粵來順 (已結業)

一行5人食晚飯～其實已食了一段時間，而家先有時間寫食評。我們有book位，但食客都不算太多。價錢屬於中上，當然午市平得多。必點的千絲芝士球～外邊一條條脆卜卜蝦肉夾口彈牙，芝士味不太濃郁。炒時菜，味道正常。蒜茸蒸聖子～味道新鮮，粉絲入味，正！冰梅欖鼓骨～酸酸甜甜，增加食欲蜂蜜鼓油雞～雞肉嫩滑超級推介的杏汁豬肺湯湯料豐富，一試難忘的味道，淡淡的杏味，很鮮甜，湯渣都很滑，點鼓油食！好味的粵菜館，環境不算雅緻舒適，食物實力派型

粵來順-之前一直有食質素唔錯，但係近呢幾次去食唔知係咪換咗廚師，好似食物質素有下降。金沙桶蠔-一直覺得佢做呢個蠔做得唔錯皮夠薄，鹹蛋黃都好香。但今次食完全唔係嗰回事，皮太厚筷子一夾成塊皮會甩落嚟。鹹蛋亦都做得唔夠香，有啲浪費左啲蠔😩金絲銀枊-因為之前一直做得唔錯嘅嘢。今次呢個完全大失所望。啲蝦子太少，啲魚麵線同之前比而家真係好粗鞋又冇魚味。吵得一啲都唔香。呢個芝心球第一次食覺得味道都幾好，夠彈牙，但係中菜芝心通常都係唔係好夠芝士味。呢個係預計之內冇乜好投訴。呢個小炒王係今日做得最好嘅一味餸，抄得都幾香口啲腰果夠脆，有蝦乾，蝦、魷魚等配搭都幾豐富。總體來講： 我個人認為唔知係咪換咗廚師，啲餸菜做法有改變。其實除咗個小炒王其餘啲嘢真係好一般，對於今餐飯有啲失望。

星期一晚同閨蜜們食好西，旺角比較就腳，就在旺角搵下有無好東西。Openrice搜尋到「粵來順」，見好多好評，但又有唔少負評。而負評多數係話服務差。 驚驚地～不過話晒都有米芝蓮，都鼓起勇氣試一試啦！🤟🏻 早一日打去訂枱，接線個叔叔態度都幾好，重問我要唔要留定白肺湯/佢個招牌雞。我就預留左個杏汁白肺湯。 正日餐廳呀叔又打來confirm booking，都算禮貌嘅。 夜晚去到餐廳，位置有d偏，在旺角間Hilton Garden Inn旁邊 ，裝修有少少懷舊感，個感覺都唔錯。早左十分鐘到，d閨蜜唔多識路搵左一陣。 一入門口個姨姨都好有禮貌地帶位，唔錯唔錯。 人有三急，未坐暖就先去個廁所。收銀位置借鑰匙。廁所要離開餐廳，入後巷行到尾，男女廁係同一個入口，不過入面就有幾格。條後巷真係有d恐佈呀！建議女仔都係兩個人一起去好d，廁所無異味嘅，但環境就麻麻。之後餐飯都唔想再諗起個廁所。 正式點菜！一行六個人點左 ：1）糯米蒸膏蟹 （$680）2）千絲芝心球 （$148）3）冰梅欖豉骨 （$118）4）砂鍋焗魚頭 （

其實好少, 甚少, 因為米芝蓮而去試菜, 但睇過眾多食評, 大都是偏好, 再加上朋友也食過, 也想試下他們功夫。挑了星期四, 因為怕星期五.六.日, 這裏旺場, 有種被催食, 被催埋單感覺,  又想好好的和朋友閒談, 星期四再加上是晚3號風球下的日子, 人流適中, 坐得輕鬆。1) 訂位時, 已預訂杏汁豬肺湯, 店家說''4人'' 要大的份量 $248有五碗。以個人口味來說, 咸左DD 咁多, 但豬肺洗得好乾淨,  湯好飲, 豬肺份量唔係好多嫁乍, 瘦肉已鞋不食了。2) 千絲芝心球 $128, 是一碟巧手菜, 外層千絲雀巢, 是用麵包絲炸, 其實我不太明甚麼是麵包絲, 我會估計是麵粉開成漿, 然後炸成千絲狀, 千絲十分幼, 雖是炸品, 但炸得乾身, 內裏是蟹肉, 中心夾入芝士。千絲十分多, 雖然並不油, 但食晒所有麵粉絲實在很''漏'' ,  所以我們大部份炸絲撥走。後來老闆娘告訢我們, 原來有客人就是欣賞千絲(即是千絲才是主菜), 要求將千絲份量加厚, 她說: 如果我們下次來,可以叫廚房減少千絲份量。3) 椒鹽豆付 $68 應該改名為蝦碌豆付, 因為冇加到椒鹽, 我們有請老闆娘試食,

臨時約吃飯，昨晚訂今晚五位都有位，時間分6點和8點兩更，我選了8點。雖然已訂位，但是等了15分鐘才有位。 因為好久之前無記"夜宵磨"介紹過，所以好想來一試。訂位時已預訂了生磨杏汁豬肺湯。好正！個湯白到好似牛奶般，豬肺好正，湯料除了豬肺，還有好多瘦肉、雞腳。 啫啫生菜煲好香口，有些蝦醬，好開胃。 千絲芝心球，外脆內軟。侍應說外層是麵包絲，不過點睇都不像。不過佐酒一流。(順帶一提，這裡未有酒牌，要飲酒就需要出去買啦！) 桶蠔煲比較一般，不過味道仍是不過不失。 金勾銀絲即蝦米炒粉絲，好好味，不過略油。 滷水鵝拼盤有鵝件外，還是豆腐、豬肉、紅腸。味道不錯，不會太甜口。

好朋友生日，特別要求要吃中菜，尋尋覓覓之下找到這一家評價甚好又在市區的餐廳。一行十幾人，可以多點幾款不同的菜色，吃中菜正合心意！原來這一家餐廳的總廚是之前烹飪比賽節目《大廚出馬》的終極四強之一譚嘉輝師傅，顧問就是該比賽的總冠軍東來順名廚陳國強，難怪菜色水準甚高！聖子皇 ($25/隻)聖子十分大隻，厚肉，配上蒜蓉粉絲蒸真的是最佳配搭，力推！蜂蜜豉油皇雞 ($208/隻)雞不算大隻，中型而且肥瘦適中，肉質頗滑，比很多大酒樓好很多。羔蟹糯米飯 ($608)糯米飯超級好吃！雖然是蒸的但不會太黏，而且十分入味！價錢有點貴不過多人分擔所以可以接受，夠budget的人士務必要試！魚香茄子煲 ($88)好吃！不過很多小菜館做這一道菜都不會差，所以不算特別。咸魚雞粒豆腐煲 ($78)普通小菜，味道不錯，豆腐嫩滑。蘇梅西檸雞 ($78)沒有嚐出蘇梅醬的味道，跟平時的西檸雞味道差不多，味道不錯。五柳斑塊 ($88)我覺得比較像咕嚕斑塊，不太像五柳醬的味道，不過味道不錯。千絲芝心球 ($98)我覺得千絲比芝心球好吃，芝心球跟平時火鍋的芝士丸分別不大，但比較流心，最有驚喜是千絲，炸得脆卜卜，條條分明，只吃千絲也

之前頭盤都好好食, 而家得閑D, 生煎鮑魚係好吸引的一個菜, 鮑魚煎得好食, 一定要試下.客家走地雞好滑, 可以鹽焗一半豉油一半, 肉質細滑的走地雞而家唔易食到.咕嚕肉只係正常菜, 如果有其他想食, 唔洗特別叫.食得肉多, 叫個菜食下, 健康D.我本人好怕一口芝心的重口味, 這個千絲芝心球連我都鐘意. 其實佢得好小芝心味, 但炸千絲非常香脆.唔記得係乜, 因為唔太好食, 所以無理.小炒王係餐牌好似找唔到, 係個火記介紹, 炒得好香口, 唔洗一陣全枱食晒.豉椒炒聖子, 新鮮入味. 正.

一對情侶的小誤解，釀成互不偢不睬的冷戰局面。一天倆人忽然在街角遇上，究竟他們會否冰釋前嫌？似是老套的愛情劇橋段，不過放諸於日常生活上，其實也經常發生，親情、友情許許多多由誤會而產生的死結！據早前給「粵來順」寫了一篇以「可一不可再」為題的食評後，也許是上天的安排，機緣湊合地再一次踏進「粵來順」。我與「粵來順」會否再續「味了情」？！既然是緣分，不如試一點從前沒嚐過的新口味！豉油雞如一般的鹽焗雞、白切雞和蔥油雞等，肉質細滑是必要達到的條件。而豉油的調配更是豉油雞的一大精髓，講求鹹淡勻稱、香氣誘人及味道具層次等，俗語云「人出豉油，你出雞」，其實要做到出色的豉油並不簡單。大廚透露採用了某大品牌的雙璜生抽，再加入自家秘方配製，調製出醇厚味香的豉油。豉油夾雜著雞皮的滑溜與脂香，由外層送往雞肉內，香氣與滑溜兼備！最愛它不會過甜，且層次與香氣同樣來得細膩。千絲芝心球有著網子般交錯的樣貌。千絲線條分明，入口非常香脆、乾爽利落，完全不沾油膩，無論在手工和質感兩方面，麵條要比慣常的炸漿來得出色。芝心丸彈牙，咬開後芝士如流沙般流出，足證火喉控制得宜，定能滿足喜愛芝士的朋友。欖菜與豆豉運用在同一菜式上，較為罕見，

依家做新聞也好，做Blogger都好，寫嘢一定要夠爆夠Juicy，才能引起讀者注意。做飲食亦然，但怎樣的食店才夠Juicy呢? 第一，菜式要麻甩，口味要幾重得幾重；第二，環境要「引人入性」，最好隣近時鐘酒店。這晚去吃飯的旺角粵來順，就符合以上兩個條件了，附近有聞名的地標式時鐘酒店外，隔離是馬會投注站，對面是某酒店集團旗下的Boutique Hotel，確實可以有好多想像空間的。但是，這晚飯局是全男班，好麻甩呀，唔通要我跟佢地去開房? Oh no! 太過份Juicy了，我接受唔到，還是乖乖地吃飯吧!粵來順亦並非一般的街坊小店，大廚譚師傅上過電視，得過奬，而這店又跟東來順有些關係，聽落又真的幾誘人!先來半隻豉油雞$98，以為平平無奇，一吃便知龍與鳳，豉油調得非常香甜濃豔，皮滑而肉質尚算嫩滑，雖然未至於是一等一靚雞，但功夫搭夠。杏汁燉白肺$208，一片奶白的湯，滑滑脫脫似豬膏咁滑，杏仁味好香甜，如果再重一點甜一點，就更好。話梅豬手$98，這道菜是在場的豪哥指定必試的，話梅酸甜而不會搶去醬油的鮮味，兩者調得很恰當，豬手好滑而保持爽口。黑椒脆豬肶$128， 繼續重口味，豬肶原隻炸好後上枱，先切開

當大廚的工作壓力非常大，因此大廚師喜歡於下班後相約同業找間酒家宵夜聯誼，一來大家吹吹水，減減壓，二來可以以顧客身份看看別人出品菜式，賣相，味道和份量，他山之石可以攻錯，實在比去竹戰有益有建設性。最近好友得知一間大廚經常去宵夜的店子，廚師都去得的，怎也不會差得怎樣！遂相約吃一餐看看如何？店子在登打士街，在投注站旁，很不容易才找到，地方不大，裝飾簡潔，相信做街坊生意多。先試 豉油雞半隻，雞皮很薄，豉油味調得不錯，肉質很嫩滑。沙薑雞腳，頗大隻，炆得很腍，骨骼一吮即散開，本身已夠味，點不點沙薑醬也可。知道這裏的杏汁燉白肺做得不錯，也點了一盅，湯味有極濃杏仁味，湯色奶白，極好味，湯渣一大碟，有豬肉，馬蹄，豬肺等，豬肺洗得乾淨，人人都在「搜尋」，因實在好吃。話梅豬手，顏色烏潤，豬皮炆得剛好，仍帶點嚼勁，口感殊佳，豬手肉與骨也很易分開，話梅汁甘甜，用來炆豬手很合適，又可解膩。金勾銀柳，以粉絲，肉末，魚麵，蝦米，江瑤柱碎等炒成，粉絲吸索了其他材料的精華，很好味惹味。千絲芝心球，先以芝士釀入蝦膠，外面綑上很幼的麵線，炸至金黃。入口先是一碰即斷的脆麵條，再咬開蝦膠是爆出的芝士漿，三者混合，味道很夾。櫻花蝦

年末的時候，一家六口子去了粵來順吃團年飯，不是「弟弟」建議，也沒發現旺角油麻地交界處的粵來順。很少的店子，記得要先預訂才來，否則應該都要花點時間等位。老人家喜歡吃中菜，粵來順的菜色正合幾代人的心意—潮粵fusion每樣都有! 懶得用腦的AW，還是「看圖識字」好，大廚推介的餐牌有齊王牌小菜，一口氣點了：千絲芝心球—流心芝士，完全知我心；金勾銀柳— 蝦籽跟粉絲的配搭，一般啦；金沙桶蠔— 蠔是AW最愛，雖然蠔的SIZE不算很大，但醃料味道不錯；還點了豬潤+菜，可惜當晚沒有花甲，所以加了鹵水拼盆和炒雞丁。餸菜味道整體一般，個別FUSION菜較有特色，但上菜碟頭份量偏少，男生們要多點幾道菜囉。菜名很長，沒有一一記下，識食的香港人，你懂的! 餐廳很少，只有數張六人枱，不太適合團體聚會 鹵水拼盆，賣相不錯~ AW最愛，一舊舊炸彈似的物體— 蠔，哈哈，似乎跟菜名有點出入 金沙桶蠔 $168-HKD 千絲芝心球 $88-HKD，菜如其名，芝心球在那?? 流心芝士，配上香脆的外皮，口感一流! 金勾銀柳 $88-HKD，無記電視節目上有亮過相~ 不過AW覺得一般般... 豬潤+白菜~ 家常小菜 小碟

粵菜，為中國八大菜系之一，亦稱廣東菜，其中包括廣府菜（廣州菜）、潮州菜（潮汕菜）、客家菜（東江菜）、順德菜（鳳城菜）。由於嶺南地區氣候炎熱潮濕，所以我哋廣東人飲湯水保身，通常熬上五六個鐘，所以稱為「老火湯」。今次有幸食到依間壞舊小店，真喺超級榮幸！原因喺依到嘅主廚曾經喺三色台嘅烹飪節目攞過冠軍嘅譚嘉輝師傅！而依到主打傳統粵菜！既然拋書包做咗資料收集，咁我哋幾個麻甩叫咗佢哋幾款主打出品！第一款主打的出品就喺粵菜中的最特色嘅老火湯：《生磨杏汁白肺湯》，聽負責人講師傅將豬肺洗乾淨好幾次，再熬上五六個鐘， 配上即磨新鮮杏仁煮成，滋潤又保肺！味道方面果然不同凡響，非常清甜， 配上濃郁的杏仁味道，正！ 但故事仲未完結，師傅送上部份湯渣及豉油，就算食湯渣都好有家庭 feel！第二樣主打喺菜式喺《咕嚕骨》！ 咕嚕骨雖然普通， 但越簡單嘅菜式，喺越難煮！而且可以直接測試到師傅嘅功力！依到嘅咕嚕骨最特別嘅地方喺粉醬好薄，而且甜酸汁嘅味道調配得啱啱好，不會太甜又不會過酸，總之非常惹味！ 簡直食慾大增！ 而咬落外脆內軟，簡直是雙重口感！第三款主打《千絲芝心球》！一條條嘅外皮賣相非常精緻用心，做法類似銀絲卷咁，