緣聚 (已搬遷) 新店位置

前2日，book咗位同老公撐檯腳，因本身住元朗，所以揀呢間近近地而又坐得舒服！呢間嘅放題有好多種類嘅食物，除左一般日式刺身、壽司、天婦羅等等，仲有火煱，羊扒，焗蠔，甚至粥粉麵飯都有，所以都好岩一家大細黎食架！見到咁多唔同顏色嘅點菜紙，不禁排靚靚喺檯面影番張相先！前菜刺身- 雖然無冰冰住，但都新鮮。壽司-因為怕食得多壽司會好快飽，所以只係叫咗每人兩件，壽司飯唔算鬆散。青酒煮蜆- 唔會好重酒味，只是間1隻會有少少砂，可以接受。麻辣元貝- 推介！連唔食辣嘅我，都覺得好味！又唔會太辣！炸物炸物之中，最鍾意炸芋丸！唔會太甜！香煎大蝦都好香啊！芝士焗蠔-推介！雖然唔係好大隻，但味道唔錯，芝士唔會遮蓋晒蠔嘅鮮味。最後叫埋甜品就非常滿足了！整體黎講，食物選擇多！上菜快！環境舒適！直得推介！

元朗出名多日本野食，每一間都大排長龍。我同老婆都唔想等位，所以經過一間唔駛等太耐位，當然即刻入去醫肚la。 又見佢唔貴$208加1。我地好好彩有梳化位坐。食放題一開始當然要食小小熱食，暖下個胃先。香煎大蝦，巴西牛舌， 黃金燒蠔，蒜片炒金菇牛肉 。呢幾樣味道同賣相都唔算特出。暖咗胃之後就到主角出場。刺身到……三文魚，八爪魚，帶子……每一片都好新鮮，三文魚食落有油香。最緊要係，平時食放題帶子通常都係細碼上，今次係中碼上。叫咗3轉刺身就來返轉壽司。估唔到壽司都好足料。手卷當然唔少得，就來了一個黃金魷魚手卷。有水準，紙菜仲係脆口，魷魚夠鮮味。最後，要試下甜品。

早前經過元朗已經想試試這間【緣聚】但打電話訂座時發現已滿座所以昨日特地預早訂座今日才能和媽媽到元朗二人世界吃放題！元朗區食肆各式其式 選擇包羅萬有要在元朗區顯得出眾除了食品質素和服務之外必須有優勝之處才能招來食客以我所知元朗甚少放題食店此放題餐廳特別之處是包括中，西，日！訂座時間8:30pm 等候時間大約10分鐘左右門外設計帶點歐陸風格等候時留意到舖內環境除了有精心擺設之外由於樓底非常高 掛著吊燈 牆壁掛滿了油畫令整個環境添上了高尚感覺日式放題最首要條件是刺身必定要新鮮 款式要多這間刺身款式選擇不少最突出的是三文魚、三文魚腩和馬刀貝三文魚入口鮮味無窮 又軟又滑三文魚腩肉質肥美 脂肪分佈平均馬刀貝亦口感爽脆 味道鮮甜！分享少少的放題攻略除非餐廳有重點推介或必食字眼否則壽司/手卷/粉/麵/飯都盡量少吃胃部要留下空間放置其他美食喔！我們點了少許壽司壽司飯份量少 一口一個不怕過分飽肚這裡的放題竟然有北寄貝和鰻魚壽司 有驚喜!花之戀亦是必食壽司因為其命脈就是三文魚質素要好 再配上沙律醬及粒粒蟹籽這樣才算是完美組合！至於手卷我選擇黃金魷魚和海膽三文魚手卷紫菜夠脆又香口用料份量充足 食落剛剛好至於西

勞動節翌日，同四個fd特登約出黎食野，原本係想試附近間韓國料理，點知冇位然後就發現左對面嘅呢間西日放題，裏面大把位，仲要午市只係八十八蚊起，所以我地就轉軚食放題點知入到去先知伏左，原來八十八蚊淨係包壽司、卷物/手卷、前菜/沙律、天婦羅/揚物同食事，仲要加一服務費（其實餐牌有寫，但係我地一見到八十八蚊就急不及待入左去）我地就冇要全包，淨係每人加多五蚊升級飲品。第一輪慣性地叫勁多野食，叫左好多壽司，之後就開始後悔食放題其實根本唔應該食太多壽司，所以之後都冇再叫。印象比較深刻嘅野食係流心朱古力棒棒串，個賣相雖然唔係太吸引，但個味道就真係好掂有少少似心太軟，不過就係一串串咁，幾新奇有趣。蟹籽沙律比起刺身沙律好食，d沙律醬比得幾足相反刺身沙律就比得勁少，個人認為呢d食唔飽又好食，所以我地一共叫左十一客仲有一個叫芝心片嘅野都好正，塊野入面d芝士好似拉唔盡咁，個感覺幾有趣。但係有一個叫忌廉蟹肉薯餅嘅野就真係麻麻地，有少少奇怪。雖然選擇少，但係食到好飽，可能係d野食飽肚啦，一百蚊左右嘅質素其實都算係咁，個人認為冇咩特別，所以就冇一種食過番尋味嘅感覺喇。

最近，我約了好街坊食飯，因為，現時他在屯門區上班，不想放工後出到港島區那麼遠！ 新界九龍區對大家都方便！  可以考慮一下元朗區，我卻不熟悉元朗區，於是，問另一位朋友有什麼推介？她推介了一間日式西餐廳 <緣聚 Together> 給我！ 他先在屯門接我，然後，揸車入元朗，餐廳位於好順泰大廈，這裡有個停車場，非常方便！ 當我們在星期一晚上 7:30 踏進餐廳時，他告訴我見到黃浩信！  原來黃浩信正是坐在最近門口的一張大桌子！而侍應帶我們入座，這裡比預期大！而且裝潢幾靚，色調柔和優雅！ 西日放題 $208 (9:00 前入座)餐點紙包括：前菜/沙律、食事、西日式類、西日扒類、刺身、飲品、甜品、手卷/卷物、天婦羅/揚物、壽司、串燒/燒物、火鍋配料…等；食物種類多元化！  令人花多眼亂！ 我們在 7:30 入座，落單後，8:00 前已上齊所有食物，相當有效率！  廚房部多啲嚟密啲手！好快手！ 這樣，可提高食客流量，做多幾轉生意！ 梅酒入口略帶梅的酸，酒味不濃重，總算易飲！    前菜：泰式鳳爪一客兩隻，雪白爽口帶嚼勁，辣度刺激味蕾，  也很醒胃！   

呢間放題細細間，相對位置唔係咁多，最好先訂檯，即日訂座仲有九五折以放題黎講，主要都係西式同日式食物，選擇都唔少。刺身都係一般大路款式，有約十款選擇，新鮮甜美壽司同手卷選擇比較多，推介火炙芝士蟹棒壽司同火炙芝士三文魚壽司!熟食方面味道就不過不失，扒類只係茶餐廳質數，勝在可以自己揀汁，炸物偏乾味道一般，燒蠔雖然細隻，但都幾juicy，最好味必食燒粟米，又甜又香! 必食燒粟米，可惜想再點時已經話無曬... 甜品只有幾款，芝士蛋糕同香蕉泡芙都好好味，芒果布甸就唔食都得。另外仲有餐湯、沙津等等，每樣野都係細細份，你點幾多件就黎幾多件。呢度唔似其他放題咁多人，可以靜靜地傾下計，適合三五知己一齊去，一大班人就未必0岩。總括黎講呢間放題環境好，食物質數都幾好，應該都會再去食!