夢の丼 (Closed)

屯馬線開通後，去土瓜灣站好方便，今日我又去咗土瓜灣搵食，呢間日本餐廳街外見到幾吸引，咁就比我搵到隱世好嘢食 ，呢間夢之丼！必定要介紹法國蠔， 蟹膏豆腐同夢之丼 ！呢d都係特別難忘必定要點啊！首先喺日本嘅餐廳見到有生蠔已經好開心，上碟更加吸引，一睇就知道很新鮮，而且好細心，洗得好乾淨，仲將生蠔肉位痴住殼嘅部分幫你起左先，食落就好方便了，呢d細心位我很欣賞，食落好肥美，鮮甜， 充滿蠔味！蟹膏豆腐係驚喜之作，我覺得又係必嗌嘅菜式嚟， 因為成嚿豆腐好滑，而且係成嚿都充滿蟹味，初初仲可以為只係面加上蟹膏，但其實係成舊豆腐都係充滿蟹膏味 ，食落就好似成舊嘅蟹膏咁 ，又唔會漏，口感又好滑，真係超好食呀，店員提我地要趁熱食，不過影下相到食都搞左一陣，食個時仲暖暖地，如果真係上碟就即刻食，應該仲正！最後梗係食夢之丼啦，間舖頭叫夢之丼，所以佢呢個丼一定係最好食嘅， 我係咁諗咋，其他未試過，下次再試，一定再嚟。 講番個夢之丼先 ，佢魚生份量超級多 ，而且全部都好鮮甜新鮮， 有松葉蟹，海膽，牡丹蝦，左口邊魚 ，帆立貝 ，三文魚溶，三文魚子，佢嘅海膽同帆立貝好好食，鮮甜又新鮮，下次可以考慮海膽丼！ 店員上一個丼

土瓜灣呢個老區因為交通不便嘅關係，平時真係好少踏足，聽聞呢區都有不少特色小店美食，等咗好耐嘅屯馬線終於開通，一於過嚟探索土瓜灣，順便覓食！經過呢間日本餐廳，被店外日式裝修所吸引⋯法國生蠔海水味較淡，口感順滑，入口鮮甜，啱晒我口味！煙燻鰹魚經煙燻過嘅鰹魚，令魚肉多咗一個微煙燻味⋯煙燻香氣襯托出魚肉鮮甜，完全唔覺有腥味。慢煮鮑魚配肝醬鮑魚口感軟腍，配上清淡嘅肝醬，帶出鮑魚鮮味，感覺唔錯。磯燒北海道珍寶帆立貝「磯燒」係將海鮮保持原味食法嘅意思，帆立貝質地厚實，鮮甜彈牙，用紫菜包住嚟食，口感上增添一份脆口感。右口魚壽司右口魚經炙燒後油香四溢，食落軟滑，甘香無比，入口即溶，真係冇得頂！花錦魚生丼呢個丼而家做緊半價優惠，絕對係抵食之選！三文魚、白身魚、右口魚邊、三文魚子、松葉蟹、蜆肉等鋪滿飯上，而且用料非常新鮮，唔會因為做緊優惠而將貨就價！將所有配料連同玉子漬撈埋一齊食，口感豐富，蛋香滲入丼飯之中，質感圓潤…每啖飯都食到魚生，非常鮮味。夢の丼嚟得夢の丼，點可以唔試下佢個招牌「夢の丼」呢？賣相相當精美，配上時令魚生，有三文魚蓉、三文魚子、帆立貝、牡丹蝦、海膽、松葉蟹、右口魚邊，份量十足，每一款食材都

之前去過<夢之丼>食刺身丼飯，由於餐廳嘅刺身丼飯真係好好食，又勁新鮮，令我印象深刻，今次慶祝生日飯又來食番餐有質素嘅日本嘢！～平日晚上8點左右，都好多客人吖！不過好彩好快可以安排入座。餐廳供應的食物都有好多種，魚生、壽司、刺身、丼飯、燒物等等都有。由於我哋叫咗兩個丼飯，所以都會送一客麵豉湯和沙律菜。麵豉湯味道夠濃，而且沙律菜都非常新鮮爽甜。<左口魚邊壽司>左口魚肉非常之嫩滑，入口帶有魚油，非常肥美。<法國生蠔 $56/2隻>蠔肉非常新鮮，爽滑口感，入口味道清甜。<深海池魚刺身 $68>魚肉非常新鮮嫩滑，味道鮮甜。<柔煮鮑魚 $68>由於鮑魚本身非常新鮮，輕煮已經足夠，無須太多調味，就能更體會其原本鮮味，而且鮑魚肉質非常軟腍，值得推薦。<磯燒帆立貝 $68>重量級size的帆立貝，非常厚肉，外面輕輕烤過，用紫菜包住，咬下去依然保存住海鮮的鮮甜味道，極為美味。<花錦魚生丼 $94>魚生丼飯份量好多，最重要係連刺身材料同樣都爆滿，非常吸引呵！！刺身材料有三文魚、白身魚、赤蝦、左口魚

屯馬綫開通左一段日子，好耐都無去長沙灣個頭啦，於是今日同朋友去左果頭食下飯咁。好多店都慢慢換緊，見到一間日本料理好鬼吸引，一於幫襯下先！入到去地方寬敞，座位都好舒服，店員服務態度好好，詳細介紹有咩主打！打開餐單，除左壽司，刺身，小食之外，餐廳主打各式刺身飯丼，淨賣相都好吸引！事不宜遲，馬上落單先！朋友叫左花錦魚生丼材料勁豐富，有唔同雜錦魚刺身，有三文魚，三文魚子，蜆肉，蟹膏，加埋隻生雞蛋，撈埋一齊，啲飯醬汁師傅特別調製，味道一流！而我就叫左招牌菜，夢之丼！除左三文魚，牡丹蝦同埋帆立貝勁多肉，勁厚身，勁有鮮味！慢煮鮑魚配肝醬好鮮，肉質勁煙韌，咬落去唔會太實，有口感！磯燒北海道珍寶帆立貝燒到勁香，肉一樣勁厚，肉質紮實，鮮嫩多汁！右口魚邊壽司魚片燒得勁香，飯加左秘製醬汁，香濃可口！石垣貝刺身入口個種鮮味十足，清脆爽口，係勁好食，勁新鮮！法國生蠔好鮮同清海水味，入口幼滑，吞落去直滑喉嚨。好有水準。總結黎講，餐廳食材非常新鮮，一分錢一分貨，非常值得大家去食！

因為屯馬線開通左，去土瓜環食野方便左，就開發下果區嘅美食。先講幾個重點：⚠️門面牌有少少難睇到餐廳名夢の丼，要細心留意！⚠️餐廳環境好舒服，設計用心，好日本，好適合同朋友傾計慢慢坐⚠️一定要睇個洗手間，超級加分！好似日本咁，有提供埋漱口水，牙線，棉花棒，好細心。⚠️花錦魚生丼做緊期間限定半價，好抵食！丼飯選擇都好多，我同朋友揀左花錦魚生丼（半價！）有大量三文魚，白身魚，赤蝦，三文魚子等等，餐廳好大方，而且好厚切，真心大推介！飯係用左七星米，濕度剛剛好。夢之丼豪華之選，大大隻蝦牡丹蝦，厚厚嘅帆立貝，所有用料都好新鮮！海膽又唔苦，無得輸。法國生蠔超抵食，$28一隻，鮮甜又大隻。池魚刺身口感好特別，好厚肉，咬落去係爽口，有陣鮮甜品，未食過要試下蟹膏豆腐另一誠意之作，係超級濃郁嘅蟹膏味，又唔膩左口魚邊壽司咬落去食到好濃嘅油脂感，入口即溶，好滿足！但都係唔膩嘅！磯燒帆立貝用心製作，食到果陣好香嘅炭燒味，厚厚肉嘅帆立貝配埋塊紫菜食，好豐富嘅口感。最後一定要讚個味噌湯，平時我唔多飲，但呢間餐廳落埋蜆肉落去煮，飲落去有陣鮮甜味，想encore 要多碗添。總結：餐廳係超級用心去整每一道菜，好有心思，絕對對得住個

今日為慶祝朋友生日，咁啱朋友又中意食日本野，又見屯馬線開通，就去土瓜灣試下呢間日本野。入到去個裝修好grand，好有omakase 嘅feel，暗暗地好有feel。以下係ordered food:深海池魚 $68 超級新鮮肥美的刺身真係好好食，仲要係厚切，好想encore每人有一個salad 同湯個湯除左係海帶麵豉湯，入面仲有蜆肉添，好鮮好好飲法國蠔 $56其實應該係生蠔黎嘅，但想食蠔，又唔想食生，我就麻煩左店員可唔可以燒熟佢。好彩店員服務態度好好，即刻應承我話冇問題。燒左嘅法國蠔超級好味，都好鮮甜，又大大粒，好好味！柔煮鮑魚 $68唔好以為得一粒鮑魚好少，其實佢好大粒，上面仲有d膏，點埋wasabi豉油，真係好好味！左口魚裙邊壽司 $96佢啲壽司飯係有混合豉油，唔洗點䜴油已經夠曬味，個左口魚裙邊都好好食，入口即溶。磯燒帆立貝 $78超級大粒同鮮甜嘅帆立貝加上紫菜卷埋一齊食真係無敵上丼飯前，店員超好，送上兩個碗比我地分黎食夢之丼 $253 呢個丼真係一流，用嘅食材全部都係最靚最新鮮的。有兩粒大大粒嘅帶子，一隻蝦，左口魚裙邊，蟹肉，同三文魚蓉。推介！換個角度，見到啲飯都係上左色，唔係白飯

屯馬線可以發掘新食店位於土瓜灣既日式小店日式簡約風格設計環境舒適彷似置身於日本居酒屋OMAKASE海鮮丼食材新鮮刺身鮮甜☺️夢之丼招牌之選的海鮮丼有松葉蟹肉，也有海膽、帆立貝、三文魚蓉、三文魚子、牡丹蝦和右口魚邊等新鮮刺身再以三文魚蓉伴飯品嘗丼飯前店員建議可先淺嘗自家製橙醋作餐前酒按照橙的酸甜度以甘醋及糖等作調味橙醋味道甘甜中帶一點酸味十分醒胃然後再品嘗剌身刺身入口鮮味十足👍🏻😋冇得去到日本可以食下日本直送海鮮止止癮花錦魚生丼有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉等多款材料組成切角魚生特製調味配上粒粒日本米飯刺生丼鮮甜好味😋蟹皇醬燒蟹膏豆腐小店自家製嘅蟹皇醬蟹膏蟹膏味濃郁非常出色炙燒的一口豆腐好香滑推介👍🏻柔煮鮑魚用柔煮方法將鮑魚的鮮甜原汁原味鎖住鮑魚口感柔嫰又吾會太韌法國生蠔海水味和礦物味重入口creamy 細膩和層次生蠔質感爽口好味左口魚邊壽司左口魚邊超新鮮口感肥美又爽口炙燒後甘甜魚油滲出食落更覺濃郁甘香入口即溶黑鯥剌身赤鯥魚剌身有食過第一次試黑鯥魚剌身黑鯥屬於鱸魚目鯥魚科是一種深海型肉食性魚類肉質鮮甜無比刺身好重魚油味

好耐冇食丼飯啦，上網見到呢間丼飯專門店，就放工黎試下。叫咗個最出名嘅夢之丼，材料好豐富，有三文魚蓉，三文魚子，帆立貝，海膽，牡丹蝦，松葉蟹同右口魚邊，見到個賣相已經好覺得吸引，比較特別嘅係食飯之前要飲一啖橙醋清一清個口，之後再用帆立貝點少少橙醋嚟食，口感真係好正，有淡淡的橙香，酸酸地嘅味道帶出刺身本身嘅鮮味，而且每款刺身都好新鮮，份量又多，醋飯都係特別調味過，好有心思嘅一碗丼飯！另外試多個花錦魚生丼，而家做緊半價好抵食。呢個飯用咗好多唔同嘅刺身碎整成，有三文魚，白身魚，赤蝦，右口魚邊，金蟹子，三文魚子，櫻花蝦，蟹膏豆腐，甜蛋，松葉蟹，蜆肉等等加埋生雞蛋全部撈勻一齊食，口感好豐富，好味！另外叫咗幾個小食，蟹膏豆腐，濃味嘅蟹膏同清淡嘅豆腐好夾！柔煮鮑魚，鮑魚上面用咗由鮑魚膏整成嘅醬料，好特別，好味！左口魚邊壽司，炙燒過嘅左口魚好香口，油感滿滿～深海池魚刺身，好厚切，肉質好結實，好鮮味！黑鯥刺身，同樣厚切，有啲油脂入口好香口，肉質好幼滑！值得一題要試一試呢間餐廳嘅廁所，係日本全自動座廁，會自動開閂蓋，又會自動消毒，香港好少見～

屯馬開通真的很興奮嘅關係去土瓜灣方便左 咁就就下朋友去佢果頭啦 佢又講到有間日本嘢好正 就試試佢係咪好嘢無介紹 介紹無好嘢啦 🤣間嘢嘅門面喺土瓜灣呢啲舊區都算係高級餐廳 入到去 佢係用open kitchen形式 有方枱 有bar枱 都令我放一放心 畢竟食魚生最棹忌就係處理食材唔乾淨 但係佢open kitchen得 一定對自己處理食材有返咁上下信心先敢咁做我地嗌左佢嘅招牌夢之丼 花錦魚生丼 磯燒帆立貝 蟹膏豆腐 赤鯥魚八爪魚刺身 左口魚邊壽司個夢之丼真係算性價比高 因為佢俾嘅刺身真係好足料 同埋都係貴價刺身 啲海膽食落起碼有兩行 仲要係新鮮鮮甜果隻 帆立貝刺身係平時珍寶size果隻 仲有兩粒咁多 隻牡丹蝦都十分爽口鮮甜 蝦頭仲要有膏嘅 呢啲主角好就基本啦 但係佢嘅配角壽司飯用左赤醋 唔洗點豉油都已經好夠味 撈埋我最鍾意嘅三文魚子一齊食 口感脆卜卜 正！ 店員仲介紹左個橙醋 可以喺食呢個魚生飯之前飲一啖 又或者可以用嚟點帆立貝另外個花錦魚生丼係店員推介嘅 做緊半價 超抵！雖然做緊半價 但係佢嘅魚生一啲都唔少 同埋雖然係角切魚生 而份量都唔少 食哂啲飯都仲有魚生剩額外一提 佢每個飯都會跟

之前黎過食午餐覺得不錯，今次特登來試下佢的晚餐。坐位舒服，裝修也不錯。先上兩隻法國蠔，鮮甜好味，煙薰油甘魚及左口魚邊壽司也不錯。點了個阿櫻純米大吟釀，配住d魚生食很夾。接著上的是其招牌菜：慢煮鮑魚配肝醬，鮑魚煮得剛好，又諗又有口感，配上肝醬，正！另本想點磯燒北海道珍寶帆立貝，但已無，便點了蟹皇醬燒蟹膏豆腐。另外叫了些熱食，鹽燒一口牛好味，燒帆立貝煙肉卷也不錯，甘栗薯餅則一般。最後就係我最愛的夢之丼，賣相美、魚生也新鮮，尤其三文魚子及牡丹蝦，還有杯飲品清清味蕾，love it!

好耐冇食過魚生飯，朋友話土瓜灣有間唔錯，好近地鐵站，就決定去食。蟹皇醬燒蟹膏豆腐見餐廳推介就點左，果然係招牌菜，豆腐燒得香滑，表面香濃嘅蟹皇醬入口即溶，非常好味！磯燒北海道珍寶帆立貝我好鐘意食帆立貝，但都係第一次食咁大隻帆立貝，帆立貝燒得啱啱好，而且食落口感好好，仲係有鮮味，配埋紫菜食好夾。赤鮭魚刺身加水八爪魚赤鮭魚刺身肥美，位置上乘，表面有輕微燒過成功減少油膩感，水八爪魚非常新鮮，旁邊一串魚嘴亦都好爽口😋左口魚邊壽司不過不失，燒得啱啱好，舊飯都算實，唔會一夾就散。花錦魚生丼非常之足料又新鮮，包括有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉，全部都係切到好啱入口嘅size, 個飯底煮得唔錯，調味又唔會太咸。炎之丼好少見全熟嘅魚生丼就試吓，估唔到咁正，三文魚蓉、右口魚邊、牛油醬燒帆立貝、海膽醬甜蝦蓉同蟹膏豆腐都整得好好👍🏻總括而言，餐廳食物高質，位置方便，下次想食魚生飯會再去。

環境 ᴇɴᴠɪʀᴏɴᴍᴇɴᴛ☁️店鋪大小適中 進門口就係壽司吧檯 有omakase 另一邊同入面就食壽司同丼飯為主食物 ғᴏᴏᴅ🥢✦ 夢之丼 *:･ﾟ🦐 ✿ 🍳 ⤾·˚ ༘皇牌夢之丼𓇥✨ 飯面舖滿各式各樣貴價刺身 包括海膽 松葉蟹 牡丹蝦 左口魚邊 三文魚籽 三文魚蓉 帆立貝 非常足料 其中松葉蟹肉鮮甜 牡丹蝦彈牙厚身 海膽亦非常鮮味 唔會苦澀( ˶ˆ꒳ˆ˵ ) 店家仲附上檸檬醋 可以輕輕飲一小啖 再決定加唔加入飯中 如果想試多款魚生 記住揀呢個✦ 二重親子丼 ⌗ ⛩ ╯🍲 ⸝⸝ ˚📎 𓐄同樣特別既親子丼ദ്ദി^._.^) 今次鋪上三文魚籽 金蟹籽 松葉蟹 三文魚蓉 蟹膏豆腐 特別講下兩款籽類 三文魚籽大大粒 好juicy 金蟹籽非常爽口 送飯一流 ✦ 秘醬三文魚丼 ⸝ ⸝ 🥕 𓍲 🎏 𓂋𓈒少人揀唔代表唔好食! 三文魚控唔好灰心 雖然呢款丼唔係主打 但係佢喺當日最受我地歡迎 飯面有三文魚 三文魚蓉 洋蔥碎 大葉碎 飯加左醬料 已經好有味𑁍܀ 另外仲有芝麻粒另上 可以自己磨碎再加入飯度架✦ 特上壽司定食9貫 ⁺彡🎨 🍣⋆◞個人最推薦～ 如果唔想omakase價錢 又想食到高質廚師推介壽

夢の丼 $298鎮店之寶，全店最上乘嘅食材，盡在這一碗！包括三文魚蓉、三文魚子、帆立貝、海膽、牡丹蝦、松葉蟹、右口魚邊、同埋極肥美嘅大拖羅！全部都係撈飯精選，味鮮而濃厚，啲魚油仲滲晒落啲赤醋飯度，真係滋味無窮！特別跟咗Shot自家製橙醋，酸味溫和，帶住鮮橙嘅香甜，得閒呷返一小啖，油膩感馬上消除，可以大幅提升戰鬥力，多多都食得落！仲有85折優惠！丼飯會跟麵豉湯同埋沙律，麵豉湯有蝦油嘅香，格外鮮味！花錦魚生丼 $188做緊半價，只需$94就嘆盡十幾款新鮮魚料！當中嘅蟹膏、櫻花蝦、松葉蟹同埋蜆肉，將鮮味堆疊到爆錶！漬玉子更見一絕，令整碗丼飯變得濃厚美味！赤鯥魚刺身 $88金目鯛刺身 $98火炙過嘅赤鯥魚刺身標晒油，皮香肉滑，油分非常甘香！火炙金目鯛刺身入口十分甜美，好新鮮！火炙右口魚邊壽司 $48/pc燒到出晒油，肥美又香口，不愧為推介美食之一！磯燒北海道珍寶帆立貝 $68真係好大粒，醬油嘅香完全掩蓋唔住帆立貝嘅鮮甜味，正！慢煮鮑魚配肝醬 $68鮑魚煮至軟腍可口，以鮑魚肝醬調味，鮮上加鮮！

土瓜灣不嬲都多野食，今日去開果頭，就約埋朋友仔上去試下啦😌一坐低就有沙律同味噌湯！服務員服務好好，店既裝修都好靚，好岩帶埋女仔過黎拍下拖😊😌夢之丼好推介！有大蝦、帶子、魚春、海膽、左口魚邊、三文魚蓉同松葉蟹等等食完去有吾同口感😌好新鮮好飽😂😂佢配左個橙醋，可以點帶子/ 先飲醋再食😇都幾特別！花錦魚生飯做緊半價！！必叫！勁多料，完全吾會偷工減料😌😊米漪白蠔😍日本蠔不嬲都吾會好濃味、而係肥肥地既淡淡海水🌊，岩哂吾鐘意濃味既朋友！大過隻手😃😃左口魚邊壽司整得好好食😍小小炭燒味，入口即化，必點！飯亦都好軟香😊如果坐吧台仲可以望住師傅整😁總括黎講，係值得推介既高質既壽司店😊

第一次撘去土瓜灣站，都幾近係A出口行大概5分鐘就到👍🏼👍🏼入面環境好舒服，個燈令人好似係屋企咁，同朋友傾計啱唒佢坐底叫咗野食，就會送上一碗熱辣辣嘅麵豉湯同沙律菜！麵豉湯來講，十分高質！好好味，有蜆肉而且明顯有煮過，而唔係開粉！沙律菜都新鮮❤️二重親子丼好special!用料高級👍🏼👍🏼佢飯並不是普通珍珠米，而係有撈過啲醬油，所以我覺得唔加鼓油都夠唒味🤣主要有三文魚子，三文魚，蟹肉，蟹膏成個配搭好鮮，好好食咼！！！賣相亦不錯，刺激眼球！花錦魚生丼性價比高啲！我本人反而鍾意這個🤣啲刺身唔只角落咁細㗎，再大啲而且質素唔差好肥美👍🏼再將蛋黃撈埋一齊，好正👍🏼👍🏼👍🏼質素真係唔話得！！！左口魚邊壽司火炙過，入口即溶！一食個人醒唒，無得輸👍🏼法國生蠔x2好新鮮唔會好腥！！如果多啲檸檬會開心啲🤣🤣但好肥美！正磯燒帆立貝帆立貝厚切，而且燒完熱辣辣食個味好唔同👍🏼鮑魚鵝肝醬好特別嘅配搭！第一次咁樣食，但係又出奇地match👍🏼鵰魚刺身超級厚切！！咬口有啲似油甘魚，但係冇油甘魚咁重味嘅！！整體來講我覺得丼真係冇得輸🥰🥰好好味😋值得encore！！