養心殿台式養生鍋 (已結業)

父親節當然要和家人出去食飯慶祝，啊爸開到口話上次食養心殿幾好食！所以今個父親節就預早Book定位同屋企人開心慶祝。屋企人最鍾意的湯底就係寧神養心鍋 ，湯底的藥材材料主要是川芎、白芷、天麻，湯底程奶白色，加上有烏鷄和魚頭熬製，湯底味道濃郁之餘營養亦很豐富！湯頭沒有任何腥味而且很鮮甜。沙巴龍躉斑：餐廳已經幫我們切好並已經起片方便客人食用！龍躉魚片在燈光的照射下閃閃發光十分新鮮，魚肉鮮嫩爽口沾上薑蔥食用，鮮味十足。老油條：油條炸得很香脆亦很挂湯，充滿湯汁又香口的油條很惹味！！是火窩的必點之一。自家製韮菜餃及自家製極品水餃 ：我最鍾意食水餃，餐廳的水餃都係自家製有品質保證！水餃粒粒都皮薄餡靚，尤其是極品水餃裏面有原隻的鮮蝦！令整體的口感很鮮味彈牙。極上雪花肥牛：打遍爐點少得肥牛呢！肥牛雪花紋路清晰，油脂豐富入口更是嫩滑鬆軟。最後餐廳更送上甜品檸檬冰沙，這次家人們都很滿意！！

又食養心殿喇🤣真係食極都唔覺得厭既餐廳。美女BB第一次黎，平時細食嘅佢，都激發佢嘅戰鬥力，密密食😋自助醬油區，不過基本上都唔需要點醬。我地再次叫左寧神養心鍋，因為實在不能忘記由川芎，白芷，天麻，當歸，鮮雞，豬肉加20斤鮮魚精餚而成，鮮甜非常嘅味道。用黎打邊爐仲可以突顯到食物既原汁原味。雜錦蔬菜盤， 色彩豐富，有生菜，冬菇，粟米，仲有秋葵。材料新鮮， 秋葵好爽唔會潺。蝦滑起曬膠，夠晒爽口彈牙。老油條，台灣炸豆皮同午餐肉，幾脆 。手工丸類拼盤，已經有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸，六款口味每種兩粒，可以一次過試晒所有特色丸類，丸類頗高質，有特色之餘咬落質感彈牙，個人推介芝士牛肉丸和黑松露蝦丸。餃子拼盤，入面有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，其中台灣水蓮餃嘅水蓮爽脆，味道清新。而鮮蝦雲吞有大大隻鮮蝦，爽口彈牙，值得推介。極上雪花肥牛，牛肉雪花都幾靚，食落一啲都唔老，好有牛味。雖然烏龍麵本身冇咩太特別，但係我地最期待嘅食物，因為配埋個湯底，d麵吸晒個湯底既味，味道勁好。FB page like左就送一杯飲品，正呀👍自製杞子菊

火鍋真係百食不厭，每當諗唔到想食咩，就會諗起佢呢度嘅特色係供應養生湯底， 配料加入多種藥材，補而不燥!  依加仲設有雙拼湯底，以較高價錢湯底收費，同一時間可以試到2款湯底，照顧到同枱食辣或唔食辣嘅朋友!黎得台式火鍋店，食返個麻辣湯底好正常吧! 麻辣鍋以多種香料及藥材，辣度任你選，滾起時D麻香味湧出黎，特別加入鴨血及凍豆腐，  點選雙併湯底仲加送多一份鴨血比你，份量都唔少架!  呢度嘅鴨血口感真係超嫩滑，就似食緊啫喱咁，仲唔會一夾就散開，真係食咁多次都無令人失望，配麻辣湯底真係鬼夾!  唔食辣嘅友人可以食呢邊，鮮白色湯底嘅寧神養心鍋 ($168)， 以川芎、 白芷 、天麻、 當歸、 鮮鷄、 豬肉及鮮魚淆成，滾起時已聞到好香藥材味! 未食先飲頭啖湯，飲落好香藥材味，但又唔會過濃，入口舒服又好味呢!"湯渣"有竹絲鷄及魚頭, 今次呢個魚頭真係好大個，侍應話要煲耐少少，食時肉質烚完都仲係咁滑; 另外由於個魚頭煎香左，一D都唔腥, 魚雲又夠多， 煲到D骨都腍晒， 證明真係長時間淆成!  以魚及鷄肉煲成嘅湯底，唔鮮甜都騙你啦!"LIKE佢Facebook及打卡仲有無酒精類飲品一杯請你飲" 呢個優惠仲

好多朋友試過呢間都讚, 方便之處好多地方都有分店終於的起心肝同男友黎佐敦呢間試下係咩料先而家香港開咗唔少呢D養生火鍋店, 以補藥做湯底, 不過之前去過一間, 太勁味精, 食咗幾啖成個人都好唔舒服, 希望呢間唔係咁啦!呢度嘅裝潢一D都唔求其, 用咗好多"穿窿"屏風隔住, 感覺唔會同隔離檯太親密而坐嘅空間都夠寬敞, 只是椅子是無靠背 環境衛生各樣都很好醬油是自助形式的我覺得香醋麻油是必試的, 好香!酸酸的有開胃同消滯作用點餐Menu有一張, 為免中伏, 緊係叫鴛鴦湯底啦其實....我同男友各有各口味啫, 不過一場黎到, 緊係要試多個湯底啦有好幾個補藥湯底都好想試, 有選擇困難症嘅我, 決定交比OPENRICE嘅網友一邊選擇了"寧神養心鍋", 一邊"酸菜白肉鍋"每個湯底都包含材料架, 所以百幾蚊, 唔係貴囉寧神養心鍋入面有好大個魚頭, 一打開個蓋, 就聞到好多藥材嘅味道平日飲慣媽媽煲嘅當歸湯, 所以我唔抗拒, 不過男友就麻麻鍋入面仲有川芎, 白芷, 天麻, 當歸等藥材仲有豬肉同烏雞煲足4小時其實單食呢D肉, 我諗都飽飽地未開始落其他餸料前, 緊係先飲啖湯啦呢度D湯真係真材實料, 食到尾都唔覺

是晚提早慶祝母親節，忽發其想想打邊爐，完成手上工作，就和母親到佐敦的養心殿。先揀湯底，女士注重健康，都是比較偏向補身的湯底。配料選擇都不少，但是最想食的牛胸爽和水蓮餃今天都沒有貨。*醬油茶芥 ($20/位)可自行到醬油吧調配自己喜爰的醬油香醋麻油和蒜泥汁比較少見，所以都倒了一小碗試一試。*寧神養心鍋 ($168)除了有數種中藥材，還有烏雞、魚頭，令湯底很清甜；店員推介先飲湯底才開始打邊爐。*霜降肉眼肥牛 ($178)不！得！了！肉眼已經是肥一點的位置，還要霜降的；肉質軟得來，牛肉味很香。*鵝肝墨魚丸(半份) ($48)墨魚丸彈牙，中間包了一粒鵝肝，不過不會太肥膩。*自家製鮮蝦雲吞(半份) ($42)雲吞皮很薄，蝦肉很多，很彈牙。*稻庭烏龍麵 ($48)烏龍麵很煙UN彈牙，不用煮太耐。

之前看過這間火鍋的介紹，覺得湯底很補身，適逢這幾天天氣很冷，最適宜補一補，於是約友人飯聚，順道補身 ^_^幸好，一早預約，否則要等位了。一入內，感覺這裡很古色古香，地方很大，用木屏風分隔，感覺有D私隱。而且還很貼心地每枱都有個架，盛載食物！但我們坐得較入，很難叫到店員來的。如果桌上有按鈕叫店員來就好了，不用我們每次走出外才找到店員幫忙！餐牌只有兩頁......首先選湯底，湯底有六款：有麻辣鍋、酸菜白肉鍋、寧神養心鍋、秘制薑母鴨鍋、美人鍋及養生鍋。如太難選擇一款湯底，可以選擇鴛鴦鍋的 但友人亳不猶豫地選了「寧神養心鍋」，佢話睇下這個鍋是否可以去頭風，就知是否真材實料喇！寧神養心鍋，湯料有川芎、白芷、天麻、當歸、鮮雞、豬肉、鮮魚，材料很豐富，很重藥材味。未開始打邊爐，我們先飲湯。友人飲了兩碗湯立即吐氣，佢話這代表可去頭風 最初驚飲很多湯，冇得加湯，就難打邊爐喇！意想不到會加番同一款湯的，湯底都值回票價啦！更沒想到湯內的材料很多很多，食湯內的雞和魚都飽了，所以我們點的食物不多。我們再點了「招牌鹵味拼盤」、「細手切牛肉」、「蟹籽墨魚滑」及「野生竹笙」。招牌鹵味拼盤，值得推介！每款肉都很軟淋，很

天氣轉冷最岩就係打邊爐，之前朋友生日試過旺角的分店，力推養心殿的湯底，今次再約飯聚就提議試佐敦新店。由佐敦站出行3分鐘就到都好易搵，門口黑白色燈牌好易認。店內面積好大，以木雕作屏風分隔增添一份古式風情，座位非常闊落。點餐紙有各樣火鍋配料，最期待當然係火鍋湯底，因為上次試過養生鍋，今次我地決定試鴛鴦鍋: 寧神養心鍋+ 秘制薑母鴨鍋，選兩款湯底以較高價錢湯底收費，都算實惠。另外，可樂同打邊爐係朋友，我地當然唔可以放過。自助配料巴有6款醬料可選鹽酥雞點菜後我地先來客小吃，鹽酥雞切得好細粒，每粒都沾滿了調味粉，既鬆脆又入味，而且粉醬唔厚，我地好快就清晒。薑母鴨鍋 / 寧神養心鍋寧神養心鍋這個鍋的湯料有: 川芎、白芷、天麻、當歸、鮮雞、豬肉、鮮魚，入口有陣陣的葯材味，飲後會舌頭會感到輕微的麻，天麻的味道好突出，杞子好甜，烏雞和魚頭都好足料。薑母鴨鍋飲過寧神養心鍋再喝這個可為味蕾帶來強盜對比，先講解湯料: 老薑、馬蹄、冬荀、當歸、紅面番鴨。呷一口已經令我愛上，好清甜的湯，入口非常舒服，馬蹄的清甜令湯變得潤喉，而台灣的特產紅面番鴨配上腐乳吃好有口感，鴨肉有嚼勁，鴨味濃。手工丸類拼盤有鵝肝墨魚丸、黑松

近期涼風陣陣，又到咗打邊爐嘅季節，但係每次食完麻辣火鍋都成身臭味，所以今晚就決定去試吓精品養身火鍋。呢間喺吳松街嘅養心殿坐位同通道都夠闊，坐得好舒適，裝修都有特式，感覺唔錯坐低第一時間梗係叫湯底啦，每個湯底都好特別，我哋就選擇咗寧神養心鍋1食品方面，一定唔少得 手切牛肉 同 小羔羊肉片；另外仲點咗 鵝肝墨魚丸、麻辣牛肉餃、野生竹笙、滑豆腐 同埋 新竹米粉。雖然仲有好多野想試，但係得兩個人，試唔到太多野。萬眾期待嘅湯鍋出現啦！一開蓋…嘩！好足料呀！入面有半隻竹絲雞、大魚頭一個、仲有好多藥材、桂圓肉等等嘅配料。既然佢主打養身湯底，當然要飲碗湯先淥野食啦；湯頭好甜，有藥材嘅甘味但係又唔會太重，最終我飲咗兩碗先開始食野。可能因為太肚餓，我第一樣食嘅就係竹絲雞同埋大魚頭，雞肉好嫩滑，魚頭有好大舊魚雲，食落好滑，點少少豉油已經好好食；而且佢個火鍋豉油俾坊間嘅香濃，提鮮一流。手切牛肉肉質軟滑，牛味濃，好食到停唔到口。小羔羊肉片帶少少羊肉獨特嘅羶香，肉質鮮嫩鵝肝墨魚丸雖然鵝肝味道唔太出，但係都幾彈牙麻辣牛肉餃好特別，餃子皮唔會過厚，餡料彈牙，有花椒嘅麻香味，但係唔辣，唔會影響湯底嘅味道竹笙同滑豆腐都好