Video
Additional Information
Last order time: 22:30
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
生牛肉湯粉係越南菜嘅經典代表，湯底濃郁，帶出牛骨熬出嘅鮮甜味，生牛肉片薄得嚟仍然保持嫩滑，淋喺熱湯入面輕輕一灼，入口即溶，配埋新鮮嘅青檸、豆芽，食起嚟清新又滿足！🍜香茅豬扒撈檬絕對係一個開胃嘅菜式，檬粉彈牙爽口，配埋香茅豬扒，兩者完美結合。豬扒烤得外焦內嫩，香茅嘅味道滲入肉入面，仲有酸酸甜甜嘅魚露醬汁提升味道層次！🍖紙米卷係越式小食嘅代表，呢度嘅鮮蝦紙米卷皮薄而有韌性，內裡夾住爽口嘅蝦、清脆嘅蔬菜同軟糯嘅米粉。🦐我叫左杯龍眼冰就係炎熱天氣嘅救星，甜而唔膩，冰涼解渴。龍眼肉爽口多汁，配埋透心涼嘅冰塊，飲完令人即刻精神爽利。❄️朋友點左椰汁紅豆水係甜品同飲品嘅完美結合，椰香濃郁，紅豆煮得軟糯，甜度啱啱好，唔會太濃太膩。🥥香茅豬扒實在太好食，所以又叫多左份share，肉嫩多汁，好正。🍴最後，仲點左香茅雞翼，雞皮微焦帶有香茅味，雞肉多汁又嫩滑。無論係配飯定係單食，都好啱口味！🍗
continue reading
難得入到大圍緊係出去食街鋪，大商場靚係靚，但啲食店貴到飛起之餘仲要未必好食餓餓哋都行唔遠，行幾步見到有間越南幾企理就入去try try60蚊一個生牛肉河都算係咁，唔包飲品今時今日留港消費都係差唔多價錢，啲staff招呼都算ok geh，但會掛住傾計揾唔到人個湯好正，唔算好味精 加啲魚露 酸酸咸咸好開胃 係我想要嗰隻味了跟麵仲要有粒小青檸同啲辣椒粒，方便自己調味，如果真係唔夠酸或者再想食辣啲我諗可以問佢要多碟添😂好特別又超好味嘅斑斕茶，甜甜清清so peaceful
continue reading
晚上嚟大圍搵食,同朋友嚟幫襯下食越南野,估唔到入內已經全店滿座,牆身靚靚越式掛飾,有氣氛,欣賞!靚!店員好好既招呼,提醒仲可以叫下午茶,套餐勁抵食,主食可以配小食,叫咗扎肉湯河粉,好快到熱辣辣上枱,再叫個順化蝦餅拼撈檬,撈汁食,蝦餅好出色好,足料夠彈牙,美味!香茅雞翼味道正常,朋友想試就叫咗個招牌越式三文治,估唔到爆餡滿滿的,滿足!越式豬頸肉配甜酸醬美味,好夾囉!二人食叫咗咁多野都食得晒,今晚大滿足!加埋油菜仲有飲品係冰鎮凍奶茶,好香茶味,不太甜喜歡!整體唔錯,唔怪得咁多人幫襯,下次要再嚟食過!
continue reading
沙田罕有越南菜，好多時都會掛住佢，久唔久就會又想食越南野就一定意起佢。加上佢地點非常方便，就係大圍車站對面馬路，所以都係我經常會幫襯嘅一間餐廳。當然食物都一定有特色之餘，仲要好味先得，當然有時放工夜就會唔想煮飯，所以有時我都會買外賣返屋企，每次返到屋企都可以保持到仲有溫度嘅，真係好難得，証明係控制外賣菜時都有啲心機，唔會下下煮定晒啲野係到。所以真係值得一讚。佢嘅燒豬頸肉真係每次我都會必叫嘅，打開一定聞到佢個香味，食落仲要好滑好香好好味，配飯真係一流，而佢個豬扒同樣都係仲有溫度，外脆內軟，唔會乾真真咁，最最難得嘅係每次外賣佢嘅醬汁都好細心，一定唔會比漏，一個跟一個，明顯呢啲真係好用心做啲餐廳，所以點會唔成日幫襯。
continue reading
晚市時間出咗大圍覓食見到呢間越式料理full唒，好彩員工做野都好快手，好快入得座。🍽️西貢咖喱牛腩配法包 $80咖哩份量都唔少，入面有幾舊大嘅半肥瘦牛腩，煮得好腍好入味。咖哩味道濃郁，配上蒜蓉法包一齊食好好味！法包外皮唔會好硬，好容易咬！🍽️濱海伴香茅牛肉 $76濱海係越南常見嘅小食~一絲絲幼細嘅米粉組成一個個米糰 ，加上蔥碎同炸蒜碎鋪喺面頭，食落口感偏煙靭，相當有趣。用生菜、香葉包埋米粉、牛肉、花生碎等一齊食口感好豐富，香茅牛肉味道亦好突出。🍽️街頭香葉卷撈檬 $66香葉卷包裹住肉餡，幾香幾特別。檬粉份量好多，口感偏有咬口彈牙，差啲食唔唒！🍹牛油果沙冰 $36抱住一絲希望喺呢度叫咗一杯牛油果沙冰希望好飲，結果真係有驚喜！好怕飲沙冰飲到成口都係碎冰！竟然呢杯牛油果沙冰一啲碎冰都冇，入口非常幼滑好似奶昔咁，而且仲有濃郁嘅牛油果同奶香味道，真心滿足！！.雖然淨係叫咗一個主食，但我同朋友都食到好飽！抵食！
continue reading