Video
4-min walk from Exit A, Austin MTR Station
continue reading
Telephone
26872128
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
又濕又凍既天氣最啱就係食韓國野暖下身, 事隔幾年黎返呢間位於佐敦韓國人主理既韓式餐廳, 呢度既裝修好有feel, 食物選擇好多, 有啲仲係香港其他韓國餐廳比較少見😌石鍋拌飯🍲 ($92)超級熱辣辣既石鍋拌飯可以選擇配牛/雞/豬, 有各式既配料, 最重點係要將生蛋用飯蓋一蓋住整到佢熟熟地再撈就會有蛋飯既味道, 個鍋係熱到可以整到飯焦, 加埋辣醬一齊食超正, 食完成個人暖曬😎星星拼份炸鷄 🍗($158)原味拼甜辣醬味炸雞總共有大概10-12件, 個人覺得甜辣醬果款唔算辣, 但係完全食唔到辣既朋友可以揀返原味會好啲🤓土豆豬骨湯🍖 ($258/$358)有細份同大份既選擇, 兩個人食細份就剛剛好, 排骨整到夠稔身同埋都幾入味, 仲有大量既蔬菜去做配料, 湯頭唔算辣仲可以加湯, 食完仲可以加飯或麵索曬啲湯汁幾正🤩星光清河氣泡酒🍾($68)呢枝我都介紹左好多次, 真係好好飲, 想飲酒又要易入口既一定要叫呢枝🥳冇諗過平日夜晚呢度都咁熱鬧, 呢度既CP值都算幾高😉
continue reading
唔知大家平時如果想喺香港食正宗嘅韓國嘢會選擇去邊呢？今次我就特登搵咗一間非常正宗嘅韓國菜。呢一間開喺佐敦嘅韓國餐廳係由韓國人主理，而且佢哋嘅職員都好熱情，好值得大家去試吓。🥰**特大牛排骨 (一件 + LA 牛排骨兩件)** 特大牛排骨真係份量十足，肉質軟嫩多汁，炭烤香氣撲鼻，醬汁甜鹹適中，帶有黑胡椒的辛香，兩種排骨各有千秋，滿足不同喜好。仲可以包埋生菜同特製醬料一齊食，清爽得來又好解膩。🐮**土豆豬骨湯 (加炒飯)** 湯底濃郁醇厚，土豆綿軟入口即化，豬骨炆至酥爛，輕易脫骨，湯中充滿土豆和豬骨的鮮甜滋味，暖胃又舒適。最尾再搭配嘅炒飯，鍋巴香脆，與湯品相輔相成，真係絕佳組合。🐷**星星炒粉絲** 賣相精緻，粉絲炒得乾爽不黏膩，配料豐富，色彩鮮豔，醬汁甜辣適中，提鮮而不搶味，整體口感清爽，非常之紮實嘅韓國菜式。🌟**1000億乳酸菌米酒** 米酒口感清甜，帶有淡淡的乳酸風味，酸甜平衡，酒精度不高，適合唔係好飲得嘅朋友或者女仔。飯後再飲，清爽解膩，仲有益生菌嘅健康益處。😋
continue reading
呢到服務員同老闆都係韓國人黎，服務員好貼心，而且老闆好Nice而且用餐前老闆都會細心準備前菜俾每位客人享用，份量十足架，食完仲可以免費添加一次前菜味道好好食，同係韓國食既味道一樣架韓式豬手肉質嫩滑，而豬皮口感彈牙，再配埋生菜，新鮮蒜片，辣椒同佢哋秘製醬汁，味道好清新得黎又好豐富層次。韓式牛腸粉絲豬腸牛肉包住粉絲口感好特別，而且嫰滑多汁，同粉絲一食落口有種煙韌口感，而且好多大蔥，紫蘇葉，泡菜，辣椒等係入面，整個湯味道好濃郁豐富，用料十足。海鮮蔥餅 外脆內軟，又唔會好油，味道清新得黎又唔會蓋過啲鮮味，好足料。同出面食開既好唔同！
continue reading
餐廳位於佐敦，近柯士甸站多啲，主打多款韓式料理，午市更有抵食套餐。店內環境唔大，服務態度友善，地理位置較偏僻但估唔到平日晚上都有唔少客人，相信應該有料到。前菜賣相一流，包含七款小食，味道質素完全唔Hea，每日新鮮製作，可以添加一次。紫菜包飯有好多口味，配料豐富，味道清淡，飯夠少，食多幾件都唔怕膩。火鍋有辣有唔辣，店員推介烤牛肉王餃子火鍋，牛肉大塊，份量足，嫩滑帶甜，吸滿湯汁、餃子有四大粒，餡料飽滿，超級飽肚、下面仲有大量蔬菜，食住飲湯好好味。私心推介蘿蔔包豬手，肥瘦適中，適合多人分享，可按個人喜好包成一卷，估唔到係用蘿蔔片同紫蘇葉，令到整體油膩感大大降低。食韓國菜當然唔少得酒，呢款有13%，帶甜，唔錯。
continue reading
大伏韓國餐廳!!!!1. 食物上菜速度唔知以為自己食緊fine dining叫左個牛腸煲，炸餃子同飯捲。 等左成9個字除左可樂咩都未上 成間舖勁混亂，成10個外賣岀緊，完全冇人理過堂食既客人坐左大半個鐘隔離檯岩岩叫既飯捲居然會早到過你 當你追單個陣淨係識答你整緊整緊 明明你半個鐘前已落單2. 店員完全冇法溝通主打正宗韓國菜，但除左個老闆娘本人，全間鋪冇一個係韓國人，waitress 似係菲律賓藉，但完全沒法用英文溝通，韓文更加不能3. 態度惡劣冇expect你要當個客皇帝咁服侍，但基本應有既待人態度都要有(?)當你坐左係度呆等左大半個鐘再追單，用不耐煩既語氣同你講 we prepare we prepare.其實飯捲你都係整定 唔會係新鮮即包架啦唔明點解9個字成張單會一樣野食都岀唔到同樣既價錢你落尖沙咀或者旺角 一定會搵到比佢更好更正宗既韓國餐廳 仲要唔使受氣
continue reading