琥酌 (已結業)

太耐無食過日本野，book 咗黎呢度食返夠本先，估唔到平日呢度都會幾full，好在有book 定枱。呢間琥酌無論舖外舖內裝修都好有日本味道，而且仲幾靚。  見openrice 呢度主打係吉列牛，梗係要點，另外其他菜色都多選擇，同價錢合理，點咗角切魚生飯同名古屋雞翼。 最先上嘅係角切魚生飯，份量都唔少，而店員亦好細心，見我地兩個人點一個飯就攞埋碗同木匙。魚生係切碎嘅，但撈埋之後仲食到同分到各種魚生嘅味道，而加咗菜係飯度加多一重口感，另一樣值得提嘅店家係用磨蓉嘅芥辣，味道比一般膏狀嘅芥辣入口鮮味。  名古屋雞翼，初時只係以為係普通炸雞翼，咬開先知原來雞中翼係去骨嘅，而且落咗少少辣味，而且仲有魚子，變咗似明太子咁，好味。  最後梗係唔少得吉列牛，吉列牛會先上個爐，然後再另外黎一碟排得好靚嘅牛， 有少少配菜有南瓜同翠玉瓜同埋日本番薯仔，仲有一碟醬料。  真係忍唔住食牛肉啦，第一次食吉列牛，第一塊整熟咗少少，但都食得出肉質係靚嘅同埋唔韌，再食就真係兩邊輕輕辣一辣就已經足夠，醬料有三種，一種係鹽燒汁，一種係岩鹽，一種係芥辣醬，如果喜歡食原味嘅加好少量嘅岩鹽吊起肉味已經好夠，個人覺得鹽燒汁有啲麻油味

想食燒吉列牛好耐，特登搵左呢間太子嘅日本餐廳，一於睇吓有幾好食啦！入到去，充滿日本風情，有好多清酒既樽，同埋日本風格掛畫，加上播住日本歌，好似置身於日本嘅一間小居酒屋咁🥰嚟到呢度，當然要叫最出名嘅燒吉列牛啦～「安格斯盛合 $368」我哋非常鍾意😍😍😍一放落去煎，就發出咋咋聲，香味隨即一擁而上，每邊大約煎5至20秒，就可以拎上嚟食啦！咬落去，外皮香脆，肉質非常幼嫩，濃烈嘅牛味散出，好好食啊，真係拍得住日本嘅質素！雖然都有十幾舊，我哋都唔捨得食哂🥺「明太子玉子燒 $48」玉子燒熱辣辣，咬落去有濃郁嘅蛋香，咬落去軟綿綿，食到淡淡的明太子！🤣「蒲燒鰻魚丼 $108」鰻魚都幾大條，味濃，飯既份量都好多，飯粒粒分明，又圓潤彈牙，夠哂兩個人食。😛「明太子手羽燒 $48」雞翼燒得香脆，咬落去明太子粒爆出！😆如果想食吉列牛，記得要黎食呢間喇！大推薦！🥳

與友人星期六下午三點上到店內，很少客人，點了份吉列牛定食和鰻魚飯定食。吉列牛的確好好味，店員推薦兩面各煎10幾秒。小弟就跟足指示，放落石板即刻吱吱作響，早已引人垂涎三尺。一口咬落去， 牛肉的香味360度0.03秒無死角充斥整個口腔，完全無浮誇，再配搭上脆而不散的外層炸粉，唔，係愛呀，終於食到最無令人失望既吉列牛，感覺就好似置身於紐西蘭既大草原上，睇住幾十隻牛行下企下，悠悠閒閒。而另一份鰻魚飯，夠厚，夠肥美，但始終沒有炭燒香味同結實口感，中規中矩啦。敗筆是杯奶茶，難飲過涼茶。

第一次寫食評，大家多多包涵。今日出完糧，食lunch就緊係食豪d喇，所以同team同事就決定去食公司附近嘅好野，揀黎揀去都揀唔到，突然有個同事話不如食太子間吉列牛，之後我地就急急腳行過去喇。去到間餐廳好彩有張6人台埋緊單，我地淨係等左5分鐘就入去坐低。入到去大家都清一式叫最平果隻吉列牛餐，價錢大約係$200左右，傾傾下計，待應就幫我地set好位，放D調味同放個重點「火爐」落張台到。之後個吉列牛好快都上埋黎，我就最中意食呢d日本 1 set set嘅定食，次次食都感覺好舒服，可以同朋友食之餘又可以保持自己嘅私隱，想食咩先就食咩先。我本身想就咁食隻賣相咁靚溫泉蛋，但係食左一啖飯之後覺得個飯好dry，如果配埋吉列牛，食得好辛苦「所以我就果斷倒隻蛋落去個飯到，個吉列牛套餐即刻提升幾級。個吉列牛食法只係需要每邊燒十秒，再點小小汁就已經好好食，我最鍾意就係個海鹽，最能帶出個吉列牛味道。到最後食哂D吉列牛同飯，我就慢慢飲埋個麵豉湯作為呢餐嘅總結，麵豉湯個配料都幾多，我覺得係可以為呢餐做一個點綴。 

相信吉列豬扒對香港人並不陌生，但吉列牛又有幾多人聽過?近年吉列牛由日本火紅傳入香港，有幸食過其中2間，而今餐正正是第3間。琥酌係香港首間以吉列牛為賣點居酒屋，吉列牛元祖!雖然琥酌一共有2間店，而我地選擇了比較方便太子店。門面有典型日式裝潢。入座後店員會送上前菜 – 蘿蔔牛腩牛腩同蘿蔔都煮得好淋好入味。清酒煮蜆呢道清酒煮蜆比平時日式餐廳食到嘅好唔同，清酒味道帶甜好易入口，而且蜆肉份量十足。味噌松業蟹蓋汁燒魷筒魷筒切為多件後再配上燒汁原隻上碟。值得一讚係魷魚入口爽而不韌，出色之處在於師傅火候控制同時間把握好。安格斯盛盒本來想點2份吉列牛，不過男友話想食多幾款唔同嘅牛所以叫左安格斯盛盒。除主打吉列牛外，盛盒有牛舌﹑安格斯牛及A5和牛。為配合燒牛肉，盛盒亦提供芥末﹑岩鹽及海鹽燒汁3種醬料。吉列牛做法係以麵包糠沾上牛肉後，再用高溫炸熟外皮鎖住肉汁。吉列牛 – 味道比較出眾，外邊鬆脆麵包糠再加上內里熟嫩牛肉口感一流!牛舌 – 雖然比較肥，但肉質爽口。安格斯 – 盛合當中，牛肉最厚。有別於其他在安格斯肉汁最多，個人覺得最正!A5和牛 – 因為和牛油脂分佈平均，放上爐上燒後變薄，入口即溶。作為香港元祖

是日用openrice book左位，但去到因為前一枱人未走，都要等大概15分鐘先入得，但都ok，唔算好耐。地點都好方便，太子站A出口一出行兩步就到啦～一點完菜，佢會俾左果免費前菜先。我諗未必次次果前菜同一樣，而我今日係汁煮牛腩加白同紅蘿蔔。我同朋友每人都有兩舊牛腩，見其他枱都係甘上下。味道不過不失，偏鹹，同埋白蘿蔔好多根，咬唔爛。但免費既都有食下。甘叫左杯特飲，藍蝶花特飲。本來睇圖都期待左一下，以為會好靚。點知一黎就係一杯紫色野飲，好似同圖完全不符。。。不過老實講唔計令人失望既外觀，味道係唔差既。叫左兩個小食，其中一個係明太子玉子燒。甘擺得都幾靚，岩哂相機食先既我。圖片都見到佢啲明太子俾得都好大方，好足料，食落去係一半明太子一半蛋既程度，明太子味好出。蛋都整得岩岩好，唔會太老，配埋側邊柴魚鬆食，味道好夾好好食，推介大家點既小食！另一個叫左既小食係名古屋雞翼。其實唔計端爐燒，佢另一個餐牌上既雞翼小食係明太子雞翼，但果個得兩隻同埋我地玉子燒都係有明太子，免得太重複，就叫左呢個有4隻既名古屋雞翼。甘問左店員話係鹹鹹甜甜醬汁燒出黎既雞翼。食落係偏鹹多啲，燒得岩岩好，唔會好鞋口，汁都好惹味既。

本來跟同由籍外出工作為，打算忙裡偷閒一下。由觀塘出發到太子，找好吃的。本來是被吉列牛所吸引而來。沒想到原來午餐菜單沒有吉列牛的選擇。因此，只好要1份正價吉列牛和1份午餐和牛set。因為和牛遲一點來，而且不抱有期望，所以沒有為它拍照，很可惜。但是兩者比較之下，出乎意料，午餐的和牛set竟比正價的吉列牛好吃。慶幸跟同事分享著吃，下次便更懂選擇了。味道環境跟服務都很多，價位有一點點高，但各方面都能讓客人感到值得，整體是會希望再吃的。

受食評吸引而來......開飯訂座 星期六1:001） 環境： 旺區小店 ，坐位與坐位之間好近，上菜都唔太夠位，有點危險⚠️但個人坐位唔逼，都坐得舒服，補番數2） 服務： 其他都唔太多人，walk-in 都唔洗等，雖然我有訂位, 店員都有禮貌，很有誠意...上菜都會解釋汁醬👍👍👍 整體令人舒服3） 味道： 。豆付蟹肉 - 冷盤 味道很夾，豆付 中層蟹肉 底層木魚 和䓤⋯⋯幾好。明太子山藥芝士燒 - 唔系太夾口感，山藥爽脆，芝士好多，盐可能唔均勻，有時食到好咸。這個可以不食👎🏼👎🏼。吉列牛 $188 配 粉紅岩盐，柚子盐，wasabi , 燒汁，芝麻汁，柚子汁配菜 燴菇菇 龍蝦沙律球 菜絲 主角 吉列牛。用熱板燒燒兩邊，10 秒就夠，都好淋，只系有一條根仔，有點美中不足。牛肉味都唔穌，唔會好油。我本來唔食牛，但這個我都接受到.....幾好味咁多種汁......我最鐘意配 岩盐，原味，唔會搶過其他味。份量，真系被食評照片誤會，看似好大件，其實每舊都系一口......😂😂唔算太大份性價比： 雖然唔算好平，但味道算中上。兩個人。3樣野 $350.......性價值普通總括： 值得支持小店

放工接咗肥髀，特別帶佢去呢區食晚餐，呢間食燒肉居酒屋好似好好味！去到日式門面，無訂位都有位，座位簡潔淺木！加好多居酒居嘅日本酒，餐牌除3款御膳外，都係啲小食，我叫一個套餐再加小食！店員陸續上咗小食先，食晒小食再上御膳（我覺得佢哋係窩心等我哋慢慢食晒小食先上御膳）唔會急急腳上晒所有野！原隻日本磯燒鮑魚（$38）凍食賣相幾靚，食落淋身彈口唔韌，雖然唔太隻，炆得入味，鹹味唔會蓋過鮑魚味！好味明太子玉子燒（$48）擺盤靚，蛋卷皮軟，不過一層層嘅蛋皮有點分開，好在都軟身唔嚡，明太子粉紅色顏色好靚，鹹香微辣好味！和牛火山大蘑菇芝士燒（$88）廚師推薦，賣相一個黑鐵鍋，店員會在我哋面前點火，睇住啲火溶咗啲芝士同熄咗就可以食，半溶芝士在面，中央塞咗牛肉碎，牛味幾濃，大菇彈牙多汁，層次分明又夾到！好味！A5霜降御膳（$398）一分套餐有好多食物！賣相靚，牛肉要用枱面嘅小爐煎熟！有得食有得玩！前菜：醃鮮菇，油醋醬汁開胃，菇仔彈牙！好味薯仔沙律：錫紙兜仔，肥髀食咗溫泉蛋：肥髀食咗麵豉湯：夠熱（辣手架）油豆皮絲，加啲菇，麵豉味濃又唔會好鹹！好味十穀米飯：喜歡加了紅米同其他穀類嘅飯，煮得透又有咬口！感覺健康啲霜

難得同老公慶祝生日，而又想食D老公鍾意食既野，所以上網睇就揾到呢一間！食吉列牛！好在有一早打去預約，因為舖頭不是好大，只能坐幾一枱客！地方位置都容易揾的！係太子警局附近！去到門口都排左D人，原來有分book左枱同無book枱的！所以要問一問店員，是要排邊到？呢到款式不是太多，主打都係食吉列牛，套餐有三款（極上.牛吉列御膳）或者（霜降.牛吉列御膳），而我們就只是叫左兩set （牛吉列御膳）！跟餐有赤味噌湯，珍珠米，温泉玉子，自家製漬物，龍蝦薯仔沙律同埋個吉列牛還有幾種醬汁俾你去選擇有燒汁，香風芥末醬，岩鹽，柚子胡椒！店員仲會教你如何食用，大家可以因應自己喜好而燒幾耐時間，而我個人就覺得其實每邊燒10秒都夠了而安格斯牛肉肥美，肉質鮮嫩，吉列外層酥脆，好味