FUMI

营业中

休息中

有同事話想試Fumi 好耐，應該係之前上網睇到人哋介紹。適逢呢個星期比較得閒，我哋成班同事星期六日去到Fumi 試下佢個A4宮崎和牛&松葉蟹腳放題（$588)。價錢方面，算係比較大路，附近嘅餐廳週末semi brunch buffet 都係收緊咁上下價錢。但係魔鬼在細節，原來A4和牛只係每人包一份，要加$188先變成任食🥲呢個套餐係包一款主食，其他就全部都係任食，主食坦白講就真係唔係太吸引，我就叫咗個迷你香蔥吞拿魚腩井。質素有啲驚喜，但係份量始終比較少，同埋今日嘅主角都唔係佢。等我同大家分析下任食部份松葉蟹腳（4.5/5)👏🏻鮮甜，新鮮，溶雪做得好，肉質爽口刺身（4/5)👍酒店級數，入口溫度適中壽司（3/5)冇咩特別，建議大家留肚食其他燒物（4/5)咸度適中，香口，幾款燒物水準都唔錯天婦羅（3.4/5)水準ok 的，但種類比較少，差唔多全部都係蔬菜甜品（4/5)哈根大師味道相信大家都熟悉，但佢展示手法用咗乾冰，咁就好岩大家係ig 打卡拍片😂總括而言，餐廳整體質素唔係差，但係呢個價錢嘅話就冇咩競爭力，因為無論係景觀，侍應服務態度都唔係特別出眾，咁樣又點可以令一種食客再回頭幫襯呢。

見到有松葉蟹任食，星期六日就黎左試下。整體來說，是有些微失望的。（可能有期望就有失望）。一入場就見到好多食客，頓有「全院滿座」之感，稍有「劈場」感覺，我會用「高級劈場」黎形容呢種形式嘅自座餐。重點之一的松葉蟹，肉質軟嫩，偏鹹（仿似一種海水咸），直到食蟹鉗，蟹鉗裏便啲肉都幾鮮甜。（但爆開蟹鉗嘅工程係相當之浩大），但就味道來說整體就好一般，我吾會用「美食」黎形容佢。最後埋單每人hkd$600左右，但同樣價錢可以食味道更好的美食，所以不建議九龍區的居民特登黎食。

睇YouTube有幾個YouTuber都有介紹呢間餐廳嘅鱈場蟹放題，都想試下。咁問咗幾個friend啦，佢哋又好似冇乜反應咁，於是我就決定一個人走去試吓！我係經Openrice到book嘅，book完之後你會收到餐廳嘅email叫你落$200 deposit。去到餐廳，坐底咗之後，如果你未食過呢個放題的話，個侍應就會同你go through一次個Menu，仲可以有2個option你揀！一係成個menu嘅任食item同你全部上一次，一係你就想食咩自己叫！我就選擇咗後者！先嚟個刺身先！佢話佢d魚係全部嚟自日本，係好食嘅，好鮮味！到個主角蟹腳啦！佢其實有2種蟹，鱈場蟹同松葉蟹，如果你冇特別聲明的話，佢兩種蟹都會執俾你，咁試過頭一輪之後，心諗：咁梗係食鱈場蟹啦！貴咁多！咁我就嗌多兩輪嘅雪場蟹腳，佢嗰啲雪場蟹腳好粗，條肉勁大條！好好味！除咗啲前菜啊，刺身啊，蟹腳啊，天婦羅同埋燒烤嘢之外，佢仲可以揀一個主食！咁由於我食咗太多肉嘅關係，所以我就叫咗個雜菜鍋，點埋個柚子豉油幾好食！食到最後啦，如果你係經網上訂咗又落咗deposit的話，佢會嚟個甜品set俾你嘅！咁有d生果，日式糕點同埋Häagen-D

好耐未試過父親節正日同阿爸慶祝，咁啱睇到呢間長腳蟹放題，而且上網睇環境都好舒服，所以上網bk，餐廳為咗可以令客人可以真正享受用餐，所以所有bk位都要比訂，本人都覺得幾好，唔洗咁容易比人霸哂位而又唔出席！上到餐廳好快安排入座，店員解釋點餐事項。。。我地費事睇，索性叫店員所有任叫嘅都嚟一次，我地只選主菜，而當日係父親節，每枱父親都有兩支啤酒攞返屋企再暢飲，真係好開心！食用時間由12至3。。2點半last order，不過我地食到2點都飽哂，於是叫佢上甜品埋單，到攞單過嚟話買3送1。。。竟然有咁嘅事我都唔知整體呢餐都好好，而阿爸最開心，又可以食到佢鍾意嘅放題，又有鍾意嘅啤酒做禮物，而且變相佢係免費架！今個父親節佢最難忘，真係多謝餐廳有咁窩心嘅動作

我至愛任食或者自助餐，貪款式夠多，又可以每款先試少少，好味先再添食😆 所以，我哋安排咗元旦1月1號嚟到中環「FUMI」試試以🥢All you can eat形式嘅🍣日式Sunday Brunch☀️「FUMI」位於中環德己立街一座新式商業大廈之中，環境唔錯👍🏻不過，餐廳位於嘅商業大廈就不設停車場，所以如果揸車嚟嘅，就需要係附近停車場🅿️搵位泊車。或者，搭港鐵可以由中環站D2出口，步行約4-5分鐘。餐廳環境闊落、裝修簡約舒適👍🏻 Sunday Brunch用餐時間可以由中午12點至下午3點，時間非常充足，唔似一般日式放題食到好趕🏃‍♀️而且，最近做緊買3送1優惠，即係4人同行收3人價錢（免費最低價錢果位），公眾假期都可以享有呢個優惠，真係好抵💥大人$480/位+10%、小童$280/位+10%。（飲品或酒類另計）⚠️特別留意，最近做緊額外優惠，訂座後如果提早入數每位$200訂金，就可以每位送一隻牡丹蝦刺身🦐😋⚠️呢隻蝦刺身幾大隻、又鮮甜，值得一試👍🏻雖然名為All you can eat 放題，但要留意‼️主菜每位只限選一款、甜品亦不能任食，係由餐廳按每檯人數綜合做一個甜品拼盤。餐廳職員非常貼心💖入

因為我生日💛所以就帶咗男朋友黎蘭桂坊呢間FUMI食野❣️本身佢自己都好鍾意食日本嘢既然今年冇得去旅行就決定帶佢食好西🤤一開始入到去，waiter服務好好幫我哋量晒體溫，俾埋我哋搓手液去消毒之後安排咗個角落嘅座位俾我哋，我自己唔係幾鍾意咁嘈，所以覺得咁樣安排幾好☺️打開Menu先知道原來佢轉咗做Semi buffet😂不過都唔緊要，因為好多嘢揀Waiter好用心機去介紹各樣菜式俾我哋，同我哋講可以慢慢諗，晏啲再叫main course都得(平時最憎人哋催我🤣)因為驚帶太多食唔晒，所以每個item就帶咗兩三款。不過當中最好食梗係就係刺身同埋鱈場蟹🥰唔洗點豉油都已經笑到佢嘅鮮味本身係海鮮怪嘅我淨係食呢兩樣都已經好滿足❤️而且佢嘅炸物同埋燒物都係熱辣辣再配上適中嘅醬汁，唔會特別咸或者特別油之後到main dish嘅和牛烏冬平時食開讚岐或者其他手打烏冬就係粗粗嘅今次嘅冰件見烏冬就係幼嘅但同時亦都好彈牙同入味我決定以後淨係食冰件見烏冬🤣不過食食下突然之間有個waiter收野嘅時候打爛咗成盆玻璃碟同杯，嚇死我個甜品就正正常常，都係食返係日本嘅味道埋單兩個人唔使1000，所以我覺得好抵😍

知我者都知我無牛不歡，尤其是和牛更是我的超愛，當我知道！蘭桂芳FUMI推出了日本和牛套餐，每位$888，我就按奈不住相約好友們去一嘗和牛的滋味，當日我真是吃得超級的滿足，好想再來一次。呢個和牛套餐共有六道菜，由前菜開始已令我好有驚喜，這道宮崎和牛洋蔥沙律，入口軟腍的牛肉配上洋蔥絲 和木魚碎，在酸甜醒胃的沙律汁下，真是胃口大開。 刺身就有超級爽口的赤貝、鮮味十足的油甘魚及深海池魚，還有甜蝦，款款都好新鮮。 吸物就是鯛魚濃湯，一打開碗蓋，看到的是由鯛魚煮成的白色湯，再來是濃濃的魚香味鼻而來，入口鮮甜度百分百。 燒物是宮崎和牛肩鐵板燒，不但是我的最愛，更有一場火燒的場面出現，講明先，其實是可供個人慢慢燒，可是我總怕會浪費了宮崎和牛肩，還是交給專業人事代勞，他先將牛肉放到文字爐上面，用猛火烤過後，先將和牛的肥油全數逼出，最後便加入蒜片、日本芥辣和蔥花同吃，口感豐富更帶出了和牛的香味，嫩滑無比，好好味呀！ 另一重頭戲食事，就是宮崎和牛壽喜燒小鍋，鍋內是細嫰的薄牛肉，伴了蒟蒻麵、雜菌和豆腐，由於那壽喜燒實在太惹味，令我也按奈不住來加多半20來一碗白飯，又是好滿足。 飯後一定要

近日發現蘭桂坊加州大廈日本餐廳「文」推出之假日早午餐已經改頭換面，食品多元化了許多，不止於壽司、還有很多熟食及燒海鮮等，仲有親子教學活動－章魚小丸子學堂，非常有諗頭，這個星期日到來，果然非常旺場，敬請訂座！現場睇清楚，自助食物包括沙律、刺身、壽司、天婦羅、燒物，主菜六選一，再額外加送三款廚師發板時令燒海鮮。還有大師表演即場剖魚，今天主角是油甘魚。半自助餐成人每位$480，小童每位$280，更有買三送一，非常適合一家四口。若然意猶未盡，可以任飲追加，三款選擇由$88起，因為今日特別口渇，哈哈！所以點了套餐三，$168任飲香檳、紅白酒、清酒、啤酒、汽水及果汁。咁究竟有咩好食呢？ 以新鮮果汁開始。我會先來一小碟蟹子沙律，另有薯仔沙律可選。生菜沙律當然不會缺，加了車厘茄及粟米粒混合之後，絕不能忘記取幾片烤牛肉及煙鴨胸，這樣地，開胃沙律便不再需要任何醬汁已經夠味，正是我的健康組合，而且烤牛肉及煙鴨胸味帶酸，十分醒胃，無需擔心咁快飽咗。找到好藉口，生冷食品前先飲清酒。色澤亮麗的刺身，甜蝦、帶子、油甘魚、赤身；幾款卷物中，我最喜歡三文魚牛油果卷；鱈場蟹唔乾有肉汁。天婦羅蝦、天婦羅茄子、炸雞。   

長假去到尾聲，真係好唔捨得⋯⋯十萬個不捨得。悠長的假期裏除旅行之外，就是不停約朋友吃飯相聚，每晚也吃到不知時間，傾夠才散，滿足! 要抓緊假期的尾巴，今晚友人帶我去蘭桂坊，但並非去劈酒，而是去吃我最愛的日本菜。餐廳位於加州大廈，一出升降機門便覺得很閃亮耀眼，挺有氣派。裝潢既時尚，亦帶着和風色彩。開放式的門口，近門設有一個流線型的酒吧枱，再連接一排長壽司吧枱。大廳中間設有多張四人枱，而靠牆和半落地玻璃窗的位置就有一排長沙發坐配四至六大枱，枱與枱之間有不少距離，樓底亦高，感覺舒服自在。晚巿設有兩款Set，分別是6道菜和8道菜，而我倆都選擇了前者。晚夏初秋之懷石 6 course early autumn kaiseki ($880)包有前菜、刺身、清湯、燒物、飯和甜品，還可加$280按菜式配上四款合適的日本酒，美酒伴佳餚的確很好，但可惜我倆都不勝酒力。****************************雖然我倆的酒量一般，但對於梅酒就唔同講法，邊飲邊傾，更加開懷。鶴梅完熟酒 Tsuruume Kanjuku Nigori ($60) 啖啖酒香和香甜梅味，仲有幼細的果蓉，酸酸甜甜，味道又不

深入の意味，日本語指深入生活才能寫出好的作品來，我們今晚意味 Fumi 立夏之懷石，吃出主廚對日本時令食品之深究知識，從而做出賞心悅目的藝術菜餚，五款清酒配更是絕妙，清香甜美循序配合，令味蕾享受昇華，配合環境與服務，性價比高。 位於蘭桂芳中心的商廈，Fumi 盡得地利，相信不乏中外客人，裝潢西日混血，別富紐約大都會之現代感，木系的桌椅同時又有溫馨之家的感覺，在無拘束之下慢活用膳。 既來之，我倆自然配合，決定品嚐八道菜的晚夏懷石，善待忙碌的自己，反正難得悠閒！ 餐前酒 - 獺祭純米大吟釀 我們並非無酒不歡之人，但在酒精之陶醉下，心情真的得以放鬆，餐前清酒是冰涼的獺祭純米大吟釀，雖然酒精濃度有14%，但味帶果甜，媲美香檳，容易入口，二人碰杯，無事慶祝亦心花怒放！ 前菜 - 蝦夷鮑魚花竹蝦 清玻璃的碗子配上透明的昆布汁，令橙白色的花竹蝦尤其矚目，肉彈鮮甜上乘，很有蝦味； 底下兩片伊勢蝦夷鮑魚，柔韌豐美； 最特別的是新䔿菜，獨特的黏膠外層包裹著棵青菜，口感滑潤，但味道全無咬落只有爽滑，適宜混合其他配料如青瓜、迷你番茄及昆布湯汁同吃。 清淡但回甘有味的昆布汁，配合少吃到的新䔿菜及新鮮非常的