奈良上釜 (已結業)

自哩間釜飯喺銅鑼灣開張後一直出現人龍，喺各個社交媒體都睇到好多好評，今晚終於黎到試下，亦係我第一次食釜飯。等左5分鐘左右就安排入座，坐低後就睇下食咩好先！但其實黎之前我已經諗好左喇，一心揀定要食蟹盛，因為實在太中意食蟹喇！蟹盛係一個套餐，$298包幾款食物，好豐富。第一道上松葉蟹腳，哩個係冷食，蟹肉鮮味，點住柚子醋食好開胃，岩晒夏天食呀！再黎既係另一道熱食前菜 - 蟹腳天婦羅，炸到金黃色好香口，炸粉薄食到原條蟹腳肉好味道！最後到主角出場喇！用一個特製既鍋裝住熱辣辣既飯同蟹肉，鋪滿晒既蟹肉好鮮甜，加埋蟹膏食更濃味。食到底仲有飯焦食好正！仲有個蟹肉蒸蛋、味噌湯同生果，哩個餐好多野食！而我朋友就叫左七盛釜飯，食飯前先食幾道小菜。跟餐仲會有碟刺身，魚同蝦都好新鮮呀。七盛釜飯以海鮮為主，有原隻新鮮鮑魚同海蝦岩晒中意食海鮮既朋友。哩間餐廳既釜飯用料新鮮，而且香港又冇同類餐廳，難怪見到門口長期出現人龍啦。

日本料理在我心中是兩個字：精緻。很怕有些「偽」日本餐廳，加兩片魚生扮日本料理。奈良上釜完全符合精緻二字，而光顧當日就有一群日本人上門幫襯，是否地道，顯而易見。這間奈良上釜佔了排行榜冠軍好一段時間，於是今日去一試究竟。門口大大的鳥居和人龍，很易認。等了約莫二十分鐘，可以入座。偏黃的燈光，木檯椅，座位不算多。裡面是玻璃窗可看到廚房。畢竟新開，目測都相當企理。菜單主要是釜飯、蕎麥麵和天婦羅。既是主打釜飯，無理由唔食。而釜飯又分了配海鮮、配肉和配鰻魚等，每款都配了漬物、前菜、冷物、煮物、茶碗蒸和味噌湯。３款前菜率先上檯，茶碗蒸仍飄著熱氣。漬蘿蔔爽脆可口。凍豆腐配木魚碎，幼滑清香。茶碗蒸中間落了很多配料，有三文魚籽、菇、蟹肉、蝦。口味就是海鮮蒸蛋，不過更香。海鮮亦夠新鮮，蒸完不會「梅」。再來就是煮物油豆腐和刺身，刺身中規中矩，油甘魚相當肥美。反而是油豆腐令我更意外。入面釀了疑似魚肉和紅蘿蔔，油豆腐吸了湯汁，感覺很像山根，中間彈牙，醬汁豐厚。很美味。所有前菜放回一起就是這樣。精緻豐富，一樣樣吃，一味味的享受。釜飯上檯，「釜」是中間的器皿，由於直接加熱，上檯非常熱的。正確食法是用飯瓢盛在碗中吃。奈良

呢日同澳洲返嚟嘅朋友食lunch 聽聞「奈良上釜」夜晚好full 1230pm嚟到居然唔洗排隊啲人開始放食飯 餐廳越來越熱鬧一坐低 店員即刻送上熱水 亦會不時添水 個杯好古風呢度專賣奈良傳統釜飯 另外有蕎麥麵和日式小食 打開menu大大幅「奈良七盛釜（蟹肉、海蝦、鮑魚、三文魚子、冬菇、白本菇、三葉）」 嘅宣傳照 睇落好豐富 就要呢款！由於係set 有好多樣side dishes呢份係一塊口感和味道類似豆卜的「煮物」「冷物」係浸咗麻醬嘅凍豆腐 麻醬唔太鹹 欣賞「茶碗蒸」細細碗 但用料豐富 有魚籽、冬菇、蟹肉、蝦 水蛋好嫩滑 調味清淡 完全食得出原汁原味嘅雞蛋「前菜」有三款刺身——赤蝦、吞拿魚、油甘魚 三者都鮮甜、爽口 可能刺身唔係主打 wasabi唔係特別辣同攻鼻嗰隻 頗易入口（嗜辣嘅小妹感到唔夠喉 XD）主角終於上場！除咗好怕醜用個蓋cum住自己嘅釜飯 仲有味增湯和飯後鮮果（士多啤梨和哈密瓜）順帶一提 左上角嘅魚籽其實係釜飯嘅topping 免得佢焗熟無哂口感 所以無放入石鍋 不過小妹太為食 好心急一啖食哂賣個關子 先飲「味增湯」 小妹覺得甜味比其他餐廳飲到嘅較重一開蓋 夾雜著濃烈蟹香

假期尾聲了，約friend食野行街shopping，作最後衝刺。登龍街愈來愈多食肆，見這間食肆門口幾得意，有一個大鍋，不如入去試一試啦！我們要了一個奈良七盛釜套餐及一個極上釜套餐。先來一個茶碗蒸、漬物和前菜。前菜是冷豆腐，豆腐很滑，配合木魚絲和醬汁來吃，又清涼又好味，是消暑的好食物。茶碗蒸很好吃，蛋又滑、配料又多，有蟹肉、帶子、魚子、冬菇，最重要是加入了我最愛的黑松露，令到蛋的香味提升了不少。煮物是魚腐，寫得很入味，很腍。還有鮮味的刺生(甜蝦、吞拿魚、三文魚)，吞拿魚肥美、甜蝦鮮甜、三文魚嫩滑，蘸上醬油，加點日本山葵，主菜還未上枱，但已吃了不少，這個套餐都幾抵食。主菜終於出場了。這個極上釜用特製的器皿盛載，一打開蓋，熱乎乎的飯裏混入了鰻魚、雞肉、蟹肉、冬菇、本菇。先用勺子攪拌一下，讓配料和飯混和在一起，吃起來份外可口。這個日式的煲仔飯，第一碗飯香軟，烘焗一會後，第二碗則漸見乾爽，而在熱鍋的熱力烘培下，產生了不少金香的飯焦，一鍋飯能有不同層次和味覺的享受，至於這個奈良七盛釜，飯的口感跟極上釜差不多，但配料除了有蟹肉、冬菇、本菇外，最吸引的是加入了一隻大大的海蝦、巨型的鮑魚和金黃通透的三文

專程來到銅鑼灣，找自大學畢業後見面次數一隻手數得完的友人吃飯，逼他不能再用太忙做藉口。這間登龍街開張不久的餐廳，好像是香港唯一一間釜飯專門店。門外這個會動的釜蓋，狀甚搞笑。餐牌內有各式各樣的釜飯，分成釜飯・盛和釜飯兩級，前者的配菜較多。另有蕎麥麵和小食。兩個釜飯都配茶碗蒸、前茶、漬物和麵豉湯。用精緻的盤子盛載，看起來優雅。漬蘿蔔很爽，酸度適中，有開胃之效。茶碗蒸相當出色。蛋水漾，滑溜，入口即溶，化成充滿蛋香的液體。上面的茨汁味道剛好，不會太濃而蓋過蛋香。蔥花之下有少少松露，不過火的菌香，有助提升味道，又不會影響蛋的清新。配料豐富，有一絲絲清甜的蟹肉、圓潤爆出鹹鮮的三文魚子、爽口的蝦肉等。芝麻醬豆腐清涼清新，豆腐又滑又香。有柴魚碎，平衡芝麻醬的濃。釜飯・盛多了煮物和冷物。刺身厚切，蝦亦不細，但吃起來欠壽司店那種清爽的新鮮。汁煮蘿蔔又腍又甜，配半粒微爽的圓茄子、爽口的蝦肉和粟米芯。牡蠣釜meshi打開蓋子，冒出暖呼呼的白煙，色彩繽紛。深色的麵豉湯，味很濃，但不太鹹，內有海帶。除了蠔，還有各種蔬菜，做出漂亮的賣相。加了柚子，跟飯拌勻，啖啖飯滲入其甜與甘，十分特別。五隻蠔又甜又多汁，味很鮮。奈