一杯鐵板燒居酒屋

营业中

休息中

話觀塘係一個美食天堂並不是太誇張！呢間居酒屋由2018年已經都會嚟幫襯！第一次幫襯個時處於人生嘅低潮，食完之後有開心過既下！今日再返嚟食，正值人生嘅交叉點！兩個唔同情況下，其實個味道都係無邊度，環境都冇改變到，唯一就係大家都戴住口罩！服務都一直都好好嘅！第一次嚟食，那時係冬天，天色昏暗，一入到去，好似去日本咁！個日心情唔好，我個時好想新年去日本，但知道個年唔可行，咁就搵呢間餐廳食住先啦，一入到去好似去咗日本既居酒屋咁，勁有東洋風味！之後叫咗個刺身定食，個時坐咗喺吧枱上，雖然無sake ，但有杯熱飲，可以取暖！刺身定食有甜蝦、吞拿魚、油甘魚、三文魚、帶子、少量海膽同埋紫菜包住左吞拿魚碎！仲有個飯，當日嘅前菜係豆腐！包埋個麵豉湯！甜蝦就非常鮮甜，直頭可以食埋個蝦頭，蝦頭完全唔苦，直頭係高質素！吞拿魚喺出邊食係有魚腥味！但係呢度食，完全唔覺有，直頭係完美！油甘魚同三文魚，俾我預期其中還要好，我以為冇乜魚味，食落去，咁甜，勁鮮！直頭可以比100分！帶子雖然就唔係太大件，但我好滿意，真係非常之鮮甜！海膽雖然嗰時唔係季節但比個驚喜我，完全唔苦，且都頗為新鮮！good ！麵豉湯就比較濃，而且唔會太鹹

平時夜晚好瘋狂多人等位，自問耐性一般，多數半途而廢。今日陪老細去食，因為早左出去又訂定枱就梗係食到啦！店內環境真係幾正，有一刻會以為自己去左日本添 (當然快速清醒知道身在apm啦)。例牌影返幾張相先⋯佢有午市定食，唔駛煩，叫左個壽司盛，老細梗係食好西 — 鐵板燒啦 (帆立貝、牛柳粒)D野食都算快到，蕎麥麵湯底清清地，有幾粒菇，麵略淋，還ok吧！前菜都係普通野，牛舌漬物主角到，壽司定食 — 吞拿魚、油甘魚、三文魚、魷魚、腐皮、三文魚卷，真係普通質素食物而已。坦白說，如果唔駛等位我會食晏，但如果要我排好耐隊食晚餐我會選擇放棄吧⋯⋯呢個價錢，相信有更好選擇啦！

上次個fd生日,知佢鐘意食日本菜，所以黎呢間試下。我地叫咗關西燒，醬汁超多，有啲芝士味、好多牛筋同耶菜絲，雖然喊咗少少，但口感一流，借得一試。另外，我地叫咗壽司定食，啲壽司好新鮮，同牛肉年糕，雖然硬咗啲，但係都幾好食，燒得夠香，可以一試

本身住元朗都想試吓呢間餐廳，咁啱假日同老公路過APM，上開飯網見到APM有間日式居酒屋「一杯」，就趁未到落場時間（15：00開始落場，我哋去到已經13：45啦）試一試先。餐廳設計好有日式風格，我哋被安排坐Bar 檯位置，餐牌選擇都好多， 樣樣都想食……但係得兩丁友又怕食唔哂，結果一人選了一個套餐。1）我揀咗燒三文魚扒定食2）老公揀咗壽司定食整體都好滿意，坐Bar檯見到師父喺度燒串燒（但我無吸到全身油煙味）…見到啲串燒都好吸引，下次一定要試試！招呼都好好，雖然我無order飲料，但係侍應們都不停幫忙加水👍👍👍。非常好

心情極度惡劣，幸好約了阿武吃午飯。阿武是個大帥哥，見了他心情已好了一半。他公司在APM 附近，知道我心情不好，特意帶我到這間「一杯」日本料理，他笑說：「食完包你心情靚哂！」係咪真架？餐廳位於apm 四樓比較隱蔽的地方，如果不是阿武帶我來我真的找不到。侍應說只有鐵板燒吧枱前有位子，中午午飯時間沒法子，反正我挺喜歡看著鐵板燒師傅做菜的模樣，是賞心樂事。午餐的選擇不少。對於我來說，要有治愈功效的日本食物一定要有壽司飯，所以我來了一客壽司定食。定食還包括漬物一小碟和蕎麥麵或烏冬一碗，我要了蕎麥麵。先吃蕎麥麵，怕浸在湯裡久了不好吃。麵條本身非常爽口，軟度適中，份量又不會過多，很好吃。湯底是麵豉湯，配料也多，很滿足。壽司的賣相非常漂亮，配上那陶瓷碟盛上，已經覺得很有心思。總共有六件壽司和四件小卷。每一款的魚生都非常新鮮，又香口。壽司飯也不多，絕對是手握的大小，唯一美中不足的是魚生和壽司飯中間沒有wasabi。不過已足夠讓我心情變好了。餐飲加$5，我要了咖啡。最意想不到的是那陶瓷咖啡杯實在讓我愛不釋手！店主選餐具的心思就是在如此細微的地方呈現。咖啡是即磨的，很香也不苦。就如阿武所說，我真的會很喜歡這

這天又來到APM和母親午餐，這個商場內的食市想試的也差不多試過了，唯這間新開張了不久的一杯鐵板燒居酒屋仍在to-go list中而又未曾踏入過，原因是一直以為母親在日式食品中獨愛壽司，而不喜店中名物日式燒餅/大板燒這類食品，但一問後原來母親也有肯嘗試新鮮食店的一面，便立刻走回店去拿籌子。店子雖開業不久，但每天的午市和晚市人客數目也不少，見其booking也是挺full的。這天拿了籌子後也要待上二十分鐘左右才能入座。店子的裝潢很有日本居酒屋的風味，以木色作主調，掛上不少日式的簾子，而店中亦分為鐵板燒的座位和卡位，如坐在鐵板燒的位置就可見到師傅即場製作大板燒和炒飯等食物，視覺上相信是會多了一重享受的，但煙燻的味道卻可能會跟著你走啊！而在這次沒特定要求下，店員就安排了我們在卡位享用午餐。餐廳有數樣午市定食提供，我們就從中選了個壽司配烏冬(另可選簥麥麵)的定食餐($80)和這裡知名的一杯燒($58)兩項食品。壽司定食先來，漬物是金菇和冬菇條再加上兩粒山葵，味道淡淡的沒甚麼特別。壽司中有六件壽司和四件卷物，當中包括腐皮壽司、象拔蚌壽司、不知名壽司、魷魚壽司、吞拿魚壽司和三文魚壽司，而卷物中的魚生