九記牛腩

营业中

休息中

全港最好食嘅牛腩河之一九記牛腩河 相信冇乜人未聽過佢個名 今日舊地重遊 令人懷念相信有跟開本人食評的朋友都應該知道本人前世同牛有仇 而偏偏九記牛腩又真係好美味首先佢哋個湯底濃而不膩 飲完唔會口乾 河粉軟硬適中 頗彈牙 有口感 至於主角清湯腩 入口有咬口但並唔韌 因為本人並唔鍾意食牛筋 所以佢嘅質感非常啱我胃口 咬落就有濃濃嘅牛肉汁於口內四溢 而且可能佢哋係順紋切 所以可以好有趙口 以及牛腩份量適中 可以餸完成碗河粉始終今時今日嘅消費水平偏高 但要$60食碗牛腩河始終略嫌偏貴 如果可以將價格向下微調會更受歡迎

之前去過幾次去食其他食店，家人一直嚷着要食九記牛腩，昨天終於在晚市時段去光顧。平日的晚上六時多，人流不多，順利入座。三人行，已經沒有河粉供應。各自叫了牛腩伊麵、牛腩粗麵，及後家人忍唔住追加了一份咖喱牛腩伊麵。咁嘅情況，唔使講，都知道一定係好食啦！牛腩鬆軟可口，伊麵不是太油，棉質甘香可口，粗麵沒有鹼水味，咖喱味濃香，湯底清香濃郁，店員告訴我們他們只選用了牛做湯底。（因為有一些其他小店，會加了豬骨做湯底的，由於我自己不食豬肉，所以對此多作特別查詢）喜愛清淡的我，略嫌偏鹹。食後還是有一點口乾，不知有沒有請「師傅到」。不太喜愛蔥花的我，對他們在麵上加的蔥花，感覺是靈魂的所在！$60-$65一碗，份量十足！地方整體乾淨企理，只收現金，沒有免費茶水供應，飲品也不便宜，凍檸茶$26。營業時間為12點至晚間10點左右，星期日及公眾假期休息。應該都是上了岸的小店，舊有的味道，還是需要多珍惜，有機會總要去多幾次！

聽見九記牛腩重開，兩公婆作為老顧客好開心又可以嚟食牛腩伊，兩個人食咗三碗牛腩湯伊麵。九記牛腩嘅牛腩其實唔算十分好，但佢個湯底好好。宜家啲牛腩質素已經比以前自由行盛行時候好番好多，部位接近崩沙腩。喺九記要食好啲嘅牛腩要用天價食佢嘅爽腩。

今日專誠來拜會這間遠近馳名的牛腩麵店，網上有很多好評，又有很多明星光顧，以往都要排隊。最近受疫情影響，很多名店終於都不用排隊了。設有最低消費額。牛腩河粉$55份量極小，只是比飯碗大小小，所以有少少驚訝。湯底呈淡啡色，聞起來有牛香，一嘗起湯汁，是清淡之餘，有濃郁的牛香而不肥膩，你都可以在碗中見不到油光，真是好好飲的湯，所以我是第一次在吃牛腩河時會喝完所有湯水，真是好棒的湯底。至於牛腩都煨得好軟霖，但不稱得上勁好吃，河粉都滑溜，還好。我們雖然不用排隊，但需要搭桌，而我搭桌的朋友就吃了兩碗牛腩麵，還飲完所有湯水。所以真正的美食是反映在碗底。

細細個嗰陣，出街食牛腩河，所有港式粥粉麵店必定是柱侯牛腩，另一個選擇就係潮式粉麵店嘅滷水牛腩。大約20幾30年前的某一天，已經去世了的爸爸帶我去到上環一條小街的地舖品嚐人生第一次清湯牛腩，可以用驚為天人去形容，原來牛腩可以這樣烹調，味道更加出色。這一間小店就是歌賦街上的「九記牛腩」。清楚記得，當年一邊食牛腩麵，爸爸一面娓娓道來往昔食牛腩麵的瑣事。1940、50年代嗰陣，爸爸在上環區的南北行工作；上環及西環作為香港開埠初期最早發展的地區之一，四、五十年的上環仍然有很多橫街窄巷，亦有很多鐵皮大排檔，「九記」正是其中一檔名店。老闆九叔非常霸道凶惡，食牛腩河問佢加多點牛腩湯，對方回應：「冇呀！個個都話要加湯！邊夠分呀！」。想用滾水淥淥木筷子（按：那些年當然沒有即棄筷子，竟然較時代進步了的今天更加環保，實在不合理！唉！），對方寸爆：「嫌污糟以後唔好幫襯！」。由於幫襯的客人太多，寸得起！九叔對待客人的態度也遺傳了給他的兒子（現任第二代老闆）；入舖後，甚至蔓延其他在舗內幫手的家人及夥記，網上也有不少評論提及「九記牛腩」夥記態度差劣。講句公道話，香港還有其他這類型歷史悠久嘅小餐廳，同樣一直只主力一兩款

在中環番工差不多3年，今日第一次食到傳說中嘅九記牛腩！因為每次中午時間呢度都大排長龍。（今日入到去發現鋪頭比我想像中細，座位其實不多）我見咁啱不用等位，所有即刻入去。（15:30左右）作為一個本地香港人（非打手），我非常喜歡食牛雜牛腩河（九記無牛雜），呢度嘅牛腩河係我食過數一數二好食的。上湯非常鮮美，無味精；河粉是我食過最滑最軟的河粉（食完先知麵比較出名）；牛腩好香同軟熟（但不算肥）。唯一就是份量不大，就是剛剛飽那種。伙計是茶餐廳或態度，都幾有禮貌，是講話用詞市井少少。（個人覺得咁好正常...😅）見條街附近都有吉舖，不個老闆會不會考慮租埋佢做多幾台客呢？🤨

去開中環工作，心血來潮想食碗九記牛腩的牛腩河。去到的時候差不多五點鐘，冇人排隊，但店內都幾滿。叫了碗牛腩河，好快就上了。牛腩很淋，但有少少散，有牛味，亦有少少肥膏，對我來説啱啱好湯就應該是用了師傅吧？河粉就不過不失。九記牛腩另一個出名的就是他們的服務態度，當然是差嗰方面。出了名，不太憂心沒生意做。不過久唔久先嚟一次就算了，食完就走。

有外地朋友黎到香港,指名話要食九記牛腩,就帶左佢黎啦。事先已經同佢講因為十一黃金周,多數要排好耐隊。果然不出我所料,條隊長到...朋友去左數人頭,聲稱話有100個人排緊隊喎...等左成一粒鐘先有得入去。咖哩牛筋腩伊麵 $48我自己就叫左個咖哩牛筋腩伊麵, 因為真係好惹味。不過一定要帶定紙巾,因為會辣到流鼻水,但啲咖哩汁真係好味道我會飲哂佢!啲牛腩都保持水準既,正如啲服務都保持'水準'2位朋友都唔食得辣,所以都係叫左清湯上湯牛腩伊麵 $48上湯牛腩河粉 $48朋友覺得好新奇,點解粉麵都分咁多種類,佢地就試左伊麵同埋河粉,都一致認為伊麵好食啲。至於牛腩都係得到外地朋友既肯定既。食完,條人龍依然係好長...

有一些舖頭並不就腳，但由於好食所以許多人都會慕名而來，就好似九記牛腩 ，他們的牛腩早已聞名於港九新界，更有遊客專程來食， 所以常常出現大排長龍的情況不足為奇， 尤其是中午的時間冇半個鐘都休想進入。今天終於提起勇氣，和同事決心一闖這間店舖究竟有什麼魅力， 店舖是一般的普通裝修，不過就算裝修成點，現場人山人海已經蓋過你的思緒了。我們一行五人一坐下就叫了牛腩伊麵， 伊麵麵身爽滑適中，牛腩不是太濃味，清清地入口鬆化，湯底是清湯底，加兩滴辣油，更加惹味。食一碗係不夠喉，兩碗又太多，最好同人share，大概每人食一碗半就啱啱好了。由於人多，在這裡吃是有點壓力的，侍應見你吃完都急不及待收碗，希望下次來的時候，我可以化壓力為動力，食多幾碗先得。

不嬲相信盛名之下無虛士，不過今日一試九記，大失所望。下晝三點幾殺到，店前已有小人龍。不過稍等十分鐘就入得。呢度嘅伙記，稟承香港四大奇食嘅作風，對客人基本上頤氣指使，毫無侍客之道。當然，比之澳牛，九記服務當然算係非常周到。奇食之風應該係“我有美食，你俾我hi auntie都要照食”，不過九記今次好似唔係幾做得到。入到去一坐落就同澳牛差唔多咁迫，同坐有一對中國情侶同一個日本家庭。點咗個上湯牛腩伊麵同凍奶茶：奶茶不值一提，垃圾水平。到重點嘅腩伊。牛腩非常瘦，好少肥。咬落好老身，甚為韌，口感非常差。不過牛味幾重。唔算食唔落口，但以九記之盛名嚟講，完全唔合格。伊麵冇煮得太淋，口感甚好，不過此屬一般水平，不值一晒。個湯味厚而清，算係唔錯。會搵日再試，睇下佢係浪得虛名，定係一時失手。p.s. 同枱日本小妹妹嗰碗有cockcroch於其中 希望九記可以做得乾淨少少，唔好影衰香港。

香港「四大奇食」，經歷今日終於成功光顧中環「九記牛腩」之後，總算是大功告成，試食完四大奇食食店。不過回頭想起，「四大奇食」之所以被稱為「四大奇食」，果然名不虛傳。奇食味道反而是其次，真正奇的是「四大奇食」異於常人的服務態度。不是嗎？「四大奇食」其中有兩間，都是逢星期日休息的。以現在香港旅遊業的景氣，現在還有食店「任性」得不以顧客感受為依歸，在遊客食客黃金消費時間堅持休息，就算要遊客望門興嘆，也要在不適當時間休息的食店，還不是「四大奇食」嗎？我是講真的，我第一次去拜會「九記牛腩」，就是忘記了「九記牛腩」跟「星座冰室」一樣，都是逢星期日休息，結果我千辛萬苦看地圖找到「九記牛腩」，第一次光顧就摸門釘告終，我可以不神傷嗎？第二日，我再拜訪「九記牛腩」，「九記牛腩」固然已經開門營業，但「九記牛腩」竟然跟「澳洲牛奶公司」一樣，一樣有條長長的人龍，要苦等一段時間才能入座。所以我最擔心的事情可能又會出現，我不最怕食物售罄，而是怕侍應的服務態度。以防萬一，我要好像光顧「澳牛」一樣，事先想好自己想吃的食物，到入座就儘快點菜，避免任何不愉快的事情發生。幾經辛苦，終於等到有座位可以入座，即使要搭檯都已經在我預

上個月去開上環，終於食到大家講左好耐既九記！以前每次黎，一係關門，一係超長隊，所以今次再來博一博，平日下午唔洗排隊直入看到Menu,爽腩超貴！啞左～叫左碗上湯牛腩河 ($45)評價：細碗，唔夠飽，牛腩有點韌唔夠林。湯底ok既，不過唔值咁出名，出面$3x 碗的比它好味&份量多一陪。下次有機會再試埋個咖哩腩先～

如果我們不曾相遇 我會是在哪裡？五月天的新歌，就像我和九記的關係一樣對上一次吃九記是五年前的事了那時我發起與同事組織了一個美食團現在走的走散的散，美食團竟剩下我這個萬年吃貨幸好網上認識了一班志同道合的人其中有人說從未吃過九記牛腩，造就了五年後的再次相遇不知是否酷熱天氣的影響這天竟一反常態，沒甚麼人排隊一行六人輕輕鬆鬆就進去了我知道九記出名是咖喱汁和伊麵但我這人愛走偏鋒，就要吃清湯腩。(後來發現，叫咖喱汁的人吃完都表示感到口渴，你懂的！）上湯牛腩河粉($45)老老實實，比起大埔群記和天后華姐清湯腩，其實我自己是更為喜歡吃九記的整體的湯底和河粉和牛肉味是九記較為出色(不喜勿插)不過牛腩的質素而言九記這天吃的感覺就是韌了老了幾分，一絲一絲的全卡在牙縫的感覺比起群記的牛腩, 這裡的牛腩就顯得不濟了。比起我印象中的九記亦有些微的退步。不過店員的態度好像較以前有所改善，還肯幫我們拍照，帶位大哥也沒以前那麼易動怒，火氣收斂了不少。大概是見慣見熟，不以為然了。

這個週六晚上有人建議再到九記拜訪，測試一下我們的運氣。早前我們曾經幾趟在晚上到訪，不是店外人龍太長，沒有耐性等候，就是排隊等待中，食物已經賣光，好幾趟都跑個空。對上一次來這裡吃牛腩已經是多年前的事，一直被它的長長人龍嚇怕，加上以前它們還有晚飯休息時間，未到開店時間門外已經站了一條人龍，即使懷念它的牛腩伊麵，也很少考慮再來。之前幾趟跑過來也是抱著平常心，吃不到亦不會太失望。大約8時到達，店外當然有一條人龍，幸而只有約10人，大部份說著普通話的，應是慕名而來的旅客吧，我們排在隊尾，慢慢的隨著食客逐批進入店裡而向前推進，卻一直擔心食物會否賣光，等了15分鐘，我們終於能入座了，座無虛席是當然的，店內的位置真的有點擠，我們被安排坐到製作枱的旁邊。伙計熱情的告訴我們河粉剛剛賣光了，同行的有點失望，因為他說這兒的河粉特別的柔滑，每每到晚上總是賣光的，我們只好點《牛腩伊麵》，收費48元一碗，絕不平宜呢！牛腩伊麵很快地送上，牛肉湯的香氣飄散在空氣中，郁香滿滿的。這家麵店已有90年的歷史，足以見證香港的變遷，以清湯牛腩及咖喱牛腩而聞名，聽說湯底是以自家秘方加入中藥配方製成的。湯頭鮮香清甜，牛香味厚重，伊麵

今晚唔喺好想嘢，後來就同FD嚟左我地至愛嘅九記牛腩，我地差唔多9點嚟到，生意爆棚，真係好多人咯，條隊好長吖，排左差唔多30分鐘先到我地上湯牛腩伊面。：未食就聞到好香啦，上面放左D大粒蔥花，賣相好清爽，不過我唔食蔥嘅，唯有FD幫我消滅佢。牛腩煮夠腍夠入味，全部喺肉多筋少嘅爽腩。伊面將清湯嘅精華完全吸收好彈口！咖喱牛筋腩伊面： 咖喱湯汁好濃，味道正宗，哩種相比于清湯嘅，口味會更重一D。牛筋煮得好軟腍，食落有D似啫哩甘，而且都喺好大一舊，分量足，真喺貨真價實，伴著吸汁力強嘅伊面吃，實為最佳配搭兩個面相比，我就比較中意清淡D嘅上湯牛腩伊面，FD就中咖喱味嘅伊面，我覺得咖喱味嘅伊面辣左D。