狎鷗亭居酒屋

营业中

休息中

餐廳：狎鷗亭居酒屋地點：尖沙咀諾士佛臺菜式：韓國菜餐牌：前菜、一品料理、火鍋、湯類、炸煎炒類，燒烤類、飯麵類、飲品先上前菜6小碟，包括菠菜，芽菜，辣魚餅，魚仔，辣泡菜等，味道唔錯，好豐富。涼拌豬仔腳 $378 另加一涼拌豬仔腳超大碟，豬仔腳排得整整齊齊，加有白芝麻粒，下面墊有青瓜絲，紫椰菜，紅蘿蔔絲，椰菜絲，蟹柳，生菜絲，海蜇等，好豐富。服務員幫我地加上大大兜檸檬芥末醬，撈好我地先食。首先，豬仔腳皮彈牙，肉質好嫩，個檸檬芥末醬係超正，又滑又香又甜甜地，帶微微辣，令豬仔腳更好食。加有多種蔬菜口感豐富。烤花肉 $278 另加一烤花肉用鐵板上枱，一客十幾片厚切牛肉，整得少少生，簡單加上白芝麻粒，已經好夠味，口感夠嫩，牛味濃，好正。仲有麵豉醬同麻油比你自己調味。面頭仲有三條雞脾菇，下底墊有洋蔥絲，吸左汁好好味。伴有新鮮生菜同蒜片比你包肉食可解膩。魚餅湯 $158 另加一魚餅湯用個爐係你面前滾，冬日之選。材料主要係超多薄魚餅，配少少厚魚餅，竹輪，日式魚蛋片，金菇，皇帝菜同白蘿蔔片，好多野食。附上豉油同日式芥末，原來魚餅配日式芥末係好夾。個湯好清，感覺健康。份量超多，必定飽肚。柚子檸檬麗塔 $98

餐廳：狎鷗亭居酒屋地點：尖沙咀諾士佛臺菜式：韓國菜餐牌：前菜、一品料理、火鍋、湯類、炸煎炒類，燒烤類、飯麵類、飲品先上前菜6小碟，包括菠菜，芽菜，辣腐皮，魚仔，辣泡菜等，味道唔錯，好豐富。生拌牛肉 $258 另加一生拌牛肉係招牌菜式！有大大個生牛肉球，份量好多，面頭一隻蛋黃，仲有香辣蒜片同白芝麻粒，撈埋之後食，味道唔錯，好香麻油味，而口感冰凍，伴有爽甜梨絲，可以加添味道口感。伴有一片檸檬可以調味。薯仔湯 $398 另加一薯仔湯用個爐係你面前滾，冬日之選。材料包括八大件好淋豬骨，四大件薯仔，好多芽菜，大蔥，芝麻葉，好多野食。個湯呈淺啡色，主要係芝麻種子味，味道好味得黎唔會太濃，剛剛好，我覺得有少少似淡麵豉味，菜吸左個湯好好味。益力多沙冰 小 $148 另加一益力多沙冰一共有六杯左右，味道唔錯，食到粒粒冰粒，解渴開胃。今餐食物質素唔錯，服務員有地道韓國人，服務態度唔錯。餐廳裝修係居酒屋風格，感覺好有去左異地感覺。

狎鷗亭居酒屋，位於尖沙咀，就係諾士佛台，非常韓風既裝修🇰🇷韓仔侍應，坐位舒服，仲有啲私密啲既位俾你聚會😎前菜六碟，非常精緻，菠菜個麻油好出色👍🏻其他都好味，銀魚仔好特別，送酒都好啱🍶🐻勞蘇食🐻推介 —— 生拌牛肉 Yukhoe 🌟 擺盤精緻，專人攪拌，將生牛肉絲、生雞蛋、芝麻、麻油、生蒜片同梨絲撈匀，入口肉質嫩滑，香料調味配搭一流🤤梨絲帶甜仲可以解膩，非常好味既涼盤，係我食過最好食既生牛肉💚麥格利酒 Makgeoli，聲稱係Draft同unfiltered，飲落真係好fresh好夠氣😍高質米酒辣炒魷魚五花肉，好多枱都叫，鐵板上好香，份量又多，非常韓風，八爪魚勁鮮爽🐙多汁好味，五花肉用甜辣醬炒好夾，好味😋鮑魚人蔘雞湯，望一望湯料就會幫你起隻大鮑魚剪開放入湯入面🥹鮑魚極鮮極腍，好好味，唔加鹽飲啖原湯，雞味同蔘味爆炸✨加少少鹽飲，食埋入味雞肉，真係好正👍🏻非常高質既韓式人蔘雞湯真心非常非常高質既韓式居酒屋，韓食係100%唔會令你失望🤞🏻仲要開到3am，真 · 居酒屋✨係尖沙咀食韓國菜唔一定要去韓國街既，試過你就知邊個先係尖嘴No.1😆

#MC帶你去尖沙咀.居酒屋就去得多，咁韓式居酒屋又試過未呢？！➖✨ 狎鷗亭居酒屋.餐廳裝潢走木系風格，環境舒適燈光柔和，更有榻榻米卡位房間，氣氛滿滿。➖🥢 韓式前菜｜🆓 ✨無限任添✨.點菜後即刻送上六款韓式前菜！有韓式泡菜、涼拌豆芽、涼拌菠菜、甜魚仔、牛蒡漬及韓式魚糕，全部由餐廳自家制作，健康天然又開胃。➖🥢 韓式馬鈴薯燉排骨｜$358📝 돼지뼈찜｜Dwae Ji Bbyeo Jjim.馬鈴薯燉排骨十分足料澎湃！豬脊骨經過燉煮多時，肉質變得非常嫩滑，連薯仔嘅口感都超軟腍綿密！加上醬汁以韓國辣醬、紫蘇粉及秘製調味料調製而成，香香辣辣，十分有地道風味！➖🥢 韓式魚餅湯｜$158 ✨推介✨📝 오뎅탕｜O-Deng Tang.魚餅湯亦有「韓式關東煮」之稱！湯底非常鮮甜，搭配油豆腐、魚糕、魚丸等材料串在籤上煮熟，以及鳴門卷、蘿蔔等多款材料及魚糕鋪滿整個煲，鮮甜美味又暖笠笠！➖🥢 覆盆子酒｜$158📝 복분자｜Raspberry Wine.韓國傳統水果酒！色澤呈深紅色，入口順滑柔厚，味道微甜，幾易入口。➖🈹 優惠｜Promotion.逢星期日及星期一更有全單８折優惠。➖⚠️ 位置｜Location

全部韓國人主理嘅韓國菜🇰🇷‼️超級正宗，重點係唔會太貴（星期日及星期一仲全單8折）😳 同埋開到勁夜，由17:00開到凌晨2:00/3:00，成班friend Friday night / Weekend 嚟爽爆😌 環境 餐牌 店內款式超多，基本上你想食嘅韓國菜都有，平均都係$100-200份，鍋物當然價錢會高少少，但夠大份，人均都可以～ 生拌牛肉 $258 生拌牛肉配以梨絲，牛肉超清甜🩷 質感鬆軟但不失牛肉口感，配埋爽脆梨絲，增加風味，必吃前菜😆 辣雞肉芝士鍋 $288叫咗個經典韓國菜嘅大鍋辣雞肉芝士鍋，有3邊都係芝士🧀🫕店員會幫手撈埋落辣雞鍋，勁邪惡😈 辣度合適，雞肉同年糕嘅份量各佔一半，食完個鍋真係夠皮。 柚子檸檬麗塔 $98 / 青檸&檸檬麗塔 $98飲品就叫咗同樣Hit咗好耐嘅倒插飲品，一款用San Pellegrino嘅無酒精飲品，一款用Corona嘅Lime & Lemon Soda，兩款都好飲。

日式居酒屋平時就去得多啦，韓式居酒屋就真係第一次去！呢間狎鷗亭居酒屋係諾士佛臺入邊嘅樓上鋪，餐廳燈光昏暗，環境又充滿住韓式嘅古式古香，仲要由韓國人親自主理，食物味道正宗，難怪餐廳咁深受歡迎～✨前菜有6款韓式小菜，每款味道都非常正宗，而且各具特色，仲可以無限refill添～燉豬骨鍋💰HK$358豬骨上面嘅肉經過長時間嘅燉煮之後，肉質變得非常之嫩滑，香氣四溢！連旁邊嘅薯仔嘅口感都超軟腍，仲有啲芽菜用來增添口感！整體味道香香辣辣，令人特別開胃～鮑魚粥💰HK$158鮑魚本身已經充滿海鮮嘅鮮味，令到啲粥唔需要太多嘅調味，味道都已經好鮮美，真係營養又健康～生米酒💰HK$120生米酒質地濃厚順滑，每一啖都充滿濃郁嘅米香味，而且仲有一種好天然嘅微甜味！同埋韓國料理一齊食，成個感覺就夠晒正宗啦～餐廳而家仲做緊特別優惠，逢星期日同星期一過來食飯，全單就可以享有八折優惠，真係好抵啊～

係諾士佛臺呢條酒吧街中間有間韓式居酒屋狎鷗亭，由韓國人主理。見到顧客都好多係韓國人，就知道佢夠正宗。一黎先上前菜，有六款仲要係任添既，有泡菜、菠菜、芽菜、魚乾、薯仔同埋豆腐。一路食住前菜一路等主食黎到。呢度平時星期一至六係開5pm - 3am，然後星期日開到2am，好啱同朋友酒聚😚1️⃣ 烤胸叉肉（$238）第一次食胸叉肉。係帶肥肉既部位，食落係有口感既，鐵板上好香～個底仲撲滿洋蔥絲。可以加埋生蒜、麻油、辣醬包生菜食。真係一秒去左韓國😋2️⃣烤鮑魚海鮮鍋（$458）呢鍋海鮮勁豐富！有蝦、蟹、青口、大蜆、鮑魚、帶子、魚、魷魚，仲有金菇、芽菜、豆腐、蘿蔔。店員勁細心會幫手拆殼同埋剪好一件件方便進食，完全係可以坐係度食殘廢餐🤤一開始佢仲幫我地分好一人一碗既份量，真係坐定定就有得食。海鮮除左多之外，仲好鮮甜，特別勁開心係有鮑魚同埋原隻魷魚🥰湯底飲落帶好少既辣味，好好飲。3⃣️ 益力多沙冰（$148）係一大壺既。同朋友可以share斟黎飲，酸甜既乳酸菌味道清涼開胃。

👨🏻‍🍳狎鷗亭居酒屋 (尖沙咀)📍尖沙咀諾士佛臺9號冠福中心1樓 第2次光顧🤤會encore既餐廳之一🫶🏻韓國人打理既餐廳，好正宗😙 6小碟前菜都好好味，泡菜味道岩岩好，吾會太酸太辣🤤仲有小魚干好野味，送酒一流😝 👍🏻🍽️石頭雜錦炒泡菜飯激推！！食到停吾到口🥹熱辣辣上，芝士滿滿，仲有飯焦🥹 🍽️石板烤牛肉提供生菜比你包🤤 👍🏻🍽️烤牛舌份量好多🥹好入味，加吾加檸檬都得🤤 👍🏻🍽️辣醬烤豬肉又系激推😆泡菜、整個辣道都岩岩好，份量超多！！以為夾到泡菜，夾極都系肉肉🤣 🍽️水冷麵so fresh fresh🤤湯 消濟一流🤤🤤🤤 🍽️韓式八爪魚雞如果吾多人食，不建議叫🙈好大份，好濟🥲不過打卡都幾正🤣 第一次光顧，31/12除夕夜，有tatami坐，好舒服🤤第二次爸爸生日，想帶佢去坐下tatami🤣不過當日booking好full，訂座時話無tatami🙈點知去到之後，老板娘話可以比我地坐tatami🥹最後take away，仲教我地點樣分開裝，又吾介意比多幾個盒同袋，好好人🥹佢地服務真系好好，好親切，有家的感覺🥹推👍🏻👍🏻👍🏻👍🏻👍🏻 #狎鴎亭 #韓國餐廳 #香港韓國餐廳 #韓國餐廳推介

今次黎比之前少人了唔洗排隊，同另外三個fd一齊食，人均250，唔算太貴，整體黎講都好食😋之前都黎過幾次！可惜今次無乜啊豬媽前菜有六款都好食，薯仔同魚乾係出面比較少見魚片辣炒年糕魚片好食，不過整體有d辣，越食越辣，要瘋狂飲水，年糕好有咬口👍海鮮煎餅就差d，完全食唔到海鮮，份量少而且餅皮偏厚身多麵粉，如果薄身脆皮會更好涼拌豬仔腳，次次黎味道都一樣好食撈埋其他野一齊食好正炸醬麵味道正宗，麵硬身有嚼勁👍

\\\ 尖 沙 咀 留 上 居 酒 屋 🍻\喺尖沙咀諾士佛台有間超有feel嘅樓上韓國居酒屋，環境舒適，有阿豬媽坐陣之餘更設有數張榻榻米座位，仲可以落簾，私隱度大大提高🤫·聽聞呢度嘅前菜會經常轉款，而今次就有泡菜、大豆芽、小魚乾等，唔夠食仲可以添食，入口清新，調味適當，幾醒胃·水冷麵 $98推薦指數：★ ★ ★ ☆ ☆浸在冷水同冰塊中嘅冷麵，伴有隻蛋，麵質煙靭，另有跟埋醋同芥辣比你自行添加調味，d醋都幾酸吓，怕酸嘅人記住要就住就住落啦😜，夏天食用非常開胃而且消暑☺️·炸醬麵 $98推薦指數：★ ★ ★ ☆ ☆超多洋蔥🧅同菇菇，麵條濕潤唔會乾，但有少少過黏，未夠分明，味道略略偏鹹·半半韓式炸雞 $188推薦指數：★ ★ ★ ★ ☆原味同酸甜辣味各半，雞肉鮮嫩，肉汁juicy，即使淋咗醬個皮都keep到脆口嘅口感，味道適中無過鹹😋·如果想chill吓可以order杯Cocktail、Soju、Makgoli🍹，完全將自己置身於韓國中🛫🧳，仲幾適合打卡；汽水🥤價錢就偏貴，冇記錯要成$30/罐👷🏻‍♀️，餐廳有提供水··📍 狎鷗亭居酒屋 (尖沙咀)尖沙咀諾士佛臺9號冠福中心1樓🚇尖沙咀黨鐵站B1出

第二次食狎鷗亭，菜式好地道韓國feel,今晚見到雖然得3個待應，但都服務好好（今日係平日）。有點投訴就係今日冷氣唔太夠，食到有啲熱個海鮮鍋老闆娘有幫忙剪開鮑魚，亦中段時間有加湯，前菜可以任添，個泡菜好好食，加左一次我地3個人有 book位 7:30，去到唔駛等直接有位。間食店好似有做緊add佢fb,跟著唔知做多個咩步驟就送杯啤酒，我有個朋友有做，但最後個待應埋黎check完唔知講左堆咩韓文，意思應該過要post 啲唔知咩嘅，咁就行開左，無送朋友啤酒🤣🤣 Final 總結係好食。可以再食嘅鋪。三人食三樣野加一Jar野飲 埋單$1000

身邊有個韓國通既閨蜜，自己呢幾年對韓國文化既認識隨住: 去首爾、食韓國野、著韓服、睇韓劇..增進左唔少！喺香港出街食飯好多時亦會食韓國菜。今晚呢間餐廳之前食過幾次，不斷重臨既原因係(一如標題) - 佢既菠蘿Cocktail !! 大家叫既時候記得一定要望清楚menu，因為呢度有菠蘿cocktail，菠蘿soju (燒酒)，菠蘿Makgoli (農酒)!好簡單，menu得一款’菠蘿有酒精’飲品係圖文並茂，就係嗰款喇！小妹同友人第一次叫呢款就係因為佢張相，影住半個菠蘿，菠蘿心載住cocktail，中間既菠蘿肉做左拌碟，同實物無出入！有色，香同味都有！呢款cocktail唔算係d咩花巧野，飲落去係濃郁既菠蘿味同細細既菠蘿’碎’ (真係’碎’，唔係’粒’)，酒精味唔算濃，但最最吸引既..係菠蘿同嗰種韓國酒真係好Match !!!!!! 唔知大家有無同感，坊間有時買既有味(藍莓，桃，...)燒酒或農酒，真係唔係款款蔬果都夾到酒。 呢款cocktail 真係好正，女士應該會好like，男士見到女士like應該都唔會抗拒 ! 不過，呢個菠蘿cocktail 可能滿足唔到一班中意酒精味好重既朋友

日本feel的傳統韓國菜!餐廳裏的侍應只有一兩個香港人，其餘的都是韓國人。但大部份都識普通話和簡單廣東話！侍應生好nice，又同我地推介有咩必食！我地點左1個海鮮窩$350，價錢唔平，但海鮮都幾多款式，有蝦，蟹，蟶子，花蛤，魚，味道都唔錯！不夠飽可加麵底！ 另外必食燉牛排 好“淋"好入味！店員極力推介海盜船$288(海鮮炸物拼盤)配有幾款醬汁，款款都不俗，最有驚喜的係芝士醬，味道好又夾！除此之外點了韓式燒鰻魚<~~~不特別，可試其他菜！還有點了碗$88炸醬麵，一點都不好吃，太失望！下次想試試芝士豬肋骨，甜辣炸雞~menu張相好吸引！ 推介佢地嘅cocktail特飲，有幾款，顏色吸引，好好飲！送炸物一流!

又是韓飯之聚，這些年來，由一起聊韓星，變成了會說生活日常的好友。不過大家都有事要忙，不是讀書就是工作，就算休假也累得一動不動。相識之時其二已經是社會大學之人，要約出來吃喝玩樂，本就難。另外一個跟我同樣還在讀書的，也有兼職，暑假又會做Intern，見面不多。四人溝通就只靠Whatsapp或是Facebook，少用Instagram，面對面更奢侈。　　不吃韓燒，只因以往幾乎七成約出來就是吃韓燒，日式燒肉都不行。貫徹韓飯的原則，哈韓一直線，說了要改改轉食其他菜式，結果……好在這次去的不是韓燒店，亦非炸雞店，而是看上去頗傳統的韓式餐廳。特別在於店內有日韓那種席地而坐的坐位，不過有炕放腳，舒服得多。但坐入去照樣要先脫鞋，合理做法，要試就要遵守規矩。記得以前跪坐吃飯，吃太久，腳麻了，但排排坐不好郁動，更不用說什麼拉拉筋的。當然，像平時一樣坐櫈都沒所謂，只是隨自己喜好而已。　　前菜共有三款，大豆芽、泡菜及小魚乾，均是我們喜歡的款式。入口清新，沒有以麻油調香得過火，調味濃度得當，作為前菜恰到好處。外星人炒年糕　$288　　單看品名就已經韓味濃濃，只因那「外星人」就是延續별에서온그대的熱潮。餐牌上清晰指

朋友生日，一行四人來吃韓國菜。地點位於尖沙咀的諾士佛台，不過是上樓鋪來啊！裝修非常韓式啊！很多朝鮮畫作在牆上。想更韓國地道風味，可以選擇這些座位啊！而且更能自成一角，方便傾計。厭脫鞋子麻煩，也可以選擇西式木枱的位置。前菜有芽菜，泡菜同魚仔。泡菜好好味，我問侍應可否多加一些，她幫我添加了一碗仔啊！炸醬麵 $85在韓國食到咁足料的炸醬麵！大發！勁多洋蔥同菇菇啊！最緊要是麵條不會乾爭爭，夠濕潤有咬口！辣鮑魚海鮮鍋 $350這個價錢簡直抵呀！雖然無我係濟州島食那個咁生猛同大煲！在香港來說，是足料有突！有勁多蟹仔同青口，仲有3隻鮑魚，大蝦都有兩隻啊！因為勁多蟹仔的關係，個海鮮湯底勁鮮甜呢！好飲到停唔到口呀！紅燒牛排 $168每逢食韓菜，我都一定點這個！因為個牛肉燜到超稔，而且加左羅白，所以個牛肉好甜好好味啊！炖安康魚 $238這個是朋友看了J2的韓國飲食節目後，一直嚷著要吃這個來！香港不是太多地方可以吃到安康魚啊！比我們想像中不同呢！以為醬汁是比較甜甜的那種！原來也有些少辣！不過醬汁沒有滲入魚肉去，就是沾著來吃那種啦！魚肉肉質鮮甜，忍唔住未咬先啜佢！整體上，這裡的菜式都比較韓國地道風味，像在韓國