火水爐冰室火鍋

营业中

休息中

夏天最鍾意開著冷氣打邊爐😍今晚同學介紹黎呢間係旺角既「火水爐」，因為一至四晚市有85折，所以約左平日食☺️☺️擇左「安格斯牛小排花膠火鍋 $328 」85折之後$279/人，另加醬油費$14/位 。.餐廳係樓上1樓，要行少少樓梯先到，裝修真係有好多火水爐作裝飾🤣一坐低就order湯底，擇左「濃厚花膠雞湯鍋」，花膠雞湯真心👍🏻勁足料又大舊花膠，雞件有成超過半隻雞，煮得耐都唔會太鞋口，夠滑嫩。.另外有落單紙自己點野食，任食安格斯牛小排同牛頸脊... 個人覺得安格斯牛小排高質且再黎多幾碟都係靚油花，入口即溶。每次叫幾多黎幾多，可能平日唔多人，所以都無咩漏單情況。除左牛之外，仲有好多種類港式打邊爐料，較為吸引同多叫既係鮮蝦雲吞/水餃🥟，皮薄大蝦，加埋花膠湯底好夾。.任點任食既每次份量都唔會黎太多，岩食先再點，火鍋配料最常點既鵝腸、水魷、牛柏葉、響鈴、魚皮、丸類都應有盡有。.飲品類方面有罐裝汽水、竹蔗水、菊花茶、冬瓜茶...如果要無糖茶類等等就另外加錢。.任食邊爐CP值幾高👍🏻星期一至四黎講真心抵食🤭🤭😍種類多牛肉好正😋

今日去了食一個安格斯牛小排花膠鍋任食90分鐘火鍋，任飲任食固然大滿足，但是質素之高，實在令人驚喜，特別是牛的種類，食材的質素，都令人覺得值回票價。首先先叫湯底，其實有幾款可以揀，喜歡香口既可以揀雞煲，今日我就揀了濃厚花膠雞湯鍋，花膠補一補，仲可以先嘆個湯，先再火鍋。花膠厚厚一帶片 雞件十分滑，重雞味，湯都好入味 因為朋友係愛牛之人，所以事不宜遲，我地點了各款牛，樣樣都令人十分滿意，安格斯牛小排特選牛頸脊穀飼牛板鍵美國肥牛黑毛豬肉片牛肉味濃，而且好滑，每一款既口感，味道都唔同，我地都好驚喜任食放題有如此靚牛提供。而且叫了兩轉，上菜速度一樣快。 講明係任食火鍋，當然，除了牛之外，都有好多唔同既選擇，例如是響鈴、豆腐、雞件、牛柏葉、魷魚、雲吞、水餃、仲有爆汁墨丸、烏冬，各類蔬菜等等。應有盡有，大家都食到自己鐘意既。而且落單後，上菜都好快，可以把握時間慢慢食。正!!!! 飲品方面，各式汽水外，仲有清涼茶，菊花茶，冬瓜茶等等全部都係任叫任飲。 環境方面，其實都坐得相當闊落架，加上環境其實好有格調，火水爐E個名已經好有feel。而且有足球直播，真係岩曬朋友一邊睇波，一邊火鍋。

同老友約喺旺角 鍾意打卡又鍾意打邊爐聽講呢間「火水爐」 任食來講質素唔錯book位指定日子食仲有85折一於就試吓舊香港裝修 戲院大押真火水爐啱哂打卡連啲檯同碗碟都係懷舊風味 相當有心思 叫咗最貴嘅套餐 可以任食安格斯牛小排呢個餐湯底任揀 揀咗花膠雞湯飲落好正醬料都係港式 有莞茜蔥金銀蒜辣椒沙茶食物選擇唔算少 平均質素同服務都抵讚- 🐾安格斯牛小排任食放題🐾 $279-⧫餐前小食⧫剛坐低劃紙仔就奉上小食 熱辣辣嘅炸物炸魚蛋燒賣好港式風味 怕飽肚小嚐一下- ⧫湯底 - 濃厚花膠雞湯窩⧫港底火鍋嚟講 呢個湯底算係我至愛之一淥嘢食之前飲番啖靚湯 係一種養生享受湯底呈奶白色 面頭浮住少少黃色嘅雞油雞件好多目測起碼有半隻 煲淋咗出哂味所以湯底飲落頗濃郁 仲有又大又厚花膠湯入面有白蘿蔔 令熬出嚟嘅湯變得清甜欣賞佢並唔會過濃過杰 否則夏天食好膩-⧫牛 - 安格斯牛小排 / 牛頸脊 / 牛板腱⧫呢個餐有四款牛揀 唔同口味嘅人都啱食牛小排油花最豐富均勻 軟嫩到幾乎化開牛頸脊肥瘦均勻有牛味 朋友最鍾意呢隻 牛板腱瘦啲食落唔錯 幾款牛質素都幾好-⧫火鍋料 - 港式 / 餃 / 丸 / 菜類⧫其他配料都唔少 例

之前都提過，火鍋對於香港人是有著一定的情意結，無論是傳統的鴛鴦鍋還是現在大熱的麻辣鍋、美人鍋，相信大家都不會陌生吧？！早前行經旺角煙廠街，發現了一間新開火鍋店，以舊日本地色彩、生活文化為主題，小店位於一樓，地面入口大大個霓虹光管招牌，入口複製了昔日戲院售票處的模樣，掛着「即日上映」的膠牌，沿樓梯直上，就好像進入了時光隧道一般，周遭都是不同的舊物，火水爐、收音機，手繪電影廣告、夜總會招牌和舊式木紋圓摺枱，地下還鋪上懷舊紙皮石，一景一物均充滿著七八十年代的昔日情懷，全都是一些老香港特色，對於新一輩來說可能完全沒見過，只是一些有趣得來老土的擺設，但對於筆者這個跨年代的「老人家」而言，卻是一些珍貴的回憶，童年時的感覺全都回來了。現在開始明白，父母以前常說的「舊時嗰陣」是怎樣的一回事，原來人大了經歷多了，緬懷過去就好像是一種生活的調味，甜酸苦辣在心中，捨不得、放不開……港式情懷、集體回憶就是這樣成為了大家心中重要珍惜的一環。用心別緻的裝修當然吸睛，食物種類和收費也很重要吧？！這個大家就不用擔心，皆因這店的價錢也算是街坊價，有齊港式前菜小食、海鮮拼盤、特色鍋底和不同的配料，加上任飲汽水，每位也只是

今晚約了三五知己在下班後聚聚舊 ，其中提議到旺角一家以懷舊作為主題的打邊爐，果然，這裏的裝潢相當有特色，充滿老香港情懷，十分特別。前菜會有魚蛋和燒賣，因為當時已經9點了，這碟前菜確來的合時。由於我們是提早訂了安格斯海鮮火鍋套餐，所以會送一個花膠麻辣雞煲，好抵！雞煲的辣度是可以選擇的，為顧及所有人的胃口，我們選了BB辣。店員體貼的為我們計時加熱，抵讚！五分鐘後，熱烘烘的雞煲就出爐了，雖然size不大，但勝在足料，花膠和雞都很入味，好味！到真正的打邊爐環節了，鍋底我們選了較清的香莤皮蛋湯，大部分火鍋配料都是任叫的，不過較貴的頂級肥牛就需額外收費。珍寶肥牛果然夠大塊亦特別厚身，口感不錯。安格斯牛小排的比例上會比珍寶牛更好一些，味道更細緻一點，所以試過珍寶肥牛後，基本上追加的都是安格斯牛。海鮮方面，用料都很新鮮，而我最喜歡的就是蜆肉和脆肉鯇。蜆肉很鮮甜，脆肉鯇十分爽口。最後還有甜品呢。無論肥牛還是其他配料都來得相當整齊乾淨，值得一讚！ 服務態度亦良好，有機會會再來的。

充滿‘麻甩’味既一間餐廳，日頭係冰室，夜晚係大排檔式火鍋。裝修別具風味，套用舊式茶檔既桌椅碗碟，播放五六十年代既英文流行曲，好似坐左時光機返返以前咁。$258/位，包任食安格斯牛同黑豚豬肉，送麻辣鮑魚雞煲、餐前小食、汽水任飲、一般火鍋配料等。送既餐前小食係炸魚蛋燒賣，薄裹生粉再炸，香脆又不至於成口粉。麻辣鮑魚雞煲係預先煮好再加熱，雞件入哂味又唔鞋；鮑魚有桔仔咁大，煙韌彈牙，可以再入味啲揀左小辣，有辣味但嫌唔夠過癮，麻味唔算重，建議可以揀中辣以上。湯底揀左招牌沙嗲和冬瓜蓮子百合，前者濃郁惹味，後者清甜下火，食到後期冬瓜蓉完全融化入湯中，令湯底更加鮮甜，想打邊爐又唔好濃味人士必選推薦肉質稔軟有牛味，幾乎不帶肥膏，一人encore左四碟黑豚豬肉（右上）肥瘦均勻，入口油香重，同樣嫩滑爽口。大隻，鮮美帶海水味，不帶沙、不腥。手包雲吞皮薄，內餡係蝦蓉混入蝦籽，鮮甜有咬口，皂水味唔重。墨汁墨魚丸好香墨魚味，好彈牙～最後仲送左甜品 紅豆菠蘿涼粉糖水意想不到既配搭，菠蘿微酸中和左紅豆既甜膩，酸甜冰涼，清熱消滯。留意返飲品只包汽水，餐廳本身亦無茶水提供，要飲就要額外俾錢買～