海風餐廳

Open Now

Now Closed

去澳門玩，好多人都會選擇食自助餐，因為澳門酒店既自助餐一向性價比高，食物種類多之餘，價錢亦比香港既酒店便宜。十六浦索菲特大酒店既海風餐廳既Lunch buffet就係其中一間。餐廳座落向酒店泳池旁邊，所以環境好優美。Lunch buffet既用餐時間係12點至2點半，所以有充足既時間慢慢享用食物。食物方面就有海鮮冷盤，日式刺身，壽司以及各國不同美食；即場煮既粉麵檔更有少見既刀削麵可選擇。而甜品方面餐廳亦提供左十數款蛋糕甜點俾大家選擇，當然仲有最受小朋友歡迎既軟雪糕機，小朋友可以自己拎住脆筒裝滿滿既雪糕😋十六浦酒店距離著名景點大三巴只有10分鐘路程，食完Buffet仲可以慢慢散步去大三巴以及議事亭影下相，絕對係一個短遊澳門既不錯之選！#澳門 #自助餐攻略 #大三巴 #十六浦索菲特酒店

某旅遊網賣澳門酒店自助晚餐$315連加一，到底會有乜嘢食？🦪生蠔排隊一次拎三隻，蠔味淡肉瘦，凍青口無味。🍣刺身一開始連三文魚都無，得八爪魚鯛魚吞拿魚，鯛魚完全無魚味，其他壽司竟然求其灑肉鬆、沙律醬喺面，見到都唔開胃，得啖笑。🥗沙律款式較多，因為最平，但醃蘿蔔又當一碟，醃青瓜又另一碟，所以真正會食嘅唔算多。🍖全晚最高質係燒烤肉類，脆皮燒豬肉卷幾好食，其他烤薯仔烤蔬菜都不錯。燒烤檔水準明顯較其他食物高。🥣冬蔭公湯好難飲，似用水開出嚟再加冬蔭公味，完全唔香，好耐無飲過咁難飲嘅湯。中湯煲蓮藕正常，可以一試。🍨甜品普普通通，最好食朱古力撻，用嘅朱古力唔cheap，但好快無曬。奶凍無奶味，其他蛋糕多數唔係奶油蛋糕，例如carrot cake、杏仁蛋糕等，要睇你本身鍾唔鍾意呢類蛋糕。軟雪糕任斟，不過我無食。🥂飲品較多，紅白酒、汽水任飲。💁🏻‍♂️服務算友善，早期有努力收碟，後期滿座收唔切。🪑環境沒有高級感，較平實。整體嚟講三百幾蚊，食得飽就唔好太高要求，但澳門咁多嘢食，點解要食呢啲？

最近呢間餐廳做優惠，買一送一，除開每人不過$100左右，於是去試吓。餐廳算係好闊落，當日都有八成滿座，但都唔會太嘈吵，同朋友傾偈唔使大聲嗌。食物質素還可以，有刺身，熟食的款式都算OK，以這個價錢來講算係抵食，比較驚喜的是有咖啡機，可以自己打奶泡，職員非常友善，教我哋點樣用部咖啡機，鍾意飲咖啡嘅朋友就玩得好開心。飲品選擇雖然唔算多，但有唔同茶包選擇，可以飲吓茶消滯，都好過飲果汁汽水，healthy 😊😊😊😊

今天是聖誕節，黃昏時在議事亭前地欣賞燈飾後，便返回十六浦索菲特酒店吃聖誕自助餐。我們先吃壽司，雖然款式不多，但每款都很好吃。然後吃了煎魚、南瓜、薯仔、茄汁豆、西蘭花和紅酒燴牛肉。最好吃的熱葷是紅酒燴牛肉，牛肉軟諗，燴得非常入味。雲吞麵熱騰騰的，麵條彈牙，雲吞皮薄餡多！今天的驚喜是每枱送了一隻龍蝦，厚肉多汁，估不到這麼好吃！甜品比想像中多款式，我們吃了雞蛋布甸、合桃蛋糕、朱古力慕絲、朱古力冬甩、香蕉班戟、法式檸檬貝殼蛋糕和蘋果批，每款試少少，甜而不膩。最好吃的是雞蛋布甸、法式檸檬貝殼蛋糕和蘋果批。雞蛋布甸香甜軟滑，超香雞蛋味。法式檸檬貝殼蛋糕雞蛋味濃，一半蘸以朱古力漿，極富聖誕風味。蘋果批的酸甜比例均勻，如能配以鮮忌廉便更好了！總括來說，這個自助餐雖然不及香港的那麼多款式，既沒有生蠔，也沒有長腳蟹，但其他菜式用心製作，味道可口，有水準。以每人$300的聖誕自助餐來說，CP值超高，值得推薦！

澳門嘅自助餐選擇很多，但我覺得十六浦酒店嘅海風餐廳性價比都真係數一數二。不但有生蠔龍蝦，仲有紅酒白酒任你飲任你揀。海鮮都有唔少款，生牛肉，粉面樣樣都有。坦白而言生蠔不過不失，唔夠creamy!龍蝦都唔夠新鮮，但呢個價錢來講都算係過得去，仲有青口，蝦🦐，都幾唔錯嘅。呢個位置對於好多人來講真係好重要，啤酒都唔係普普通通打邊爐嗰d，支支都係小樽裝嘅青島。又有白酒又有紅酒，配上生牛肉生蠔都幾好享受㗎。雖然大家都鍾意食海鮮多啲但係都唔可以忽略佢個沙律吧都有五六種生果同菜同埋好多嘅醬料俾大家配搭。你夠鍾意食素嘅人都應該幾滿足呢個新你咁鍾意食素嘅人都應該幾滿足呢個沙律bar!

朋友講開澳門食自助餐抵過係香港食，所以今次就上網做足功課，睇吓有邊間自助餐抵食，最後見到澳門十六浦酒店做緊大閘蟹宴就決定黎試下。我哋一行五人六點半就黎到酒店準備食佢第一輪，入座前門口姐姐每人派左四張大閘蟹券可以換四隻大閘蟹，我哋第一時間出去拎左每人一隻大閘蟹的事不過其實啲大閘蟹唔係話好好食，好少膏，純粹過下隱，食哂4隻反而食唔到其他野。食完大閘蟹就開始試其他野喇，呢度最出名應該就係個海鮮吧，因為依度有即開生蠔，開邊龍蝦同刺身任食，不過生蠔就每人每次限拎兩隻，我諗我地拎十轉嘢食有五轉都係出去攞海鮮。除此之外仲有好多中西式既菜式，炒飯，蒸魚，大蝦等等，包你一定食得飽。另外最吸引就係佢嘅甜品啦，佢所甜品都係細細件，一啖就食得哂，所以就算你試晒所有甜品都唔會覺得好飽，我最鍾意就係佢個即整pancake新鮮整好再加雪糕食好好味。同埋依度紅白酒啤酒任飲，食飽仲可以坐下同朋友飲番杯傾下計。總括黎緊依度既buffet真係幾抵食，有機會都會再番黎食！

兩星期前經綱上預约了8月4号在澳門十六蒲吃自助晚餐但没有顯是在前台的訂位名單上。5人訂位服務員只提供4人餐桌，要求5人迫在4人餐桌，但那時尚有很多空位客人末入座，但服務員没有作出任何安排，要我們乾等，幾經要求，才不情願下作出安排， 態度傲慢， 最令人失望是食物一般。

一分錢一分貨,食物款式少,但個人來說已足夠最多人選擇的海鮮刺身類有生蠔/龍蝦/三文魚/吞拿魚/油金魚及八爪魚,根據阿姐講是法國生蠔,雖細隻不過係即開同好新鮮,但要排隊及每人每次限一隻🙄,龍蝦半隻,個人覺得龍蝦肉非常'銀'所以食左半隻就算了,刺身每次限三片,正常魚生,不是特別好味,所以生蠔係海產中最好味因爲夠新鮮熱盤選擇很少印象中得十款八款,最等我歡心是炒菜因爲夠熱😂,炸軟殼蟹出左一次就沒有再出冷盤凍蝦最出色夠鮮甜沙律菜有三款夠新鮮芝士有兩款,其中一款白軟身芝士夠香濃湯一中一西,中湯當晚係西洋菜豬骨夠香夠甜生果只有三款,菠蘿最甜,西瓜及蜜瓜無味飲品方面紅酒白酒各一款,支裝青島啤酒,罐裝汽水及玻璃瓶果汁(不是鮮榨)都是任飲甜品精緻選擇最多另有pancake,但沒有雪糕服務員收碟都很快及有禮總括來說以價錢來說環境食物算ok (網上預購價$2xx)食客為國內人仕多,經常聽見他們說為什麼沒有東西吃！

由於這次澳門之旅是下榻十六浦索菲特酒店，同行有小朋友及媽媽，因為不希望到處走會辛苦，於是最後選了海風餐廳，吃完可以舒舒服服回房間。海風餐廳自助晚餐正價 $348，這次使用Klook apps購買自助晚餐只需要$288/位 (星期日至四)。凍海鮮有長腳蟹、龍蝦蚶、青口、凍蝦及麵包蟹，而生蠔及龍蝦於刺身區供應。龍蝦蚶及生蠔最好吃，龍蝦蚶肉質彈牙，生蠔肉質肥美而且creamy。各式芝士、Ham、麵包及餅乾，芝士普普通通各式壽司，蟹子壽司最好吃各式沙律，黑木耳沙律最好吃粉麵區，隔壁有炸物及鐵板燒供應 (有牛排、雞排等等)，新鮮即燒。甜品種類選擇多，另有即製pancake及朱古力噴泉 (小朋友最喜歡)，pancake最好吃。大閘蟹，碟上4隻大閘蟹已平安地落入我肚子XD，大閘蟹即蒸，最欣賞餐廳提供薑茶，要知道大閘蟹比較寒涼，喝一杯薑茶可減少罪惡感。熱盤食物選擇不多，有叉燒、炒菜、羊架、pizza等等，味道正常，不過不失; 生果有西瓜、哈蜜瓜、蜜瓜等; 雪糕只有一款而且並不吸引; 飲品方面，無限量供應紅酒、白酒、橙汁、蘋果汁、西柚汁，另有咖啡機供應咖啡及熱朱古力。刺身區有刺身 (三文魚、吞拿魚、鯛魚

知道朋友想吃自助餐。我便提議可以選擇有推廣優惠的酒店自助午餐。即使我沒有太多選擇，也不會因花費多了而有吃虧的感覺。 最後選了十六浦索菲特酒店的海風餐廳。在kkday網頁購買自助午餐券。一位的價錢是$140.49。（因為以台幣計算，所以價錢不是整數。）但在kkday購買服務有一個問題。最初不是訂購這間酒店的自助餐。首選的餐廳沒有空位，所以選擇這一間。然而，在沒有成功訂購座位前，kkday已從我的信用卡扣取費用。當取消先前的選擇，kkday會退款到我的信用卡中。卻因為匯率問題，以台幣退款兌換成港幣，我被多扣了$12.09！我覺得，信用卡資料已提供，何時扣款也可以。而且kkday也有保障。但沒有成功訂座，卻先扣款，到失敗了才退款，害客人多付了錢，那便不好了。回到正題。 我們到澳門外港客運碼頭乘坐十六浦索菲特酒店的免費專車前往餐廳。但十六浦索菲特酒店提供的專車是中型旅遊巴士，排隊的遊客很多。我們等了大約半小時才可以登車。享用自助午餐的時間便少了。幸好食用時間也是足夠的。 甜品區，但沒有純素甜品。 這一區提供了涼菜如沙律、壽司等。 背面則是熱的食物供應區。 有雪糕和朱古力噴泉。 小孩最喜

自助早餐有很多款式，有中有西，中式點心有蝦餃春卷糯米雞等，粥有幾款，另有炒飯炒面，好爽身而且調味得宜。西式方面可向侍應點egg benedict, 蛋有點過熟，但墊底面包香脆，夾埋一齊食都唔錯。各款芝士都好香，推介大家試埋。甜點方面有macaroon, 唔會過甜，好香杏仁味。

爸爸的愛護就像空氣般自然存在，總令兒女忽視他的珍貴；有時候，總會想着要回報、要讓他知道我的感激，可又總是被工作，被生活趕着忙着而忘了。幸好還有這樣的節日，給我去溫習爸爸的好，讓我鄭重的和爸說聲感謝，以及表達我的謝意。父親節吃飯是少不了的行程，可父親節當日媽要上班，只好約在父親節後兩天的這個炎熱的中午補吃父親節飯。選擇十六浦的海風餐廳是爸的要求，因為這餐廳在做員工優惠，星期一至五中午自助餐，出示娛樂博彩集團員工卡，每位只需要$100（已包加一，但只可給現金），一張員工卡最多可以有4個人享有這優惠。這裡的中午自助餐從12點開始到3點，當日媽和弟先去，爸到我公司接我去到餐廳時，我整個人都快要熱死了，而我們的位置居然在通往戶外門口的前面，雖然已經比要坐在戶外的客人好多了，但客人進出時帶來的熱氣，還是令我覺得不舒適。因為有員工優惠，當日餐廳滿座，客人好多，可能是我晚到（快要1點半，其他客人都吃第二輪了），所以没有出現要排隊拿食物的情況，也幸好食物種類還算齊全，有海鮮冷盤：蝦、青口和螺；有現切牛扒（只有一大塊，拿完就没有）和薯蓉；有日式食物：三文魚刺身（只有幾輪，拿完就没有）和各式壽司；燒味區：油

早陣子朋友介紹下來試中午自助餐，當時是正價(連加一也只是200mop有找)，人流不多，環境一流，由於價錢比一般5星級酒店便宜最少1/3，所以期望不大，不過當時正價，我們已覺性價比高，到今個月見visa卡75折便再去，折後才143mop,不過撞正佢地員工100mop一位，多人到喊，食物質素沒有下降，但很明顯服務質素有點招架不住。。。正價時:甜品部份是我們覺得最值得吃的，佷多是西式/法式，忍唔住狂試，主菜方面選擇也不少，通常會先吃魚生和海鮮凍盤，這方面中規中舉，不是太突出，沙律的配菜很多，是意式配料為主，最喜歡醃魚的那一款，有評論說沒黑醋，我是找到的，可能樣子似display而不被發現∪･ω･∪，另外西式熱盤切肉，朋友讚不錯，會encore，大家要試哦。面包和芝士選擇也不少，這方面要自己配搭一下，味道才能配合。有些烤肉串燒，是廚師事先烤好，醃料大概是東南亞式，覺得唔錯。飲品方面我喜歡不太甜的凍仙草紅茶，當時人不多，服務員也曾安排給我一杯暖紅茶我習慣飲暖飲既。。。)特價時:老實說最初不知道點呢一期解咁多人，朋友好回味之前個幾餐而去既，後來發現員工價100蚊，唔怪得full哂，雖然佢地啲侍應係

因BK酒店特價還包早歺，故第二天早上便與母親大人到酒店歺廳食早歺，早歺時間至早上11點。環景不錯，食物選擇不及康來德的奧旋多。侍應安排好坐位後，另一侍應便問要咖啡或茶。很欣賞桌上的太陽菊!檯上的4色果醬。第一碟當然有本人的最愛，煎煙肉，與奄烈一樣，兩者都是即叫即做的，芝士及凍腸都不錯，條豬肉腸和薯餅可以不吃!第二碟取了中式食物，另加兩片香腸，粥底好綿又加了腐竹煲，好過昨晚三元的粥底，其他一般，另外還有珍珠雞我沒吃!吃完塊自烘多士也很飽了，但大人仍有食力要多碗淥菜加魚蛋，魚蛋好"獅子狗"味，但湯底是不錯的!侍應間中會拿幾杯"解毒"飲品來介紹客人飲，本人選了綠色這杯，味道真是幾好味，估計有奇異果，蜜瓜!總括來說這裹早餐是中規中舉的，早餐如是送的有基本的即煎蛋及煙肉巳滿足!

本來打算出外行行, 找找有沒有特別的葡國餐廳, 但雨勢特然變大, 無奈, 唯有留在酒店吧, 而且友人有特價卡, Dinner Buffet 有半價, 就此算吧. 原價MOP $288, 有卡, 只收$144, 實在無話可說, 當午餐也是抵的.先來一杯餐酒, 當月的特別推介, Cote Du Rhone, AOC, 法蘭西貨, Grenache, Cinsault 和 Syrah 雜溝, 深紅色, soft tannins, 有些微red berry 味道, 價錢唔平, 收費$98/杯.全晚最好味, 烤烘的蕃茄包, 配Brie, soft cow cheese, 還有Crottin de chavignol, 味道濃厚.魚生, 除了三文魚較為鮮味外, 其他品種不太合口味, 尤其是吞拿魚, 質百佳貨色相差不遠.咖哩做得不錯, 沒有長米飯, 也沒有Naan, 但香料落足, 味道濃厚, 唯辣度不足.沙律材料尚算新鮮, 但醬汁不足, 沒有黑醋.串燒, 雞牛豬, 自取後, 由師傅處理, 但並非燒烤而成, 而是用扒爐煎熟.甜品, 蛋榚尚可, 但雪榚奇差, 比牛奶公司的還要差, 無味道可言.較為特別的