新蒸武門 (Closed)

男朋友知我鍾意飲湯食住家菜今日就帶左我去一間係觀塘駱駝漆既私房菜食晚飯 話比我感受家的味道桂圓紅棗菊花茶一坐低已經見到跟住就有台員黎幫手沖熱水浸泡之後飲味道茶味帶點點酸 好開胃今日既湯水係茶樹菇蟲草花豬展湯同男朋友一人一壺 清清淡淡無味精入面有桂圓、豬展同大量蟲草花茶樹菇 用料十足 飲到一滴不剩鳳梨咕嚕肉豬肉唔肥 炸得十分酥脆加上菠蘿、青紅椒炒得好香酸酸甜甜 送飯就最岩時菜炒龍躉球龍躉舖滿滿 咬落去肉質彈牙底下面亦都鋪滿菜心 用蒜蓉炒個得十分香翠肉瓜雲耳炒百合都係清清既一道菜 好味又健康三餸一湯 全部都冇落味精食到家嘅感覺 好滿足

Not to celebrate the Valentines but to have a dinner with my fiancee.We were looking for a place and ended up in this cafe as we have come here previously Diner was ok. Good tea and the fried bean curd rollsShe had a steamed chicken with is one of their signature A small cute girl served us at her best 🙂🙂Thank you.

突然想食中式同好住家既晚餐，好體貼既另一半就提議去觀塘工廈既「新蒸武門」。由於我哋臨時決定，沒有預早訂枱，決定直接上門碰碰運氣。甫踏入門口，只見幾張大枱已坐滿食客，幸好近門口位置有張未有人「佔領」既二人枱，建議預早訂枱會比較安全。打開餐牌及環顧四周枱上的餸菜，終於明白為何大多是6-10人為一組來光顧。我們倆唯有點最想吃、最想試的幾道菜-是日響螺燉湯、土魷蓮藕煎肉餅同籠仔斑頭腩（加炒底）。點菜中途已有侍應送上足料八寶茶，端上傳統黃色茶杯時，更感餐廳負責人對於用具都別有心思。燉湯內既肉、響螺、淮山、杞子等材料清晰可見，呷一口已感受到其鮮甜味，難怪它的湯品頗受歡迎。喜愛煎肉餅既我本來較喜愛以飯一起混合品嚐，皆因肉餅較為油膩，但「新蒸武門」既肉餅既可口，同時可讓人嘴嚼到魷魚粒、蓮藕粒，整個感覺絕不非常油膩，沒有白飯既時候更能嚐到此道菜的真正味道。試完湯及一道菜後，我們開始試試已焗了約半小時的八寶茶，味道清新，飲後令剛才有些膩的感覺完全清空，令人再有清新既口腔嚐嚐最後一道菜。配有炒底既飯滲透著荷葉的香氣及斑腩的少許油脂，頗為香口。另斑頭腩每片的厚薄均勻。對於兩個人來說份量剛好。

上網見到咁多好評，就諗住夜晚喺度試吓係咪真係咁好食。我哋叫咗個龍躉海鮮套餐，但係好一般。如果用呢一個價錢係呢一個地方食呢一啲咁嘅質素嘅食物我會寧願俾貴多少少去好啲嘅餐廳食。個套餐先有一個涼拌木耳同埋燉湯。要讚一讚個湯，湯料係好足，而且上碟嘅時候好熱騰騰都幾新鮮，都飲得出佢係冇味精嘅但係個木耳就非常之失望，好咸好酸，酸到以為自己飲緊醋難以入口。再黎就係豉油虎蝦，個蝦係幾大隻嘅 啲肉都好實但係調味又係落得太重手好咸。之後就係一個時菜炒龍躉球，個龍躉球口感係幾滑嘅而且都分量多，菜心都炒得幾好算係唔錯。跟住就有一個秘製頭抽雞，呢個就冇乜特別啦但好明顯食得出係唔新鮮而係雪藏雞，用咗好大量嘅調味去掩蓋佢嘅雪藏味再嚟一個蟹肉扒西蘭花，蟹肉就冇乜幾多啦但係個芡汁係做得唔錯嘅，不過佢啲西蘭花切得有啲碎。另一個就係魚肚香菇扒鮑魚，呢一個價錢就唔好期望佢有大隻鮑魚啦，啲鮑魚叫做食得下人咁啦但係個魚肚同埋嗰個香菇真係唔合格完全唔入味仲要係唔冧ge，又係難以入口。比較出色少少嘅會係籠仔蒸龍躉腩同埋蒜蓉粉絲扇貝，個龍躉腩係好香口好滑，啲粉絲索晒啲汁好好食然之後嗰個扇貝都係，好大粒，蒜香味重。整體來講呢間飯店嘅水準

捐完血要搵個地方補補，見到呢間嘢有紅棗花茶，食譜又夠正氣，所以就去試試。叫咗個二人套餐，首先就嚟杯茶先，落熱水後要焗佢至出味，但花味已經蓋過曬其他材料味。跟住有個蜇小食，肚餓就覺得佢特別好味跟住到湯，好熱好熱，菇味好濃，都算唔錯每人一隻類似美極蝦嘅嘢，味道同新鮮度都不錯普通嘅西蘭花魚柳因為唔太食雞，佢哋都肯轉咗個湯瓜（當然價錢低D架啦）最似樣個碟上嚟嘞，就係鮑魚，味道同質地還可最後欖角炒飯，最好味原來係呢個，不過兩個女仔已經食唔曬😂 打包不過成日要叫至加水，開蓋又唔理你，個杯咁細，又唔好意思成日叫你加水，建議你加個保溫水壺比客自斟自飲啦！

星期六 觀塘區晚上選擇不多我同男朋友見呢間評價不錯 點知中晒伏！叫左煎土魷藕餅 同 焗雞。肉餅味非常普通，講就講話有蓮藕，完全食唔出 睇唔到有土魷 同 蓮藕！食晒成個「肉餅」之後，另一個焗雞 成個鐘後先到！仲要無咩味道 等左甘耐好失望，又餓又嬲其他臺多數係一家老小 上菜都好快，唔通2個人都唔算係客人咩？！價錢唔算平 沒有應有出質素，地下見到筷子 無職員去執 ，甘高評價 完全唔明白為什麼！可能以前好好味 好好服侍啦 ！但而家既質素可以講係：伏

繼上次話要多啲去觀塘覓食 即刻在openrice做左唔少功課 見到呢間炒小菜 標榜冇味精 唔少評語話有住家嘅味道 所以我便預約了 帶媽媽來試一試☺️一坐下 職員已經友善地為我們準備特別的茶 入邊有茶葉紅棗杞子圓肉等等 在焗茶的同時 我們先考慮餐單📋職員推介二人套餐 試餐廳的招牌菜 雖然份量會是二人份 但我必須要講 我和媽媽都是捧着肚子回家 份量非常充足😂打頭陣的萵筍是涼拌菜式 酸的味道令我們非常開胃 萵筍亦非常爽脆 除此之外就有猴頭菇豬展燉湯 湯頭清澈無渣 十分甜 飲得出冇味精而小小一盅的湯料入面還有兩大隻菇 螺片 豬展 杞子圓肉 太好飲了💯接着職員便送上脆皮墨魚條 望落雖然平平無奇 不過配埋甜酸醬 食落又幾惹味 不錯接著有全晚我最喜愛的豉油王虎蝦！一上枱 豉油的香氣撲鼻 好有鑊氣而蝦身好大隻 一打開仲有蝦膏🤩肉質剛剛好熟 鮮甜爽口 好想encore😋😋😋媽媽最like的是荷葉蟲草蒸雞和炒龍躉球🍽佢話好耐冇食過真係帶荷葉清香味的雞球 雞好滑 冇過濃的調味 最吸引是放底的粉絲和金菇 吸晒所有精華👍🏻炒龍躉球亦都有四大片 口感滑嫩骨膠原十足 小倆口其實好抵食！照燒豬柳真係好有媽媽的感覺 都係

今晚約了朋友去了很久沒有去的觀塘區食晚飯，餐廳主打住家菜，很適合數日沒有在家食晚飯的我。一於什麼也不想，點個二人套餐試下。值得一提的是八寶茶，清香可口。雖然每道菜份量不是特別大，但是菜式多，七餸一湯，兩個人食其實很飽足。最喜歡當然是無味精是日燉湯啦！很清甜！蒸雞亦是我的最愛，熱辣辣，還配有粉絲呢！西蘭花龍躉球我都好欣賞，菜夠爽，魚夠滑。地方細細，但大的圓枱很多，一家人不想煮飯，又想食住家飯，可以試下。

嗰晚放工無野做约埋班朋友食晚飯，本身喺秀茂坪返工，所以落去觀塘話咁易。我哋幾個誤打誤撞去到呢間工厦私房菜，喺門口睇過 open rice 嘅食評，見無乜劣評，咪入去試吓囉。店内裝修簡約，乾淨企理，枱與枱之間的距離寬闊，令食客坐得舒服，有私人空間。讚 ! 甫坐下，先來一杯八寶茶，食店喺茶方面都好落本。雖然杯茶清清哋，但飲到尾都仲有味。跟住我哋叫咗土鱿蓮藕煎肉餅、籠仔蒸龍躉腩（炒飯底）及古法黃酒煮雞，以上菜式都是店主推介菜。黃酒煮雞上菜時聞到陣陣嘅酒香味，酒配雞的味道很夾，雞的份量很足，但略嫌太咸，如果能夠清淡一點，相信食味會較佳。土魷煎蓮藕餅賣相可以，煎得恰到好處，一碟八大件很得體，豬肉吃得出很新鮮。可能用油過多，吃時有種油膩感。籠仔蒸龍躉腩很出色，配炒飯底上卻出奇不油膩，龍躉腩很鮮味，大大片鋪在飯上蒸，很入味，份量很足，絕不欺客。讚！總括而言，此店的菜式不過不失，一試無妨！

-話說有朋自遠方來，所以親戚們就特登搵咗呢間私房菜食。講真我對上嗰次上工廈食飯已經係n年前嘅事。 好在呢間環境都ok，就算泊車唔方便，地方都就腳，搭地鐵再行多十分鐘到就到。茶芥 ~ 八寶茶： 飲頭幾杯都仲夠味，之後就開始變淡味啦。時菜炒龍躉球：脆皮墨魚條： 強力推介好好味！！ 外脆內軟，食咗一粒粒嘅墨魚肉。土魷蓮藕煎肉餅：芥末牛柳粒： 芥末汁好特別，出面食唔到。黑椒牛柳粒：是日燉湯 ~ 茶樹菇蟲草花燉豬展： 每日都會有不同嘅精選燉湯。香菇杞子北菇銀山焗雞： 係覺得好入味、好惹味，但係份量應該得三分一隻雞。籠仔蒸龍躉腩茄炒飯：黃金蝦：西蘭花炒帶子：__________地址：觀塘開源道60號駱駝漆大廈 3座1樓Q室

今晚同爹哋食晚飯，爹哋中意食中菜，但酒樓又怕吵同多人，見到依間餐廳好像不錯，仲有爹哋最中意嘅中式燉湯，就決定試下☺️坐低無耐就有人加水沖茶，好特別，佢係有舊式茶杯，裏面有菊花，紅棗咁，好有feel~燉湯一定要叫，十分足料，而且好入味，好好飲😋👍肉餅好香好味，平時好多肉餅都好鹹，但係因為佢落咗蓮藕，個味道冇咁鹹，清淡啲，啱啱好爹哋鍾意食海鮮，就叫左一個乾燒明蝦，啲蝦好大隻，好多肉之後叫咗個菜心，份量都唔少總括來講，食物質素唔錯，份量唔細，其實三個餸三至四個人食都夠，一間有心嘅小店👍

真係一D都唔好食！之前睇D文章都話可以！今天出食～好失望！冇下次完！仲要我打80字～真係冇咩好打～食左個蒸龍躉炒飯底！一D都唔夾~黃酒蒸雞冇酒味、雞唔入味難食～完

一坐低就有茶飲，係菊花八寶茶，幾特別，感覺係好養生健康。是日燉湯($42)，每日都有唔同，呢個係有蟲草花同豬𦟌，見到細細個燉盅塞滿湯料，絕對真材實料，飲落好似媽咪煲既靚湯，絕對唔係出面求其既例湯。土魷蓮藕煎肉餅($88)，蒸肉餅就食得多，煎既版本比較少食，欣賞佢整到每件細細件，而且煎得金黃，食落好香口，入面仲有d肉汁，仲有蓮藕粒增加口感，餸飯一流。籠仔蒸龍躉腩($148)，雖然我平時唔太鍾意食魚，因為怕腥，但呢個我都食左幾舊，值得一讚。魚肉新鮮肉質爽滑結實，仲有粉絲同豆卜索晒d精華，但蒜味可以再香d。黃金蝦($178)，每隻蝦都沾上厚厚既咸蛋黃，超級邪惡！咸蛋黃既鹹香令到成道菜非常惹味可口，蝦肉爽口彈牙，令我忍唔住一隻接一隻放入口。蟹肉扒西蘭花($88)，最後揀左個清清地既蔬菜，蟹肉茨汁清甜配上我最喜歡吃既西蘭花，清新一下味蕾。

今晚約媽媽吃飯，她說有點上火，不想吃煎炸的東西，那蒸的就最好不過了。從官塘地鐵站走過來駱駝漆大廈非常近。時菜吵龍躉球：龍躉入口嫩滑無骨，搭配西蘭花時蔬，配色好看，鮮味十足。香煎腐皮卷：腐皮卷色澤金黃，滿口豆香味，外酥脆內餡木耳胡蘿蔔爽口。脆皮墨魚條：墨魚彈牙，表皮酥脆，還是比較喜歡打底的炸粉絲，脆脆的好吃。螺片配娃娃菜很鮮嫩，這合健身減脂期的人，大愛！湯是猴菇瘦肉螺肉，還有龍眼枸杞，味道濃香，秋冬進補不錯。晚餐很這合媽媽，煎炸的菜當然是我喜歡的，嘻嘻～

同朋友放工後醫肚，突然想食下中菜，就黎到新蒸武門。 猴頭菇螺片燉豬 $42 最鐘意飲中湯, 燉左好耐火喉岩岩好, 味道濃郁入味。 脆皮墨魚條 $88 墨魚條炸得香脆，又唔會太膩，咬落相當煙韌。 西蘭花炒帶子 $148 諗住點d蔬菜健康d就叫左呢道小菜，帶子炒得香而惹味，又不失鮮味。 香菇杞子北芪銀山焗雞 $98 雞充滿菇既香氣，口感幾嫩滑，加左杞子幾養生，味道唔錯。 今餐感覺好有住家飯既味道，食物質素唔錯，下次會再黎。