彌敦左岸

营业中

休息中

環境: 佢未開嘅時候經過已經覺得哇咁特別嘅？開咗一定要試.... 樓下係細細嘅酒吧，樓上食野嘅地方就好似另一個世界咁，大好多而且有種East meets west嘅感覺！西式檯凳但係又用上中式窗，有趣！我哋張檯隔離仲有個舞台，唔知係唱英文歌定廣東歌呢？法式龍蝦湯 ($68)：一上菜已經聞到龍蝦香味，一粒爽口嘅龍蝦肉沉咗落底，龍蝦味道係有，不過湯好稀，如果creamy啲會更好西班牙黑毛豬pizza($138)：餅底好脆，芝士味超濃，黑毛豬味道冇想像中咁香潤，鹹香欠奉，質感普通炸雞：雞翼雞搥每樣5件，炸得好好，雞肉同炸漿並冇分離，不過完全冇味，似係咬緊一舊白霎雞肉，所以一定要點甜酸醬。旁邊嘅番薯條就出色得多帶子煙肉蘆筍扁意粉：鮑魚汁好清甜，同爽口蘆筍，甜甜嘅車厘茄好匹配。帶子都算鮮甜，意粉軟硬適中。一讚嘅係蒜片勁多，為呢碟意粉加分不少！海鮮risotto：味道同龍蝦湯一樣，所以可以二揀一捨棄一款。不過有蝦、帶子、青口、蜆，最驚喜係竟然有鮑魚。飯就硬咗少少，我個人唔太鍾意risotto，所以冇乜點食炸薯條配海鹽白松露油($68)：海鹽加咗香氣懾人嘅白松露油，平平無奇嘅薯條即刻嚟個華麗轉身升價

日前同太太行經開滿酒吧嘅赫德道，驟眼所見都係拎住酒杯談天說地嘅人。由於接近晚飯時間，我地就隨意入左一間！餐廳分上下兩層，下層門口放住一個啤酒桶，而且有個大螢幕電視播住足球比賽。可能時間尚早，就未見有客人就坐。沿住樓梯去到上層，馬上就有waiter上前招呼我地。環顧四周，近門口有一個典型酒吧枱，而另一邊就係一個放滿夾band樂器嘅小型舞台。舞台後面仲有一張桌球枱！睇睇餐牌，我地先叫左兩個龍蝦湯。我同太太一向愛食龍蝦，所以飲湯食肉係理所當然嘅！橙黃色嘅湯透著濃濃嘅龍蝦味，再夾雜住彈牙嘅龍蝦肉，每飲一啖，都令停唔到！之後就叫左一個帶子煙肉蘆筍扁意粉，賣相比較普通。幸好意粉煙韌有咬口，帶子亦尚算鮮嫩爽口，而且仲有三大粒。黑松露比薩一上枱，真係嘩左一聲！唔單止分量夠大，成分仲唔簡單，有野菌、莫薩里拉芝士、白松露油、洋蔥、火箭菜同俄勒岡。黑松露香撲鼻，又足料，兩個人食真係夠哂飽！最後，黎到酒吧無理由唔飲返杯紅酒，聽下live band。不過自問對酒唔熟悉，所以叫待應介紹一下，最後點左杯有果香嘅紅酒，甜甜地又容易入口，邊飲邊聽band，不愧為一個享受！

當晚，跟好姊妹出尖沙咀行街，行到 K-11，大約 7:00，大家也肚餓起來！   K-11 的食肆不合大家口味！於是，走到街上逛逛，有沒有什麼適合大家口味啦！ 行到赫德道，這裡不乏酒吧！見到有間 <彌敦左岸> 店名幾有趣！  位於赫德道卻不在彌敦道！ 酒吧分兩層，地下那層設有投影大電視，方便食客邊飲啤酒邊看球賽！當店員帶我們到上層入座時，佔地全層，比預期大得多！  酒吧西餐廳格局，環境昏暗，用餐區空間感充裕，晚上 8:00 後還有 live band，帶動現場氣氛！  當我走到洗手間時，經過見到有桌球玩！ 酒類選擇更多！作為酒吧，酒類選擇更多！  令人花多眼亂！ 食物方面，供應意式美食！ 食物方面，供應意式美食！包括：沙律、餐湯、意大利飯、意粉、薄餅……等等。Sweet Grapefruit $48以西柚汁、啡糖、新鮮薄荷葉...而成，落單時，店員提醒我杯飲品帶苦澀，問我是否接受得來？！我覺得一試無妨！ 酸中帶微微苦澀，算是容易入口！凱撒沙律配蘇格蘭煙三文魚 $98新鮮爽脆的羅馬沙律菜，配上鹹鮮的煙三文魚帶點油潤，灑上鹹香的芝士，清新的配搭！  

放工後與好友 Happy Hour 閒聚，公司附近的酒吧固然是合適的落腳點。一般酒吧普遍有兩個通病，一是場內充斥着煙味，二是地方太迫太嘈。今次到訪的酒吧餐廳好友之前來過一次，條件大體切合大家要求。酒吧分兩層，地下樓層設有大投影電視，方便邊飲啤酒邊看球賽。上層設長長的吧枱及敞大的用餐區，餐桌密度相對疏落，環境昏暗，裝潢帶古舊風格。近洗手間的位置，設有一桌球桌及足球機，旁邊更設有兩間獨立卡拉OK房供唱歌派對之用，設施多元化。在約晚上八時的時段，場中更有現場演唱，用餐氣氛更佳。食品方面，餐廳主要提供意式美饌，作為酒吧，美酒特飮固然選擇更多。頭盤香煎帶子沙律配青檸油醋汁，帶子選材大隻肉厚，鮮甜肉嫩，配上清爽的田園沙律已有不俗的成效。唯一要留意的是所投放的洋蔥，部分辛辣感過強，或多或少影響沙律輕盈味道的原意。餐湯兩道，野菌濃湯湯中雖載有碎粒野菌，但口味很顯偏淡欠香。法式龍蝦湯是比野菌濃湯好的湯品，雖然湯質仍是比較薄，其味道與滑感還算在合理水平。 筆者喜愛豬肋骨，所以此菜式常是餐枱上的常客。香燒西班牙黑毛豬肋骨配芝士酸辣汁，出品熱辣大份，亮點在於用上的醬汁，有別於常見的燒烤汁，主廚以芝士酸辣汁入饌

在尖沙咀赫德道, 會看到這個似舊又新的招牌以為只係得地下一層可以睇波飲野, 點知見到隔離有條樓梯仔原來上去係一間餐廳同酒吧, 仲有live ban所以就同朋友黎左食夜晚la首先叫左個湯, 龍蝦湯好足料, 不過我覺得咸左小小用上一個大湯匙裝真的好可愛~~~然後叫左個黑松露菌醬野菌薄餅, pizza 好香不過可能我鍾意脆身D ge, 因為佢D料太多, 所以中間位置變得無咁脆身有點可惜, 不過喜歡菇菇的朋友應該會好喜歡佢每啖都係菇菇香~~再黎見到IG 好多人都叫呢個, 所以必叫香烤芝士甜辣汁西班牙豬肋骨一見到己經覺得超吸引, 一大條肋骨, 面頭仲舖滿芝士好香, 好靚的賣相切開仲見到好嫩滑的豬肋骨, 仲要上枱一切開就會有煙出, 真係令人好興奮食落真係唔錯, 好香口, 辣汁甜甜地好惹味, 雖然佢唔係好多肉, 但都同望落一樣真係好嫩口不過因為個到冷氣真係幾凍, 加上我地影相又影得慢, 所以食第二舊的時候已經凍左下次都真係要快D食先得最後食左個北海道鮮帶子煙肉蘆筍蒜片鮑魚汁扁意粉佢GE賣相一定唔係最好, 不過我又覺得出乎意料地好吃我最後係食佢多過食豬肋骨的雖然佢唔係好鮑汁味, 但不得不讚佢意粉煮得真

為愛喝酒的友人補祝生日, 其實不用費心思, 只要帶她落酒吧就一定無錯, 但卻不太適合我, 怕待一會便馬上要離開……還是找一間又有得飲又有得食的餐廳酒吧! 開放式的門口, 放了一大個木酒筒, 那必有酒飲, 可放心! 餐廳分上下兩層, 下層設有數張高枱櫈, 安裝了一部大電視, 六點幾已差不多坐滿客人, 相當熱鬧, 原來大家現在不是入夜才去酒吧, 咁早就那麼多人…..無錯! 我的確少出來蒲, 亦不愛夜蒲, 哈! 下層太熱鬧, 還是走往上層找位子。上層地方寬敞, 設有一個大酒吧枱, 可邊飲邊看着調酒師調酒。右邊有數張高枱櫈, 左邊有一排沙發座, 而中間則有多張四人枱, 配普通椅子, 亦有配大張的沙發椅, 闊落舒適。走到盡頭便有一個表演舞台, 逢星期四至六便有Band & Party, 相信一定更加熱鬧, 更有氣氛。 安坐後, 看看設計成報紙般的餐牌, 選擇不少, 有多款都很吸引我, 但友人晚上吃得較少, 有酒飲便滿足, 故選了一些較輕盈的菜式。 ******************************友人目標是飲酒, 點了海鮮菜式當然配白酒, 本打算要一杯 Konvent Lieblich

尖沙咀赫徳道出名多酒吧，想唔到呢間餐廳分成兩部分，地下有少量枱同大型投射電視係到播緊足球比賽，而上層就有Bar枱、小舞台。地方非常寬闊，我諗大約可以容納100~120人！環境氣氛浪漫，仲會有Live Band唱抒情歌。今次同朋友一人各叫左一款餐湯share，由於朋友對龍蝦敏感，所以只好叫另外兩款。雜菜湯唔算有太濃嘅蕃茄味，但勝左用料豐富，而且薯仔仲煲成蓉相反野菌忌廉湯，菌味濃郁，所以亦都比較咸一啲。飲完湯之後，就黎一個沙律做頭盤。生菜爽口，煙三文魚新鮮，上面仲鋪滿芝士，但略嫌份量少左一啲雖然意粉有蒜片同鮑魚汁調味，但整體味道比較清淡，而且有爽口蘆筍做配菜。當然最吸睛係有3大粒帶子，味道鮮甜但失望嘅係意粉比較油膩，食完有啲口渴服務員一拎上枱，就已經聞到陣陣黑松露香Pizza係薄底，口感香脆得黎有啲似餅乾，而面就鋪滿野菌，非常足料最正係芝士可以做到拉絲有咩正得過啖啖都有黑松露同芝士呢！蜜桃茶味道唔算濃，只有淡淡嘅蜜桃香，食完咁有罪惡感嘅野食，飲一杯的確唔錯

同B女出街食飯，通常都是去一些正正常常的餐廳，已經有一段長時間沒有去過酒吧之類的地方了。 這天晚上來到尖沙咀寶勒巷、赫德道一帶，一條兩傍都是酒吧的小街，本來不是一個理想的開餐地方，但在一眾的酒吧當中，竟然有一間看來稍為正常的餐廳，但裝修風格又有點像酒吧，由於正常的晚飯時段剛剛開始，尚未到酒吧的營業高峰時間，客人不算太多、環境也不太嘈吵，適合我們一家三口用膳，儘管試試這裡的晚餐。餐廳名字叫 Nathan Left，直譯意思是「彌敦道的左邊」；但究竟是左邊或是右邊，就要看看站在彌敦道上時，面向尖沙咀維港或旺角方向了！餐廳的地下有一台大電視，正在播放著體育節目，另外有幾張高身吧檯，並有一條長長的樓梯引領上二樓，主要的用餐區域都在樓上。樓梯口豎立了一個餐牌，介紹餐廳的推介菜式。上到了二樓，立即映入眼簾的是一列長長的酒吧，背面的一堵牆上擺滿了各式各樣的烈酒。由於時間真的很早，我們是第一枱客人，餐廳經理安排了我們坐在最靠近酒吧的一張枱。有一張非常舒服的梳化，我們的女兒又可以在梳化上面走來走去，非常興奮。放眼看看餐廳四週，裝修完全不像赫德道的其他「酒吧劈場」，並沒有一張張高腳小圓枱；環境反而與多年前