三郎。燒肉

营业中

休息中

三郎。燒肉尖沙咀中間道15號H Zentre地下3號舖餐廳的和牛取材於日本，以「廚師發辦」嘅形式食用，把燒肉升級至奢華嘅體驗，配合餐廳簡約但高級嘅裝潢，致力提供比客人最極致嘅用餐體驗😍味道評分:☄️(必食之選)>☀️>🌤>⛅️>💨☄️日本鹿兒島和牛12款套餐 2人份 $1680今次試左熱門推介的二人套餐，套餐包左12款極品鹿兒島和牛，由廚師發辦一次過試晒12個部位，今次我就食到肉眼上蓋、和牛里脊肉、和牛牛肋肉、牛肋條等等~和牛的賣相好吸引，油花好多好靚，食落幾乎入口即溶，餐廳推薦配搭海鹽食用，主張優質嘅和牛用最簡單樸素的食用方法就可以~ 餐廳亦貼心準備左燒肉醬、黑椒配搭食用，另外油脂感較重嘅部分，我自己會用生菜包住一齊食，降低罪惡感🙈套餐仲包括開胃前菜刺身沙律、食完燒肉食嘅解膩海帶清湯、甜品就有清新的柚子雪糕🍦✅餐廳都有提供單點食物🥩

呢間餐廳以日本侘寂為設計，供應4大名貴和牛，包括伊賀牛、姬路牛、宮崎牛同鹿兒島牛，展現日式燒肉Omakase🎌💗烤和牛肩他他 凱撒沙津 ($138)和牛肩輕輕火炙，肉質粉嫩且牛味濃郁。新鮮爽脆嘅羅馬生菜滿佈凱撒沙律醬同芝士粉，仲有紫椰菜、車厘茄、洋蔥絲、麵包粒、煙肉碎🥗💗季節刺身盛合($558/ 五款)是日為赤蝦、墨魚、牛鰍、深海池魚、吞拿魚，每款都非常新鮮🍣💗特選和牛盛合 ($558/ 五款)有齊肩胛肉、西冷、肉眼、內腹肉、羽下，肉品呈霜降雪花紋理，和牛軟嫩細膩，油脂香四溢，入口即化🥩💗燒帆立貝 ($178/ 2隻)帆立貝肉厚鮮甜，滿滿肉汁，加入牛油燒香🐚💗阿波尾雞頸 ($98)雞頸肉嫩滑爽脆，多汁鮮美🐔💗阿波尾雞中翼 ($78)雞翼燒得皮脆肉嫩，肉汁豐富🐥💗冬菇 ($38)冬菇爽滑鮮香🍄💗粟米 ($38)粟米芯爽脆清甜🌽💗香辣雞翼 ($68)單骨雞翼炸到酥脆，少少辣幾惹味，再蘸上他他醬🌶️💗和牛煲仔飯 ($298)煲仔飯入口超濃日式醬油調味，底下仲有少少飯焦，整體較濕潤有油香，但略嫌偏鹹🍚飯面鋪滿非常嫩滑嘅和牛粒，再加埋生蛋黃，拌匀一齊食非常滿足🐂💗季節雪糕 ($88)開心果雪糕香濃

慶生/週年又一個地方可以去了環境闊落優雅奢華大概是這家餐廳給我的第一印象食物種類繁多 而且質素相當之高• ───── ✾ ───── •烤和牛肩他他 凱撒沙津 $138和牛肩他他顛覆我對呢款肉嘅想像肉質相當嫩滑配搭住唔會過多嘅沙律醬 季節刺身盛合 🍣$598Ⅰ 拖 羅 Ⅰ 鱆 紅 Ⅰ 赤 蝦 Ⅰ 黑 鯛 Ⅰ 深 海 池 魚Ⅰ每一款都鮮味無比燒牛肉部分🥩特選和牛盛合（五款）$558 廚師會根據當天最新鮮的食材 挑選五個部位而且店員介紹按牛肉建議由淺入深的油脂決定食的先後Ⅰ 和牛西冷 Ⅰ 目測肉偏瘦雪花較為均勻，不過一食入口牛味已滲透整個口腔🫣Ⅰ 內 腹 肉 Ⅰ 餐廳會按當天最新鮮的食材而決定食的部位 。而內腹肉佔了兩份 ，一食入口果然入口即溶 😳Ⅰ 和 牛 肉 眼 Ⅰ 牛味相比下沒前兩款咁出，但肉質相對豐富。Ⅰ 和 牛 牛 肋 條 Ⅰ比較少吃燒的牛肋條，相對前三款，呢個嚼勁同口感會更明顯，看相片都會睇得油脂會更豐富 ，燒的時間相對較長，控制火候要較講究。燒雞部分🐓阿波尾雞頸 $98雞頸質地爽滑，真心第一次試 ，爽脆嫩滑雞味香♨️鹿兒島縣產雞心 $78雞心質地比較爽口～ 燒海鮮

早幾天放假去了尖沙咀行街睇戲，夜晚就去咗食燒肉。這間燒肉店以木系裝潢設計，環境乾淨企理，座位與座位之間都有足夠距離，坐得都幾舒服。食燒肉最怕油煙味太大，但呢度抽風做得好好，頭髮和衣服都唔會臭，女朋友表示可以唔使洗頭😂✨烤和牛肩他他 凱撒沙津 先嚟個沙律前菜，用料非常豐富，有紫洋蔥、車厘茄、煙肉、香脆麵包粒、仲有芝士粉同沙律醬等。凱撒沙津清新爽口，和牛肩嘅肉味香濃美味。✨季節刺身盛合（五款）有五款刺身，分別係牡丹蝦、立魚、池魚、爐魚、吞拿魚赤身，刺身食落新鮮，由白肉開始食起，最後食紅肉嘅吞拿魚赤身，吞拿魚厚切啖啖肉，魚味勁濃郁好美味呀😋✨香辣雞翼 單骨雞翼炸得都幾香口幾脆，雞肉嫩滑辣辣地幾惹味，再沾少少蛋黃醬更美味。✨特選和牛盛合 ▪️入腹肉 - 肉味濃郁、油脂豐富。▪️和牛牛肋條 - 富油脂口感嫩滑，牛味比入腹肉更香濃。▪️辣椒肉 - 第一次食辣椒肉，屬於稀有部位之一，因形狀似辣椒因而命名，肉質比較實，肉汁多牛味濃郁。▪️和牛西冷 - 油花比例均勻，入口即溶，牛味又香又濃郁。▪️和牛三筋 - 這個部位比較稀有，和牛油花好靚，入口即溶，食落滿口都充滿油脂嘅香味，肉味又濃厚，五款和牛最正呢個。✨阿波

朋友知道我係一級燒肉迷，今日就帶左我黎位於尖沙咀既三郎燒肉，品嚐一級既和牛燒肉。三郎燒肉係人氣餐廳「燒肉一郎」既姊妹店，店內供應四大名貴和牛，包括伊賀牛、姬路牛、宮崎牛及鹿兒島牛。而餐廳非常闊落，而且裝潢行日系灰白及木系風格，入到去亦唔會感覺到任何油煙味。除左一般既座位，餐廳仲有吧檯位置，客人預訂吧枱位，就可以有專業師傅代為燒肉，非常貼心！✨烤和牛肩他他凱撒沙律和牛肩輕輕烤過，呈鮮嫩既粉紅色，食起黎軟嫩適中，牛味濃郁。而羅馬生菜鮮爽脆，仲有甜甜地既車厘茄、洋蔥絲、香脆麵包粒同咸香既煙肉碎，配上微酸既凱撒沙律醬和芝士粉，每啖都滋味無窮。✨季節刺身盛合（五款）有五款時令刺身，全部都厚薄適中，非常新鮮。當中我最中意既係鯛魚同牡丹蝦。鯛魚外皮微微燒焦，肉質細緻柔軟。牡丹蝦超級肥美，味道甘甜濃郁。✨特選和牛盛合（五款）有封門柳、牛柳、和牛西冷、和牛牛肋、三角腹肉，每一嚿嘅雪花都分布平均，超靚！我最鍾意食嘅係和牛牛肋肉，油香滋味、肉質嫩滑，而且牛味濃郁，簡單用鹽調味已經超級好食！✨阿波尾雞頸、鹿兒島縣產雞心、帶子、野菜跟住就有雞肉、海鮮野菜拼盤。阿波尾雞頸既肉質有爽脆嫩滑既口感，肉味香濃。雞心肉質

這間位於尖沙咀的日本餐廳佔地約三千呎，裝修以日本侘寂為主題，簡約俐落，感覺寧靜舒適 ，主打日式燒肉Omakase，是人氣餐廳「燒肉一郎」的姊妹店，供應四大名貴和牛，包括伊賀牛、姬路牛、宮崎牛及鹿兒島牛，預訂吧枱會有專人代為燒肉。烤和牛肩他他凱撒沙律 一片片和牛肩有許多筋絡及油花軟嫩適中，新鮮爽脆的羅馬生菜滿佈微酸奶香的凱撒沙律醬和芝士粉，還有紫椰菜、車厘茄、洋蔥絲、香脆麵包粒、煙肉碎等。季節刺身盛合(五款) 雪白肉厚的帶子鮮甜彈牙；蝦肉肥碩的牡丹蝦甘甜濃郁，鮮爽無比；爽脆的螢光魷魚鮮甜且有海水味；纖維幼細的深海池魚香甜爽口；真鯛細緻柔軟。特選和牛盛合(五款) 取自日本產和牛的五款部位，每片新鮮得充滿光澤，霜降的雪花肥而不膩。內側後腿肉的瘦肉比例較高，筋少肉質又細膩，牛肉味好純正，油脂也不油膩；下腹肉風味濃厚、油花豐富細緻；肉眼芯比肉眼更嫩更富含油花，嫩滑鮮甜，肉汁滿溢；三角腹肉有著油脂的甘甜和瘦肉鮮味；豐富的油脂特上牛肋肉有一層白色的筋膜帶韌脆。阿波尾雞頸阿波尾雞是日本德島縣第一地雞，雪白的雞肉肉味香濃，帶有少少軟骨，入口爽脆嫩滑。鹿兒島縣產雞心結實密緻的雞心富有彈性，入口酥脆鮮香有嚼