柞木炭家

营业中

休息中

Happy Friday放工同先生撐枱腳，喺T.O.P行咗一圈，見到呢間位於五樓嘅韓式燒肉店，有室外用餐嘅位置，仲有大大棵聖誕樹，氣氛極好，二話不說walk in！食物方面選擇都算多，除咗散叫仲有二人同四至五人套餐，係呢個地段嚟講價錢算係合理。入座後侍應為我哋送上前菜同茶，質素唔錯，我最喜歡佢嘅漬茄子，清新開胃。韓牛肋眼上蓋齋睇賣相已經非常吸引，油花分布均勻，入口牛味香濃，油香滿溢，口感鬆軟，質素非常高！連先生讚口不絕！和牛切成方塊狀燒起上嚟較方便，牛味同樣香濃，但油香就及唔上韓牛肋眼上蓋。豬皮醃得非常入味，燒耐少少至表皮帶有微微嘅焦香，入口即溶，十分滿分！大墨魚非常有份量，原味墨魚身配上醃過嘅墨魚腳，非常吸引。墨魚夠哂厚身，燒到外皮微脆，口感彈牙，香口惹味。和牛三文治賣相精緻，厚切嘅和牛沾上麵包糠炸到大概三成熟，配上香脆嘅多士，口感完美。海鮮豆腐湯配上海苔白飯，份量非常足，豆腐湯熱辣辣送上枱，配上室外微微嘅涼風，特別有氣氛，湯底鮮甜香辣，而且好足料，非常推薦。好耐冇食到質素咁高嘅韓式燒肉，估唔到誤打誤撞搵到呢到，特別係超級加分嘅室外座位，環境舒服，加上大大棵聖誕樹勁有節日氣氛，無論係

出名炭燒既韓式燒烤，朋友推介過好多次，終於有機會親食去試下，果然食材優質，燒到好滿足！❤️韓牛肋眼上蓋 雪花均勻紋理都好靚仔，輕輕一燒d 油脂香氣已經慢慢飄出黎，入口滿滿既油花，好juicy~ 每一啖都好滋味🧡方切和牛 切到四四方方一片片既和牛，睇落已經好吸引～雖然係和牛但係比較瘦，怕肥同唔中意太重油脂感既話，食呢隻款就岩晒～💛和牛三文治 吉列和牛+花生醬+方包，中間牛肉大概3成熟，雖然平日唔係好食咁生既牛牛，但真係好好好味rrrr 好味到完全唔怕生😂💚大墨魚 好大片𠝹好方格紋既墨魚，好爽口～白色一大片鹽味墨魚之外，仲有個人更中意既辣汁調味，小小辣好惹味

🌸旺角美食🌸柞木炭家🥩到了一趟偽韓國旅行🇰🇷繼續韓劇⭕️🔼🔲魷魚遊戲熱潮，昨晚特意到了一間位於旺角潮流商場T.O.P. 頂層的高質炭爐韓燒料理「柞炭木家」Chill 住享受一趟韓國之旅。餐廳非常寬敞舒適，裝修呈輕工業風，每枱坐位也有垂吊的韓式抽油煙機，把韓燒的油煙吸得一乾二淨❗餐廳還設有室外用餐區，恰巧天氣轉涼，在室外享用溫熱的韓燒一定別有一番風味❗店員服務亦相當殷勤周到，會𣎴時替客人收拾餐碟及更換炭爐網❗餐廳還會為每枱客人奉上非常豐富的韓式前菜，包括青瓜、芽菜、蘿蔔、辣味八爪魚、芝士粟米粒及泡菜等，芝士粟米粒放在方便傳熱的錫紙盛器上，然後放左炭爐上烤煮，芝士粒會與粟米粒完美結合，味道相當濃郁惹味。而餐廳亦會像傳統韓國料理般，悉心為客人額外提供一大盅泡菜供客人自助享用❗👉🏻而每枱也會有韓式大醬、鹽、蒜頭，青椒及爽脆生菜供配搭烤肉包裹食用。我們一行2人共點了以下餐點：1️⃣🌟壽喜燒和牛西冷 $288壽喜燒和牛油脂分佈相當均勻，由於壽喜燒和牛為精細薄切上菜，因此店員會貼心為客人燒烤和牛，然後建議客人享用壽喜燒西冷時，同時配搭餐廳提供的粒粒香飯及香濃蛋黃，和牛西冷入口即溶，與米飯及蛋黃漿一同食用味

韓燒周圍都有得食 但係就唔係間間都會用炭火燒烤😉 之前食過柞木炭家既2人王道套餐 今晚encore 決定試佢哋其他單點食品😋入座後店員會先上前菜 分別有芝士粟米 蓮藕 青瓜 泡菜等等 最特別嘅係有原缸泡菜自己剪泥食😆 食完仲可以繼續免費添加😉今晚我哋就揀左試以下既食物：1. 擔擔味茄子 作為前菜唔錯 醬汁開胃惹味👍🏻2. 壽喜燒和牛西冷 店員好細心 會幫手燒🥰 和牛西冷油脂分布平均 加上蛋汁 真係好正🤤3. 和牛牛肋肉 每次必點既牛肋骨 因為韓燒既牛肋骨已經調配左酸酸甜甜嘅醬汁👅 食落和牛肉質好腍 特別好食😋4. 慶州極上黑毛豬梅肉 黑毛豬肉味濃郁 調味得宜 加d豆瓣醬包生菜就一流😎5. 和牛三文治 香脆既多士包住厚厚粉嫩既和牛 肥美到睇到都流晒口水🤤 加上酸甜沙律醬 大飽口福🥰6. 青肉蜜瓜沙冰 食完燒肉飲沙冰真係透心涼😍 呢個仲要原個蜜瓜上 仲有粒粒蜜瓜肉食 好fresh好爽丫🌟

星期日去左旺角玩，唔想返屋企煮飯，興致勃勃去試試新餐廳，地點係旺角TOP既柞木炭家，係食韓燒。主餐牌有牛，海鮮，豬，雞，一品料理，傳統韓食，湯。另有時令餐牌同野飲。餐牌簡單。今次第一次黎，咩都叫啲黎食吓。服務員好快就上左調味三寶，辣泡菜，辣蘿蔔，蒜蓉芽菜，甜甜哋嘅薯仔絲同紅蘿蔔絲，辣蟹仔，芝士粟米，同生菜包俾我哋，服務員話可再添。另外仲有一大兜有蓋兜裝住嘅兩大棵泡菜俾你自己剪細食。食得哂都好叻，份量好多。基本上大部份前菜都好好味又新鮮，最特別係芝士粟米，喺個爐上面熱融左嘅芝士之後變左勁拉絲，好邪惡。調味三寶係鹽，味噌，辣椒同蒜片。我哋無須用到，食物本身已經夠味。擔擔味噌茄子 $78 另加一擔擔味噌茄子一客八件，新鮮吸哂油嘅茄子配好味嘅味噌，加左肉醬，蔥花，甜椒粒，同白芝麻粒，好味道。壽喜燒和牛西冷(2件) $288 另加一壽喜燒和牛西冷係薄切，服務員主動黎幫手燒，先用牛脂抹吓個爐，好快就食得。另外配左隻蛋黃同飯團，上面灑上白芝麻粒。和牛配蛋汁好滑又嫩，壽喜燒好味道喎。和牛牛肋肉 $158 另加一和牛牛肋肉一客8件，份量唔少，已經醃好左味噌，味道好濃。牛肋肉當然需要咬吓，不過好有肉汁，好

總係覺得炭火燒肉係特別香既 見到佢地有2-3舊炭係個火爐上面 即刻興奮左前菜有5款 全部都係我鍾意食嘅 最特別係見到有白菜仔 平時少見d 醃魷魚好好味 唔夠食係可以再添既壽喜燒和牛西冷 ($288) - 呢個好好味 雖然有少少貴 但係真係必點 佢地有過黎幫我燒埋 塊牛薄薄地 好甜好香牛味 旁邊有隻生蛋同埋一個飯球 包埋一齊食再沾啲蛋汁真係好正 但一碟得兩塊 好唔夠喉和牛牛肋肉 ($158) - 個牛肋肉又係好正 燒到嗰邊燶燶哋之後食 肉味超級香 呢個幾抵食慶州極上黑毛豬梅肉 ($198) - 最大嘅驚喜係呢塊豬 佢1d都唔輸俾d牛 燒完之後勁香 佢哋醃得好甜 肉質好林 配埋泡菜同生菜 好好味 同埋有2大塊 好抵食 呢個一定要點和牛三文治 ($318) - 同我想像有少少出入 件和牛比較生 少少難咬開 同埋牛味唔夠重 擔擔味噌茄子 ($78) - 呢個係一個冷盤 個擔擔味噌醬同茄子好夾 甜甜地 唔錯青肉蜜瓜沙冰 ($68) - 成個蜜瓜咁大杯沙冰 打卡岩晒 仲有幾舊蜜瓜肉 燒到熱辣辣之後飲啖好爽荔枝梳打 ($36) - 好冰涼 甜度岩岩好 佢入面嗰兩粒荔枝大粒好味

今日去旺角the charcoal room hk食晚餐。前菜有6款Koreancuisine:有泡菜、醃蘿蔔、棠菜仔等，泡菜最正，不止有蝶裝，還有一壺可以續食。我最鐘意嘅味噌茄子，醬料小小辣，茄子切厚身，配上辣味，好開胃，好好食。正餐係用Koreanbbq，有壽喜燒和牛西冷，和牛切得好薄，放到燒烤架上，好快就熟。同雞蛋，飯糰一起食，好正。和牛牛肋骨，好嫩滑，醃得入味。我用唐生菜夾住牛肋肉，泡菜，蒜，烤肉醬和芝士粟米一起吃，好香好美味。濟州活鰻魚，鰻魚厚身，烤都需要點時間，但好爽口。最後烤黑豬梅肉，梅肉好大塊，而且已經醃製好，一烤香味撲鼻，食起味道都冇得輸。和牛三文治，呢份好邪惡。和牛切得好厚身，裹在薄薄啲麵包中，真係啖啖都是肉。Koreanfood味道就係正。

少有用炭火嘅韓燒，炭火風味又與眾不同喎！食咩都好，先試前菜5小碟，泡菜一個盅裝住自己任添。少人要試多d肉類揀餐最好不過，跟餐嘅前菜係擔擔味噌茄子，脆香味噌舖面，入口美味，食指大開呀！二人餐$698包括幾種必點肉類：肉質結實、油筋同油脂較多嘅牛小排；有嚼口，肉味濃，脂肪較少嘅和牛牛板鍵肉、肉質細緻嘅韓牛牛肩肉、軟嫩肉味濃嘅和牛牛胸腹肉，包括哂啦個餐！咁就唔洗食唔哂又樣樣都有得食。傳統韓國風味海鮮豆腐湯，有蜆、青口、蝦、滑豆腐，湯頭有海鮮味，一啖飯一啖湯一流！見隔離檯個和牛三文治好似好正，我都唔執輸，香脆多士夾住已微炙嘅和牛，易溶於口啖啖甘香。我個人就想食熟少少，喺爐面再炙一兩下，更加香脆！食韓燒又點少得冰涼飲品！套餐加少少錢有特飲，士多啤梨紅莓梳打、柚子檸檬梳打都係我至愛，味道清新飲落又夠爽，正！

星期六晚上突然想吃韓燒😆， 上網搵到位於旺角彌敦道700號T.O.P 5樓501號舖的柞木炭家， 記得朋友之前亦推介過🤩， 今晚就一試吧！ 店內環境寬敞， 每張卡位闊落舒適👍🏻， 餐廳更是首間用柞木炭作韓式燒烤的餐廳， 以炭燒燒出來的食物更加原汁原味🤤， 還散發出獨特的炭香味道。 二人套餐價錢相宜，王道套餐2人$698：擔擔味噌茄子+是日雪下覓炙四款配慶州五花肉(和牛牛胸腹肉+韓牛牛肩肉+和牛牛板腱肉+名品牛小排+慶州五花肉)+紅蝦配大墨魚+海鮮豆腐湯+是日精選甜品， 再點和牛三文治$318、 菠蘿梳打$36、 士多啤梨紅莓梳打$36。🍽️⭕前菜🥙🧆～ 有幾款韓式泡菜🤤、 沙律菜🥗、醬汁和芝士粟米， 每款味道都幾好。⭕擔擔味噌茄子🍆～ 味道濃郁又開胃， 前菜涼拌首選。⭕是日雪下覓炙四款🥩(和牛牛胸腹肉+韓牛牛肩肉+和牛牛板腱肉+名品牛小排)～四款牛肉味濃厚，油脂甘香，口感嫩滑，不用沾醬汁，加少許鹽，已經很美味了。⭕慶州五花肉🥓～偏小肥而肉質軟，烤後非常香口， 我喜歡配生菜、泡菜和蒜片一起吃， 口感豐富又滋味。⭕紅蝦配大墨魚🦐🦑～ 紅蝦好大隻， 燒起來好鮮甜， 大墨魚有兩款味道， 一濃一淡

之前在這個商場看到很大個招牌是和牛三文治的，超吸引的，就一直很想試試！剛好生日了，就決定壕氣一頓，選了這間來試吃燒肉！這次就點了一份王道套餐（６９８元），然後再額外加一份和牛三文治（３１８元）！這裡是非常特別的，我還真的是第一次看到有燒肉店內真的是有用上了木炭的，難怪名字有炭家兩字！前菜一如既往的韓國餐廳都給了很多種類，而且都是任食吃，還有粟米芝士，好評！和牛三文治（３１８元）主角就真的是主角！一送到就已經流口水了，非常吸引，看到那和牛的雪花，和牛用了吉列的製法，炸得外面香脆，內裡多汁，油香十足，而且這個應該是一成熟吧，可以看到和牛仍是非常生的狀態，介意的可能要下單的時候要跟店員說一聲！多士又烘得非常香，中間還配有鹹甜酸的醬汁來配合吉列和牛，一口一件，吃起來真的非常滿足！王道套餐（６９８元）擔擔味噌茄子開頭感覺這個配搭會有點古怪或難下口的，但吃起來意外的挺特別的，味道還挺不錯！擔擔味噌吃起來鹹香中帶點辣味，配合起嫩滑的茄子本身的甜味，味道出奇的配搭，又會令人分泌出更多的口水，不錯！紅蝦配大墨魚這個擺盤真的是絕了，還把蝦擺成心型！這是情人節套餐嗎！紅蝦挺大的一隻，還很好的幫你去了蝦腳了和

位於旺角TOP商場頂層， 環境舒適，即使是韓燒，都沒有很大油煙味店員先上各種不同的韓式前菜， 還有一大碗的泡菜，好香好爽口擔擔味噌茄子($78) 有很多味噌醬料， 但沒有蓋過茄子的甜， 又淋又juicy，好味和牛牛舌二吃($258)， 一邊沒有調味，另一邊牛舌上有很多蔥和蒜粒， 薄切，口感柔軟，沒有膻味濟州八爪魚($178) 原隻燒，要燒大約十五分鐘，起初擔心肉質又硬又韌， 但其實完全相反， 口感軟糯多汁， 完全沒有很乾身的感覺，正韓式豬腸($78)香口惹味，厚身而軟熟和牛三文治($318) 要趁熱食，烘香的麵包夾着炸過半熟的和牛，一口咬下，麵包吸附和牛的油香，簡單的三文治卻有最滋味的味道夏‧和牛拌飯($125)就像石鍋飯，將飯混合和牛和配菜， 口感十分豐富，又附帶和牛香， 推薦是日甜品蜜糖雞蛋蛋糕($52)， 雞蛋蛋糕淋上蜜糖，簡單清甜士多啤梨紅莓梳打($36)和柚子檸檬梳打($36) 消暑解膩一流

成日都嚟旺角T.O.P，但係朋友唔講唔覺原來呢度有間韓國菜韓烤既食店，今日黎試一試。和牛三文治和牛厚大而且帶點肥美，口感一流，非常好食，我朋友話食到酸酸地嘅醬，但我就唔係好食到。前菜都比較重味，尤其墨魚會比較辣，泡菜成兜上，比你自己夾同剪。和牛牛舌二吃問服務員點燒好啲，佢話燒到出血水之後反轉燒多十令廿秒就可以食，可能係呢個燒法令我覺得勁好食，薄嫩容易咬開，有類似蔥油醬汁個隻更加香口入味。韓式豬腸我哋燒緊豬腸嘅時候，服務員提我哋本身已經熟，燒一燒就可以食，見我哋唔係好識仲幫我哋燒咗一次，肥美可口。濟州大八爪魚服務員隨後亦幫我哋燒埋大八爪魚，燒得好好，仲排到好靚，口感十足，滑溜溜嘅感覺。擔擔味噌茄子係凍食既感覺，茄子好有口感加埋惹味帶點辣既醬料好match。韓牛泡菜炒飯炒飯非常惹味，主要有切開嘅泡菜同牛肉增加口感，非常欣賞，最好趁熱食，因為凍咗會比較油。飲品可以視乎返個人口味去揀荔枝梳打荔枝味重而且比較甜甜的百香果蜜桃梳打好重嘅百香果味帶點酸甜感雞蛋蛋糕非常鬆軟，雞蛋味都重，有少少蜜糖，不過唔會覺得太甜，恰到好處。今日叫得有啲放肆，食到好full，呢間既牛舌係我食過暫時最好食，仲有其他嘅食

旺角T.O.P係近年新興嘅潮流集中地之一，入面嘅商店絕對可以潮買潮食，今日行完街之後，就上咗去位於5樓嘅柞木炭家食最愛嘅韓燒。我哋二話不說就揀咗「王道」二人餐。點菜後，店員隨即奉上韓式小碟，是日嘅韓式小碟除咗有最傳統嘅泡菜做主軸之外，仲有醃青瓜、木瓜絲、豆芽菜同醃製蘿蔔。個人就好喜歡醃青瓜，醬汁微辣之中又帶點甜味，配合青瓜非常清爽嘅口感，真係好醒神開胃。而其他嘅泡菜味道都做得好出色，木瓜絲平時比較少見，酸酸甜甜亦都非常開胃，而最正嘅就係所有韓式小碟都可以無限追加，值得一讚！另外套餐亦包括咗擔擔味噌茄子做前菜，呢個茄子屬於涼拌嘅菜式，上面加咗豐富嘅擔擔味噌醬，非常惹味，如果呢個前菜都有得追㗎咁就正到不得了喇！燒肉方面分別有牛、豬、海鮮，先有兩隻大紅蝦，同埋兩款唔同味道嘅墨魚，分別係原味墨魚同有醬汁嘅墨魚，各具特色，肉質亦非常彈牙，而且份量亦唔少。雪下覓炙包括有名品小牛排、和牛牛板腱肉、和牛牛胸腹肉、韓牛牛肩肉，坦白講我就唔係太識分辨呢幾款唔同品種同部位嘅肉，但總括而言，全部都有均勻嘅雪花，微微燒香之後半溶嘅油脂喺口腔裏面非常甘甜，絕對食得出係高質素嘅牛肉。而呢個慶州五花肉就係全晚最精彩嘅