夢の丼 (Closed)

夢之丼出左新menu, 當然要一試。唔知係咪因為平日人流比較少，所以推出了這個性價比比較高的晚餐作招徠。是日選擇了特上9貫壽司定食及美國安格斯肉眼扒配迷你拖羅蓉丼（套餐包含味憎湯）。安格斯肉眼扒烹調得恰到好處，肉質非常美味，而拖羅蓉丼更是食材新鮮，不過丼使用的飯改變了，但依然保持固有水準。夢之丼本身主打是丼，其食材一直也有品質保證。9貫壽司賣相精緻，感覺好像回到日本一樣。另外追加了胡麻冷豆腐，帆立貝刺身及迷你清酒煮蜆。 胡麻冷豆腐很滑， 迷你清酒煮蜆肉質鮮甜美味， 帆立具刺身相比之下，就變得無乜特別了。

自從屯馬線開通之後，沿缐多了很多優質餐厅。今次經朋友推介來到呢間位於土瓜灣站譚公道的日本餐廳。日式外牆裝修，簡約設計風格。後面北帝街有大量路邊泊車錶位，譚公道也有時租停車場$19/小時。無論搭車或揸車都非常方便。 晚上9點，餐廳仍然坐滿食客，巴枱餐枱都好受歡迎。因疫情措施，餐廳收10點。晚市有提供定食套餐，二人套餐等。叫餸都吾使左度右度，省去好多煩惱。沙律菜新鮮清甜爽口，有質素。麵鼓湯咸度適中，甘香味道。夢之井：$253夢之井，滿滿的刺生海鮮鋪蓋在飯上，凡事立貝新鮮厚肉食落鮮甜，三文魚蓉份量足夠又食落肥美。牡丹蝦夠大隻爽嫩鮮甜。左口角邊壽司$96左口魚經過燒炙，外皮香脆，肉質綿密濃香，入口即化和壽司飯好夾。柔煮鮑魚$68鮑魚也切片，薄薄的一槐，質感柔軟一點也不鞋口，而且好嫩口易咀嚼，味道有些清甜帶甘香。磯燒凡立貝$68精致的伴碟有朵小黃花好吸晴。帆立貝大件又厚肉，肉質嫩滑清甜經磯燒後增加香味，非常好食。深海池魚刺生$78新鮮池魚肉質鮮嫩多汁，入口帶甘香美味可口，食完齒甲留香。法國蠔$56（兩個）金色碟盛上，頓顯高貴，蠔肉肉質嫩滑甘香味道，海水味比較重，沒有澀味。

平時成日嚟開土瓜灣，終於可以試下呢間高質嘅日本料理啦。今日同老公一齊嚟試下啲新鮮食材先。晚飯會包一個柚子沙律同味噌湯。味噌湯有蜆肉，提升鮮甜度。柚子沙律酸酸甜甜，好開胃，準備迎接跟住落嚟嘅豐盛大餐😋夢之丼（$298）👍🏻👍🏻👍🏻👍🏻👍🏻見到個賣相已經覺得好正！店員介紹開始食之前，可以飲下杯醋，令個味蕾再靈敏啲。夢之丼除咗隻厚肉牡丹蝦，仲有三文魚子、海膽、帆立貝、三文魚蓉、左口魚邊、松葉蟹,又足料又新鮮到爆！海膽非常creamy，完全冇任何澀或腥味，我估計係新鮮直送北海道海膽。三文魚子醬汁飽滿，帆立貝新鮮，最正係牡丹蝦個種滑溜、膠質同爽甜感！松葉蟹食到鹹鮮味。好欣賞佢啲細節位，火炙三文魚蓉配咗適量嘅生洋蔥，每一啖都係好豐富嘅口感，非常有層次。“愛意思”~~另一個叫咗花錦魚生飯，而家做緊全日98蚊優惠，抵到不得了。一嚟到已經有只可食用紅蛋。蛋液流落醋飯度，更加鮮甜。飯除咗有三文魚、吞拿魚、三文魚子、白身魚、赤蝦、蟹肉絲、金蟹子、蜆肉、青瓜同甜蛋之外，仲有隻好特別嘅蟹膏豆腐。雖然只係豆腐碎，但就包圍住好鮮甜嘅蟹膏味，令人印象深刻。是日時令海鮮有法國蠔（$28隻）size都唔細呀，食落依然好新

屯馬開通～真的很興奮～😂平時甚少去土瓜灣嘅我，又多個地方搵好嘢食😋今次就揀左主要食丼飯嘅夢之丼餐廳地方闊落，裝修有啲返左鄉下嘅感覺，仲有吧檯，可以睇住師傅做嘢。不過今次吧檯滿咗😗下次要早啲卜台先除咗基本嘅丼之外，佢哋亦都有唔同嘅新鮮魚生介紹俾客人，亦有啲送酒嘅小食我哋今次叫左：夢之丼花錦魚生丼蟹皇醬燒蟹膏豆腐慢煮鮑魚配肝醬法國生蠔帆立貝刺身左口魚邊壽司叫完就送一人送一個沙律仔同麵豉湯，估唔到佢個湯都幾鮮味，應該落左啲魚骨落去熬。食正餐之之前食啲生嘢開下胃，生蠔大大隻，朋友食完話唔夠喉，好彩我制止佢，唔係食唔到跟住啲好嘢😛帆立貝厚肉，但嫩到無牙都食到咁滯😜接住上嘅蟹皇醬燒蟹膏豆腐，慢煮鮑魚配肝醬同左口魚邊壽司。全部細細件，適合同朋友飲住酒，慢慢吹住水嚟食。跟住就係今晚嘅重點，丼飯啦。首先出場嘅係花錦魚生丼，有成十幾種配料，令人目不暇給。雖然每樣嘢嘅份量唔多，但撈埋隻生蛋黃同加小小豉油，成個飯即刻唔同哂，豐富嘅口感同濃郁嘅鮮味，搞到我差啲以為食緊海膽～配合埋煙韌嘅珍珠米，係perfect match!接住落嚟就係夢之丼。叫得呢個名，係因為你發夢都估唔到一個飯可以有咁多海鮮 (sor有啲太牽

位於土瓜灣呢間夢之丼 ，真係超有驚喜！食物環境氣氛一流，真心推薦比大家！入到去充滿日式嘅裝修氣氛，店員亦都好有禮貌 ，坐位都坐得好舒服，又夠冷氣，夏天一入到去爽快感覺好爽。我同朋友點左d野食一齊share，嗌左個深海池魚刺身， 磯燒帆立貝 ，左口魚邊壽司 同花錦魚生丼。每樣都非常出色，上碟店員都會講解食法，幾好丫！先講深海池魚刺身，雖然係得兩件，但係都非常厚身，味道鮮甜美味。另外磯燒帆立貝，大大粒，燒得嚟又唔乾 ，仲好鮮美，店員介紹係包住紫菜嚟食嘅，我就咁食同包住食都有試 ，各種都好食！另外左口魚邊壽司，喜歡佢嘅飯唔係普通嘅白飯，係有味嘅番嚟嘅， 所以店員介紹就咁食就得，唔需要再點醬料啦，魚脂都好豐富，入囗即溶感覺，應該半燒過， 突出佢嘅香味 ，當然亦都好新鮮啦。最後要介紹花錦魚生丼 ，超級多料丫！ 真係做到每啖都有魚生，好好食 ，而且飯都唔係白飯，亦都係有味嘅飯 ，令呢個丼嘅味道更加豐富好食！ 丼面先係有隻生蛋，店員介紹撈嚟食嘅， 啲蛋漿流落啲飯同魚生上面，好似包住嚟食咁，好滑好好味，當中有三文魚， 白生魚，左口魚邊魚，赤蝦 ，金蟹籽，三文魚籽 ，櫻花蝦，蟹膏豆腐， 松葉蟹，青瓜 ，

本身响土瓜灣返工，都有黎開食lunch, 不過都係食lunch set. 今次因為「泊檔」和餐廳合作有預售餐，所以就訂個餐黎試吓。由於訂咗個餐一段時間先食，到食嘅時候有啲食材已經唔啱時令，所以餐廳轉咗另一啲食物。我地一行4個人，只訂咗個2人餐，因為有9折，諗住再即場加其他野食。第一次食燒雪魚乾，好脆，幾好味！柔煮鮑魚，鮑魚煮到好淋好入味👍清酒煮蜆和油甘魚鮫都出色，值得一試！仲有個推介係蟹皇醬燒蟹膏豆腐，好香蟹膏味！整體來講，成晚食咗好多樣野，多到啲相放唔晒🤣樣樣都好味，令到我想再黎食晚餐，因為午餐set lunch無咁多款式，晚餐就可以食到咁多唔同款嘅日本菜，大滿足！最仲要係呢餐好抵，預售餐再加即場追加，每人都係$300，真係好豐富😋提外話，每樣食物攞盤都好款，擺上枱已經好吸引，望落去好似去咗高級日本餐廳食嘢咁，已經加分不少！

呢間之前見到人介紹，勁吸引，bookmark左要黎，終於有機會喇！黎到見到星期一至四晚魚生丼飯套餐仲要有85折，正😎🔸花錦魚生丼💯極度豐富的魚生丼飯，魚生有三文魚、白身魚、赤蝦、左口魚邊、松葉蟹，切粒配上玉子漬、青瓜、甜蛋，撈勻食！仲會食到金蟹子、三文魚子、蟹膏豆腐同蜆肉，所以口感係相當有層次，味道分明。仲有櫻花蝦、添加左蝦既香味，呢個真係大推😍🔸夢之丼😍啱啲鐘意海膽、帶子既朋友，好新鮮、鮮甜😋仲有三文魚蓉、三文魚子、松葉蟹、左口魚邊。牡丹蝦都好大隻，仲好爽口，好味😋🔸深海池魚刺身、法國生蠔🦪店員介紹今日嚟咗一堆飛機貨，深海池魚刺身厚切，肉質比較爽脆。法國生蠔微微海水味，質感唔係creamy個種，不過爽脆滑溜，好味😋🔸蟹黃醬燒蟹膏豆腐、慢煮鮑魚配肝醬店員推介嘅兩款小食，本身已經係蟹膏味，充滿鹹香。鮑魚本身醃製過，有清甜的感覺，以慢煮的方式烹調，質感柔軟彈牙。🔸左口魚邊壽司🍣唔夠喉叫多咗兩件左口魚變壽司🤣入口即溶，面頭有木魚碎，第一次試呢個配搭都唔錯。

在土瓜灣站A出口行大約6分鐘有間日式料理店，價錢唔算好貴，份量都幾足料花錦魚生丼 $188 材料有三文魚，白身魚，赤蝦，右口魚邊，金蟹子，三文魚子，櫻花蝦，蟹膏豆腐，青瓜，甜蛋，玉子漬，松葉蟹，蜆肉，好足料，上面放咗隻生雞蛋，撈埋蛋汁一齊食超正，蟹膏豆腐好香蟹味蟹子沙律青瓜絲配蟹柳絲再加魚子，清新爽甜迷你鰻魚炒飯配三色刺身 $98炒飯粒粒分明，有鰻魚焦香，入口甘香，味道正宗；刺身有三文魚甜蝦帶子，全部都新鮮鮮甜，三文魚肥瘦適中，帶子厚薄適中

屯馬線開通✅以前好少同男朋友過黎土瓜灣、九龍城呢邊😆今次為左體驗下屯馬線，特登黎呢邊搵野食～😋睇openrice見到呢間餐廳有唔少好評，一於試下🤗餐廳內環境好舒適😚冷氣岩岩好👍出面行到好熱，入到黎有種「舒服晒～～」既感覺😁另外值得欣賞既係，大部分食客都好高質，入到黎餐廳都唔會好大聲講野，加上每張枱之間有一定距離，我同男朋友有一個好relaxing既空間用膳🥰先上前菜，有沙律同麵豉湯🍵麵豉湯味道好濃，好好飲，一次過飲晒💕🎌夢之丼 $298招牌菜😚💓鋪滿貴價既刺身😏有三文魚蓉、海膽、帆立貝、牡丹蝦、松葉蟹、三文魚子、左口魚邊，好足料！（真係餸多過飯🤩）每樣材料都好新鮮，帆立貝好肥美鮮甜；牡丹蝦爽滑彈牙，有少少回甘香；海膽肉厚帶甜，份量都唔少架！🎌花錦魚生丼 $188另一豐富丼飯 ♥️鋪滿多款切角魚生，包括三文魚、白身魚、左口魚邊、赤蝦、三文魚子、蟹肉、櫻花蝦、蟹膏豆腐、甜蛋、青瓜⋯⋯多不勝數😂最eye catching既係中間隻溫泉蛋🤩🥳將蛋汁同所有魚生撈勻，連埋d飯一齊食，好有鮮味好正👍🎌法國生蠔(兩隻)🦪 $56🎌鯛魚刺身 $58海膽都幾肥美 入口creamy 有鮮味😚鯛魚刺身爽口新鮮👍

食開日本野就唔好俾佢停！😆 今次再食到地鐵新開通既屯馬線之一：土瓜灣站🚇平日lunch time時間去到（大約下午一點），都坐滿9成客🤭 Menu:1️⃣ 花錦魚生丼（$188）睇到丼飯材料好似好豐富咁，雖然價錢有點小貴，但難得嚟到土瓜灣，都係決定一戰試一試🥊 材料有:🐟三文魚、白身魚、右口魚邊、🐠金蟹子、三文魚子、🦐櫻花蝦、甜蝦、🦀蟹膏豆腐、松葉蟹、蜆肉、🥒青瓜 & 玉子漬一開始食都仲會擔心會唔會唔夠飽..但好快就會比啲魚生填滿左個胃🤣🤣 即使係平時唔食任何海鮮膏類嘅我，都幾鍾意呢間餐廳嘅蟹膏豆腐，好易入口😆 三文魚就唔使講，睇相都已經睇得出有新鮮，好通透🤤 🍵另外想特別讚一讚呢一間餐廳嘅麵豉湯，除咗湯入面見到有三文魚肉，飲之前攪拌湯嘅時候仲會有一層油浮面，嗰鮮味唔知來自係蝦、蟹定係三文魚油呢？

夢之丼先前已經在西營盤試過，今次見到土瓜灣有分店，決定再入去試下！ 一入到店舖，友人先幫忙點餐，而我就先去「放低幾兩」，估唔到呢間鋪頭第一樣震懾到我嘅，竟然係佢地非常難得安裝左電廁板！ 可惜今次無機會用到，大家有機會黎可以試下。當然對於所有地方黎講，有心整好個廁所，其他地方一定唔會差！ 回到座位話咁快就有得食，第一道菜係蟹膏豆腐。味道超級好驚喜！豆腐軟腍滑溜，蟹膏味極濃，超級推薦！ 但要數到驚豔我的，絕對係呢個仙鳳趾蠔！應該係我人生食過數一數二好味的蠔！蠔身足足有成隻手掌咁大，而且極肥美！食落去好新鮮！侍應姐姐話係今日特選，難怪咁好味！盛讚！ 第三係深海池魚刺身刺身旁邊配以紫蘇花，而我就決定將紫蘇花配埋刺身一齊食，一黎我自己好喜歡紫蘇花味，二黎可以令刺身多一種香氣的層次！而池魚刺身肉質彈牙厚實。不過本人都係喜歡腍滑甘香的吞拿魚多啲。 第四個菜係慢煮鮑魚配肝醬賣相細細份，但係鮑魚爽口彈牙，配以肝醬味道香濃，兩者的味道亦唔會互搶，非常美味！ 第五個係左口魚邊壽司左口魚面頭經火炙處理，油香滿溢，入口即化！夢之丼係我地一個翻叫的菜色記得上次在港島食的時候，師傅會配以一杯橙醋，而橙醋亦有兩種食法

土瓜灣不嬲多好野食，奈何交通唔係太方便，但自從土瓜灣站開通左之後，來往土瓜灣就快捷左好多！呢間日本料理有幾間分店，之前試過佢地西營盤店覺得不錯，見到土瓜灣有分店，一於來試下！仙鳳趾蠔🦪呢個真係不得了！超大超肥美！食落去好新鮮，一啲腥味都冇！盛讚！夢之丼🍱用得黎做點名既菜一定唔會差，呢個都係呢間店既招牌！裡面有好多種食材，海膽同三文魚好creamy，入口即化，三文魚籽同帶子好新鮮，值得一提既係中間個舊蝦，好軟糯，而且隱約會食到一陣酒香，十分特別。深海池魚刺身🍣呢個刺身旁邊有紫蘇花點綴，食既時候將啲花整落個刺身度，可以upgrade刺身既香氣！刺身肉質彈牙，好新鮮！融雪做得好好，完全冇腥味！蟹膏豆腐🧈呢個好驚喜！豆腐軟淋淋滑溜溜，蟹膏味濃郁，超級好味！左口魚邊壽司🍣左口魚超級軟淋，入口即化！柔煮鮑魚🍥呢個雖然係細細一份，但係鮑魚爽口彈牙，而且好貼心咁切開四份，輕輕用筷子一夾就可以食，細心位十分加分！花錦魚生丼🌸丼飯面鋪滿新鮮刺身，每一啖都好新鮮！中間就係一隻無菌蛋黃，撈埋啲飯一齊食到停唔到口呀！呢間啲食材真係好新鮮，而且環境清幽，坐位闊落，坐得好舒服！最後值得一提既係佢地服務態度超級好！特

自從屯馬線開通後，都會想發掘新餐廳覓食，今次去到宋皇台站土瓜灣呢個地方，地鐵站一岀行五分鐘左右就發現呢間專食日本丼飯既餐廳。入面裝修幾有日本風以木系為主，同有刺身吧台。當然要試試佢店主打既丼飯，要左一個推介必點既夢之丼，佢有三文魚、牡丹蝦、左口魚邊、海膽、松業蟹，喜愛日本刺身既可以一次過食哂咁多款，超正，岩哂選擇困難症既人。特別之處佢會跟配鮮橙汁醋，淋上丼飯，酸酸甜甜令整體味道昇華，好清新。每款刺身都好新鮮，仲要大大舊，超足料。另外又點了花錦魚生丼，呢款超多厚切魚生，好高質，日本直送。另外我地都要左牡丹蝦刺身，鮑魚同磯燒帆立貝，鐘意食海鮮既必點，好有驚喜，無論刺身都熟食都好高質，估唔到土瓜灣都會有咁正既日本丼飯，超級推介！

尋日趁住我同阿媽都放假，我哋中午嚟到土瓜灣呢邊食個lunch~阿媽話想食日本菜，咁啱見到呢間日本餐廳好似幾正，就想嚟試吓～前菜有沙律菜同埋麵豉湯，沙律菜酸酸甜甜幾開胃，麵豉湯幾好飲～夢之丼$298有新鮮嘅三文魚蓉🍣三文魚籽，牡丹蝦，海膽，帆立貝，葉蟹等等嘅刺身～超級豐富！幾鍾意三文魚蓉同三文魚籽，口感幾滑花錦魚生丼$188有唔同嘅魚生，好似三文魚籽，白身魚，櫻花蝦，甜蛋，玉子燒，蜆肉等等～超級多材料喺入邊，層次好豐富，甜蛋仲要係流心，幾正！左口魚邊壽司$96 2件炙燒壽司好香，入口即溶，邊邊有焦香嘅感覺，一啖食落去超級正！磯燒帆立貝$68大大隻帆立貝，肉質幾嫩滑，幾新鮮，配埋紫菜包住嚟帆立貝，十分之滋味蟹膏豆腐$48好軟滑嘅豆腐，燒得幾香，表面仲有啲蟹膏，入口好滑，好好味😋法國蠔$56兩件好新鮮嘅法國生蠔🦪配埋檸檬汁🍋酸酸甜甜，仲有好多肉汁，幾正！牡丹蝦刺身一隻$156一大隻牡丹蝦刺身，分為兩份，食落同樣覺得好新鮮，肉質幾滑

屯馬線開通之後, 真係可以去多好多地方。 今日同朋友過到黎土瓜灣，佢特別介紹要黎這間夢之丼試下。 所以今晚就黎試下啦。 佢對住大馬路既路口, 非常易搵, 一眼就見到。入到去就好有居酒屋既感覺。 一坐底就上味噌湯同沙律菜, 好有日本傳統既版面。我地特登點左2個丼飯, 因為真係好出名。 花錦魚生丼, 剛好有優惠, 真係好抵。 成個飯面都放滿晒角切魚生, 仲有好多魚籽, 熟蛋, 漬蛋, 好多餸味道又好夾。 而且佢下面既飯已經加左特別既豉油醬汁, 撈埋一齊食, 真係好正。夢之丼我估係佢地既招牌丼。 入面有大大隻牡丹蝦, 帶子, 拖羅, 吞拿, 本來仲有海膽, 可惜今日冇貨。 不過都夠鮮啦。 而食這個夢之丼仲配左個特別既柚子醋, 果然超好味。 飲左後再食飯, 真係更加鮮味。仲有磯燒帆立貝, 真係入口即溶, 又鮮甜。法國生蠔, 好少有日本餐廳有咁鮮味既蠔。當然唔少得食刺身: 深海池魚刺身, 牡丹蝦刺身(超大隻又爽口), 左口魚邊壽司。 冇諗過土瓜灣都有咁好水準既日式餐廳。 真係不能錯過。而最特別一提既係佢既廁所。 真係好少餐廳會有咁乾淨既廁所。 超級抵讚。