古琴雅苑 (QRE Plaza)

Open Now

Now Closed

上海菜館@灣仔專程來到皇后大道東QRF 19樓品嘗上海菜式：🥢金華火腿濃湯津白津白色澤亮麗又甜又冧，配合濃郁金腿二者夾食，一濃一淡味道天衣無縫，確實有一手！✌🏼✌🏼🥢🦀🍚蟹粉蓋飯蟹肉鮮美汁濃惹味，帶有些微海水風味，淋上整碟白飯令人食不停口，而且食落鹹香鹹香又唔會有腥味，這味菜式做得不錯👌🏼👌🏼！🥢南翔小籠包每隻小籠包底部都有一塊厚薄適中的紅蘿蔔🥕，廚師🧑🏼‍🍳有可能想防止包汁滲出，保留原汁原味，而食落真係汁濃肉甜包皮柔軟可口！👍👍Like🥢鹹脆花生🥜餐前端來一碟惹味花生，爽口好食咬落卜卜響，飲啖芬芳嘅玫瑰🌹茘枝茶🫖，天下絕配！餐館晚上10時就打洋，訂柗要早啲！📞📞

黎到叫半隻片皮鴨，要先讚讚師傅刀功片得恰到好處，而個鴨皮亦好香，最香嘅無咩肥肉嘅部位，片起左幾件點糖食，夠油香。餅皮煙韌唔會好易穿，配料有蔥、哈蜜瓜、青瓜；醬料有酸梅醬同甜醬，半隻份量亦比預期多，可以order多份餅皮。除左片皮鴨，招牌擔擔麵同金腿湯津白都唔錯，麵彈牙而湯底夠花生香味，食落有肉碎有多一重口感；浸住津白嘅金腿湯夠咸香，食落清清地都幾夾片皮鴨食。似乎定期有新餐牌，今期係春日菜色，個「爆火鮑魚小炒肉」個樣幾吸引。

可能係全香港最好食嘅片皮鴨現今嗰個北上消費，一來一回，需時甚多，在香港，其實也有很多餐廳比起內地也有過之而無不及，今次到了灣仔的古琴雅苑。這裏主打烤北京填鴨和其他各式各樣的北方食品。烤北京填鴨，半份$218鴨皮烤得香脆，鴨肉多汁，配上京蔥黃瓜哈密瓜等配料，口感豐富，加上秘製酸梅醬和香醋，非常解膩。南翔小籠包肉餡飽滿，皮薄多汁，咬落去一口爆汁，肉汁鮮味。奶油津白鹹香的金華火腿，加上濃濃的上湯，簡單得來味道非常豐富。這裏片皮鴨來自北京的全聚德，不用北上也能品嚐到正宗的傳統北京菜式，人均消費才二百多元，實在非常難得。 地址灣仔皇后大道東202號QRE Plaza 19樓19/F, QRE Plaza, 202 Queen's Road East, Wan Chai港鐵灣仔站 B2 出口, 步行約5分鐘

正月十五，星期六，6:30晚市入座。餐廳地址係19樓，但職員叫我哋去10樓入座。但10樓其實係日式餐廳，但佢哋有畀古琴雅苑餐牌，所以我哋照食。我哋去到嗰陣間餐廳好少人，佢畀咗最出面張枱我哋。後嚟我見大部分book 咗枱嘅，其實都同我哋一樣係19樓落嚟食中菜。間唔中有一兩個人walk in 食日式食物，於是佢哋就係間日式餐廳畀食片皮鴨嘅人包圍嘅情況下食日式料理。叫咗：1. 鴨肉炒飯（$118）見到鴨肉粒，但個炒飯食落得鹽味，唔係好鹹但完全食唔出其他味。2. 紅油抄手（$85）正常無咩特別，但得6粒，性價比低。3. 宮保雞丁（$152）正常，但鑊氣唔夠。4. 黃金蝦球（$208）正常，好食，但得8嚿，貴咗啲。5. 松子魚（$258）魚幾大條，調味幾好，但汁太黏稠太糊。6. 酸辣湯（$158）鹽味酸辣湯，係酸同辣味都好淡，鹽味仲出過酸辣味。太貴。7. 醉雞（OpenRice 定位優惠，免費）廚師整得幾好，而且無因為係免費就細細碟。員工友善但餐廳服務方式無咩誠意。

聽聞古琴雅苑水準浮動，有時好好，有時唔好，決定去try下咩料。個場都算好full，都坐得迫迫地，多人的話安排卡位就會比較理想。片皮鴨都有肉汁，配菜都算好食，及格之上，價錢都算合理抵食，推薦！鴨仔碟幾可愛🦆蟹黃蓋飯就嫌味道不夠濃，有些lup身，不過不失。上海炒年糕好煙韌，幾好味👍🏻👍🏻小籠包就失色啲，可以略過不叫。送的前菜小碟就無咩特別，有青瓜雲耳這些基本涼菜，餚肉都不錯。整體可以嘗試👍🏻

好鍾意食片皮鴨今次就去左間餐廳食茶位每位$18 最特別係片皮鴨配料有蜜瓜比較少見 但味道又好夾🔸至尊拼盤 $208至尊拼盤嘅擺盤好有心思，主角係放喺中間嘅花雕醉雞，雞肉非常滑溜，花雕酒味香濃，亦都好入味。醉雕旁邊有四款涼菜，分別係雞絲粉皮、手拍黃瓜、四喜烤麩同埋水間肉，四款涼菜都非常美味。🔸烤北京填鴨 $218一碟都有成二十片，填鴨嘅皮烤到色澤好亮麗，食落非常香脆，烤鴨嘅油香味非常濃厚，肉質嫩滑多汁，配上傳統京醬同埋青瓜絲、蜜瓜、京蔥絲等等包埋一齊食勁夾，口感好有層次。

母親大人好鍾意食片皮鴨，前幾日就book咗呢間中菜一家人食。٩(˃̶͈̀௰˂̶͈́)و烤北京填鴨 (半隻) 上填鴨之前有一碟一口酥，係鴨皮最脆最油膩嘅部分，可以點砂糖或者黃梅醬食，口感酥脆，入口即溶。片皮鴨肥瘦均勻，鴨皮燒得啱啱好，皮脆肉嫩，有油香，唔會太油膩。餅皮厚薄適中，好煙韌，配料就有青瓜、密瓜、京蔥同甜醬，包住一齊食好滿足。至尊拼盤至尊拼盤有揚州水晶肉、手拍青瓜、雞絲粉皮、花雕醉雞同四喜烤麩。手拍青瓜十分開胃。四喜烤麩內有毛豆、雲耳同埋冬菇，花雕醉雞酒香味濃，肉質嫩滑。鮑魚小炒肉鮑魚小炒肉味道濃郁。鮑魚片彈牙，加上豬肉片炒得香口惹味。古琴炒飯 炒飯好大碟，調味好足夠，有好多蝦仁，炒得有鑊氣。

最近做冬就去咗位於灣仔嘅古琴雅苑餐廳🥰每張枱上都有「暖冬窩心」餐牌，介紹咗餐廳嘅招牌小食主菜😍北京烤鴨👍👍片皮鴨的皮酥脆，肉質鮮嫩多汁，每一口都油脂爆發，加上白糖又係一度可口嘅零食。經典搭配需要用甜麵醬，蔥絲，青瓜絲，哈密瓜絲。口感豐富，小編都忍唔住食咗六舊！嫩雞煨麵🐥每一次食片皮鴨都必須要叫返碗清湯雞麵，食返少少澱粉質，同時用雞湯清一清啲油膩感💖至尊拼盤分別有花雕醉雞、雞絲涼皮、四喜烤麩、水晶肴肉同埋刀拍黃瓜🥒小編就最愛花雕醉雞，啖啖肉得來，雞皮非常爽脆，仲有好香濃嘅花雕酒味古琴雅苑 (灣仔QRE Plaza)灣仔皇后大道東202號QRE Plaza 19樓

1. Book 9人位，擺7對筷子，叫咗要多兩對，叫足半個鐘都冇，咁我唯有自己去攞，個負責人黑口黑面2. 要4個飯，餸都就食完，飯都未到，又再一次親自上前去問，個負責人叫我唔好催，大佬，我餸都就食完，唔宜家催要等幾時？3. 到埋單，明明叫2嘅，數量就變4，同個負責人講，又黑口黑面4. 明明俾咗訂，又扮唔記得扣返訂金，好聲好氣同佢講之前俾咗訂金，個負責人又叫人唔好嘈佢，話會搞到佢亂哂大佬，你咁嘅服務態度，我比你仲亂啊食餐團年飯，乜都要自助都算啦，仲要俾你（肥肥地個短頭中年女性）黑口黑面對待，真心嘥錢買難受

年三十晚已經訂好位，而且按店舖要求付了$500訂金，準時到達前幾分鐘收到電話確認，但到達前台時姓譚知客說找不到我們訂位紀錄，我們一邊在等，知客先接待其他客戶不斷讓他們進場，等了15分鐘後發覺原來知客搞錯，把我們訂座紀錄（鉛筆字）擦走了，而樓面已經滿座，沒有位置給我們。之後知客要求我們去另一層一家火鍋酒家入座，但因為座位擠逼加上火鍋氣味很大，我們拒絕了。後來回到前台要求管理層或者經理出來解析，知客一直堅持說店舖裡沒有任何經理或者管理層，因為經理要跑幾家分店，最後唯有退訂離開。很不愉快的經歷，以後絕對不會來了。

蒜子時蔬會係菜心，每條個菜頭都係啡色爛嘅，唔似有摘過菜。半盒都係水，係就係有蒜子，但點都估唔到會係烚菜。黑醋骨又硬又鞋，似煲完湯攞去浸醋。有好多完全無肉痴住單獨一舊骨。

餐廳特色北京烤鴨，當然要一試！這裡室內裝修大一點古典設計。喜歡他們的產品選擇豐富有玫瑰花茶，菊花茶等選擇。᪥北京烤鴨這裡的北京烤鴨有別於平日吃的，京式造法很特別，先上了鴨胸最嫩滑的部份,是廚師推介，鴨胸片蘸白沙糖，將鴨胸點上砂糖入口即溶，喚醒了味蕾。這裡用了青瓜京蔥哈密瓜作為配料。哈密瓜清新，另配上了京醬秘制蜂蜜黃梅醬，真的是很特別，完全不像我平日吃的。᪥至尊拼盤至尊評判，包含了計時粉皮,醉雞,肴肉，酸拍青瓜和齋，款款也很精緻。特別喜歡肴肉，是小朋友至愛。蟹粉鮮魚羹橙黃色的湯羹，蟹粉豐富，湯羹比較厚身，也足料！魚肉細滑有鮮味。🐲農歷新年就快到了！餐廳推出龍年吉祥套餐，有二人餐至十二人餐也各有選擇，可以品嘗到餐廳特色美食更優惠吸引。

上年食過佢地既片皮鴨之後，一直對呢間餐廳有好既印象，難得朋友今次話想食中菜，於是我即刻訂座。 我地共叫左4樣野，分別如下： 🦆烤北京填鴨（半隻）$228：非常出色，難怪係店入面既招牌菜！鴨皮烤得香脆，肉質嫩滑唔酥，麵皮剛蒸好唔係凍既，搭配附上既6小碟配料及醬汁，簡直絕配💯💯 🍜招牌擔擔麵（少辣）$92：一上枱已經聞到好香既花生醬味，雖然湯底望落唔太杰身，但唔會好淡，辣味亦夠，對唔太食得辣既人黎講剛剛好🤩👍🏻 🍜開洋蔥油伴麵 $92：味道咸香，面頭有好多隻蝦仔，每條麵條都掛滿蔥油 🥛豆漿 $38：正常發揮 上述食物份量剛好，兩個人食到捧住個肚走，將來會再黎Encore😋😋

嚟呢度一定要食片皮鴨😋我哋叫咗半隻片皮鴨、鴨皮酥脆帶油香，鴨肉鮮嫩，配上甜麵醬同蔥絲，yummy~ 至尊拼盆包括四種小吃：四起烤麩、醉雞、雞絲粉皮、鎮江肴肉同雲耳青瓜。四起烤麩係以麩皮夠入味，配上各種醬料，味道豐富。醉雞係以雞肉煮熟後浸泡喺特製醉雞湯汁入面，味道鮮美。雞絲粉皮係以粉皮同雞絲拌炒而成，麻醬好味。鎮江肴肉夠傳統。最後，雲耳青瓜爽脆，增添口感。小籠包滿滿嘅湯汁及豬肉餡。一口咬落湯汁滿滿，味道鮮美。另外，火腿津白係一道簡單美味。火腿帶咸香，配上津白菜🥬。

食過一次嘅古琴雅苑，家人大讚高質，今次再嚟食，適逢仲係冬日有「暖冬窩心」系列，款款都好吸引，不過今次得兩個人，所以揀得唔多款🦆北京烤鴨超高質片皮鴨，片皮鴨一啲都唔油，十分厲害，食落冇咁有罪惡感，皮同肉比例剛好，包住配料食味道口感很讚😋好好食🉐除咗常見嘅烤鴨醬，呢到仲有甜酸醬，較清新又可解油膩感，鐘意呢個醬👍🏻另外除咗🥒青瓜絲，仲有🍈哈密瓜絲，一樣新穎，配搭都好好👍🏻🦀蟹粉扒豆苗本身好想食菜，難得有少食嘅豆苗，一定要食😋豆苗超嫩無渣👍🏻當然加埋蟹粉更加正，即刻矜貴不少，味道更提鮮🉐🚩古琴雅苑 (QRE Plaza) (灣仔) 📍灣仔皇后大道東202號QRE Plaza 19樓