天吉屋 (已結業)

話曬有日本都有名堂嚟到香港真係扣扣扣分店鋪只有一種食物，就係天婦羅當你只專注做一種美食理應係做到最好餐牌可挑選嘅丼只有幾款叫咗兩個天幕御膳叫完侍應就上咗一大碗椰菜沙律同柚子醋枱上有蘿蔔漬同牛蒡漬蘿蔔漬酸酸甜甜唔錯，牛蒡比較鹹佢天茶好好飲御膳份量好足天婦羅有石斑、軟殼蟹、虎蝦、洋蔥、南瓜、茄子、魷魚木桶入面自己裝飯蝦同四季豆打孖炸幾得意有洋蔥好驚喜但所有天婦羅都係淋同唔夠熱！可能全部都係以上配搭所以炸定導致咁嘅情況啲飯完全冇飯味口感差！四季豆冇去筋失望而回仲要限時60分鐘無下次，不推薦小小後續就係我裝完飯先見到飯殼底有隻小昆蟲屍體，🫣因為掂過啲飯唯有叫佢成個飯筒換待應冇乜反應連唔好意思都冇講我已經好細聲有禮貌地示意叫佢換冇比其他客人聽到服務態度真係要改進

想食天婦羅 夜晚去咗旺角一間叫天吉屋好好食有黑虎蝦🍤石斑魚配紫蘇葉🐟軟殼蟹🦀什錦炸物🦑🧅茄子🍆南瓜🎃炸紫菜店員會遞上一張教你三種食天婦羅嘅方法每一啖天婦羅都覺得好滿足

早幾年有一間係旺角朗豪坊開嘅過江龍天婦羅～天吉屋當時日日都排長龍，我自己就唔鐘意排隊，所以無食過咁啱行開街見到佢無人排隊，咁就不如試下佢一入去坐低咗，服務員就立刻加茶及介紹一下餐牌。點完餐次後，立刻奉上椰菜絲沙律，並介紹一一下個醬汁服務都幾貼心椰菜絲清爽，沙律汁味道正常，配菜同椰菜絲都係任添架要試梗係試最好，叫咗佢個招牌天幕御膳，個樣幾靚，但食就唔多掂啦成set 嘢得個飯係熱，湯同天婦羅都係暖，好似炸定咁，天婦羅好重油味，材料都算新鮮嘅，啲蝦有啲咬口，唔係霉嘅，其他都中規中矩。但頭先講過好重油味，所以茄子就好嚴重嘅油味，因為好吸油嘅蔬菜。份量足夠一個肥仔食嘅，但味道絕對有改善嘅空間

之前都經過很多次 旺角朗豪坊的「天吉屋」，長期都有人排隊，今日見到少人排，所以同男友揀係呢間食晚飯。吸引之處，其實係食法多變又充滿儀式感的天幕御膳，有三種食法滿足味蕾，感覺好似係日本進餐一樣，另外，天吉雙品 就有烏冬和小天丼，有兩款主食。等待上菜時，我地就食左沙律同漬物，真係開胃又消膩。椰菜沙律加入柚子胡椒沙律汁，好清新爽脆。牛蒡漬和蘿蔔漬都爽脆多汁，酸中帶微甜。餐廳提供的牛蒡茶有陣陣香味，溫暖和順，而且有益健康。天幕御膳 $148有黑虎蝦、海紅綢配紫蘇葉、軟殼蟹、什綿炸物(洋蔥和魷魚)、茄子、南瓜、炸紫菜、四季豆，非常豐盛，而且有三種食法。食法一  天婦羅，將蘿蔔蓉和薑蓉放入天婦羅醬，推薦炸蝦、炸軟殼蟹、炸紫菜 沾上醬汁品嚐。天婦羅黑虎蝦非常獨特，以「雙蝦」炸法，所以入口係兩隻蝦同食，鮮甜彈牙而且更顯蝦味濃郁，天婦羅醬汁清爽唔膩，味道好好。天婦羅軟殼蟹，炸得外脆內軟，唔油膩而且香脆熱辣辣，蟹肉好鬆軟鮮味。炸紫菜香脆可口，有淡淡紫菜香。食法二  天丼，推薦將炸蝦、海紅綢及四季豆放上飯，再淋上天丼醬汁。微甜的醬汁帶出炸蝦及紅綢的鮮味，黑虎蝦炸衣吸左醬汁甜味，味道更好。海紅綢炸得好香脆，咬

唔經唔覺，疫情已經持續差唔多兩年，我哋一路都好掛住去日本旅行嘅日子，奈何依家仍然未能夠通關。為咗一解思鄉之愁，我就同朋友特登請半日假，去咗馳名嘅《天吉屋》食日本嘢。不愧係日本過江龍，間店一早就有唔少捧場客。我哋去到門口個陣，就已經見到好幾對情侶喺度排隊等候。好彩我哋等咗唔夠十分鐘就入得去姐！侍應帶我哋去到木製牌匾附近嗰張枱坐低，成個擺設好有日本風格，令我哋有一種置身新宿大街嘅感覺。呢間餐廳最出名係即叫即炸嘅天婦羅丼，我哋當然都要朝呢個方向點餐啦！因為疫情關係，部份菜式限量供應。本身我同朋友已經打算食唔到椰菜沙律之類，點知佢哋今日都有提供，好幸福呀！我哋一邊飲住牛蒡茶，一邊食高纖有益嘅牛蒡漬。呢度無限添加嘅牛蒡漬帶點酸鹹，口感爽脆，好啱做開胃菜。食完牛蒡漬之後，我同朋友依然十五十六，唔知order咩天婦羅餐好。喺呢個時候，侍應又拎咗兩碟椰菜絲同柚子醋上枱，佢哋話椰菜絲都係無限添加㗎！我朋友本身好怕食酸野，但佢覺得加咗柚子醋嘅椰菜絲，味道酸得嚟啱啱好。開餐之前，當然唔少得飲番碗熱焫焫嘅麵豉湯喇！值得一讚嘅係呢個湯冇咩味精，飲完之後唔會好口乾。天幕御膳 $148作為天吉屋特別推薦嘅丼飯，當然

第一次食天丼，滿心期待一入去坐低，會有一大盆椰菜絲啲椰菜絲好幼好嫩，完全唔鞋口落埋柚子醋汁，可以一口接一口咁食唔停我地想食軟殼蟹，亦想食鳥冬於是點了All star 丼($108)同天幕御膳($148)食物都好快上就天幕御膳，服務員會講解食法服務態度很好至於烏冬，鰹魚湯淡咗啲上面有D柚子皮同埋海帶，係夏日清新之選烏冬不是太特別，也不特別彈牙是正常的日式烏冬All star 丼有炸蝦、炸洋蔥、炸茄子、炸流心蛋炸物爽身沒太多油口感恰到好處又唔熱氣連吸油嘅洋蔥都炸的算是乾身唔會食到一口油炸物下面仲有半碗飯，加埋烏冬女仔一定夠整體是高質，但又未去到驚為天人可一試

餐廳主打天婦羅，選擇亦貴精不貴多，全部都係師傅即叫即炸。晚市大約6點半左右到，已經排緊隊，等左3張枱就到，限時60mins。入座之後，侍應會俾椰菜絲、柚子醋，自己拌勻成沙律。枱面亦有漬物俾食客夾黎食。叫左天幕御膳($148)，All star丼($108)。炸物量一大碟，香噴噴而且熱辣辣。大約有虎蝦、紅鯛魚、枝豆、勁大茄子、炸紫菜、洋蔥炸餅等。估唔到鯛魚炸完，都非常滑。而茄子超多汁，又大條。御膳主打3種食法，可以配天婦羅醬汁食。第二款可以配枱面有枝細豉油，而第3款係問侍應拎鯛魚湯，整泡飯。鯛魚湯清甜，單飲都一樣美味。另一款set既炸物就鋪哂係飯上面，望落好震撼。炸物既份量不比御膳既少，仲多左炸溫泉蛋、炸雞肉，口感好特別。2個set都有麵豉湯，個湯唔好睇小。用料非常足，有大量菜、紅蘿蔔、豆製品條等，飲完唔會覺得好口乾/渴。整體，侍應服務有禮，而且坐得舒服，座位相隔遠，唔錯。而且炸物食完唔覺得熱氣，亦唔會油淋淋，好出色既天婦羅。男仔食一個set，一定飽甚至多添。

見到咁多人like，難得經過旺角，所以就嚟左朗豪坊食，未嗌嘢食，侍應先嚟椰菜沙律，椰菜新鮮冰凍夠爽口，配上秘製柚子汁，超正，淨係齋食椰菜都得🥰🥰椰菜仲可以免費無限次添加👍🏻👍🏻🤤🤤另外，牛蒡茶係幾健康嘅，但味道就因人而異，個人麻麻哋牛蒡，覺得有啲苦，似飲緊中藥🌿天幕御膳 $148有三種食法🍤🍤1.普通天婦羅食法，配上蘿蔔泥薑末及天婦羅汁沾上品嚐2.天丼，顧名思義就係天婦羅配丼飯，將天婦羅放於飯上，淋上秘製丼飯醬汁一同品嚐3.天茶泡飯，將天婦羅放在飯上，加入秘製堅魚湯，最後加上芥末及紫菜作點綴😋試完三種食法後，我就比較覺中意1及2 mix埋食，天婦羅沾上蘿蔔泥薑末及天婦羅汁，會唔夠味，但加上秘製丼飯醬汁後，即刻昇華咗去另一個境界🥰🥰天吉雙品（冷）$108冷烏冬就麻麻哋，個烏冬淋左少少唔夠煙銀，而冷烏冬嘅沾汁相對就比較淡味，我偷偷地加咗椰菜沙律嘅柚子汁後，就覺得好食咗好多🤩整體食物都ok嘅，不過得60分鐘食就真係有啲急，入到去叫完餐，都等咗半個鐘啲食物先嚟到，相都淨係影咗三張，就已經要食得好急，仲要服務就麻麻地，我哋食咗10分鐘（仲有20分鐘先夠鐘），但已經催我哋要埋單🙄🙄🙄結論：食物再好

📍天吉屋 Tenkichiya • HK• 天幕御膳• All Star 丼 兩款丼飯配料也差不多，主要有黑虎蝦、海紅鯛配紫蘇葉、軟殼蟹、洋蔥、南瓜、四季豆、茄子等等⋯⋯「天幕御膳」有三種食法，而當中的天茶泡飯是加入熱辣辣的鰹魚湯，如果喜歡茶漬飯的話一定要試呀！至於「All Star 丼」就是配料款式會多幾款，最吸引的當然是有溫泉蛋啦！這裡的天婦羅炸得尚算皮薄香脆，亦不會太過油膩，偶爾想過過口癮也不失為一個好選擇。

呢年幾真係homesick得好嚴重，唯有到處去日式鋪頭食下玩下，一解思鄉之苦。天吉屋係一早bookmark嘅餐廳之一，平時晚餐實會大排長龍。所以今日趁公司要消假就喺閒日過黎撐枱腳。內堂可以直接望到廚房，睇見師傅落力咁烹煮，就佑呢度嘅炸物即叫即炸，品質有保證。呢度餐點只有5款，啱晒我啲有選擇困難嘅麻煩友。一場嚟到，就梗係點呢度嘅主打啦，天幕御膳＆天吉丼。兩款都份量十足，絕對值回票價。落完柯打，即刻送上椰菜絲，冰凍又爽甜，再配埋甜柚子醋，開胃之餘又解膩。食完炸物最啱再食多round幫助消化。天幕御膳有黑虎蝦／海紅鯛／軟殼蟹（店員解釋因為魷魚無貨所以轉呢個替補）／炸洋蔥餅／茄子／南瓜／炸紫菜及四季豆等。每樣都炸得香脆又唔油膩。呢個餐同鰻魚飯一樣有3種食法：原味／醬汁／茶漬飯，因為材料豐富，可以食勻全部食法。黑虎蝦同鯛魚炸完後甜味更突出，沾上少少蘿蔔蓉同醬汁，味道更豐富。炸衣做得好乾身同鬆化，一啲油益味都無。日本過江龍果然名不虛傳。仲有當然唔可以放過茶漬飯啦(~記得問店員攞高湯)，覺得炸洋蔥最啱用黎整茶漬飯，一絲絲洋不但吸滿湯汁，本身嘅甜味同高湯十分配搭。招牌金賞天吉丼。同樣份量爆棚，材料同樣

朗豪坊有唔少想試嘅餐廳其中一間係呢個天婦羅店某個星期日見到平時大排長龍嘅竟然唔洗排就衝咗入去食，我地叫咗2個丼SetAll Star 丼喺食之前有research過呢間餐廳我係有小小為咗個溫泉蛋天婦羅而黎果然呢一隻蛋冇令我失望，一切開佢係流啲蛋黃出嚟將佢撈埋個飯連埋醬汁一齊食食丼飯我最怕就係唔夠汁，不過呢個都夠飯都煮得啱啱好，唔會太濕太淋當中嘅海紅鯛配紫蘇葉都有驚喜我本身係好怕食魚，怕腥怕骨不過呢個魚無腥味，有小小似魚柳肉質有啲實，同埋唔會有骨怕食魚嘅朋友仔都可以試試另外黑虎蝦我都有少少失望雖然層粉夠薄多脆，不過炸得有啲過熟我見香港普遍天婦羅店都會咁雖然係咁隻蝦都夠大隻同夠鮮味，都唔算好fail軟殼蟹就炸得好均勻，每隻腳都有炸粉仲有小小小小膏添炸四季豆又係有啲驚喜，用炸粉裹住再炸原來會同平時食嘅四季豆唔同味，蔬菜味會更加出個丼仲有其他配料: 魷魚、雞肉、茄子、南瓜、洋蔥和櫻花蝦呢幾樣就不過不失，唔算係好出色，但係絕對合格另外再叫咗個天幕御膳其實天婦羅配搭上係差唔多只不過佢多咗茶泡飯同埋特定嘅醬汁整體來講我覺得呢間餐廳都對得住過江龍呢一個名我本身唔算係好鍾意食炸嘢如果下次好多人排隊我就未

樓高多層嘅朗豪坊無論日與夜人流都唔少， 各式餐廳集中喺最頂嗰幾層，今天又來到《天吉屋》 因為太掛住佢嘅『天吉丼』。還好早來一點才有位～先放下一瓶牛蒡茶， 茶味牛蒡味平衡， 呷一口甘香清潤～點餐後會送上 椰菜絲沙律， 淋上特製柚子醋汁， 非常清新醒胃餐前小食。套餐選擇貴精不貴多， 有幾款選擇視乎個人喜好的配搭。先喝每個套餐都有嘅味噌湯， 夠曬熱，味道唔錯唔會太鹹且有肉味。好想吃虎蝦， 『天吉丼』是最佳選擇。 用了秘製天婦羅麵粉， 油溫控制得好好，而且係即叫即做趁熱食好重要， 一口咬落夠鬆脆香口， 絕無油膩感 ， 黑虎蝦好新鮮， 炸後保持鮮嫩甜味～～ 雙蝦炸法增加口感， 等於四隻蝦了，吃得夠爽! 其他材料還有魷魚，茄子，海紅鯛， 四季豆，南瓜 ， 炸紫菜，溫泉蛋。襯熱可以先篤穿溫泉蛋，蛋汁融入米飯 ，加入少少天丼汁～～ 真係好吃到冇朋友！！海紅鯛也是鮮味非常！ 魚肉嫩滑。 魷魚就好像魷魚糕，較腍身又工整， 唔似原隻魷魚仲有啲似墨魚肉。茄子也做得好吃，大大件又唔會索滿油。吃炸物同時也不能少嘅漬物， 蘿蔔漬 ，牛蒡漬。牛蒡好爽脆， 蘿蔔酸酸地解膩 一流！朋友選了『天幕御膳』， 有三食法更加滿足

天吉屋 てんきちや 天丼🍚🍤 連續五年榮獲日本丼聯盟金賞獎既餐廳！系豐富既一餐 😋 天幕御膳有黑虎蝦、海紅鯛、軟殼蟹等天婦羅。天婦羅們影完相都仲好香脆！另外，呢度既蝦天婦羅系兩隻一齊炸既，外觀就好似木筏，都幾特別架~ 口感double up 😆🍤 Tenkichiya Japanese Tempura Tendon 🍚🍤 Crispy taste from Japan. The set - Tenmabushi includes tempura of black tiger prawn, soft shell crab, pumpkin, etc.

天婦羅是日本美食之一，講究食材新鮮、席前即炸。在日本當地，既有動輒接近20,000円一位的omakase高級天婦羅餐廳，也有相對親民（每位消費2000円左右）、百年歷史以上、裝修古舊的老店。至於天丼，可以形容為庶民版本的天婦羅。天丼起源於江戶年代（1830年代）的東京新橋及淺草一帶，食法沒有天婦羅講究，沒有蘿蔔蓉/天婦羅汁、海鹽/綠茶鹽等等調味；只是簡單地將油炸完的食材鋪在一大碗白飯表面，然後再淋上小店的自家秘制醬汁即成。由於是大碗飯，既方便進食、又可飽肚，加上油炸食材香脆可口，可以刺激食慾；是當時的庶民美食。去到今天，天丼仍然較天婦羅便宜，甚至有幾百円一碗的天丼連鎖餐廳；當然，價錢高低同食材款式及份量成正比。近幾年，越來越多日本天丼餐廳進駐香港。曾經有百年老店「下町天丼 秋光」（已結業）；近期就先後有日本天丼連鎖集團餐廳、及連續數年獲得日本《全国丼連盟》天丼部門金賞的天丼餐廳進駐香港。今日就專程去了由去年年中開業至今，一直是人龍排隊店的「天吉屋」朝聖。說起上來也相當奇怪，此店隸屬日本某餐飲集團，但在日本只有新宿一間總店，反而台灣及香港就有幾間海外分店，而且全部都是特許經營。不過香港

天吉屋是一間天婦羅專門店，主打一眾香口炸物。餐廳裝潢簡潔，富和風味，安座卡位都算舒適。牛蒡漬及蘿蔔漬是放置在餐桌一旁的餐前小吃，可自由添食。前者保健養生，後者酸爽醒胃。牛蒡同時出現於餐廳茶水之中，牛蒡茶可幫助排毒，特別適合配搭上火炸物。除餐前小吃外，椰菜沙律也可無限添食。吃前可澆以秘製柚子胡椒沙律汁上味，果酸味重，同樣有助下火解膩。小編要了一客天幕御膳，單是天婦羅食材已有八款，包括有黑虎蝦、海紅鯛配紫蘇葉、軟殼蟹、什錦炸物 (洋蔥和魷魚)、茄子、南瓜、炸紫菜及四季豆，份量十足。炸紫菜最容易吸濕走氣，建議最先品嚐。成品沒有令小編失望，脆卜卜甚好吃！黑虎蝦亦值得推介，虎蝦蝦肉味重又彈牙，讚！軟殼蟹雖然只用上約四份一只蟹製作，但也算大件肉豐，容易突出自身本味。什錦炸物 (洋蔥和魷魚) 屬另一推介，餐廳建議以天茶泡飯的模式品評。吃前先把炸物置於飯面上，再加入鰹魚高湯。最後加入少量紫菜及芥末作點綴即成。雖然魷魚風味偏弱，但單是甜美的洋蔥已能掙回失去的分數。以高湯作泡飯，食感濕潤。此食法既能為相對單調的天婦羅飯餐帶來一份新風味，放在席間末段亦較容易為食客胃納接受。除天茶泡飯這食法外，餐廳亦推介了另