Video
3-min walk from Exit B2, Wan Chai MTR Station
continue reading
Opening Hours
Mon - Sun
12:00 - 21:00
Above information is for reference only. Please check details with the restaurant.
放工經過灣仔見到 CHOTTO MAKI , 一於外買返去做今晚晚餐。餐廳有堂食及外賣, 眼見好多顧客都係外賣多, 等外賣期間人流也不少。係門口已有大餐牌, 入到餐廳有其他新款推介, 職員有耐性地講解新款的味道。而且款式也頗多。最後我選了以下3款:C-DRAGON (食材有 : 炸鰻魚, 炸蕃薯, 飛魚子, 蛋黃醬, 鰻魚汁) $68PHILADELPHIA (食材有 : 三文魚, 忌廉芝士, 牛油果, 飛魚子, 蛋黃醬, 鰻魚汁) $68WESTCOAST (食材有 : 碎吞拿魚, 酸黃瓜, 辣三文魚, 黑芝麻醬, 炸蒜) $58價錢大眾化, 而且係即場即製, 呢一點好有誠意。等緊外賣都見到唔少顧客入去幫襯, 應該儲了不少熟客, 職員和顧客有傾有講, 好熟悉。外賣包裝一點都唔馬虎, 精緻的外賣盒已經賞心悅目, 拎完外賣都趕住回家同家人分享。小朋友喜歡鰻魚, C-DRAGON 大卷可以比佢獨享 : C-DRAGON $68(饀料有 : 炸鰻魚, 炸蕃薯, 飛魚子, 蛋黃醬, 鰻魚汁) 炸鰻魚放係大卷上面, 加了沙律醬令到炸鰻魚味道提昇, 滿滿的飛魚子亦是小朋友最喜愛, 還有好特別的是加了炸蕃薯, 蕃薯雖然炸過, 但一點都不會油膩, 而且十分有飽肚的感覺。PHILADELPHIA $68 (饀料有 : 三文魚, 忌廉芝士, 牛油果, 飛魚子, 蛋黃醬, 鰻魚汁) 三文魚配忌廉芝士真係絕配, 忌廉芝士可以帶出了三文魚的味道, 還有我中意的牛油果, 整體性價好高WESTCOAST $58 (饀料有 : 碎吞拿魚, 酸黃瓜, 辣三文魚, 黑芝麻醬, 炸蒜) 滿滿的碎吞拿魚配了酸黃瓜原來味道好夾, 辣三文魚惹味可口, 仲有好香的黑芝麻醬及脆卜卜的炸蒜, 值得一讚呀 !
continue reading
晚上灣仔行街，行到這條巷街，見到這間店舖個公仔同名好得意，就入了去，原來是一間壽司店，可以坐下吃同外賣，看了一會餐牌，款式特别同價錢不貴，今次選了這幾款外賣中卷 三文魚，忌廉芝士，牛油果，飛魚子蛋黃醬，鰻魚汁適中大細，這款壽司面舖滿忌廉芝士，飛魚子，蛋黄醬同鰻魚汁，卷入面包住三文魚同牛油果，入口濃香忌廉芝士味，細細粒飛魚子，彈口，好鮮魚子鮮味，好香蛋黄味同鰻魚汁味，好搭配，三文魚同牛油果嫩滑身，三文魚厚身，特别鮮三文魚鮮味同牛油果果香味，另一種口感人氣大卷 照燒雞，酸黄瓜，牛油果，沙律菜，芋頭片辣蛋黃醬，黑松露蛋黃醬比較大件，面舖滿辣蛋黄醬同黑松露蛋黃醬，好香滑黑松露味同蛋黃味，卷入面包住照燒雞，雞肉嫩滑，好香雞味，牛油果滑身，好香牛油果味，酸黄瓜，沙律菜同芋頭片，爽口脆身，各有新鮮菜鮮味，特色味道人氣大卷 蟹柳，炸蝦，青瓜絲，櫻花蝦，炸蒜紫薯粉，鰻魚汁，自製醬比較大件，這款壽司面舖上滿紫薯粉，鰻魚汁同自製醬，也有飛魚子，卷入面包住蟹柳，炸蝦，青瓜絲，櫻花蝦同炸蒜，咬入口紫薯，鰻魚同自製醬有各自濃厚香味，好鮮飛魚子味，蟹柳軟滑，鮮蟹柳鮮味，炸蝦炸得脆口，好香蝦鮮味，櫻花蝦細細條，都有蝦鮮香味，青瓜絲同炸蒜好爽脆，好鮮鮮菜鮮味，豐富口感
continue reading
香港美式壽司店非常罕見，Chotto Maki除了款式多，價錢非常親民。美式壽司獨有蛋黃醬及海鮮組合，配搭新奇風味十足!! 🍣- Philadelphia HK$68 🍣🧀🥑經典之選!!卷入最經典的文魚、忌廉芝士、牛油果及飛魚子。三文魚油脂香氣與柔滑忌廉芝士融為一體，再加上濃厚牛油果，完美搭配蛋黃醬及鰻魚汁，味道濃郁又美味！- Lobster HK$85 🦞🥑🍣鮮味龍蝦卷!!香甜解膩芥末蛋黃醬配上鮮味龍蝦肉、炙燒油香三文魚及濃厚牛油果，鮮香十足超滿足!!加入爽脆蘆筍，非常有口感!!- Apple Soda HK$25 🍎🍾蘋果氣水味道非常真實，甜味自然，氣泡細膩，舒服順喉!!
continue reading
由中環第一間既Chotto Maki到而家最後一間，聽到佢地結業既消息真係感到好可惜 ㅠㅠ香港比較小呢類型既卷物，而灣仔店將會營業至31/5經典中捲7 black Magma $68帶子碎 吞拿魚蓉 天婦羅脆脆 黑芝麻醬汁大量吞拿魚加上脆粒同帶子碎 鮮味突出創意中捲14 Double S $62 三文魚 辣三文魚 辣蛋黃醬 帶子碎多重三文魚口感 配搭帶子同微辣醬料 夠哂惹味Salmon Poke Bowl $68內含蟹柳棒 牛油果 毛豆 海帶 飯，豐富又健康佢地全部野食材新鮮，選擇多樣，真材實料！每次去既品質亦一模一樣！今日同職員傾左幾句，佢亦概嘆守業七年到最近已經好難再撐落去，希望等到將來你地會重出江湖，大家把握機會試下！
continue reading
約了友人去灣仔逛街，先到這間卷物和壽司店吃卷物。店舖位置方便，在地鐵站附近，店內提供座位，堂食和外賣皆可。Yuzu Soda($25)，柚子梳打味道清新，微帶酸甜，配壽司很適合。個人比較喜歡這款。Peach Soda($25)，相較有氣的梳打，白桃味比較柔和，有甜甜的桃味，喜歡甜食或白桃味可點這個。馬刀貝($26)，馬刀貝壽司，馬刀貝新鮮爽口，不用蘸醬料也很鮮甜。Mango Dynamite ($58)，頂上鋪上厚芒果肉的壽司卷。芒果鮮甜，芒果頂上鋪上爽口飛魚子，中間有炸蝦、青瓜絲，再澆上鰻魚汁。在芒果和鰻魚汁的襯托下，整碟手卷以鮮甜為主，既有芒果的甜味，也有鰻魚汁的甜。中間的炸蝦、新鮮爽脆的青瓜絲和頂層的飛魚子加強爽脆感。Sea Monster ($65)，把各種海界代表食物的鮮爽混和。食材豐富，有蟹柳、炸蝦、青瓜絲、櫻花蝦、炸蒜、紫薯粉、鰻魚汁和自製醬。各種食材相輔相成，大量的蟹柳和新鮮的青瓜絲，配上鬆脆炸蝦、脆櫻花蝦和炸蒜。整個手卷脆口又帶各種鮮甜，配上鰻魚汁，惹味得令人胃口大開。
continue reading