodles in soup - they absorb all the delicious roasty goose flavor. Pipa tofu, fish fragrant eggplant and mala chicken claypot are also good here and round out the meal when you need a break from duck.