御膳

营业中

休息中

睇openrice評價幾好 細佬生日 成家決定試試預先whatsapp落order訂套餐 不需預先付款我地五個人比左張勁大既台我地服務態度亦不錯 會跟進你食野既進度上菜野食整體都非常好水準 海鮮非常新鮮 配合師傅手勢 食到脷！一大班朋友或親戚想要一個比較舒適既地方食飯 推薦哩間！

長輩們鍾情中餐, 但家庭聚會餐餐都去酒樓, 食得多都會悶掛, 今日就帶佢哋嚟到呢間位於觀塘工廈嘅樓上私房菜 - 御膳。一家人點咗個5人套餐, 餸菜極為豐富！第一道香芒沙律大蝦球, 爽脆大蝦伴上新鮮沙律菜、香甜芒果、鮮果, 喚醒味蕾！緊接前菜, 一大鍋魚頭湯送上, 奶白色魚湯味道天然, 唔會過度調味, 加上滑一滑嘅嫩豆腐, 互相襯托。富貴金龍咁大條斑用嚟炸會不會有點奢侈, 兩款炸法一邊魚球, 一邊魚片, 我就鐘意後者多D, 魚片連皮, 食落更香口酥脆。大肉蟹 (胡椒炒)蟹肉新鮮唔黐殼, 蟹鉗大到好似食緊雞髀咁, 正！蒜蓉粉絲蒸蟶子皇又大又厚肉嘅聖子, 蒸得啱啱好, 肉質保持爽嫩。大蜆燉蛋蒸水蛋就食得多, 但燉蛋通常係甜食, 今次呢個加上大蜆嘅燉蛋, 充滿鹹鮮味, 有新意！士多啤梨骨肉質非常柔軟, 骨與肉之間嘅筋腱同脂肪充滿油香, 配上濃味甜酸醬汁, 送飯一流。金華玉樹雞呢半邊雞, 淨係起曬骨呢一點, 就已經攞曬分！ 每件雞配上鹹中帶甜嘅火腿, 啖啖鹹香嫩滑。上湯浸時菜蔬菜翠綠新鮮, 上湯味道偏重。蟹油銀芽炒面食到尾升都有驚喜！呢個可能係我食過最好味嘅炒麵。麵條炒得夠乾爽, 入口焦香味突出

世界輪流轉，阿媽竟然帶我潮嘆私房菜!上月中，有個Auntie車我媽去食私房菜，乜原來兩個人都可以食到私房菜架咩? 唔係要訂一大圍枱咁架咩? 哈哈，我都未食過私房菜，今次阿媽真係潮! 原來佢地仲要walk-in去食，枱都唔駛訂，去到可以叫餐或散叫喎。佢一路食一路喺whatsapp個family group入面share啲相出嚟威威  又話幾正幾好食。嗰日返到屋企又口述一次食咗啲咩.......  呢個私房菜之旅佢每隔一兩日就講一次，無限loop........講左幾日，老豆終於出句聲，話一齊去試下囉，佢拔槍喎。哈哈，我地梗係唔會反對，一於go go go! 我地就擇左個日子去食，到時出席就得喇喎~~食之前一日收到阿媽喺whatsapp send出嚟個餐單，我先知有咩食。阿媽話今次訂埋餐周全啲，佢先打電話去book枱，間私房菜就將個菜單whatsapp俾我媽，我媽再whatsapp同佢地傾有冇咩要改，全程由阿媽一手包辦，因為佢最清楚全家人鍾意食乜!餐單($441/位，每人菜位$2，免加一服務費):香芒沙律大蝦球砂鍋大魚頭豆腐湯芙蓉蛋白老虎班大肉蟹1只(可選花雕雞油蛋白蒸，避風塘炒，薑沖炒，

每月一次老友飯局時間又到今次終於唔洗我諗食咩 到我等食啦😌😌老友提議試下佢公司附近嘅私房菜有人安排當然無人反對啦 gogogo!一出𨋢門就見到傳聞中的御膳 原來有兩個單位 大約15張枱左右預早左一個星期book枱 一人4人7點到達望望餐牌 可以散叫或者叫套餐套餐由2人至12人都有 每款重有三set㨂👍🏼最後我地㨂左4人套餐10款菜 每位$350首先來一個什菌龍骨湯 好香芫茜味湯煲到變了奶白色 好多菇同大魚骨 好飲👍🏼麻辣拼盤 豬腸同豬肚滷得非常入味同軟林尤其豬肚 完全被麻辣包圍住 大愛中間係麻煩雞絲 非常嫩滑 不過唔算太辣薑䓤炒大肉蟹😍原隻大肉蟹先走油再爆香薑䓤爆一齊炒 香氣撲鼻而來店家預先將肉蟹扑碎 肉蟹肉質鮮甜亦吸收了醬汁嘅味道👍🏼👍🏼👍🏼蒜蓉粉絲蒸蟶子 大大隻蟶子極鮮甜而且蒸嘅時間岩岩好 好彈牙😌底部嘅粉絲吸收左蒜蓉同蟶子嘅精華非常入味 可惜略嫌有點油⋯大蜆燉蛋 新鮮嘅大蜆肉沒有挑剔理由鮮甜又彈牙 燉蛋剛上枱非常嫩滑 不過食到中間時已開始變老⋯生煎東星斑 外皮微脆肉質嫩滑連不愛吃魚嘅我都不禁食左好多😅士多啤梨骨 好少見嘅菜色 好香士多啤梨味肉排佔滿醬汁 甜甜的 肉質非常滑有咬口不

今天和老婆仔家人一起吃晚飯早前有朋友介紹過這間位於工廈的私房菜由於老婆仔家人有車前往並不大困難加上又想試試這種隱世的私房菜有何秘密所以就預約了前來一試了先致電表明用餐人數餐廳便會提供一份適合人數的菜單所以一上到去就可起菜果然是這種觀塘工廈因為尋找工廈咖啡店我和老婆仔來訪這些工廈也尚算有經驗從門面看仍然覺得是一個工廈單位不過進入裡面就頓然變成小酒樓了人齊後馬上上菜先來的是砂鍋大魚頭豆腐湯這個湯很濃味魚味和豆腐味都很出作為餐前湯非常適合剛好可溫暖腸胃又不會導致太飽湯渣也有不少美味的材料不過感覺鹹了點下一道菜是麻辣鹵水拼盆包括牛雜、豬大腸和手撕雞老婆仔本來不太吃豬大腸不過這個豬大腸清潔得很乾淨加上醃製得非常入味吃起來也不錯最特別的還是手撕雞麻辣味很突出但依然吃到那份雞味再來是上湯焗龍蝦廚師很貼心地把龍蝦肉都挑出來了所以吃起來很方便而且鮮味十足肉質很有口感但就是略嫌少了點每人只能吃到一團龍蝦肉或者是食材太貴了大蜆燉蛋是相對較普通的菜式蜆肉也算有鮮味但不太突出還好是較大隻而整碟大部分都是覆蓋著蛋雖是穩陣但不夠突出這碟賣相很吸引的士多啤梨骨有看起來很美味的酸甜骨配上士多啤梨醬旁邊還有士多啤梨製成的

又係大班朋友食飯聚會既時候, 今次揀左呢間o係觀塘既私房菜因為見到有好多好評, book枱既時間可以預早order定menu, 店方會提議一份菜單再比客人修改, 所以今晚所有菜式都係岩哂Vi口味既XD先係砂鍋大魚頭豆腐湯, 平時成日出街食飯都無湯水飲, 所以專登要個湯, 呢個湯好足料, 味道清甜濃郁, 飲得出落左好多魚, 飲完好暖胃, 唔錯~因為Vi好中意食海鮮, 所以點左幾款海鮮菜試下呢度既功架~ 呢個蒜蓉粉絲蒸蟶子王相當唔錯, 蟶子隻隻都好大隻, 上面舖滿蒜蓉, 好香口而且蟶子蒸得岩岩好, 一d都唔un, 好味, 而下面有好多粉絲O係底, 吸哂d汁, 幾惹味但都有d油膩~之後係上湯焗龍蝦, 龍蝦大約一斤倒, 唔算大隻, 但都夠6個人分, 而且龍蝦好彈牙, 個汁亦幾好味, 食龍蝦最重要係新鮮同口感, 呢度都唔錯~再黎海鮮類, 呢個係大蜆燉蛋, 好特別既菜式, 大蜆真係大隻得驚人, 肉質都彈牙, 但有小小un, 不過下面既燉蛋就好滑同埋吸引左大蜆既鮮味, 燉蛋係好味過d大蜆既XD之後仲要左呢度既招牌菜士多啤梨骨, 上枱時各個朋友都比呢碟菜既賣相同香味吸引, 旁邊既士多啤梨切得好令, 士

有時大時大節想食好d，就捐窿捐la搵左間私房菜，仲要係工廈入面。估唔到咁難搵，都有好多walk-in客！花膠響螺煲雞湯（$680）好大煲湯，足夠10個人飲有餘。湯渣另上，見到好多雞好足料，雞料已經去哂d湯度，所以湯渣就冇咩味，響螺係切片煲，更加入味，花膠就好多溶左所以唔係幾食到。但咁都證明到所有精華都去哂個湯度，飲多d都唔覺膩好味指數：8/10蒜蓉粉絲蒸特大蟶子皇（$195/六隻）超級大隻蟶子，逐隻計既蟶子係勁抵。將超級多蒜同適量蔥放係面清蒸，粉絲擺底。蟶子既鮮味輕鬆帶出好味指數：7.5/10大蜆燉蛋（$198/5至6位用）好特別既一味，擺哂d大蜆係隻巨碟，大約有十幾隻啦，再淋上蛋漿，將大蜆半浸。隻蜆既時候吸埋入面d燉蛋，勾出鮮味，令大蜆更滑，呢個combination的確唔錯好味指數：8.5/10江南百花雞（$580/隻）又一特別菜式，先將雞去骨切厚片，再將蝦打成蝦滑搽係雞塊上面，厚厚地唔會太薄，亦唔會打得太爛，整完仲要夾住d菜心擺得靚靚。呢味係食過返唔到轉頭，唔使lur骨，啖啖蝦＋雞，原來想食好野功夫真係唔少得。同埋一隻雞其實好多，6至8個人食都ok好味指數：9/10避風塘炒大肉蟹

同事們起哄話找一個沒有那麼忙碌的Friday Night, 去附近工廠大廈裏的私房菜，個大廚有超過20年經驗，又説每人300-350元便可吃到豐富又好味的私房菜和海鮮。心想不會那麼便宜吧，海鮮同私房菜每樣都係五佰一位起錶的，更説很豐富的，好奇心驅使下撇低家人去一試！TGIF! 放工後大家浩浩蕩蕩出發，由APM 跟著大家行，行過一條頗舊和長的街一直行去街尾.....大家為了尋找隠世廚神和食好嘢都非常有決心，最後去了一座舊式工廈，還坐上舊式人手拉閘的升降機令成件事更加神秘！終於到達了！好期待那些傳聞中的美食，因同事訂位時已同餐廳溝通過，所以不用點菜，省時方便一坐低就有得食，對我這些有選擇困難症的佳音！嘩！食物陸陸續續的送來，我們都是奉行相機先食的潮流；這也難怪，每樣食物也聲香俱全！先來兩個冷盤做starter，麻辣鹵水拼盆和香芒沙拉大蝦球麻辣鹵水拼盤賣相已很精美，有鹵水牛肚, 豬肚，手撕雞。牛肚豬肚好腍唔靱醃得好入味，手撕雞混合了芝麻醬，蔴油等配以爽口的雞肉, yum yum!香芒沙拉大蝦球 由新鮮爽甜的沙律菜，水果和啖啖肉的爽甜大蝦, 真的令大家胃口大開！雖然是中菜，但餐廳菜單的佈局卻好

最近天氣回暖,原來約好一班人去西貢玩再食海鮮,結果有人又話黎唔到,有d 又話夜晚先join, 真係好無癮...食海鮮呢家野要多人同準時開飯先happy 嫁嘛?! 後join留餸点等吖！？西貢計劃告吹, 但食海鮮熱誠未減, 之後決定揾個就近, 唔洗入西貢但要全海鮮既地方聚餐。朋友就選擇左御膳。第一次黎,成班人係官塘地鐵B 出口等, 好似中學生去旅行甘, 入左去呢間工業區內的私密餐廳, 一隻海鮮都無,有點不安, 不過我地都係同店員講 "我地今晚想食全海鮮宴,你地有咩介紹?!", 店員介紹左一些套餐,但係我地堅持只叫有 "海鮮" 既菜式, 其中有人對蝦敏感, 所以係 "無蝦" 海鮮餐, 結果唯有散叫。以下就係我地既全海鮮宴!!呢個砂鍋大蜆豆腐湯唔洗講, 好味到添左两碗!聖子好好味!!如果蒜蓉可以打得再碎d 會更好.食蟹, 由於現場有人食辣, 有人唔食辣, 六個人每人半隻蟹鿿甘計就叫左3碟唔同做法的蟹! 我諗店主都好少見我地呢桌6人, 淨蟹都叫3種唔同做法! 由於唔知一斤蟹係幾多, 所以三種蟹每款叫一斤,  店員話最好由淡至濃甘食, 我地都非常同意!! 次序分別係花雕蛋白雞油蒸大肉蟹 -

夠膽開私房菜 , 我相信廚師對自己的廚藝是有百分百的信心 , 而且廚師就是喜愛分享 , 愛把自己認為好味的、正氣的食物介紹給別人 , 有福同享 , 拒絕流水作業 , 無心的製作。 通常私房菜的收費是逐位收 , 人均收費每位 $ 500 以上是等閒事 , 那是當然的因為廚師會按照客人的喜好編寫菜單 , 配合客人的不同需要而購買當天的新鮮貨 , 有廚師把關 , 食物質素自然高 , 並非那些向供應商入貨的貨源可媲美。 完全沒有預計過在這個飲食圈裏認識到可以互訢心事的朋友 , 直情是連家庭聚會也可以叫他攜眷出席的那一種 , 緣份真是奇妙 ~   應親友要求聚會的地址要設在觀塘區 , 那麼我便四出向朋友、食友請教 , 而他就向我介紹這間藏在工廠裏的私房菜 ( 幫得手的獎勵就是歡迎攜眷來吃一餐 , 呵呵 ~ ) 與私房菜主理人溝通過後得知餐廳是可接受包房 / 包場 ( 不過我們又不需要這麼大的場面 ) , 免開瓶費、切餅費、WI - FI 免費供應 , 看來餐廳很 friendly。  商討菜單是我最喜歡的一環 , 我事前與店方商量, 例如講出大約每位的費用、有甚麼食物喜惡等等 , 廚師就會幫我