贏到粥

Open Now

Now Closed

澳門其實也有很多很有創意的食店，這個“贏到粥”是其中一家，上星期也在tvb“輝哥為食遊”介紹過。由於我們只得兩人，不可能點那個“冬瓜粥底火鍋”，太大了，於是便點了另一鎮店之寶，“卜卜蜆煲”。其實這卜卜蜆的創意，不在食材或它的烹調，說實的，它就是一個花甲鍋而已，但食材“很美”，花甲很大隻，很肥，很乾淨（看也看得出）；配料幫它加了不少分，大量的蒜蓉，加上牛油，色香味配合到不能再好！當然，要做到這樣，是需要“認真”才行，而創意了 。。。 加一個有趣生動的名字，立時生色不少，good idea！我倆要半個小時才KO所有蜆！。。。 不知道是廚師的心思還是巧合，這火鍋爐一直只是窩的中央在燒，鍋邊沒滾起來，而鍋是挺寬的，於是蜆就舖得比較開，也不會一下子全被煮熟，避免了因吃得不夠快而後來的蜆會太熟的問題，如果這是心思，實在太窩心了！吃完蜆，還點了墨魚滑、蝦滑、豬粉腸及豬潤，用蜆湯來灼熟，哇，味道不能言喻！但記得（我的建議）， 灼其它食材前，一定要先嚐兩碗蜆湯喲！

• 卜卜蜆鍋🐚•💵Price: MOP 168🍴Food: 4/5❤️-已經係第二次黎贏到粥食卜卜蜆鍋，因為幾年前食完就已經念念不忘💓個湯其實無乜特別調味，主要係靠蜆既鮮味同蒜蓉既香味，不過好清甜。成鍋蜆真係勁大兜，蜆肉個size唔會話太細，食到鮮甜味，而且要一讚係清潔工夫做得好好，咁多隻蜆但一粒沙都食唔到👍🏻除左食個卜卜蜆，大家仲可以叫火鍋配料黎食，我就嗌左打邊爐不可或缺既肥牛($88)，仲有娃娃菜($38)同粉絲($35)，索湯一流🤤肥牛呢個價錢黎講質素幾好，唔係因為得兩個人食我真係想叫多碟🤭提返大家，呢間餐廳長期排滿人龍！如果專程想去試嘅話，記得喺訂定位，咁就包有得食喇！🎉• Wasabi手撕雞(半隻)🐥•💵Price: MOP 128🍴Food: 4/5❤️-Wasabi手撕雞係呢度嘅招牌菜，要預訂先有得食架！所以我一早book位嗰陣已經留左😀半隻黎講其實份量都幾多，雞絲都堆成山咁！除咗有雞絲，入邊仲加咗炸芋絲、海蜇、青瓜、葱同芝麻等配料。入口Wasabi味都幾濃，但又唔會攻鼻嗆喉，食落好清新開胃，加上有炸芋絲同海蜇，口感就更加豐富！不錯！👍🏻

每個過澳門玩嘅朋友都一定聽過呢間餐廳，就係大名鼎鼎嘅贏到粥。試過膽粗粗直接walk in，當然係無位啦。於是今次早一個星期上Facebook book位，終於book到了。溫馨提示：大家book位嘅時候可以留定手撕雞同埋卜卜蜆，咁就一定有得食。兩個人去無叫太多野食，叫咗一碟手撕雞同一窩卜卜蜆，另外叫咗少少配菜食卜卜蜆嘅湯底。卜卜蜆幾大盤，而且蜆唔係好細隻，全部都有中上嘅size。面頭有好多蒜粒。過咗幾分鐘，蜆肉開始熟，主要都係由中間嘅開始食起。湯底其實冇好多調味，主要都係食蜆肉嘅鮮味再加上蒜蓉嘅香味。唔錯嘅係每一粒蜆都會食到蒜蓉，啱晒鍾意食蒜蓉嘅朋友。手撕雞亦都好快上菜，雞嘅份量有半隻，Wasabi嘅味道好濃，而且有其他嘅配菜，所以食落好有口感。每啖都食到wasabi嘅香濃，喺食卜卜蜆嘅同時加上一份清新。

📍今期流行食卜卜蜆-卜卜蜆 (168mop)一行入鋪頭已經聞到好香既蒜味😍因為預約左 所以坐低無耐卜卜蜆已經送到過黎😂 每粒蜆肉都大大粒 好鮮甜都幾爽口👍🏻個蒜湯底好香 但飲落反而唔會太濃 可以帶到蜆肉既鮮甜 滾到最後個湯底仲甜甜地添😋 雖然之前睇食評話啲蜆完全無沙 但我今次就偶爾食到三、四粒有沙🙈-芥末手撕雞🍗 (128 mop 半隻)份量好足 配料除左有海蜇、芝麻之外 仲有炸過既芋頭絲😲不過我就覺得佢既Wasabi味唔太足🤔亦唔係太凍 無左個種爽既感覺🙈雖然佢既芋頭絲食落幾有口感 但同陳根記做對比既話我會中意陳根記既火腿同蟹子多啲😝-椰青 (38 mop)呢個要推介❗️咁岩嗌左兩個 兩個都熟哂🌴清甜解渴之餘 啲果肉勁容易就刮到出黎 同埋都幾大個😎至少我全程不停飲到最後都仲有得飲🤣-卜卜蜆同手撕雞記得要預約左先呀❗️-📍。贏到粥。下環河邊新街278號豐順新邨第3座地下。#kkisgettingfatinMACAU-

同男朋友即興嚟澳門，當然要搵下有咩好嘢食😂😂😂上次嚟已經好想試吓依一間，見到啲相大盤蜆，真係非常吸引👩🏽‍🍳😋😋我哋都帶咗個卜卜蜆煲，非常新鮮！每一隻都食唔到又沙😂❤️👍🏼另外我哋都叫咗墨魚滑、蝦滑、菜！重頭戲，芥末手撕雞❤️❤️❤️❤️食咗咁多次手撕雞，真係要俾個讚佢❤️❤️❤️❤️佢同一般嘅手撕雞好唔同，佢加咗芋頭絲、海哲、青瓜！加咗芋頭絲，令到好有咬口！脆卜卜咁樣，非常好食！如果想食嘅話，記得早一日去預訂啊❤️😂

今次一行5人（4大1細）去澳門玩～基本上黎親澳門都要黎食一次～ 今次都唔例外～每次都好期待😋 「嬴到粥」卜卜蜆煲：大量沙白、蒜蓉、辣椒🌶️黎到唔可以即刻食，等佢慢慢滾～沙白慢慢爆開～就可以食得。唔知點解沙白真係好鮮甜～辣辣地好惹味。食到停唔到口😍😍食到差唔多就可以叫d 火鍋料再打邊爐～生魚片：超新鮮，感覺好似真即劏～必點本地牛肉 : 正正常常，不過不失～響鈴：即叫即炸，好香脆👍墨魚滑拼蝦滑：兩樣都好足料，本人覺得蝦滑爽口d 好味d 仲有一樣必食就係 Wasabi 手撕雞 《需預訂》手撕雞入面當然有雞啦，最特別係有炸芋絲 。食落好爽脆，加上芝麻既香～真係無得輸！😋😋真係食極都唔厭，而家寫緊都已經好掛住😛

都有好幾年無去過澳門，打開Openrice搵食見到人人都對「贏到粥」讚不絕口，今次即管試試，結果……非常失望網上人人都話一位難求，想食就一定要經 fb / 電話訂位...出發前兩日經 fb 留言，店員回覆最快有位已經係夜晚十點諗住唔係成日去，一心想試下傳說中嘅卜卜蜆，等夜少少都可以接受啦! 位置方面近住媽閣廟...其實都幾唔就腳我哋九點幾搭巴士去到附近，由於全部都係住宅...街上無乜行人，四周環境都幾黑，唔睇地圖有D難搵。雖然訂咗位，不過去到未有枱埋單...唯有喺門口坐一陣，當時心諗...咁夜都仲咁full，肯定名不虛傳啦卜卜蜆 -- 望落去以為好多，但原來隻鑊好淺⋯只有一層蜆平均鋪滿。蜆有大有細，細嘅真係BB size，部份蜆仲有沙''湯底'' 只係蒜蓉水，食落只有重重蒜味，至於鮮甜......真係完全唔覺連新鮮蜆應有嘅味都被蒜味遮蓋晒Wasabi手撕雞 (數量有限，訂位時要預先叫店員留) -- 好重Wasabi味，有d攻鼻，雞肉嫩滑，配埋炸芋頭絲同埋其他配料一齊食，唔同口感夾埋一齊食幾特別其他火鍋料: 安格斯肥牛，羊仔片，墨魚滑+蝦滑 -- 質素普通而且份量偏少，肉類全部薄切，相比

店鋪位於下環河邊新街🏛，我地塔的士都要慕名而來💃🏻，留意一定要預早book定📲，因為即日去係一定冇位真係好full booking☎️. Book位嗰時仲要訂定芥末手撕雞🐥，如果冇預留的話，就唔會食到呢味菜式🤷🏻‍♀️。卜卜蜆鍋🥘卜卜蜆鍋梗係一大個鍋佈滿蜆仔🥘，湯底是大量蒜頭加少量青椒🥒，湯底有蒜香鮮甜又有蜆肉味。重點係蜆仔肥美得來又冇沙🤩，粒粒鮮甜🤤。難怪個個人都慕名而來食呢一個卜卜蜆鍋🥘，食完蜆鍋仲可以加湯打邊爐😝，食物種類繁多，呢間都算係我個價錢合理得來又高質素既餐廳👍🏻👍🏻。芥末手撕雞🐥呢度既芥末手撕雞食落好有驚喜😵，芥末味好有刺激包你會有流淚的感覺😛，上枱就答到成座山咁高⛰，雞肉嫩滑而又夠重麻油芝麻香味，海蜇爽口彈牙🤓，仲配埋炸芋頭絲一次過連埋一齊食🥢，香脆得來又有豐富層次感🎉。

澳門🇲🇴推介遲卜卜蜆同老婆👱🏻‍♀️拍拖13周年過澳門幾日慶祝💏，吃喝玩樂👫。咁老婆上網睇post推介澳門🇲🇴必去試食卜卜蜆，（好似要訂位吾係可能冇，老婆用酒店電話打去訂位）去得就當然一定係叫左卜卜蜆來食啦，再叫左多一碟鮮牛肉食來到面前卜卜蜆當相吸引，D牛都好好食咁D卜卜蜆份量都好多，當滾起時一齊打開都幾得意架卜卜蜆食落隻隻都好鮮甜，隻隻都好肥美D牛肉都嫩滑新鮮，來澳門真係值得來一試，價錢又吾貴

勁滿足的卜卜蜆煲+wasabi手撕雞手撕雞一定要預約座位時預訂嚟澳門的前兩日一早就在FB book定呢一間餐廳，同埋一早預訂了半隻wasabi手撕雞同卜卜蜆煲，個鍋一嚟到，好多好多隻蜆呀，隻隻都肥美，唔會係淨係得個殼而且好新鮮唔會有沙蜆煲有好多嘅蒜頭粒鋪係面仲有少少紅辣椒，個湯好鮮甜，同埋我覺得有少少牛油味，我哋嗌左墨魚滑併豬肉滑，娃娃菜，粉絲，墨魚滑比豬肉或好食，娃娃菜吸曬湯底嘅精華，很甜 基本上點少少豉油已經很夠味。wasabi手撕雞係好食嘅，wasabi唔會話太厲害，如果再凍少少就perfect喇

呢間打邊爐每一次都係要預先book先有位，請勿靠近車門今次好好彩，你都只係等15分鐘就有位。叫左佢出名的手撕雞，非常之好味咁，手撕雞再加少少脆嘅芋頭，佢仲加咗少少芥末，個口感同個味道配搭得非常之好味！呢個都要提一提，就係手撕雞最好之前book定，因為佢成日都話賣晒，今次只係好彩唔使預訂都有得食！當然我哋亦都有叫到佢最出名嘅卜卜硯煲，我覺得個味道如果再辣少少會好食啲，蒜蓉味都係爭小小！我哋仲叫咗生魚片，墨魚滑，鮮牛肉等等都好新鮮同好好味，下次我都會再去！

多謝太太找到媽閣一間名氣小店，就在海灣餐廳對面的小巷，他的卜卜蜆和芥末手撕雞都非常有名。太太一早預訂並預留了這兩道菜，有幸今晚去試試。卜卜蜆一上桌已經震懾了我們，一大盤全都是蜆，我想沒有一百隻也有八十隻。每一隻都脹卜卜，非常鮮甜，而且沒有沙。尤其是我太太十分喜歡吃蜆，所以吃得十分歡樂。芥末手撕雞果然名不虛傳，手撕雞肉入味嫩滑不在話下，最正是他的芥末調味，有少少攻鼻，不算太辣但又有點刺激，十分過癮。而且份量十足，非常值得點這一道菜。我們還點了黑毛豬和娃娃菜（但是只顧著吃忘記了拍黑毛豬😂），黑毛豬分量不多，但是無渣有肉味，相當不俗。娃娃菜也值得推介，首先它應該是只選了比較嫩的芯奉客，它吸收了湯底中蜆的鮮味和蒜香，變得十分好吃。我和太太本來不算太喜歡吃娃娃菜的人，也把它一掃而光。其實除了娃娃菜，我覺得剩下的湯底作火鍋湯底去打邊爐灼其他東西也肯定非常好吃，真心大力推介，特別是喜歡吃蜆的朋友👍🏻

嚟到澳門兩日一早就book定呢一間餐廳因爲最近超級紅。一行四個人我哋就叫咗一個卜卜蜆，原本仲諗住叫Wasabi手撕雞點知冇book到就冇得食。先講下嗰個個鍋，充滿着好多好多隻蜆，佢真係隻隻入邊都有好肥美嘅肉而唔會係淨係得個殼而且好新鮮唔會有沙上邊充滿住好多嘅蒜頭粒仲有紅辣椒，好惹味呢一個絕對係必食啊食到停唔到口。之後我哋再嗌左其他嘅火鍋配料我哋嗌左呢個墨魚滑，娃娃菜仲有新鮮肥牛同魚片。啲肥牛肥瘦適中而且牛肉味真係好正，個魚片冇骨怕，啱晒我呢啲成日哽親嘅人😂😂個娃娃菜浸左係呢個充滿蒜頭味嘅湯底入邊變得格外好食，個墨魚滑都唔差。食到咁上下職員同我地講有客人取消咗佢哋手撕雞嘅order所以我哋之後又有得食啦。一嚟到wow超級大碟，Casual香港食到嗰啲完全唔同佢Wasabi嘅味好夠刺激食一啖已經有流淚嘅感覺但係超級爽而且佢係配上炸芋頭極級match，啲雞肉就唔使講啦好滑亦都好夠味成件事食完係一種幸福嘅感覺。呢間餐廳真係算價錢合理而且質素高所以真心值得推介。但係建議黎食嘅朋友先提早預約。

最近有不少關於澳門的旅遊雜誌，除了介紹葡國菜之外，還有「卜卜蜆」火鍋，正正是我和男朋友的菜🤤，所以今趟澳門之旅，一早就預訂了贏到粥的「卜卜蜆」。晚上七點正到達，門外已經有不少沒有訂座的人在等。進店後，會嗅到很香很香的蒜味，令人頓時垂涎三尺。我們除了預訂「卜卜蜆」外，還訂了半隻Wasabi手撕雞，聽說也是這店的名菜之一。至於火鍋配料，我們點了安格斯肥牛、腐皮卷和生菜$38。卜卜蜆 $168鍋子裡估計有七八十隻蜆，重點蜆肉飽滿、沒沙😍，加上上面鋪滿了生蒜，更能提出蜆的鮮味😋。整鍋到最後只有一隻沒有開殼，新鮮的程度高達99%。🤓半隻Wasabi手撕雞 $128雞肉不乾，加入青瓜絲、海蜇、芫茜、炸芋絲。這個炸芋絲雖然只是脆脆一條，沒有芋香味，卻讓整個手撕雞變得有特色😯，添加了不一樣的口感，當上了一個重要的角色。Wasabi濃郁，吃起來很刺激。安格斯肥牛 $88我平時對肥牛是沒有太大興趣，因為大部分食肆都是提供肥膏多肉少的肥牛，質素好一點都要上百元。這裡的肥牛不止油和肉比例好，而且有牛味，份量也不少，絕對對得起這個價格。腐皮卷 $38這是我和男朋友每次火鍋必點食品，今次也不例外，可是有點失望。腐

7月尾已決定9月初去澳門2天，妹妹早早提過想去試卜卜蜆。第一日响coffee shop歎完下午茶，家人預約咗6:00pm去食卜卜蜆，地圖顯示由coffee shop行十多分鐘就到。點知行咗好耐，去到張枱已經俾咗人，全店滿坐，店員話有人走就即刻俾我哋，遲到要等都正常啦。店名叫 “贏到粥”，唔多覺有人食粥。在店外坐著等，留意到每一桌都有一盤蜆，真係咁好食?終於可以入坐喇，下午茶都未落隔，淨係叫咗卜卜蜆、娃娃菜拼生菜、粉絲和烏冬。點菜不久，來了一個好大的平底鍋，鍋底舖滿了蜆，粗略估計有成過百隻，蜆上鋪滿大量蒜頭粒，還有些蔥粒和紅辣椒粒點綴著。大家眼睛興奮地盯住鍋內，看著水由冷變熱，水泡由小變大…再變滾，水泡爆破pop pop pop的越滾越大，第一隻開口喇！然後蜆由鍋中心向外擴散陸續彈開，雖然沒聽到蜆彈開時有聲音，卜卜蜆之名可能由此而來…蜆肉飽滿，粒粒都鮮味又無沙！食到停唔到口，真係有意外驚喜！ 由於蜆殼彈開時，裡面汁液流進湯內，令湯底更為鮮美，加上蜆面的蒜粒已混進湯內，成個湯底鮮味加上蒜香，放粉絲進去吸收精華最好吃。後來還追加了一份粉絲，讚！