橫綱

营业中

休息中

味玉拉麵想試很久的拉麵，唔想排隊，今日的起心肝早啲出去，一開門就走入日本老店感覺，保留著香港人日本店果種感覺，二話不說便點了，湯底及半熟蛋味道恰到好處，不會過咸，可以飲哂成碗湯，拉麵又夠口感，一個字「正」。無得去日本，呢度暫時也可以止住喝呀！感覺到好像已去到日本拉麵店一樣有齊調味品在桌子上隨個人喜好下調味料應有的也已放好，仲有橡筋俾女仕紮起D長髮果然似日本一樣咁貼心。見店內大部份客人也選擇味玉大家都快快享受完便離座好讓門外排隊的客人可快快進來

呢間拉麵🍜已經開業廿多年一直都係照日本傳統拉麵的做法所以味道都正宗每次黎到就算要排隊都依然無阻想食既心情店內位置唔多 坐bar枱就可以睇住師傅即時整拉麵 感覺真係好日本feel!至中意佢地店既溏心蛋係採用北海道的無菌蛋做法係將蛋煮到半熟再用日本的醬油製既醬料醃過夜佢地既溏心蛋真係無一間整得好味過佢 加上拉麵都係自家既工廠每日新鮮打製所以軟硬適中 好有咬感💯而湯底超濃味的豬骨湯底非常道地的九州之風味! 好正價錢甘多年都差不多 而且質素亦keep到值得推薦！

💖💖遠近馳名嘅橫綱拉麵，每次經過都必定人山人海👨‍👨‍👧‍👦👨‍👩‍👧‍👦👩‍👩‍👧‍👦👨‍👨‍👦‍👦👨‍👩‍👦‍👦👩‍👩‍👦‍👦👨‍👨‍👧，原因係平、靚、正！！！所以我最喜歡🌃深夜到訪🔙，人流相對比較少，等候時間可以縮短啲，今晚我選了🥚味玉拉麵🍜，濃濃的豬骨湯底，少少🐷叉燒粒加上半熟糖心蛋🥚，水準一流，而我個人喜歡Order麵質林啲另外都要特別讚賞，無窮refill的玄米茶🍵，茶味香濃服務非常貼心♥️，女士們👩‍👩‍👧可以向服務生攞橡筋，將秀髮整理好👱🏻‍♀️，以免跟頭髮分享美食

經常見到好多人排隊今日咁啱肚餓又經過又無人排真係好好彩！食咗味玉拉麵，個蛋做得好好！整個湯麵都好正！我無嘢可以挑剔！我係反傳統嘅，我鍾意有熱茶多過凍水😆其實去到日本食拉麵要request熱茶還是會有的😄感謝拉麵師傅細心地問我需唔需要橡筋紥起頭髮真心細心的服務感動到我！覺得必須要上嚟讚下！我一定會再幫櫬不過要等無乜人排隊先😆

第二次嚟幫襯，從未坐過水吧位，咁啱上一檯客剛剛離開，我哋兩個人就可以試吓坐。縱然拉麵店一貫座位狹窄，然而店家貼心地將座位設計成凳底可以擺放隨身物品，一讚。大堆調味料任君自行調味。細飯先上，嗱幾時都係咁話，唔好貪口爽响主打食麵嘅地方點飯食，認真麻麻哋。日式咖哩嘅所謂「甘口」甜味，個人唔係太識欣賞，而只有兩小塊牛肉嚟講，個人覺得小器咗啲。之不過咁，呢個飯絕對係唔難食嘅。所謂嘅「味玉」就即係有調味嘅糖心蛋，蛋嘅熟度恰到好處，除咗勁正嘅日本蛋味之外，佢仲有一啲酒味咁嘅獨特調味，好食！雖然呢個麵冇叉燒，但係佢有一啲疑似係叉燒切片時剩低嘅邊角料，咬落焦香爽口，拍得住叉燒，仲冇咁多肥肉添！個人其實唔建議食醬油味嘅湯底，點解呢？因為佢個湯底好似冇熬過咁，好似只係用醬油溝出嚟咁樣，但係飲落又幾清甜，冇豬骨湯咁滯。麵絕對係爽口靠得住，而且配菜都係清新好味嘅。叉燒更加唔駛講啦！足料油潤香口好味！

果然名不虛傳嘅橫岡拉麵，開業咁多年都依然每晚排長龍真的有原因油麻地的小店，雖然座位就絕對很逼夾但勝在拉麵有誠意，價錢亦絕對草根(^_^)v櫻花蝦拉麵很香蝦乾的香味，配上豚肉湯底濃郁，加上拉麵煮得剛剛好不會太"林"也不會太硬，保持多年嘅水準不變👍🏻👍🏻👍🏻👍🏻👍🏻味玉拉麵係本店最遠簡單嘅拉麵，亦係多年我最喜歡食嘅拉麵。龍口嘅豬骨湯加上粒粒豚肉和流心溫泉蛋有陣陣幽香！👍🏻👍🏻👍🏻👍🏻👍🏻一間小店雖然有咁長年累月嘅人流去光顧仍然沒有選擇擴充，仍能保持至今嘅水平，絕對值得一讚也是香港絕無僅有的小店！

店外人山人海, 我只是1人光顧, 但拿了排隊籌後等了差不多40分鐘才能進來. 現在推出積分制度用來保留長期食客, 用心不錯. 門外等候時, 看到有好些食客拿著水杯, 原來店子有提供清水供客人等候時解渴, 用心不錯. 餐牌的內容相當豐富, 如其說是拉麵不如說是日式定食屋, 牛肉飯以至咖喱飯亦有, 單是拉麵選擇已有12種. 以我沒有選擇困難症的, 也看了五分鐘才決定的了吃什麼. 枱面只有醋, 辣油, 芝麻等調味料, 沒有提供辣芽菜等小食, 茶亦需由店員奉上. 格局與幾年前分別不大. 最後還是點了幾年前常吃的味玉拉麵, 整個麵的配料與以前一樣, 整個的味玉切開一半, 一塊紫菜, 义燒粒, 芽菜及菠菜. 先嚐的是味玉, 蛋的味道比不少的拉麵店更有蛋香, 調味上亦頗入味. 拉麵的質地有彈性沒什碱水味, 與湯底配合. 义燒雖然是切粒, 但咬起來還是有肉汁, 感覺比很多的切片义燒還好. 豚骨湯底則稍嫌略淡味, 其他配菜則無甚驚喜, 帶不起整個拉麵的一體性. 翻食指數: 50分.  雖然有積分咭可儲, 味道大約有3.8星左右, 但排隊的人太多, 價格亦不便宜, 不太值得花時間等待.(此指數平衡店舖交通

任何時段經過'橫綱'都總有人在門前排隊...而排隊嘅熱潮已維持咗好幾個年頭食店門有一級...加上舖內嘅setting比較逼…相信BB車亦好難入去...作為輪椅使用者嘅我…當然唔會因為呢d小事而放棄好食嘅東西由於入唔到去食…我選擇叫外賣…店員仲比我用返店舖嘅碗同餐具唔駛用發泡膠碗同即棄筷子+匙羹最終坐係麵店外嘅長木椅食拉麵～味玉拉麵（豬骨湯底）～嘩！正呀！正呀！好香！蛋黃嘅顏色超吸引！！醬油味唔會蓋過雞蛋本身嘅味道大愛！湯又夠熱！差不多飲到見底叉燒係切粒上…肥肉嘅比例唔多…但唔會因為咁而令到肉嘅質感變得又鞋又乾今晚食得很快樂呢！oh～遲d見～

想食日本拉麵又要平、靚、正，晚上來了横綱。多年來也會不時來吃拉麵，水準依然。來到店門前外，人龍依然，等了約半小時。今晚我選了魚豚骨拉麵，而朋友選了味玉拉麵。店拉麵坐無虚席關係，拉麵製作時間也較長，待應也不時為我們refill 玄米茶。等了約20分鐘，待應終於端上我們的2碗拉麵。魚豚骨拉麵: 豚骨鰹魚湯底非常濃香美味，拉麵口感煙韌，半肥瘦厚义燒冧滑好味，入口即溶，荀爽嫩，溏心蛋非常美味。味玉拉麵: 豬骨湯底，加上粒粒义燒，配上雙份溏心蛋，蛋黄流心，蛋白美味!

今晚約朋友去食飯，凍凍地，好想食碗湯麵，諗起油麻地橫綱，6點40分到門口，都等咗半個鐘先有位，坐低叫野食都等咗15分鐘，都明白嘅食飯時間嘛～今次叫咗<味玉拉麵>,味道keep到嘅，湯底夠濃，玉子好食，但係有一點想師傅會注意返，見到師傅喺雪櫃拎盒玉子出嚟放落碗麵度，咁樣唔係會令碗麵凍咗嘅咩！？因為食落去嘅時候，隻蛋仲係凍凍哋嘅，希望可以改善一下。

那天偶經橫綱拉麵，難得門外等候人數不多，便決定再次光顧。點了我最愛的香蔥拉麵，湯底選則了辣味。香蔥又多又好味！喜歡食橫綱的拉麵，其中一個原因是因為拉麵的質地，不會太黏，還有咬口。但湯底的味道較濃，喜歡清淡的朋友要留意。朋友點了味玉拉麵，附上我同樣喜歡的味蛋。味蛋的糖心煮得剛剛好，但蛋身是凍的。味玉拉麵的湯底較香蔥拉麵淡，配料有少量蔬菜和叉燒，整體味道很好。下次等候人數不多時會再光臨

八號風球的假期下，終於有機會再次光臨這間餐廳。晚上六點還未到我和朋友便已經到達這間餐廳，排隊的人數在我們預計之內，沒有太多人等位。如果大家想係平時食晚飯時間黎，分分鐘要等成個幾兩個鐘。這次仍然選擇他們的拉麵，因為一直對他的湯底念念不忘。沒有其他拉麵的油膩感，我特別選了清湯湯底，味道很鮮甜，加上凍麥茶，很舒服的配搭。這次坐在吧台看到師傅煮麵分配菜的感覺很特別，他們很純熟，每一下的動作都很乾淨俐落，差點忘記自己趕時間去看電影。

餐廳的位置並不難找，就沿著彌敦道，搭乘地鐵，C出口之後走一會兒便到了。七時多抵達， 門外已是人山人海，但這實在欠參考性，因為銅鑼灣一風堂店內也是坐無虛席的，但卻並不合我口味。我們坐在了可以看著拉麵師傅煮麵的位置，很快地點了菜。凍水各人一杯，侍應添得相當勤快，幾乎飲一口就斟一口。環境雖有點狹窄，坐得很不鬆動，但空氣流通，冷氣亦夠涼快。這個溏心蛋是無可置喙的，下次再來要另外再追加一隻。湯底不鹹也不油膩，麵的柔軟度適中，叉燒粒很香口。九州拉麵沒有溏心蛋，卻有一片片的叉燒，夠稔夠滑。食飽之後，也沒法久留，因為人多，這徹底地成為了快餐店式拉麵店。

為了要到上海街買廚房用品，到油麻地人氣店橫綱吃中午餐，中午12時半已有人在門口等位，我們3人見要等5張飛才輪到，於是在附近走一圈，10分鐘內回來已過了4張飛，只好等多20分鐘才有位。店內地方迫窄，只有20個坐位，坐在bar檯位置看著煮麵師傅煮自己點的麵，很有日本街頭小店樣貌。我們分別吃了九洲拉麵、味玉拉麵和辣味义燒拉麵。豬骨湯底不太濃味，沒有味精掛!!半熟的蛋沒甚麼特別好味，义燒味同味千的义燒差不多，麵質比味千的彈牙，吸引我的反而是那盤蛋，白雪雪大大隻地躺在紅色的膠盤內，非常漂亮。吃完我們都覺得沒必要下次再來，因附近有很多食肆我們還未試過。

近年來香港有不少拉麵熱店,像是麵屋一平安,大坑達磨,八八八拉麵和最近人氣王中環豚王等等.但記得油麻地橫綱的笑臉仍是大大拋離對手.這間店多年來人氣不跌,繁忙時段要等上1小時多才能入坐,可見水準保持應該很不錯.星期日2時到達,看到不算是很多人,也心想一人等位應該挺快,便也湊湊熱鬧等等看.號碼飛上看到會員等候時間可當積分,蠻有趣的.店舖很小,所以一大群等位的人都堆在關上的門外,每次開門都叫人緊張不已,期待可會是叫自己的號碼.當然,還是失望的多.等待期間有不少人進去買外賣,不過始終不敵堂食的吸引力.等了九個字終能入座.店打正旗號賣九州拉麵,當然要試試它的豬骨湯底,而另加15元便可轉set包一碗自選丼和一杯餐飲或汽水,鰻魚丼索價貴3元,難得進來,當然要試試.除了Bar檯,座位都是2人或4人格式,多於4人光顧著實不便.居酒屋的擺設卻混點港式茶室感覺,畢竟不是在日本.點set後等了好一會.熱檸水率先上檯,2片檸檬放在碟邊可能是出於貼心,但於我感覺不太好,像是不太衛生.之後鰻魚丼上場,切成2片的鰻魚上澆了濃甜醬油,急不及待夾起一片往口裡送. 醬油甜味充足,可是鰻魚不是平日吃到燒得淋淋的一片,而是比較爽