慢煮工業 (已結業)

上次去左另一間分店食已經覺得好好食, 好想再encore, 今次就去食埋另一間分店!! 原來兩間分店嘅餐牌唔一樣架, 咁就非常好喇, 可以食到唔同嘅野食! 餐廳裝修十分有格調, 燈光較暗, 今次安排左坐2樓, 全場滿座, 有彩有book到位! 而今日好肚餓又唔想諗食咩, 所以直接叫二人餐唔洗煩!二人慢煮套餐 $368套餐有沙律, 意粉, 主食, 飲品 墨西哥辣粟米溫泉蛋沙律沙律菜都幾新鮮, 好爽脆, 醬汁有兩款, 包括係沙律醬同醋, 酸酸地食好開胃! 溫泉蛋十分流心, 蛋汁流晒出黎, 可以撈埋菜食, 好正!! 不過粟米就完全食唔到有辣味, 同埋只係得幾粒, 太少喇西西里肉醬芝士意粉熱辣辣上枱, 肉醬同芝士嘅份量好足夠, 而且仲好濃味, 意粉焗到岩岩好, 保持到口感唔會好腍, 十分唔錯!烤豬仔脾2支 + 烤豬仔骨2支其實我唔識分邊樣打邊樣, 店員冇介紹到, 但係兩款肉都唔錯!其中一款肉質勁腍, 烤到好香, 而且好易切開, 唔洗咬得好辛苦, 勁好食! 另外一款肉就相對硬少少, 但上面就多一層有芥末醬, 食落甜甜地咁, 啖啖肉好正! 安格斯西冷牛扒牛扒size正常, 切開見到嫩嫩嘅粉紅色,

用餐時間：普通星期三 1845今晚揀左一份二人慢煮套餐。餐廳環境幾有色調，餐具都幾靚！左邊係我嗰杯荔枝特飲，味道唔會好甜，淡淡地幾好飲。不過佢呢種杯無比到飲管我地，所以飲落幾唔方便。我覺得呢個係我食過其中一個最好食既沙律。佢隻醬汁同沙律幾夾，不過最驚喜既係原來溫泉蛋配沙律食既味道係咁特別。呢個意粉好足料，尤其係芝士，身為一個芝士迷我食得好滿足！呢塊扒應該唔係咩貴價扒，所以味道正常發揮我已經接受。隔離既豬都無乜驚喜，同平時食既豬仔骨嗰啲無咩分別，不過係唔錯既。最後埋單連加一係$405，兩個人平均每人$203。呢度環境幾好，食物質素都同樣唔錯，可以改善既地方係如果二人套餐份量多翻啲就好，因為最後食完都唔飽。

我同老公行行下，經過呢間幾chill嘅餐廳，望下餐牌嘅價錢都幾抵，所以入去品嚐下😋慢煮二人套餐好滿足$368套餐有好多嘢食，一次過滿足哂我嘅願望！墨西哥辣粟米溫泉蛋沙律(原價$68)沙律除咗有沙律醬外，本身都有橄欖油和醋調咗味，加埋辣粟米和車厘茄，好開胃同新鮮！西西里肉醬芝士焗意粉(原價$78)超級多芝士，好邪惡，但真係堅正！第一次食肉醬意粉係肉多個意粉滿足三大願望的肉拼盤烤豬仔脾兩支，似用叉燒醬的汁去烤，好多熱又啖啖肉！Very Good~~烤豬仔骨兩支，用蜜糖烤，甜味適中，肉同骨分明，好易食，有水準！仲有慢煮安格斯牛扒8oz(原價$98)會大約5-6成熟，無得要求全熟，因為係慢煮出品，亦都唔會血淋淋，有少少咬口，唔錯！荔枝接骨木花特飲（原價$38）荔枝味重，加上接骨木花的香甜，好飲！西班牙果白酒（原價$68）水果味唔算多，不過甜甜地，易入口的白酒！

兩星期先見一次既朋友，今晚又去食飯，終於去到食慢煮工業，暗黑既環境，有格調仲好有feel二人慢煮套餐 $368墨西哥辣粟米溫泉蛋沙律🥗黑醋汁 + 沙律醬溝埋新鮮沙律菜一齊嚟食，有隻又大又滑又彈既流心溫泉蛋，開胃前菜西西里肉醬芝士焗意粉🍝好香濃芝士香味，芝士多到可以拉絲，肉醬真係勁多又勁好味，撈埋啲爽口彈牙既意粉一齊食安格斯西冷牛扒🥩厚切西冷牛扒，肉質嫩滑，又夠哂香，仲好大塊，肉質仲勁juicy，入口即溶，食到lamlam脷烤豬仔骨🍖2支豬仔骨一樣好好味，個燒烤醬汁好正烤豬仔脾🍖2支值得推介呢隻豬仔脾真係超正，肉質juicy又夠滑，配埋個燒烤醬醬汁 (我仲想再食)配2杯酒類或特飲青檸薄荷特飲🍹清新薄荷香味😋少許青檸酸味Cocktails 貴紀酒、荔枝蓉、梳打水🍸好濃荔枝味，少甜，酒味唔太重(唔會怕醉🤭)

又約朋友食晚飯喇！！今次去左太子道西嘅餐廳食好西。《慢煮工業》正門入口玄關擺設放置了一些花瓶和蠟燭燈座，霓紅燈招牌，沿著樓梯也有一些擺設和掛畫，配搭出獨有的風格。上到一樓，擺放左一套爵士鼓，打卡一流。餐廳空間感大，燈光柔和，座位寬敞，最適合三五知己的談心好去處。我們點了二人慢煮套餐＄368前菜~墨西哥辣粟米溫泉蛋沙律軟溜溜的溫泉蛋，蛋白像豆腐花般滑嫰嫰，新鮮沙律菜配上黑醋汁和沙律醬，細緻地覆蓋表面。主菜~西西里肉醬芝士焗意粉芝士同肉醬的份量都不少，伴隨著濃厚芝士，有拉絲嘅效果。肉醬嘅味道不會比香濃芝士覆蓋，兩者超夾，味道非常濃郁，而意粉軟硬度適中，芝士肉醬掛在意粉上，令人停唔到口。最後拼盤式板上西冷牛扒、烤豬仔髀，烤豬肋骨。~西冷牛扒肉質好嫩和肉汁豐富，有濃濃牛肉味。~豬仔髀配上黃芥辣同香草，肉質也很嫩，非常好味。~豬肋骨配上BBQ醬，醬汁充分沾滿表面，非常野味。餐飲～熱情水果特飲，原來係熱情果菠蘿梳打，熱情果同菠蘿好夾，飲落好清新。～西班牙鮮果紅酒，血紅如寶石的色澤，非常誘人，水果香甜，容易入口。

疫情稍有緩和，今晚終於約到朋友仔出來食晚飯喇，ｙｅａｈ！餐廳位於太子，與友相約好餐店門前等，但遇上小意外闖進了平行時空，朋友去錯左太子另一間同名分店等，如夢初醒太子原來開了兩間慢煮工業的，豬左一輪終於可以團聚！店內環境闊落，光線柔和用餐非常舒適，餐牌精簡無圖選擇唔少，美食吸引價錢合理水準高汁，三五知己聚腳不錯的理想地～墨西哥辣粟米溫泉蛋沙律 $68沙律菜份量唔少，菜十分新鮮爽口，配以少量沙律醬及黑醋酸味味相當開胃，撈埋溫泉蛋蛋液味道完美至極的前菜。輕食拼盤 $88小食包羅萬有我最愛，薯條、雞翼、炸蝦、芝士條、炸蠔和洋蔥圈都到齊，炸物一大堆最好味的炸蠔，外脆內軟蠔味十足充滿肉汁，正。慢煮脆皮德國鹹豬手 $198鹹豬手外皮脆卜卜非常惹味，肉質好嫩滑好易切有肉汁好入味，無咩肥膏唔算好肥膩，伴碟有酸菜芥末醬解膩得宜，滿分！

同friend係太子想食cafe或者西餐，本身bookmark左幾間，而果陣身處嘅位置最近慢煮工業，所以gogogo! 我地一共3個人，但由於朋友們都細食，又有選擇困難，所以決定叫二人餐😂$368有沙律、焗肉醬意粉、西冷牛扒、豬仔脾、豬肋骨，同埋兩杯酒類飲品。全部野食用嚟打卡都一流😍1️⃣墨西哥辣粟米溫泉蛋沙律 (5分滿分，推薦: 🌕🌕🌕🌖)雖然話係辣粟米，但出奇地唔辣，對我呢個無辣者嚟講太好了😂賣相幾吸引，沙律味道正常，如果好似我地咁duk穿左個溫泉蛋撈均，口感同味道會更豐富2️⃣安格斯西冷牛扒｜烤豬仔脾｜烤豬仔骨佢將所有肉類都放同一碟，睇落幾豐盛，逐樣評價先📍烤豬仔脾 (5分滿分，推薦: 🌕🌕🌕🌕🌕)入味之餘佢烤得好嫩，本身好正，而上面嘅芥末醬係將佢再推高一個層次😭個人覺得必食榜第一名，下次一定叫個大份嘅❤️📍烤豬仔骨 (5分滿分，推薦: 🌕🌕🌕🌕)味道同豬仔脾差唔多，可惜佢骨多，唔係我呢啲食肉獸喜歡嘅類型😎btw幫佢澄清返，佢嘅質素係平均水準之上🤣📍安格斯西冷牛扒 (5分滿分，推薦: 🌕🌕🌕🌖)幾有牛味，無辜負到安格斯呢個名🐂但有樣嘢要提出嘅係‼️我地一致認為煮得韌左啲，唔係韌到食唔到果種

味道78分，但二人餐份量唔太夠飽。地方算大，有兩層，環境少許暗，有少量霓虹燈裝飾。.🔷二人慢煮套餐($368)🔸墨西哥辣粟米溫泉蛋沙律溫泉蛋令沙律口感滑啲，配沙律醬同辣辣地嘅粟米，成個沙律味道幾惹味。.🔸西西里肉醬芝士焗意粉肉醬酸酸甜甜，好開胃，意粉都有咬口。.🔸安格斯西冷牛扒🔸烤豬仔脾2支🔸烤豬仔骨2支較細份，豬好食過牛，豬幾腍，相反牛有少少過熟。.🔸2杯酒類或特飲嗌左一杯Mojito，一杯西班牙果白酒。Mojito酸酸青檸味同薄荷葉味，味道清新。西班牙果白酒冇乜甜味，酒味都濃，果味唔太出。.🔷黑松露蕃薯條($58)食完二人餐都唔夠飽，所以加單，蕃薯條炸得香脆，甜甜地再點黑松露醬食，好香。.

實習咁辛苦，終於等到紅日前夕，要同朋友聚一聚！！注意係太子有兩間分店，有兩個友人去錯咗地方，故事教訓食飯嗰陣時要睇清楚啦～～由於太攰，所以都費事睇餐牌，4個人點咗威靈頓牛扒同一個二人餐，再額外加兩杯飲品。威靈頓牛柳本身係要預訂，好好彩臨時問店員都有提供，4個人入面，包括我在內都係第一次食威靈頓牛柳，珍貴嘅第一次呀！因為係第一次食，唔知乜嘢先係煮得好。牛柳上嘅鵝肝醬好香，最可惜牛柳食落少少韌。求解答旁邊烤左嘅蒜頭係點食㗎🙈二人餐好豐富，有墨西哥辣粟米溫泉蛋沙律、安格斯西冷牛扒、烤豬仔骨兩支、烤豬仔髀兩支，同埋西西里肉醬意芝士焗意粉。牛扒不過不失。因為同朋友happy share，所以冇食到豬仔髀，食咗豬仔骨。豬仔骨夠入味，係唔會出錯嘅BBQ 醬，肉質唔會好嚡。西西里肉醬意芝士焗意粉好多芝士，仲有拉絲效果。每一口意粉都充滿肉醬。最後配埋Mojito潤下喉，因為餐廳環境比較嘈，要好大聲先傾到計。不過，可以放聲傾下是非都不失為一個減壓好方法。利申：唔係因為周杰倫嗰首Mojito先點。

慢煮工業太子白楊街15-19號萬安大樓地下及1樓呢排全城抗疫，難得約到朋友出黎食飯可以鬆一鬆，估唔到係呢個非常時期，餐廳都幾爆，我地book 左7點30, 已經有8成入座率 餐廳既位置係太子，地鐵站行過黎只須5分鐘好方便，係正十字路口好易搵，門面有股好懷舊既工業風，好有feel而且呢到座位闊落，大檯細檯都有，無論同另一半黎開餐或者一大班親戚朋友黎聚會傾計都好適合係地下confirm左訂位之後，職員就帶左我地上2樓就座啦，好鐘意呢到既裝飾擺設，好有味道，連d餐具都好有心思，最鐘意就係雲石紋既碟餐牌上面選擇都幾多，樣樣都想試下，最後我地揀左食2人套餐，都幾豐富架2個人夠晒食，而且價錢又唔算貴$3681.安格斯西冷牛扒2.烤豬仔骨2支3.烤豬仔髀2支4.西西里肉醬芝士焗意粉5.墨西哥辣粟米溫泉蛋沙律6.芒果蜜桃水果茶，黑牛第一次試慢煮料理，上網睇完先知道意思原來係用低温既方式大約攝氏60度以較長既時間烹調食物，好處就係可以保持食物既原汁原味同質感，係肉類方面就最明顯，安格斯牛扒，雖然望落肉厚但咬落好鮮嫩，鎖住肉汁夠晒juicy 而豬仔骨同豬仔脾配上燒烤醬汁，非常惹味溫泉蛋沙律感覺好fresh

剛剛上月中去了慢煮工業和老公，慶祝白色情人節過2人世界，雖然當時有疫情，但店內也滿人了，証明食物有一定水準先。這時安排我們坐，豬豬很可愛就影了店員鋪上餐紙同餐具餐牌內有2人晚餐，份量很充足墨西哥辣粟米溫泉蛋沙律西西里肉醬芝士焗意粉安格芥西冷牛朳烤豬仔脾烤豬仔骨2杯有酒精或特飲荔枝接骨木花特飲好香木味道，荔枝和接木骨味道比例相配，不會太甜，醫學上對鼻敏感，降血壓，抗感冒等攻效……注意孕婦不宜飲用。青檸薄荷特飲開胃，薄荷對肺也是好，食了重味肉類，飲這款可清清口氣，不錯!先到墨西哥辣粟米溫泉蛋沙律，很大碟最吸晴當然流心蛋，正!其實沒有辣味，意大利醋酸酸地好開胃，難得老公不喜歡蔬菜，但因為溫泉蛋液，他也吃了西西里肉醬芝士焗意粉，完全不能少看，超拉絲但完全不感到肥膩。肉醬一定有牛肉碎，無論味道咬口都超級棒，不吃牛千萬記得不能吃 ，因為真正肉醬意粉有牛肉碎，豬牛比例好重要!味道層次香濃而惹味，酸酸辣辣完全吃清!吃到這裡發現2人餐樣樣好大份，開始擔心下一味，會否吃不完。這烤拼盤真的想像不到，比較意外豬仔骨水準，刀义一切骨肉分離，有種炆過感覺，慢煮特別吧!可保持營養以低溫煮熟，再去烤一烤外面，燒烤醬甜

今晚同朋友訂了在太子的慢煮工業見到openrice上有2間，選了在白洋街的這一間距離太子地鐵站只在3分鐘，走過一條大直路便到了，地點十分方便呢去到發現餐廳是有2層的，一踏進門見到有慢煮工業的霓虹燈，地下一層有幾張枱，想必週末會坐滿了人走上一層，樓梯和吊燈都很有特色！暗淡的燈光，配上工業風的設計，想不到太子有這樣特色的餐廳呢！走到第2樓發現餐廳很大，坐位很寬敞窗外下著雨，配搭著餐廳內的燈光感覺很有情調待應馬上幫我們2人安排坐位看看餐單，選擇真的不少在那麼多食物當中，每樣都很吸引我們最後決定叫了一個慢煮2人餐，價錢是$368我和朋友欣賞著室內的燈光和設計，發現粉紅燈光下拍照很有特色呢女生一定都很喜歡💕很快店員便送上了我們的的特飲我點了青檸薄荷特飲，朋友點了荔枝接骨木特飲，我的薄荷特飲有很多薄荷，而且甜度適中在潮濕的下雨天令人感覺十分清新！接著墨西哥辣粟米溫泉蛋沙律上枱喇！沙律上有隻漂亮的溫泉蛋用叉把蛋弄破，伴上沙律菜和配料朋友便即刻說沙律有濃濃的牛油香沙律菜十分新鮮，與蛋十分配合清爽又很開胃，而且分量很多是CP值很高的沙律呀還有西西里肉醬芝士焗意粉滿滿的金黃芝士在面剛焗出來香味撲鼻，本來沙

終於忙完一大輪可以同班好姊妹聚會，當然要食返餐好🍴慢煮係一直都好流行的煮食風格，今次一於試下先一行3個人就叫左個二人套餐加小食就已經好飽了😂入邊有個沙律, 安格斯牛肉, 豬仔脾, 豬肋骨, 肉醬意粉同2杯飲品沙律係墨西哥辣粟米溫泉蛋沙律，沙律菜好新鮮，個汁酸酸地帶辣，加埋蛋汁十分fresh，沙律底仲有塊餅皮，可以包住一齊食👍一個木板plateau上有齊慢煮安格斯, 豬肋骨同豬仔脾，愈食愈有驚喜😋🥢慢煮安格斯上枱個陣仲係粉嫩色，牛肉好濃，肉質厚實，好有口感😋唔洗任何汁都已經好夠味🥢豬肋骨食落好嫩口，加埋個燒烤醬既十分惹味👍好入味🥢豬仔脾食落啖啖肉汁，而且配埋燒烤醬汁同芥末，十分惹味又唔會好膩😋意粉係肉醬意粉，肉醬都幾香牛肉味，份量都幾多，不過就略嫌酸左少少意粉軟硬適中，每食一啖都會食到肉醬😋餐飲叫左杯熱情水果茶同芒果蜜桃水果茶，飲落又fresh又甜甜地，十分開胃，岩哂我地女仔飲仲加配左2個小食--芝士焗蟹蓋同流心蛋大啡菇🥢蟹蓋入邊係蟹肉配埋蔬菜薯蓉，蟹肉幾濃味，外層係芝士焗，芝士味濃郁同香口🥢流心蛋大啡菇既菇味好香濃，配埋流心蛋同外層既芝士，口感豐富，不過略嫌咸左少少總括黎講: 餐廳環境