潮福蒸氣石鍋 (已結業)

今晚到旺角換領信用咭迎新禮物，順道跟旺角工作的朋友晚餐。她已經訂好了就近的蒸汽石鍋店。原來這是半自助呢！即是５款海鮮＋湯＋其任食配料／汽水任飲。記得去年朋友的生日飯，在尖咀潮福散點，每人也要四百元。　現在半自助任食，才三百元呢！　　　散點VS半自助，還是半自助比較化算！　　　　而且不用有任何束縛，任點喜歡的蔬菜，肉類，糕點。今晚來個無拘無束的半自助吧！　先點選鍋底及燉湯，再挑選五款喜歡的海鮮。吃過海鮮後，才選擇任食項目。交單後，去調味料自助吧！多款醬汁自由配搭。　　燉湯：材料都燉至軟棉棉了，就連雞腳也不需太多的牙力呢！　　　　海鮮來了！　　　　　龍蝦：訂位送龍蝦。龍蝦鋪了乾身的蒜蓉，不太油，没有搶過龍蝦肉的鮮甜。　　日本大元貝：厚身元貝肉對半開，再平攤在元貝上，減少蒸煮的時間，可以保持元貝的肉質及鮮味。如果原粒來蒸，就要加長蒸的時間，可是這會令元貝肉質變霉，又失去鮮味。　　象拔蚌仔：長長的吸管已分段，肉質較爽脆。　　　　北寄貝：即是北寄貝刺身的清蒸版本。刀形的厚肉部份已對半開，蒜蓉的味道就可以滲入北寄貝肉，既有北寄貝刺身的清甜，也有絲絲蒜蓉的香味。蟶子皇：雖不是很大隻，蟶子肉已起出，方

年長了富貴病自然有，媽咪近年血糖可不低，飲食亦得要小心，今夜她不茹素，兩母女撐枱腳有邊處好？終於想到了潮福，清蒸食品不先下油鹽，尤其海鮮類原味下鍋，應該合符要求。得知旺角西洋菜街有新店，而又方便媽咪雀局後跟我會面，於是決定到訪。 晚上光顧，潮福的入口躲在小販排檔後，想替它替張門面照亦不成，幸好招牌夠大，不會找不到！ 原來要走樓梯上一樓，亦無相干，先消消脂，待會兒吃得更爽！一般飯店的裝潢， 卡位異常寛敞，可能是中央有個石鍋爐的原因，我要伸長手方可把茶水食品遞交媽咪，今晚侍候老媽來得更見殷勤。 主打海鮮的酒家自然展示新鮮貨，而且名碼實價，客人方便預算。 原來此店別於一般，有任食的放題形式選擇，7點9前離座每位$298，否則$338，本來我們二人沒有打算吃得多，而且7點才入座，但海鮮有價，精打細算的媽咪認為是超值，可以放縱一點亦好。 飲料無限，可以自取健康竹蔗水，啤酒及汽水，這晚我們崇尚健康，試了少許竹蔗，認為糖份太高，主要只喝茶水。 調味料自助式，各款齊備。 雲腿粒冬瓜燉嚮螺湯 海鮮餐包括一個湯，雲腿粒冬瓜燉嚮螺湯，味道沒有怎樣，見所說的材料皆有，可惜油份過多，油光滿面！美

當中式蒸海鮮開始冇乜新意之時, 有酒樓推出任飲任食套餐, 一個人唔計加一芥醬三百蚊以下, 可揀一個粥底一個燉湯五款海鮮再加任食配料家禽丸瓜菜主食同啤酒汽水, 睇落好似好抵, 擇日試吓新嘢.酒樓位於女人街閣樓, 如果唔係見到地下個易拉架都未必搵到, 佢樓下係同一集團點心專門店.平日夜晚人客唔係好多. 坐低後就寫紙叫嘢食. 海鮮有十幾種選擇都算幾多, 其他任食配料相對選擇就少啲.先飲燉湯, 湯入面幾多湯料, 湯色好清但味道好清甜, 唔肯定有冇師傅喺入面, 不過飲完成晚冇口乾希望冇.蒸海鮮先放粥底, 鮮淮山瑤柱都幾足料.番薯蜆第一次食好大隻四兩都係得兩隻, 味道鮮甜多汁. 花蛤皇相比之下就細隻好多但一樣鮮甜. 清蒸海花螺細細粒清甜有嚼頭.大連鮑魚比南非鮑魚細隻但肉質一樣彈牙淋滑.日本大元貝件頭大隻, 肉質鮮甜美味, 食到一絲絲元貝肉.蟶子皇肉質鮮甜爽口, 加上生熟蒜好冶味.阿姐提議將蟲草花蒸雞放上糯米飯上蒸, 等糯米飯可以吸收雞油精華, 想想都覺得美味. 果然一蒸出嚟糯米飯好食過雞, 糯米飯粒粒晶瑩, 雞切得比較細件, 肉質唔多. 蟲草花蒸雞同糯米飯份量好大, 食完都差唔多飽.肥牛冇乜特別,

自從第一次接觸潮福既蒸氣鍋就深深愛上，自此我地一家約定每月都要食一次蒸氣鍋，而今次就係媽媽睇報紙廣告話我知，潮福出左半自助海鮮定食，睇過menu發現比上次食既套餐更抵食，於是即晚去左食我地食既係平日$338既時段，另加$15醬料同10%服務費，7:30pm入座，無限時，可以食到零晨三點收工，老豆打趣說要反的拎張床過黎半自助海鮮定食意思係，先睇左邊menu,最上既貝殼盛盆同龍蝦半隻每位都有一份。另外每枱可揀一個粥底，每位可揀一個燉湯。自選海鮮每枱可從10款中選5款，好似我地共4人，5款海鮮各款都係俾4人份量架，真係好抵而menu 右邊既食物，就係可以任點任食。飲品都係任飲，自行出去雪櫃攞就可以了。飲品選擇都非常多，可樂，百事，王老吉，啤酒，汽水酒.....亦有一渣渣既橙汁同竹庶水，我地試左竹庶水，味道淡，只飲到冰糖+水，都係飲汽水好，仲重本提供zero，值得一讚揀好海鮮，攞完醬料同飲品後，店員就幫我地加入瑤柱淮山粥既材料入窩，然後蓋上蓋，隨後送上雲腿粒冬瓜燉海螺湯，燉湯足料好夠味，海螺肉也很多第一款海鮮是貝殼盛盆，圖中只係全部既四份之一啊，貝殼盛盆裡大概係有2-3款蜆，名稱唔清楚，每粒都

近期大熱既「蒸氣石鍋」越開越多，好似總有一間喺左近咁。無他既，除左全程有人服侍、好似食殘廢餐咁之外，更加唔需要擔心會食到平時打邊爐時常見果個「油淋淋」既萬年油化學湯底，最適合一大班注重健康朋友飯聚之用！同其他潮福分店唔同，呢度採用既係「半自助」形式，$298一位另加$12醬油同加一，如果8點前離座或10點半後入座更加只需$248添。套餐包一個粥底，每位一個燉湯，另送半隻加拿大龍蝦同五款海鮮定食，其他配料同埋酒水更加係150分鐘之內完全無限任飲任食添！老實講，以咁既價錢可以食到「放題式」蒸氣石鍋真係抵到爛，性價比極高！沙參玉竹燉海中寶湯︰沙參軟硬程度剛好，口感一流。雞腳亦都煲得好腍、非常易入口，正！蟲草花燉雞湯︰唔知係咪落得太多配料既關係，燉湯整體口感偏鹹，即使對於鍾意食濃味食物既我都覺得好似over左少少！加拿大龍蝦︰龍蝦既size有成隻手掌咁長，由於蒸既時間剛好，可以食到肉既鮮味，放埋蒜蓉落去一齊蒸更加令佢入口時非常惹味添！日本大元貝︰Again，因為用左特別既材料醃製令佢更加惹味，同平時只係「清蒸」既煮法口感好唔同，值得一試！大連鮑魚︰放左蟲草花一齊去蒸既口感唔錯，不過唔知係咪我地