Video
3-min walk from Exit E1, Mong Kok MTR Station
continue reading
Telephone
90359755
Opening Hours
Today
11:00 - 02:00
Mon - Sun
11:00 - 02:00
Above information is for reference only. Please check details with the restaurant.
🔹夫妻肺片色澤紅亮嘅夫妻肺片夠哂麻香但又唔會太辣，配菜包括紅蘿蔔、芫荽等，除咗賣相靚之外，口感仲好豐富，味道香濃、滷煮得入味，非常開胃！🔹金湯酸菜魚今次嘅酸菜魚揀咗微辣，辣辣地送飯就啱啱好！酸菜魚肉質鮮嫩又夠滑，魚肉份量十足，仲有唔少配菜添！包括蘿蔔、蘑菇、萵筍、紅薯粉等等…最愛酸菜魚湯底夠酸夠惹味，簡直係送飯神器！！🔹鮮椒田雞鮮椒田雞香辣得黎好惹味，田雞肉質嫩滑，炒得好香口，配以鮮椒同炒，同樣係送飯一流～而且田雞大部份都係髀位，食落啖啖肉！🔹金橘檸檬茶金橘檸檬茶有凍、熱選擇，夏日炎炎飲番杯凍飲就夠晒消暑解渴，飲落有柑桔檸檬香又唔會太甜～麻辣香鍋✨📍旺角砵蘭街198號地舖
continue reading
呢排係咁落雨，天氣影響心情，心情影響食慾，想食D重口味喚醒下個人。川菜又點睇?!門拉開，入座率九成，好彩仲有張二人枱。最快有得食當然係涼伴小食，幾款中點咗秘製拍青瓜 ($46)，辣度可以自由選，咁嘅陣容係小辣。厚切青瓜，口感夠爽脆。而個秘製醬汁係酸酸地帶小小辣，幾惹人胃口。呢碟蕃茄牛肉炒蛋 ($88)竟然出現係川菜店?! 外觀同普通家庭版無分別。酸甜味醬汁，超級好送飯; 牛肉無梳打粉味，只係呢一碟都可以送到一碗飯。食川菜嘅炒菜類，除咗萵荀外，仲有花菜。呢碟大盆花菜 ($78)，就係至愛之一。睇過名以為只得花菜就誤會啦，仲有豬腩片及蔥芹。花菜入口食到香甜味，主角仍然係佢; 豬腩片一齊炒可能係增加香味。佢地呢度有幾款鷄鍋，呢煲川香鮑魚鷄煲 ($168/半隻)係其中一款。有4隻鮑魚及半隻鷄，仲有洋蔥紅椒爆炒，選咗香辣小辣程度，未食已聞到香味。先食鮑魚，已除殼乾淨方便進食，每隻都有相當厚度，入口彈牙。鷄件與香辣醬汁搭配，濃香惹味，亦係送飯嘅好材料。食完晒，見個肚仲有D位置，咁就可以叫埋”甜品”。有我最愛嘅炸饅頭 ($48/6個)呀。即叫即炸，金黃色脹卜卜，配煉奶食，香甜脆口，無得輸。今晚呢餐，見多咗遊客幫襯，內外地客都有，川菜果然都幾受歡迎。
continue reading
今日黎到旺角既一間川菜餐廳食晚飯~餐廳裝修簡約, 地方唔係好大, 但拼枱都方便多人聚餐 食物方面當然係主打食川菜啦~~有抄香鍋, 酸菜魚, 烤魚, 炒小菜等, 款式非常豐富!!百香果檸檬茶 $36飲品真材實料, 有新鮮既檸檬同百香果果肉味道清甜可口, 黎帶點微酸, 好開胃呢~~金桔檸檬茶 $28金桔味道香濃, 酸甜清爽, 每啖都富有層次感籐香雞 $66籐椒麻麻地咁好爽呀, 一D都唔辣, 唔食辣既朋友都食到啦~雞肉肉質好嫩滑, 鮮嫩多汁黃金蝦球 $138黃金蝦球外層酥脆, 超多咸蛋黃, 味道好濃郁, 超正!!蝦肉大大粒, 鮮甜爽口彈牙招牌香鍋 $28 (+肥牛 $46, 小酥肉$48 , 萵筍 $28, 腐竹 $28, 大豆芽 $24)口味可選香辣/麻辣/醬香選擇~~辣度就有不辣/微辣/小辣/中辣/大辣上枱超大盤好澎湃呀!!!!!!! 足夠3-4份量味道揀左醬香不辣~~ 醬香味道濃郁, 師傅將所有配料都炒到入晒味肥牛甘香幼嫩, 酥肉口感軟腍彈牙, 萵筍清甜爽口, 腐竹香滑, 大豆芽新鮮清脆~
continue reading
人真係好得意，如果見到一間餐廳好多人嘅時候⋯⋯自自然然就好似覺得好肚餓⋯⋯然後就想入去試吓🤣⋯⋯🌶️🌶️麻辣香鍋🌶️🌶️想約朋友在朗豪坊行街！經過一間餐廳！朋友話好想食辣烤魚！食烤魚使乜返國內🤣⋯⋯估唔到呢間餐廳嘅烤魚係咁好好味，而且份量好足添！烤加州鱸魚麻辣加州鱸魚，有少少選擇困難症，店員就提議我哋揀小辣！小辣就真係原來都幾夠辣㗎⋯⋯魚肉炸得非常酥脆！但係魚肉仍然能夠保持嫩滑！非常滋味！麻辣又麻又香好食到停唔到口！條魚仲好大條添！薯粉吸收晒魚嘅鮮味同埋麻辣嘅香氣超正！鍋底仲有六款配料添！超抵食！🤩麻辣香鍋係呀係呀🤣，又係麻辣我哋真係好愛麻辣嘅味道！我哋選咗五款配料，好大盆！🤩獨特嘅美味😋麻辣醬汁沾滿每款嘅配料好好味🤤⋯⋯小蘇肉入口嫩滑！肉質美味！雞件沾上麻辣醬汁非常惹味！炸豆腐、花菜、油麥菜增加不少風味！呢間餐廳味道正宗，而且份量好足！唔怪之得咁多客人啦！
continue reading
呢間餐廳係我經常光顧的地方，麻辣香鍋和黃金蝦球都是我最愛的選擇☺️麻辣香鍋以其獨特的香辣風味而聞名，香辣惹味、香氣四溢，讓人一聞就食指大動。你可以選擇不同的辣度，無論是香辣還是小辣，都能讓人感受到麻辣的刺激與快感😊今次選了鮑魚、雞軟骨、牛肚、土豆片和芋頭，這些食材😋鮑魚鮮美、雞軟骨嫩滑、牛肚彈牙，再加上土豆片和芋頭綿密口感😋配上一碗白飯，簡直是完美的搭配，讓人感受到麻辣的熱情與滿足🤤黃金蝦球黃金蝦球超大粒🤩外脆內嫩，蝦肉鮮美，口感極佳。每一口都能感受到蝦肉的鮮甜，外層的酥脆蛋黃味道，讓人欲罷不能，絕對是餐桌上的明星菜品😍非常送飯👍紅糖糍粑作為餐後甜品，是絕佳的選擇。外皮柔軟，內餡香甜，口感Q彈，讓人感受到傳統甜品的魅力，為這頓美食畫上完美的句號❤️📍麻辣香鍋 (旺角)旺角砵蘭街198號地舖#麻辣香鍋 #砵蘭街美食 #旺角美食 #香港必去餐廳 #性價比高 #yummy #美味推介 #黃金蝦球
continue reading